شغالتي و اسالتي لكم :( - منتدى عالم الأسرة والمجتمع
logo

الملاحظات

سؤال وجواب الأسئلة والاستفسارات العامة

إضافة رد
قديم 06-09-2015, 08:21 AM
  #1
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
zzz شغالتي و اسالتي لكم :(

السلام عليكم ..

ابغى اهرج عن شغالتي .. اللي مشغولة لا تكمل قراية
و بعدين فيه عندي 3 اسءلة ..

.
.

باختصار طول وقتها نايمة و مريضة و تعبانة و تكسر لي كل شهر جهاز .. و لما اجيب جهاز جديد
تسألني تاخد الجهاز المكسور !؟ بديت احس انها تتقصد كل شهر تعمل كذا ..
او تحرق لي ملابس لما تكويه لي .. او تبقعه لي بالكولوركس و ينعدم ..

حماتي و اهل زوجي ؛ الي ما يحزنوا على احد .. شافوني معاها في شوال و قالولي حرام عليك
ارحمي نفسك و غيريها .. كل الشغل انت تسويه بنفسك و هي ما بتعمل شي ..
قلت لهم كفاية انها امينة و ما تضرب الاولاد .. و ابغاها تروح من حالها .. و هي تبغى تجلس ..
قالوا اكيد تبغى تجلس لانها ما راح تلاقي مكان زي كذا .. مرتاحة و تاخد راتبها 2000

زوجي و اخواتي و كلهم نفس الرائي .. بس كنت أطول بالي عليها و اعلمها كل شي حبة حبة ..
صرت ارجع من الدوام و الاقيها نظفت البيت و نايمة .. و الاولاد لوحدهم جالسين و جوعانين
كم مرة قلت لها .. اقلي بطاطس او بيض او سوي ساندويتش لهم و انا برة .. بس تطنشني
و نويت فعلا اغيرها ..

بس امس كسرت لي غلاية القهوة العربية الكهربائية .. و هذه تعبت و انا أدور عنها و من النوع الأصلي
و كنت حريصة عليه جدا .. بس سألتها كيف تكسر !؟ لانه جديد و ماحد مسكه امس غيرها
انفجرت علي و تهجمت و انها ما كسرته و الله يشوف و انا والله مظلوم .. قلت لها خلاص انا كسرته
و لا جني جاء و كسره .. مع اني و لا مرة عاتبتها على اي جهاز تكسر .. و شكلها تعودت

قلت لها انا ما قلت انت كسرتيه .. بس ماحد مسكه غيرك و انا أسالك كيف تكسر كذا !؟
لما طرطعت هي علي .. انا عصبت خلاص؛ و قلت لها هذا ب 400 ريال و انت كل شهر تكسر لي شي
قامت أخذت الجهاز و قالت خلاص انا أخده .. و اخصمي 400 من راتبي

تركتها و رحت جلست في الغرفة و جات ورايا تبربر و ترفع صوتها
رديت عليها و خاصمتها و قلت لها اطلعي برة خلاص .. ابغى انام شوي و تعبانة ..

قامت تبكي و تقول انا طول الوقت اشتغل و ظهري يوجعني و كتفي و بطني و راسي
و انا تعبانة و ما انام ابدا ..

هنا عاد انا شياطيني صارت ترقص ..
قلتلها انت طول وقتك نايمة .. دايما نايمة صبح و ليل ..
انا الي أتحرك و اعمل كل شي ..

قلتلها خذي أغراضك و امشي

و الي ما شجعني اني اخليها
لانه بجد خلاص طفح الكيل و ارجع البيت و ألاقي الاولاد جوعانين
و هي بس تفتكر بطنها ماشاءالله !؟

و عينها على كل شي في البيت ..
كل شهر تقول اعطيني هذا ابغاه .. لدرجة منشفة جديدة و كبيرة لزوجي جبته
قالت اعطيني أبغاه و انا مسكينة ..

خلاص خليها تروح ..


.
.

سوْال 1 ..

اخصم من راتبها او لا !؟ قهرتني الصراحة و نفسي اخصم ..
الدلة هذه عزيزة علي و 350 تقريبا او 390 ..

و كسرت لي قبل أشياء كثيرة و كانت تاخد المكسور بعد ما اجيب مكانه جهاز جديد
و أصلا اخدت الدلة معاها .. هو يشتغل بس المسمار الي يثبت الغطاء .. كسرته لي و عدمته

.
.

سوْال 2 ..

