|
الخادمه السيلانيه المسيحيه
السلام عليكم،،
انا بحاجة خادمه اللحين وزوجي اتفق مع واحد بيتنازل عن شغالته بس المشكله انها مسيحيه هي سيرلانكيه وانا كلمت المكاتب يبي لها ثلاث اربع شهور ان صدقوا بعد وذي يمدحونها بس ماتبي تشتغل لان اطفالهم تسعه ماشاءالله والبيئه اللي فيها كفيلها جبليه وماتبيهم وش رايكم انا محتاره لاني ابي مسلمه لاني موظفه وبخلي بنتي عندها عمرها ثلاث سنوات وخايفه عليها ،،، زوجي يقول بندعيها للاسلام وخالتي اغلب شغالاتها مسيحيات وتمدحهن نصيحتكم. |
رد : الخادمه السيلانيه المسيحيه
وعليكم السلام ورحمة الله وبركاته ..
مرحباً أختي الكريمة جمانة ، ليس كل العاملات المسيحيات سيئات بالعكس فيه عند عملهن من هنّ مخلصات جداً .. الأمر المقلق هو طفلتكِ حاولي تضعين كميرات صغيرة في غرفتها بحيث تراقبي تصرفات العاملة لفترة .. ودعوتها للأسلام جميل كذلك .. المهم أن تكوني أنتِ معها وتعطيها حقها وبخلق طيب وبهذا تستطيعي أن تميليها للإسلام .. ولا تنسي الإستخارة طبعاً .. الله يحميكم ويصرف عنكم كل مكروه .. |
رد : الخادمه السيلانيه المسيحيه
حبيبتي جمانة
انا جربت خدم اشكال والوان ومن مختلف جنسيات جبت اندونيسية وطلعت والله أعلم ساحرة شاب سعودي لأنه متعلق فيها بجنون ومن بعدها حرمت أجيب أندونيسية ومع اسفي اني اقول هالكلام ولكن صار الدين مو مقياس عندي مع الاسف أي إسلام الله يخليك وانا أغلبية اللي شفتهن في بيت اهلي حقات رجال! بعد طول عناء جبت فلبينية مسيحية تحب ولدي ويحبها تهتم فيه بغيابي في الجامعة تنظف ماتقصر وعاجبتني عطيتها كتب إسلامية واعاملها زين وتستلم رواتبها اول باول ملابسنا اللي مانبيها ينغسلون تاخذهم حبيبتي اهم شي في الخادمة اخلاقها وجديتها خادمتي جادة في عملها وهااشي مخلي عندها هدف في العمل تبي فلوس و ماديات لها ولعيالها مو وحدة جاية للسحورة وسرقة زوج المدام ونصيحة اخدمي زوجك بنفسك |
رد : الخادمه السيلانيه المسيحيه
اخدمي زوجك بنفسك .. طبخك بنفسك .. عيالك عليك وممكن تساعدك هي من باب تعتاد عليهم ويحبون بعض
وغسل زوجك وملابس الخاصة عليك والباقي خليه عليها انا اطبخ وهي تنظف .. تساعدني بتقطيع وتلبس قفازات الطبخ حسسيها انك ربة بيت مشرفة مو ينرمي عليها كل شيء فتحس بكسل الزوجة فتيسيطر الخادمة عليها |
رد : الخادمه السيلانيه المسيحيه
حقها تاخذه وعملها تؤديه وبس
فشة خلق فيها ماينفع دوري مكان ثاني :d فشي خلقك فيه تحاسب فقط على خطأها ومايستحق فعلا اما التدقير والنق الزايد مايمشي انا اعطيك خلاصة تجارب لي ومن حولي يفضل يكون عمرها 35 بهالحدود وماتكون جميلة وتليس ساتر |
رد : الخادمه السيلانيه المسيحيه
حبيبتي لا تخلين بنتك عندها
