شغالتي و اسالتي لكم :(
 

السلام عليكم ..

ابغى اهرج عن شغالتي .. اللي مشغولة لا تكمل قراية glh
و بعدين فيه عندي 3 اسءلة ..

.
.

باختصار طول وقتها نايمة و مريضة و تعبانة و تكسر لي كل شهر جهاز .. و لما اجيب جهاز جديد
تسألني تاخد الجهاز المكسور !؟ بديت احس انها تتقصد كل شهر تعمل كذا ..
او تحرق لي ملابس لما تكويه لي .. او تبقعه لي بالكولوركس و ينعدم ..

حماتي و اهل زوجي ؛ الي ما يحزنوا على احد .. شافوني معاها في شوال و قالولي حرام عليك
ارحمي نفسك و غيريها .. كل الشغل انت تسويه بنفسك و هي ما بتعمل شي ..
قلت لهم كفاية انها امينة و ما تضرب الاولاد .. و ابغاها تروح من حالها .. و هي تبغى تجلس ..
قالوا اكيد تبغى تجلس لانها ما راح تلاقي مكان زي كذا .. مرتاحة و تاخد راتبها 2000

زوجي و اخواتي و كلهم نفس الرائي .. بس كنت أطول بالي عليها و اعلمها كل شي حبة حبة ..
صرت ارجع من الدوام و الاقيها نظفت البيت و نايمة .. و الاولاد لوحدهم جالسين و جوعانين
كم مرة قلت لها .. اقلي بطاطس او بيض او سوي ساندويتش لهم و انا برة .. بس تطنشني
و نويت فعلا اغيرها ..

بس امس كسرت لي غلاية القهوة العربية الكهربائية .. و هذه تعبت و انا أدور عنها و من النوع الأصلي
و كنت حريصة عليه جدا .. بس سألتها كيف تكسر !؟ لانه جديد و ماحد مسكه امس غيرها
انفجرت علي و تهجمت و انها ما كسرته و الله يشوف و انا والله مظلوم .. قلت لها خلاص انا كسرته
و لا جني جاء و كسره .. مع اني و لا مرة عاتبتها على اي جهاز تكسر .. و شكلها تعودت

قلت لها انا ما قلت انت كسرتيه .. بس ماحد مسكه غيرك و انا أسالك كيف تكسر كذا !؟
لما طرطعت هي علي .. انا عصبت خلاص؛ و قلت لها هذا ب 400 ريال و انت كل شهر تكسر لي شي
قامت أخذت الجهاز و قالت خلاص انا أخده .. و اخصمي 400 من راتبي

تركتها و رحت جلست في الغرفة و جات ورايا تبربر و ترفع صوتها
رديت عليها و خاصمتها و قلت لها اطلعي برة خلاص .. ابغى انام شوي و تعبانة ..

قامت تبكي و تقول انا طول الوقت اشتغل و ظهري يوجعني و كتفي و بطني و راسي
و انا تعبانة و ما انام ابدا ..

هنا عاد انا شياطيني صارت ترقص ..
قلتلها انت طول وقتك نايمة .. دايما نايمة صبح و ليل ..
انا الي أتحرك و اعمل كل شي ..

قلتلها خذي أغراضك و امشي

و الي ما شجعني اني اخليها
لانه بجد خلاص طفح الكيل و ارجع البيت و ألاقي الاولاد جوعانين
و هي بس تفتكر بطنها ماشاءالله !؟

و عينها على كل شي في البيت ..
كل شهر تقول اعطيني هذا ابغاه .. لدرجة منشفة جديدة و كبيرة لزوجي جبته
قالت اعطيني أبغاه و انا مسكينة ..

خلاص خليها تروح ..


.
.

سوْال 1 ..

اخصم من راتبها او لا !؟ قهرتني الصراحة و نفسي اخصم ..
الدلة هذه عزيزة علي و 350 تقريبا او 390 ..

و كسرت لي قبل أشياء كثيرة و كانت تاخد المكسور بعد ما اجيب مكانه جهاز جديد
و أصلا اخدت الدلة معاها .. هو يشتغل بس المسمار الي يثبت الغطاء .. كسرته لي و عدمته

.
.

سوْال 2 ..

لو جبت شغالة .. كيف اتصرف معاها !؟
بنت عمتي تقول لي اسمني يا بنت .. عشان يخافوا منك الشغالات ..
قالت كذا بمظهرك هذا .. يستقووا عليك ..