لو جبت شغالة .. كيف اتصرف معاها !؟
بنت عمتي تقول لي اسمني يا بنت .. عشان يخافوا منك الشغالات ..
قالت كذا بمظهرك هذا .. يستقووا عليك ..

مع انه الشغالات يحبوني .. بس يتعبوني مرة ..
و شكلي ادلعهم مرة و يستهينوا بي؛ لحد ما يشوفوا الوجه التاني مني
بس ما احب استقوى عالشخص الضعيف فكنت أطول بالي عليهم

المهم ..
ايش اقول لهم لما يجوا .. و ايش النظام الي تمشوا عليه مع شغالاتكم !؟

.
.

سوْال 3 ..

انا دايما اعود ولدي انه ما يعتمد عالشغالة و مو معنى انه فيه شغالة
يعني خلاص هو ما يساعد ماما ..

فدائما اطلب منه شغالات بسيطة
الاحظ انه الشغالات كلهم .. بعد فترة من ورايا يقوموا يتعودوا و يشغلوه

و انا الا أولادي .. اقول لها ولدي ما تشغليه
انا امه و اشغله .. انت تقومي و تشتغلي ..
ولدي مو شغالة عندك ..

امس كذا .. كان الجرس يرن ..
و ولدي يلعب مع اخوانه و انا دخلت اخد شور و الشغالة متطمنة اني ماني سامعتها
و هي جالسة فاضية .. تنادي ولدي الكبير و تقول له : قوم افتح الباب
ناديتها و قلت لها قومي تحركي و افتحي الباب انت

قلت لو جاتني اي وحدة بعد كذا
من اول مرة اقول لها ما تشغل أولادي ؛ و اقول لولدي ما يسمع كلامهم
و يقول لي لو اي وحدة تشغله

لانه مرة حبوب و طيب .. يستغلوا طيبته الشغالات

مرة الشغالة قالت له شيل شنطتي و عديت لها
لانها كانت شايلة اغراض
بس شكله ما ينفع اسكت لهم بعد كذا

.
.

طيب ايش الحل !؟

.
.

فكرت اسجلهم في حضانة و روضة ..
بس مترددة .. عشان دوامي

و حضانة العمل سيئة جدا و تعامل سيّء

بس خلّونا في الشغالات دحين .

التعديل الأخير تم بواسطة روح الطير ; 06-09-2015 الساعة 08:23 AM
رد مع اقتباس
قديم 06-09-2015, 08:52 AM
  #2
فرح تايه ~
عضو نشيط جدا
 الصورة الرمزية فرح تايه ~
تاريخ التسجيل: Sep 2014
المشاركات: 673
فرح تايه ~ غير متصل  
رد: شغالتي و اسالتي لكم :(

اللي عندك وش جنسيتها ؟!
__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔
رد مع اقتباس
قديم 06-09-2015, 08:58 AM
  #3
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: شغالتي و اسالتي لكم :(

كل الي جربت حبشيات
هذه اخر وحدة - نيجيرية - ..

ماقدر استقدم حاليا ..
لازم فلوس للاستقدام و انا وضعي مو ثابت لسى

راح اجلس هنا او اكمل برة او كيف بالضبط !؟

محتاجة شغالة عشان ألاقي وقت و اجيب قبول لنفسي

و وحدة حبشية اشتغلت عندي من زمان .. قبل سنة و نص و أولادي يحبوها
قالت تبغى ترجع تشتغل عندي بس مرتبطة بعيلة لحد نهاية الحج
و تبغى ترسل لي اختها اليوم بعد العشاء

حتى هذه كان تنظيفها اي كلام

التعديل الأخير تم بواسطة روح الطير ; 06-09-2015 الساعة 09:03 AM
رد مع اقتباس
قديم 06-09-2015, 09:00 AM
  #4
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: شغالتي و اسالتي لكم :(

اليوم ما رحت الدوام و اعتذرت
و دحين بعد نص ساعة .. رايحة مع أولادي الصغار
لروضة جنب بيتي .. و اشوف كيف

ما كنت ادري عنهم
لحد ما صحبتي مدحت لي و قالت لي عنهم ..
و لما سألتها عن العنوان ؛ طلع جنب بيتي و مشوار 5 دقايق مشي و بالكثير

بس المشكلة انه السواق يوديني الدوام الساعة 6 و نص
و يرجعني 1 و نص

لازم اعمل تنسيق بالمواعيد
لو فكرت اسجلهم فيه

بس حاليا خلّونا في موضوع الشغالات

مع اني الصراحة
نفسي ما اجيب شغالة .. لانهم متعبين و انا كل شي اسويه
رد مع اقتباس
قديم 06-09-2015, 12:07 PM
  #5
ضَي !
مراقب عام
تاريخ التسجيل: Sep 2014
المشاركات: 1,311
ضَي ! غير متصل  
رد: شغالتي و اسالتي لكم :(

ينقل للمكان المناسب ..........
__________________






استودعتك الله من كل شر ومن كل حاسد وعدو ..