انا اطلع من بيتي انزل الخدامة بيت امي او بيت اخوي وعلى الجامعة شوفي لك اي حل جارة اخت اخت زوج وووو الخ أقرب شي لك نزلي بنتك والخدامة وتوكلي على الله تكون خلال هالفترة الخادمة تقريبا ماخذة بريك راحة وترجعين تمسك هي البيت وانت امسكي بنتك انتبهي لا تامنين انا على كل مزايا خادمتي ولكني ماتهاون بهالشغلة |
رد : الخادمه السيلانيه المسيحيه
يعطيكم العافيه سقيا وفاكهة الشتاء
فاكهه انا اصلاً مااحب الشغالات ومايطولن عندي لكن اللحين مضطره لها واصلاً حتى وهم عندي مااخليهم يطبخون ولايغسلون لاملابس زوجي ولا ملابس عيالي وبنتي والله خايفه عليها بس ماعندي احد قريب من اهلي واخاف عليها في البرد؟ والحضانه تصيح ماتبيها الله يعين عليهن يعني اتوكل على الله واجيبها؟ |
رد : الخادمه السيلانيه المسيحيه
مالك جارات ؟
|
رد : الخادمه السيلانيه المسيحيه
انا ساكنه بيت جديد ومااعرف احد من جاراتي
|
رد : الخادمه السيلانيه المسيحيه
عندي بعملي حاظنه بغرفه تمسك اطفال الموظفات بس رفضت تجلس وبس تبكي وطول اليوم وهي معي انحرجت مره
|
رد : الخادمه السيلانيه المسيحيه
غاليتي
انك تجيبينها مافي مشكلة جربيها بس تخلينها مع بنتك لحالها مانصحك بامكانك نتعرفي على جارة او أهل زوجك |
رد : الخادمه السيلانيه المسيحيه
السلام عليكم ورحمة الله وبركاته ..
خذيها معاكِ عالعمل أختي الكريمة جمانة ، الله يهديكِ كيف تنحرجي من صغيرتُكِ : ) بالعكس عادي هكذا كلهم الأطفال .. أو أهل زوجكِ أو أهلكِ ، المهم لاتظل في البيت وحدها .. حفظها الله لكِ .. |
رد : الخادمه السيلانيه المسيحيه
يعطيك العافيه فاكهه تعبتك معاي
سقيا وعليكم السلام ورحمة الله وبركاته ياقلبي انا مااقصد انحرج انها بنتي اللي اقصده انها تحرجني مع المديره والموظفات بالازعاج واترك عملي وبس اراقبها هذا اللي اقصده الله يحفظها ويخليها لي |
رد : الخادمه السيلانيه المسيحيه
ومافيه يجيب طفلته الا انا
لان الموظفات اطفالهم مع خادمتهم بالبيت او بالحضانه وهي ترفض تجلس في الحضانه الله يصلحها |
رد : الخادمه السيلانيه المسيحيه
السلام عليكم ورحمة الله وبركاته ..
أختي الكريمة جمانة ، حاولي أن تأخذي شيثء معكِ تحبه لتعلب به ، أعلم بأن يُحرجكِ أمر إزعاجها لكن هذا أمن من وجودها مع عاملة جديدة .. شيء فشيء ستقلل من إزعاجها لأنها الوجوه جديده عليها .. الله يحميها لكِ .. |
رد : الخادمه السيلانيه المسيحيه
حبيبتي جمانة
ممكن تجيبين الشغالة وتخلينها تتعود على بنتك كم يوم وبعدها جيبي البنت والشغالة على الحضانة البنت ممكن ترضى بالجلوس لو معاها احد من اهل البيت وخليك حازمة بنتك واعية الان وممكن السيطرة عليها لو ماعودتيها على الدلال والتحكم بس ما نصحك فديتك تخلينها في البيت لحالها خصوصا انك ماجربتي الشغالة ولا تعرفين طينتها لا تجازفين مافي اغلى من الضنا |
رد : الخادمه السيلانيه المسيحيه
لما دخلت بنتي الحضانة .. كان اسلوب الموظفات جدا صارم ولكن نتيجته ممتازة ..