مع انه الشغالات يحبوني .. بس يتعبوني مرة ..
و شكلي ادلعهم مرة و يستهينوا بي؛ لحد ما يشوفوا الوجه التاني مني
بس ما احب استقوى عالشخص الضعيف فكنت أطول بالي عليهم

المهم ..
ايش اقول لهم لما يجوا .. و ايش النظام الي تمشوا عليه مع شغالاتكم !؟

.
.

سوْال 3 ..

انا دايما اعود ولدي انه ما يعتمد عالشغالة و مو معنى انه فيه شغالة
يعني خلاص هو ما يساعد ماما ..

فدائما اطلب منه شغالات بسيطة
الاحظ انه الشغالات كلهم .. بعد فترة من ورايا يقوموا يتعودوا و يشغلوه

و انا الا أولادي .. اقول لها ولدي ما تشغليه
انا امه و اشغله .. انت تقومي و تشتغلي ..
ولدي مو شغالة عندك ..

امس كذا .. كان الجرس يرن ..
و ولدي يلعب مع اخوانه و انا دخلت اخد شور و الشغالة متطمنة اني ماني سامعتها
و هي جالسة فاضية .. تنادي ولدي الكبير و تقول له : قوم افتح الباب
ناديتها و قلت لها قومي تحركي و افتحي الباب انت

قلت لو جاتني اي وحدة بعد كذا
من اول مرة اقول لها ما تشغل أولادي ؛ و اقول لولدي ما يسمع كلامهم
و يقول لي لو اي وحدة تشغله

لانه مرة حبوب و طيب .. يستغلوا طيبته الشغالات

مرة الشغالة قالت له شيل شنطتي و عديت لها
لانها كانت شايلة اغراض
بس شكله ما ينفع اسكت لهم بعد كذا

.
.

طيب ايش الحل !؟ jytt

.
.

فكرت اسجلهم في حضانة و روضة ..
بس مترددة .. عشان دوامي

و حضانة العمل سيئة جدا و تعامل سيّء

بس خلّونا في الشغالات دحين .nhg

رد: شغالتي و اسالتي لكم :(
 

رد: شغالتي و اسالتي لكم :(
 

كل الي جربت حبشيات
هذه اخر وحدة - نيجيرية - ..

ماقدر استقدم حاليا ..
لازم فلوس للاستقدام و انا وضعي مو ثابت لسى

راح اجلس هنا او اكمل برة او كيف بالضبط !؟

محتاجة شغالة عشان ألاقي وقت و اجيب قبول لنفسي

و وحدة حبشية اشتغلت عندي من زمان .. قبل سنة و نص و أولادي يحبوها
قالت تبغى ترجع تشتغل عندي بس مرتبطة بعيلة لحد نهاية الحج
و تبغى ترسل لي اختها اليوم بعد العشاء

حتى هذه كان تنظيفها اي كلام

رد: شغالتي و اسالتي لكم :(
 

اليوم ما رحت الدوام و اعتذرت
و دحين بعد نص ساعة .. رايحة مع أولادي الصغار
لروضة جنب بيتي .. و اشوف كيف

ما كنت ادري عنهم
لحد ما صحبتي مدحت لي و قالت لي عنهم ..
و لما سألتها عن العنوان ؛ طلع جنب بيتي و مشوار 5 دقايق مشي و بالكثير

بس المشكلة انه السواق يوديني الدوام الساعة 6 و نص
و يرجعني 1 و نص

لازم اعمل تنسيق بالمواعيد
لو فكرت اسجلهم فيه

بس حاليا خلّونا في موضوع الشغالات :(

مع اني الصراحة
نفسي ما اجيب شغالة .. لانهم متعبين و انا كل شي اسويه

رد: شغالتي و اسالتي لكم :(
 

رد: شغالتي و اسالتي لكم :(
 

فعلاً ..
الغالب كل الشغالات متعبين في هالوقت ..
تغيروا كثير عن زمان .. والجوالات ساهمت في تقصيرهم ..

فيه شركات محليه جديده مثل مهاره في الرياض
وسواعد الإخاء عندكم في جده
بيوفروا لك خادمات فوريه وعلى حسب المده اللي تبغيها ..
اخذي رقمهم من قوقل .. واستفسري عن شروطهم لو ناسبك ..
كثير يتعاملون معهم ..

