الى هنا انتهينا
 

السلام عليكم

بادخل بالموضوع على طول


يوم السبت الماضي مرضت بنت زوجي وكلن المفروض ينام عندي وقالي بنتي وايد تعبانة ماراح اقدر اييج

قلت له اوكي والله يشافيها بس ظل بقلبي شي لي متى اصبر عشان بناته وامهم نايمة بالعسل في بيت اهلها ليش اتحمل انا بس ؟؟؟ بس طبعا ما كلمته ولا كلمة ونمت وقلبي محروق

خصوصا ان مرة فتحنا اني صبرت عليه سنة ونص ما ينام عندي بليلتي قالي لانج اضحوكة ومغفلة

من بعدها وقلبي كارهه جدا

المهم لما قعدت الصبح كنت نافرة منه يس كله بيني وبين نفسي،، واتصل فيني الصراحة ما رديت قلت مابي تطلع مني كلمة تضايقه وظل يتصل ويتصل بعد ما هديت شوي رديت عليه الا الاخ شاب نار ومعصب

انتي وينج وليش ما تردين وانا عيزت وانا ادق ،، طبعا انا احاول اني اهدي الوضع واذكر الله بس ماكو فايدة اخر شي قالي الله لا يوفقج!!!! وسكر التلفون


انا ما رديت عليه ابدا وبعد ما هديت دزيت له رسالة بينت فيها سبب عدم ردي وان ليش يدعي علي

بعد مدة دق علي اهني انا انفجرت ليش تدعي علي وانا شنو سويتلك وهذا جزا صبري تسميني اضحوكة


وكلام وايد


وسكرت التلفون،،، بعد نص ساعة ارسل لي رسالة انتي مينونة ومعقدة وكلام يسم البدن

ودزلي رسالة احنا ما نقدر نكمل مع بعض ولازم ننفصل - دايما يقول هالكلام وقت الهواش-

انا سكت عنه وقالي عطيني 3 ايام افكر عدل وعطيته 3 ايام

واليوم ارسلي


(( صليت استخارة والله يعوضج خير وانا طلقت))


فعلا احس نفسي وايد ظلمت نفسي معاه،،،

اللهم ربي لك الحمد الذي لا يحمد على مكروه سواه

رد : الى هنا انتهينا
 

لاحول ولاقوه الا بالله

رد : الى هنا انتهينا
 

لاحول ولا قوة الا بالله

الخيرة فيما اختاره الله سبحانه وتعالى

الله يجيرك في مصيبتك ويعوضك خيراً منها

عليكي بقراءة القرآن

وفوضي امرك الى الله سبحانه وتعالى

ولي رجعه ان شاء الله

رد : الى هنا انتهينا
 

لا اله الا الله
ما قدرت اقرا الموضوع ركضت على نهاية الموضوع بشوف
وعيوني على الاسم

لاااااا

ربي يعوضك حبيبتي ربي يعوضك

رد : الى هنا انتهينا
 

روحي صلي واستخيري
لا تكلميه تلقينه متنرفز
هدي اعصابك والله يكتب الي فيه خيره

رد : الى هنا انتهينا
 

يابعد عمري موهبة

قدر الله وماشاء فعل

الخيرة فيما اختاره الله عزوجل

الله يعوضك خيييير .

رد : الى هنا انتهينا
 

أعوذ بالله من الشيطان!!!!!



أبداً ما تستاهلين يا موهبة!!