رد مع اقتباس
قديم 06-09-2015, 12:27 PM
  #6
شقـردية
عضو المنتدى الفخري
 الصورة الرمزية شقـردية
تاريخ التسجيل: Aug 2010
المشاركات: 4,994
شقـردية غير متصل  
رد: شغالتي و اسالتي لكم :(

فعلاً ..
الغالب كل الشغالات متعبين في هالوقت ..
تغيروا كثير عن زمان .. والجوالات ساهمت في تقصيرهم ..

فيه شركات محليه جديده مثل مهاره في الرياض
وسواعد الإخاء عندكم في جده
بيوفروا لك خادمات فوريه وعلى حسب المده اللي تبغيها ..
اخذي رقمهم من قوقل .. واستفسري عن شروطهم لو ناسبك ..
كثير يتعاملون معهم ..

ولو قدرتي تستغنين يكون افضل واولادك تدخليهم روضه ..
انا لي حدود السنتين مستغنيه عنهم .. اريح راسي منهم بس تعبت (:
__________________




التعديل الأخير تم بواسطة شقـردية ; 06-09-2015 الساعة 12:29 PM
رد مع اقتباس
قديم 06-09-2015, 01:02 PM
  #7
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: شغالتي و اسالتي لكم :(

شقردية

المشكلة اني في مرحلة جدا حرجة .. لازم و ضروري استغل الأوقات لإحضار قبول لنفسي ..
و لا احط حالي في موقف بايخ بالعمل .. لانهم خففوا عني الترم هذا ..

و ابغى اجازة الحج اتفضى فيها شوي للمراسلة

رحت الحضانة الي جنب بيتي و قالوا ما ناخد عمر اقل من 3 سنوات
و راح تجيني شغالة كانت عندي من سنة ونص

و بدأت تحط لي شروطها .. انا ما أغير حفاضة الله يعزك

قلت لها بس الصغير يلبس حفاضة ..
و لما اروح الدوام لازم احد ينتبه له .. بس لما اكون في البيت انا انتبه لهم
رد مع اقتباس
قديم 06-09-2015, 01:21 PM
  #8
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: شغالتي و اسالتي لكم :(

فيه شركة هنا و يطلبوا 3300 ريال في الشهر راتب ..
راتب موظف هذا ..
رد مع اقتباس
قديم 06-09-2015, 01:38 PM
  #9
فرح تايه ~
عضو نشيط جدا
 الصورة الرمزية فرح تايه ~
تاريخ التسجيل: Sep 2014
المشاركات: 673
فرح تايه ~ غير متصل  
رد: شغالتي و اسالتي لكم :(

اقتباس:
وسواعد الإخاء عندكم في جده
حبيبتي الله يسعدك .. إذا عندكم رقمهم أعطيني هووو .. عملت سيرش سرريع بقوقل مافي أي معلومات عنهم ..

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔
رد مع اقتباس
قديم 06-09-2015, 06:04 PM
  #10
شقـردية
عضو المنتدى الفخري
 الصورة الرمزية شقـردية
تاريخ التسجيل: Aug 2010
المشاركات: 4,994
شقـردية غير متصل  
رد: شغالتي و اسالتي لكم :(

اقتباس:
المشاركة الأصلية كتبت بواسطة روح الطير مشاهدة المشاركة
فيه شركة هنا و يطلبوا 3300 ريال في الشهر راتب ..
راتب موظف هذا ..
شركة سواعد الإنماء غير .اتوقع . كلميهم وشوفي .. اذا نظامهم مثل مهارة .

اقتباس:
المشاركة الأصلية كتبت بواسطة فرح تايه ~ مشاهدة المشاركة
حبيبتي الله يسعدك .. إذا عندكم رقمهم أعطيني هووو .. عملت سيرش سرريع بقوقل مافي أي معلومات عنهم ..

قصدت ( سواعد الإنماء ) معليش الفيوزات ضاربه هههههههه
وعندكم ايضا شركة ( ماجد) و ( سماسكو ) ما ادري اذا لهم فرع بجده .
__________________



رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:54 PM.


images