ولو قدرتي تستغنين يكون افضل واولادك تدخليهم روضه ..
انا لي حدود السنتين مستغنيه عنهم .. اريح راسي منهم بس تعبت (:

رد: شغالتي و اسالتي لكم :(
 

شقردية

المشكلة اني في مرحلة جدا حرجة .. لازم و ضروري استغل الأوقات لإحضار قبول لنفسي ..
و لا احط حالي في موقف بايخ بالعمل .. لانهم خففوا عني الترم هذا ..

و ابغى اجازة الحج اتفضى فيها شوي للمراسلة

رحت الحضانة الي جنب بيتي و قالوا ما ناخد عمر اقل من 3 سنوات
و راح تجيني شغالة كانت عندي من سنة ونص

و بدأت تحط لي شروطها .. انا ما أغير حفاضة الله يعزك

قلت لها بس الصغير يلبس حفاضة ..
و لما اروح الدوام لازم احد ينتبه له .. بس لما اكون في البيت انا انتبه لهم

رد: شغالتي و اسالتي لكم :(
 

فيه شركة هنا و يطلبوا 3300 ريال في الشهر راتب ..
راتب موظف هذا .. :(

رد: شغالتي و اسالتي لكم :(
 

رد: شغالتي و اسالتي لكم :(
 

شركة سواعد الإنماء غير .اتوقع . كلميهم وشوفي .. اذا نظامهم مثل مهارة .

قصدت ( سواعد الإنماء ) معليش الفيوزات ضاربه هههههههه
وعندكم ايضا شركة ( ماجد) و ( سماسكو ) ما ادري اذا لهم فرع بجده .

رد: شغالتي و اسالتي لكم :(
 

طيب انا اتفقت مع اخت شغالتي القديمة
تجيني اليوم

ابغى اعرف اي موظفة
كيف نظامها مع شغالتها و اطفالها في البيت !؟
خاصة وقت الدوام ..

و الاكل و التنظيف و غيره :(


يسلموا شقردية ^^
راح اسال عنهم و اشوف

رد: شغالتي و اسالتي لكم :(
 

طبع الاثيوبيات كذا امي كانت تشكي منهم انهم دائما يكسروا الاغراض لما ينقهروا ... كانتقام ورد اعتبار ...والان انت اكدت هذا الشي .. دمهم حااار ...
اانت صبرتي عليها افضل انك ما تخمصي من راتبها ...لانه هؤلاء مجانين وقلبهم قوي ... وينتقموا ويا لطيف من انتقامهم .. تختار اكثر شي مهم وتعزيه ... حسبي الله عليهم ..

اما بخصوص الاطفال .. اختي مثلك موظفه و عندها اطفال كانت تترك الرضيع عند امي وقت العمل وترجع تاخذه معها البيت ايضا زملتي السابقه في العمل نفس الشي الصبح تجعل عند امها بعدها ترجع تاخذها من العمل ..

رد: شغالتي و اسالتي لكم :(
 

امي متوفية الله يرحمها و مافي احد من الاقارب
الشغالة شر لابد منه

راح اجلس معاهم اليوم و أغيب عن الدوام

الله يعين

رد: شغالتي و اسالتي لكم :(
 

الله يرحمها يا رب ،،،
يصير اتجبين كميرات مراقبه راح تكلفك قليلا بس مجديه ،،،، ويشبكلك اياه على الهاتف
اذكر موظفه كانت تعمل كذا وتعقد تشوفها من الهاتف وتفرجينا ..واذا شافت تقصير اتصلت على طول عليها ...كانت تخلي ابنها الرضيع عندها ،،،لانه ظروفها لا تسمح ...تضعه عن احد

واظن انها لازلت مستمره على ذلك بعد ما انجبت طفلها الثاني

رد: شغالتي و اسالتي لكم :(
 

تعرفين روح انا احس اني في البداية أعطي وجهه

واحصل اللي تحصلينه
هالمره جتني بشكارة من البداية حسّستها اني غضبانه من كل شي
وما أعطي وجهه و اني نفسيه احس استوت لي هيبه هههههه💪💪

رد: شغالتي و اسالتي لكم :(
 

ومض

الفكرة في بالي .. راح أسويها باْذن الله

.
.

ريم الاوطان

بجد هو هذا السبب .. انه نعطيهم وجه من البداية ..