وهو ان يأخذوا الطفل من والدته في القاعة الرئيسية ولا يسمح لها ابدا الدخول معه .. ولو بكى الطفل لا يتم التجاوب معه ولا اعادته لوالدته بل يؤخذ سريعا للصف ويشتتون انتباهه بطريقتهم .. وايضا يمنع تواجد الخادمة معه أثناء ساعات الحضانة .. هذا من شأنه ان يعزز استقلالية الطفل ومساعدته على تخطي رفض البقاء في الحضانة .. لدي خادمة لكني لا احب أن ابقي ابنتي معها طوال النهار .. ولو اضطررت بضع ساعات في المساء إن كان لدي مشوار ضروري .. سجليها في حضانة أخرى ليتغير عليها الجو وقد تتغير في تصرفاتها .. وإذا اضطررت ابقائها مع الخادمة فالأفضل أن تأخذي إجازة لفترة اسبوعين أو ثلاثة حتى تتعلم الخادمة على ابنتك نهارا وتطمئني عليها .. |
رد : الخادمه السيلانيه المسيحيه
شاكره لكم حبيباتي
انا ماراح اخليها معها الا ان شاءالله بداية العام الدراسي القادم وسأكون معها شهرين حتى تتعود عليها ومع ذلك مازلت خائفه اتمنى ان اعيش حياتي مثل الاخريات واترك الخوف والوسوسه😔 كل اللي حولي يتركون اطفالهم مع الخادمات وانا اخاف منهن حتى في الاجتماعات والمناسبات اصير همي مراقبهن عشام مايسوون بعيالي شي اللهم اني استودعك اطفالي واطفال المسلمين من كل شر. |
رد : الخادمه السيلانيه المسيحيه
أختي غضي النظر عن ديانة الخادمة في مسيحية كويسة و مسلمة سيئة
و في مكاتب يتفقو معها انها تقولك انها مسلمة وهي لا بس عشان ترضي فيها ركزي على أخلاقها و نظافتها و تعاملها مع بنتك عموما إذا انتي ما ترتاحي لوجود الخدم عندك الأفضل انك تاخذي بنتك للحضانة حتى لو بكت هذا الطبيعي و ممكن تستمر اسبوع أو اكثر تبكي إذا هي من النوع اللي متعلق فيك اهم شي لما تدخليها الحضانة لا تمري عليها كل شوي ولا تخليها تشوفك أبد لأنك تصعبي عليها الموضوع و أكيد بتبكي .. و لا ترجعي لها إلا نهاية الدوام انا أحس من كلامك انك خايفة من الحضانة و شايلة همها اكثر من خوف بنتك منها حاولي تضغطي على نفسك و ارسلي معها اغراضها الخاصة و لعبة تحبها و أكلها اللي متعوده عليه و ماراح يصير إلا الخير لها ان شاء الله و بيسهل عليك و عليها دخول المدرسة و بتكون في يد أمينة و قريبة منك |
رد : الخادمه السيلانيه المسيحيه
افضل شي حطي بنتك ف حضانه
والله الشغالات خطر حنا يالامهات نتعب من بزاريننا وشلون هم .. احرصي اشد الحرص لو تبكي مصيرها بتتاقلم عالحضانه واريح لك نفسيا |
رد : الخادمه السيلانيه المسيحيه
اقتباس:
المفروض هم الي يتمنوا يكونو مثلك كيف يطمنوا ويجلسوا مرتاحين وعيالهم برعاية الشغالة؟؟؟؟؟:29: |
رد : الخادمه السيلانيه المسيحيه
اقتباس:
الله يعينهم ويحمي أبنائهم .. |
رد : الخادمه السيلانيه المسيحيه
اللهم امييين
فعلاً بعض الناس ماتحب الخادمات ولاجابوها دلع الظروف تجبرهم وانا منهم الله يعطينا خيرهم ويكفينا شرهم. |
| الساعة الآن 10:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©