|
طريقه لتزويج الاخوات العوانس ..ترى خطيره
انا هذي الطريقه شفتها في واحد من قريبنا ... طبعاً بناته مو ذاك الجمال المطلوب ... لكن الناس تتهافت عليهم وبناته كل يوم يخطبها الف واحد ايش يسوي ابو البنات ذولا ؟؟ اذا جاء العريس وخطب البنت ووافقوا ... خلاص يجي العريس طبعاً متحمس ويكون عنده فلووس واكيد كلها دين ويدفع المهر غالي شوي عشان يبيض الوجه قدام الناس ويدفع مثلاً 30 الف ... ابو البنات ياخذ المهر ويقول للبنت شوفي كم تحتاجي فلوس ..؟؟ طبعاً كلها ثلاث ايام وتحسبها البنت تشوف كم تحتاج والباقي يرجع للزوج وابو البنات يقول للرجال ما ابي عرس ... عشا بسيط وخلاص طبعاً ابو البنات ذكي يعرف انه الناس حالته الاقتصادية شوي تعبانه ... وخصوصاً لما يجي التخفيف في المهر منه هو اخوي خطب منهم ... ولما راح طلب البنت ... قال لاخوي احنا بنتشاور ونشووف .. طبعاً احنا ما لنا فيهم علاقه قوية .. وما رد علينا استغربنا ... ظنينا البنت رفضت لكن بعد ثلاث اسابيع اتصل على الوالد وقاله والله رقم الجوال حقك ضاع من يومها واحنا ندور عليكم ... وخصوصاً انه راح لبيتنا القديم يحسب انه ساكنين فيه يدور علينا ... على فكرة بيتنا القديم بيت شعبي مو زي الان عماره اهم شي دفع اخوي لهم 40 الف اخذت العروسه 13 الف بس ... وردت الباقي للعريس لا وقال العرس يكون في صاله واصر ابو العروس لكن اخوي سواه في قصرر .. ولما اتزوج اخوي وانتهى قالت البنت انه خطبها واحد ثاني في الوقت اللى ابو البنت يدور على اخوي مختصر الموضوع ... ترى الشباب الان ما يتقدموا بسبب غلا المهور وقلة اليد .... خلي المراعه تجي منكم انتم يا اهل العروس لان العريس لما يتقدم يكون في جيبه اقل شي 100 الف ريال وكلها دين ونادر تكون من تجميعه .. عشان كذا لا تجلسوا تكلفوا على الناس وعسا ربي يستر على بنات المسلمين |
الله يخفف على عيال هاليومين ضعوف العين بصيرة واليد قصيرة
|
والله فعلا كلام سليم 100%
|
بسم الله الرحمن الرحيم
تحية طيبــــــــــــة اخي الغالي بصراحة موضوع في قمة الروعة والجمال لكن لهذه الفكرة وجهاً الوجه الاول :ــ اذا كان الرجل >> الخاطب<< كريم فنه سيعتبر هذا الفعل من والد الزوجة فعل كريم و جميل لن ينساه طول حياته والمثل يقول اذا اكرمت الكريم ملكتهو واذا اكرمت الليم تمردا الوجه الثاني :ـــ اذا كان الرجل >> الخاطب<< لئيم فئنه سيسترخص الزوجه وبكل صراحة أرى ان الاب الذي يساعد زوج ابنته اب يشترى بالذهب وبنته تسوى ملاين اتمنى ان تتحقق هذه الفكرة من كل قلبي اتمنــى لكم ولي التوفيق والســـــــــــــــــــــلام |
اسمحووووووا لىىىىىى يااخواني الشباب