رد : الى هنا انتهينا
 

حياتي معاه اشبه بالموت البطيء

كنت انفخ في قربة مقظوظة ... كل صبري ومحاولاتي ما يبوا اي نتيجة

هو ما يبيله وحدة حافظة بيته وصانته ... يبيله وحدة دايسة على راسه عشان يصير زين معاها

وانت الصراحة ما اقدر استاثم والبس ثوب مو ثوبي واصير نذله وحقيرة عشان يحبني والا عشان يمشي الحياة معاي


الحمدلله وايد مرتاحة وقلبي مطمن

الله يقدرني على تربية بنتي التربية اللي ترضي الله

رد : الى هنا انتهينا
 

اختي مبتعثة صليت 3 مرات استخارة

ومرة منهم كانت عن الخلع مو طلاق


الحمدلله على كل حال

رد : الى هنا انتهينا
 

الله يعوضك حبيبتي
خيرة لج و لبنتك و صحتك
دام هو على كل صغيرة و كبيرة يهدد بالطلاق
خلاص .... راحتك اولى

رد : الى هنا انتهينا
 

بالفعل
هالنوعية من الطلاق أصبحت منتشره
نرفزه سريعه وطلاق وبعدها ندم
إنتي يمكن لو راده عليه وقلتيله انج تعبانه او توج يايه من المستشفى مثلا وبتكلمينه تالي جان ما عصب

ابتعدي عنه الحين السالفه حاره وإذا احتجت شي للاولاد مثلا ارسلي له رساله فقط
ان شاء الله الله يهديه ويتراجع

رد : الى هنا انتهينا
 

انا لله وانا إليه راجعون

عزيزتي موهبة لا تنهرين نفسك ولا تقسي عليها ،،

تستحقين رجلا تستندي عليه لا العكس

وحياة اكثر استقرار ودفىء

عوضك الله بخير مما تتأملين

رد : الى هنا انتهينا
 

دعوة المظلوم مستجابة
ادعي لنفسك بالخير و العوض من الله
----
أستغرب شلون بعض الناس عادي عندهم يظلمون و يسبون و ما يخافون من دعوة المظلوم أوحساب ربهم :/

رد : الى هنا انتهينا
 

دايما كلمة الانفصال على لسانه بالجد والضحك

انسان سليط اللسان وفاحش وبذيء

انسان دلوع امه ومو عارف شلون يتصرف بدنيته متخبط ومخليني اتخبط معاه

ما انكر له صفات زينة بس السيئة تطغى

ان انت اكرمت الكريم ملكته وان انت اكرمت اللئيم تمردا

رد : الى هنا انتهينا
 

روحي صلي واستخيري
لا تكلميه تلقينه متنرفز
هدي اعصابك والله يكتب الي فيه خيره

رد : الى هنا انتهينا
 

حبيبتي مبتعثة استخرت 3 مرات خلال هاليومين

رد : الى هنا انتهينا
 

اتوقع انها تستاهل

لأني حاسس انه خير لها

وتستاهل كل خير

"لو تعلمون مافي الغيب لاخترتم الواقع"

رد : الى هنا انتهينا
 

لا حول ولا قوة الا بالله

الله يعوضك خير

انت طلبت الطلاق خلال الجدال أوهو طلق من نفسه

رد : الى هنا انتهينا
 

مع الف سلامه ........

رد : الى هنا انتهينا
 

حياتج معاه كانت صعبة جدا وانتي ماقصرتي طولتي بالج وتحملتيه وايد ..
الله يطمن قلبج ويكتب لج اللي فيه الخير والصلاح ..

رد : الى هنا انتهينا
 

لا حبيبتي ميس انا بس قلت له خلاص متى ما تبي اتيي تعال واذا ما تبي في حفظ الله

تقريبا بهذا المعنى وما تطرقت لموضوع الطلاق ابدا

رد : الى هنا انتهينا
 

موهبة حبيبتي
ابد لا تحطي الحق عليج .... و لا تفكري بلحظة انك غلطتي بشي

زوجك من الاول يدور السبه .....

