السلام عليكم،،
انا بحاجة خادمه اللحين وزوجي اتفق مع واحد بيتنازل عن شغالته بس المشكله انها مسيحيه
هي سيرلانكيه وانا كلمت المكاتب يبي لها ثلاث اربع شهور ان صدقوا بعد
وذي يمدحونها بس ماتبي تشتغل لان اطفالهم تسعه ماشاءالله والبيئه اللي فيها كفيلها جبليه وماتبيهم
وش رايكم انا محتاره لاني ابي مسلمه لاني موظفه وبخلي بنتي عندها عمرها ثلاث سنوات
وخايفه عليها ،،،
زوجي يقول بندعيها للاسلام
وخالتي اغلب شغالاتها مسيحيات وتمدحهن
نصيحتكم.

وعليكم السلام ورحمة الله وبركاته ..
مرحباً أختي الكريمة جمانة ، ليس كل العاملات المسيحيات سيئات بالعكس فيه عند عملهن من هنّ مخلصات جداً ..
الأمر المقلق هو طفلتكِ حاولي تضعين كميرات صغيرة في غرفتها بحيث تراقبي تصرفات العاملة لفترة ..
ودعوتها للأسلام جميل كذلك ..
المهم أن تكوني أنتِ معها وتعطيها حقها وبخلق طيب وبهذا تستطيعي أن تميليها للإسلام ..
ولا تنسي الإستخارة طبعاً ..
الله يحميكم ويصرف عنكم كل مكروه ..

حبيبتي جمانة
انا جربت خدم اشكال والوان ومن مختلف جنسيات
جبت اندونيسية وطلعت والله أعلم ساحرة شاب سعودي لأنه متعلق فيها بجنون
ومن بعدها حرمت أجيب أندونيسية
ومع اسفي اني اقول هالكلام ولكن صار الدين مو مقياس عندي مع الاسف
أي إسلام الله يخليك وانا أغلبية اللي شفتهن في بيت اهلي حقات رجال!
بعد طول عناء جبت فلبينية مسيحية تحب ولدي ويحبها تهتم فيه بغيابي في الجامعة تنظف ماتقصر وعاجبتني
عطيتها كتب إسلامية واعاملها زين وتستلم رواتبها اول باول
ملابسنا اللي مانبيها ينغسلون تاخذهم
حبيبتي اهم شي في الخادمة اخلاقها وجديتها
خادمتي جادة في عملها وهااشي مخلي عندها هدف في العمل
تبي فلوس و ماديات لها ولعيالها
مو وحدة جاية للسحورة وسرقة زوج المدام

ونصيحة
اخدمي زوجك بنفسك

__________________
الحمدلله الذي بنعمته تتم الصالحات

اخدمي زوجك بنفسك .. طبخك بنفسك .. عيالك عليك وممكن تساعدك هي من باب تعتاد عليهم ويحبون بعض
وغسل زوجك وملابس الخاصة عليك
والباقي خليه عليها
انا اطبخ وهي تنظف .. تساعدني بتقطيع وتلبس قفازات الطبخ
حسسيها انك ربة بيت مشرفة
مو ينرمي عليها كل شيء فتحس بكسل الزوجة فتيسيطر الخادمة عليها

__________________
الحمدلله الذي بنعمته تتم الصالحات

حقها تاخذه وعملها تؤديه وبس
فشة خلق فيها ماينفع
دوري مكان ثاني فشي خلقك فيه
تحاسب فقط على خطأها ومايستحق فعلا
اما التدقير والنق الزايد مايمشي
انا اعطيك خلاصة تجارب لي ومن حولي


يفضل يكون عمرها 35 بهالحدود
وماتكون جميلة
وتليس ساتر

__________________
الحمدلله الذي بنعمته تتم الصالحات

حبيبتي لا تخلين بنتك عندها
انا اطلع من بيتي انزل الخدامة بيت امي او بيت اخوي
وعلى الجامعة
شوفي لك اي حل
جارة اخت اخت زوج وووو الخ
أقرب شي لك نزلي بنتك والخدامة وتوكلي على الله
تكون خلال هالفترة الخادمة تقريبا ماخذة بريك راحة
وترجعين تمسك هي البيت وانت امسكي بنتك
انتبهي لا تامنين
انا على كل مزايا خادمتي ولكني ماتهاون بهالشغلة

__________________
الحمدلله الذي بنعمته تتم الصالحات

يعطيكم العافيه سقيا وفاكهة الشتاء
فاكهه انا اصلاً مااحب الشغالات ومايطولن عندي لكن اللحين مضطره لها
واصلاً حتى وهم عندي مااخليهم يطبخون ولايغسلون لاملابس زوجي ولا ملابس عيالي
وبنتي والله خايفه عليها بس ماعندي احد قريب من اهلي واخاف عليها في البرد؟
والحضانه تصيح ماتبيها
الله يعين عليهن
يعني اتوكل على الله واجيبها؟

مالك جارات ؟

__________________
الحمدلله الذي بنعمته تتم الصالحات

انا ساكنه بيت جديد ومااعرف احد من جاراتي

عندي بعملي حاظنه بغرفه تمسك اطفال الموظفات بس رفضت تجلس وبس تبكي وطول اليوم وهي معي انحرجت مره