الأختلاف في الرأي لايفسد للود قضيه ... هذا هو السبب اللي انتوا تتحججون فيه فقط ... والا والله اللي ينوي بكل جد ويتوكل على الله ويعرف وين يدور على بنت الحلال راح يلقاها من غير تكاليف ماديه او ظاهر مالها معنى ... وشباب عائلتنا (اقاربي يعني ) ثلاث ارباعهم اوصفهم لكم بأنهم _مع احترامي لهم _ حافين ومنتفين ..ثلاث ارباعهم ماكملوا الثانوي ..ورواتبهم ان كثرت ثلاث الاف وخمسميه .. وفيه منهم اللي تزوج وهو مااااايشتغل وابوه فقير ولا عنده ولا حتى شغل حكومي ..وتزوج من سنه تقريبا وحاله من احسن مايكون ... مع احترامي لكم .. المهر هو السبب اللي تعلقون عليه سبب العنوسه ..وماراح انكر واقوول انه مو سبب ... هو احد الأسباب القويه بعد ...لكنه قليل قليل قليل .. الكل صار عنده وعي الحين ... وفيه والله بنات جمال واخلاق ودين مهرهم عشره الاف اذا ماهو اقل ....وفيه كثير عاوئل مايطلبون المهر يتركونه للخاطب وقدرته ... ماعمري سمعتها في عائلتنا بكبرها واللي حولها احد حدد او طلب مهر معين او كثير .... ومثل مانتوا تتحججون وتتهمونا واهلينا بالمغالاة بالمهور وكثرتها ... ترا انا وبنات كثير واهاليهم يتهمونكم انكم تبحثون عن جمال نساء الفضائيات .. واذا سألكم اي احد ايش مواصفاتكم بزوجه الستقبل على طووووووول تقولوا طبعا الاخلاق والدين .. لكن اذا جاء وقت الجد ... كلام نسمع فعل مانشوف .... والله انهم كثير يخطبوني علشان سمعتي انا واهلي وخواتي بين الناس ... وتقول لهم امي احيانا ترا بناتي مافيهم جمال ابدا .. الشكل مقبول ولا عندنا اي مميزات شكليه ... تلقى الخاطب منهم يدق على صدره ويقول انا ماابي الا الأخلاق والدين السمعه الطيبه ... وبعد الرؤيه الشرعيه مانشوف الا غباره ... ولا عندنا مغالاه بالمهور ولا اي شي ... عشره الاف تكفي ولا ماله داعي حفلات ولا مهزله ولا كلام فاضي وفلوس تطير بلهواء من غير فايده .... وبعدين انتوا ياشباب فكروا فيها شوي الله يهديكم .. تبغون تتزوجون من غير اي تعب او دفع تكاليف او اي شي .. ادفع اللي تقدر عليه واذا رفضوا اهل العروس فيه مليون غيرهم يرضون ... وبعدين اشوف سالفه الأب هذا اللي ياخذ مهر البنت ويرجعها للشاب والله مو من حقه .. هذا المهر لها وهي تتصرف فيه ولو كان يبغى يكون ناصح ومجه لها ياخذ نصفه ويطلب منها تشتري فيه ذهب لها ينفعها بعدين اذا احتاجت ... مهرها حق لها من تقدير الله عز وجل وهو واجب على الخاطب على حسب مقتدره .. هو لايطلب منه شي فوق طاقته ويترك له الحريه في دفع المهر اللي على قدر استطاعته ... اسفه علىالأطاله .. لكن احب اقول لكم مره ثانيه .. المهر ابدا ماكان مشكله وسبب عنوسه جميع البنات ... الأسباب كثيره ولا يمكن حصرها ... واولها ان الله ماقدر للبنت هذي انها تتزوج .... وهي مو ناقصه اتهامات او تجريح او القاء عليها اسباب عنوستها .... والسلام |
و الله كل شئ نصيب و كل واحد بيشوف اللى ربنا كتبه له
لكن الرسول (ص)نصحنا بالا نغالى فى المهور و بالتاكيد ان كلام الرسول(ص)هو الصحيح لانه لا ينطق عن الهوى و ياليت جميع اولياء الامور يقللون فى مهور فتياتهم حتى تعم البركه اختكم فى الله |
وانا اوافق اختي الغالية لولو بكلامها