خيرة لج حبيبتي
ربي يعوضك

رد : الى هنا انتهينا
 

دوندرمة

انا وصلت مرحلة اظلم نفسي عشانه

مو لايمة نفسي


بس ماكان ودي اطلق للمرة الثانية


تدرين اخر الايام ما يسال الا عن بنته وانا ورى ظهره


لي متى ادوس على نفسي وكرامتي عشانه

الحمدلله ماراح اموت من غيره


الله يخليلي بنتي والله يقدرني اربيها بنا يرضي ربنا

رد : الى هنا انتهينا
 

رايتك بيضاء . صبرتي وداريتيه كثير و لا تلامي

تأكدتي من وقوع الطلاق

قال طلقت ما قال انت طالق

رد : الى هنا انتهينا
 

حبيبتي الي عليج سوييته و زيادة
و تحملتي بما فيه الكفاية

عاد تطلقتي مرة ثانية ... مو ذنبك و لا غلطتك
هذة كتبته الله عليج


خذي وقتك و ارتاحي وهدي اعصابك
و اذا الله كتب لكم الرجعة .... ارجعي بشروطك
على الاقل اظمني حقوقك


تحملتي وايد و بما فيه الكفاية

فلا تظلمي نفسك اكثر

ربي يكتب لك الخير و يجبر بخاطرك

رد : الى هنا انتهينا
 

حبيبتي الله يربط على قلبك ويعوضك خير

رد : الى هنا انتهينا
 

دندرمة كذا مرة نحط شروط واولها الاحترام ولا يلتزم فيها

لسانه سليط ومؤذي

اختي ميس قالي احسبي عدتج من اليوم انا طلقت خلاص يعني تصريح واضح ان طلق


هههههههههههه ميس تكفين لا تشككيني انا ما صدقت ارتاح هههههههه

رد : الى هنا انتهينا
 

اللهم امين
حاسه انه بيتحسف ويهون

رد : الى هنا انتهينا
 

مبتعثة تكفين😠


مابي هالاحساس


حسي ان بنتي بتكبر بين ايدي

حسي ان اكمل دراستي

حسي ان اشتريلي بيت هههههههههه

ههههههههه


سوري بس شر البلية ما يضحك

رد : الى هنا انتهينا
 

نفس الاحساس

مواصفاتك لاتعوض بالنسبة له

رد : الى هنا انتهينا
 

الله المستعان

الله يربط على قلبك ويعوضك كل خير
ويحفظ لك بنتك ويجعلها من الصالحات

رد : الى هنا انتهينا
 

الله يعوضك خير

مش تجي بكره وتقولي بادرت بصلح ..أو كلمته ..

لو في مجال للصلح لاااااازم يجي منه .

رد : الى هنا انتهينا
 

ربي يعوضك خير

و يحفظلك بنيتك

رد : الى هنا انتهينا
 

ماما بيتا

توقيعك خطيررررررر

اعجبني

رد : الى هنا انتهينا
 

الله يعوضك بخير
ويرزقك السعادة من حيث لا تحتسبين

رد : الى هنا انتهينا
 

الله يسهل امورك ويصلح الحال
اكثري من الدعاء والاستغفار

رد : الى هنا انتهينا
 

الله يربط على قلبك ويعوضك كل خير

رد : الى هنا انتهينا
 

لا حول ولا قوة إلا بالله ,
ما توقعت هالنتيجة أبدا , هو يحبك كثير حسب تحليلي للمواقف والي تحكينه , بس يبدو أن الحب وحده غير كفيل لإنجاح الحياة الزوجية .

رد : الى هنا انتهينا
 

الله يهديه ويعوضك خير مصيره بيندم ويشتاق وهو الخسران يحسب زوجته بتدوم له

انتي صبرتي علي اخلاقه الصعبه وماقصرتي
الله يعوضك خير
موهبه ادعيلي ربي ينصرني ويسهل امري في ظهر الغيب
ادري اللي فيك مكفيك بس محتاجه دعوه طيبه منك

رد : الى هنا انتهينا
 

لا حول و لا قوة الا بالله

شو هدي التصرفات

يطلقك هيك من غير ما ياخد شورك

من غير ما يكلمك

صلى استخارة و طلق

الله يعوضك خير

شو هدا الزمان