من قالك سبب العنوسة الفلووووووس والمهر ومادري ايش؟!! طيب بقولك اهلي مايطلبون مهر ولاشي اللي يجي من الرجال خلاااااااص وزواجات وحفلات انا عن نفسي ماأبغاها احب يكون عائلي والحمدالله مو ناقصني شي اللهم لك الحمد ومع ذلك جالسة في بيت اهلي!! وبعدين حركة الاب يوم ياخذ 13 الف ويرجع الباقي حركة جدا سيئئئئئئة الله يخلي لي ابوي مرة انخطبت وجاب لي المهر بغرفتي وقال حلالك يابنتي بس راااااااح المهر وصاحبه الله يعوضني بالأفضل يارب الزواج نصييييييب وتوفيق من الله |
السلام عليكم
خووووش فكره والله الله يرزق كل البنات يارب |
فعلا ماعاد الاحظ ان العالم تطالب بمهر معين زي زمان او يمكن موجود لكن ببعض المجتمعات
عائلتنا ومعارفنا كلهم ماقد سمعت احد قال ابغى المهر الفلاني او طالب بشي فوق الطاقه يمكن الحين الظروف كذا اغلب الشباب بدون وظيفه او وظيفه راتبها يادوب يكفي مصرفاته من وين البيت وتكاليف الفرح و و و اشياء كثير ممكن تضبط مع ناس لكن ناس لا بسبب الديون او انه يكون عائل لاهله او او او يعني الموضوع كبييييييييييييييييييييييييييير جدا وله مليون سبب من ناحيه الفتاه ومن ناحيه الشباب الله يزوج العزاب والبنات يارب كلهم |
انتو ليش زعلانين فعلا ترى غلاء المهور سبب رئيسي يعتبر من اسباب العنوسه وعزوف الشباب عن الزواج
والاخت لولو انتي تتكلمين عن عوائل بنسبة30% ولكن العوائل الاخرى تشرط مهر كبير وبعض العوائل تبيع كلام بس يعني يقولون مانبي نكلف عالرجال ومادري ايش ووقت الجد تطلع الطلبات اللى تقصف ظهر العريس من تحت الارض هذا سبب من اسباب العنوسه وطبعا في اسباب ثانيه كثيره تحياتي |
كلام صحيح ....................وفقك الله,,,,,,,,,,,,
|
انا لا انكر ان تكاليف الزواج والمهر تشكل جزء كبير من تأخر الشباب في الزواج في اغلب الدول
مما يدفع الشاب الى تأجيل الزواج الى بعد الثلاثين يكون خلال هذه الفترة قد اغواه الشيطان ووقع في الحرام او ادمن على العادة السرية وفعلا مهم جدا وعي الاسرة والمجتمع بأهمية تحديد المهر بعض القبائل في بلدنا نجحوا في ذلك وقاموا بتحديد المهر والتزمزا فيها الاهالي اضافة الى قيام دولتنا الحبيبة بمساعدة الشاب بدفع المهر تقريبا 50 الف ريال على هيئة اقساط ميسرة جدا يعني احنا المهر في بلدنا لايشكل مشكلة خصوصا ان اغلب اخوات المعرس موظفات ويقومون بمساعدته بدفع تكاليف الزواج بل السائد عندنا ان الشاب لا يدفع شي لان الدولة واخواته مو مقصرين معاه وبعدين يا اخي هل تعتقد ان المهر اهم من البنت ؟؟؟ يعني اتزوج وحدة علشان مهرها اقل من غيرها في حين ان غيرها افضل منها شكلا واخلاقا واصلا؟؟ |
نعم والله صحيح
غلاء المهور تسبب النفور |
اقتباس:
من قال انها 30 بالميه ؟ فيه دراسه صحيحه على النسبه هذي ؟؟؟ انا قلت انها سبب .. وسبب جوهري بعد ... لكن ... من اللي راح يخسر في النهايه ؟؟؟ وترا صدقني اللي يشترط مهر علي لبنته بعد ماتكبر والله يبي يزوجها مجانا ... الشروط تتلاشى مع تقدم البنت في السن وهذا شي معروف ... وانت مو مجبور تتزوج من اللي يطلبون منك مهر .. اللي مايبك الا بمهر عالي انت لا تشتريه ... وصدقني فيه عواااااااائل كثير ماااااايطلبون مهر كبير ... واللي يبيعون كلام لكم على قولتك اكيد فيه ناس كذا مااقول لاو هذي الصراحه وبدون زعل تشفي غليلي شوي ... لأن انتوا تقولون مانبي الا الدين والأخلاق واذا جاء الجد قلتوا اين الجماااااال ؟؟؟ كل اللي يخطبوني يقولون مانبي الا الأخلاق والدين ... وذا شافوني مانشوف الا غبارهم ... يعني وحده بوحده ... عموما الرجال كثير من يقبل فيهم ولا يفوتهم القطار وكل البيوت مليانه بنات والكل يفتح لهم بابه حتى لو وصل الخمسين ... لكن البنت ... الله يعوض صبرنا خير .... |
باختصار ربي يشهد بكل شيء حسن فيني
وانا اكثر بنت متواضعه بعايلتي والكل يقول طيبه وتعبت وانا امشي واقول ما ابي الا رجال طيب ما بقى الا اصرخ لم يتقدم لي اي احد اخي الرجال جالسين يركضون ورا امهات الدلع والنفاق ولا بعد يتشرطون اعلى المهور في بنات اعرفهم تحلف اناه تقدم لها 10 خطاطيب ورفضتهم علشام المهر الحين اللي تبي الستر تروحون عنها ولي تذبحكم وتفلسكم تركضون وراها |
ههههههههههههههه
طريقة خطيرة والله.. ههههههههههههههههه |
أوافق البعض وأختلف عن البعض
القصه الأولى: جار لنا ميسور الحال لما يجي مهر بناته يأخذ منه (100)ريال فقط ويكتب عليه هذا مهر بنتي من زوجها فلان ويوقع ويعطيه لها ويرجع الباقي طبعا تكاليف البنات على الأب والزوج يادوب يفرش البيت. وللمعلوميه البنات اقل أقل من عاديات في الجمال القصه الثانيه: أنا لما انخطبت من ولد خالي من 3سنوات ماطلبنا مهر قلنا له اللي تقدر عليه عشان اتجهز وما نبغا زواج ولا شي يعني عااااااااااااااااااااااااااااااااااااااااااااااائل ي جدا جدا جدا شرطنا الوحيد بيت شرعي يعني ماأكون مع اهله . كنت اياميها ادرس فقاله اخويا ياليت البيت يكون قريب من الأهل عشان السواق يوديها ويجيبها. وافق الله يهديه لكن النتيجه انه كل مره يخليني اتنازل عن اشياء كثيره ومهمه في حياتنا (يعني طمع في الموضوع ) والشرط اللي شرطناه ان البيت يكون قريب نوعا ما ............طنشه ورماني في بيت يبعد عن اهلي نص ساعه عن كليتي ساعه الا ربع عن شغله هو ساعه الا ربع يعني يبغا يرميني وبس المهم الخلاصه المهر من حق البنت االمهم ان لا يكون غالي لدرجه التعجيزيه (100)ألف الإعتدال حسب شخصية الخاطب (اذا أكرمت الكريم ملكته واذا اكرمت اللئيم تمردا) ويارب يريح بالنا ويفرج همومنا وينولنا مرادنا اختكم في الله |
السلام عليكم ورحمة الله و بركاته
قصة جميلة و نسأل الله أن يأخذ جميع الآباء العضة و العبرة منها..ولكن بالفعل و كما قالت الأخت لولو... فليس المهر هو المشكلة الوحيدة و ان كانت من المشاكل الرئيسية... فقد أصبح أغلب الرجال يقدمون الدين و الخلق على الشروط الأخرى - قولا - و يقدمون الجمال و الشكل و المظهر الخارجي على بقية الأمور - فعلا - وفي المقابل تلام الفتاة و تعاتب ان وجدت في شكل الخاطب أو مظهره ما لم ينشرح صدرها له ولم تتقبله..!!! وختاما لانقول سوى... إنما هو توفيق من الله و نصيب مقسوم لكل انسان... وفقكم ربي |
غلاء المهور ليس إلا سبب من أسباب العنوسة الكثيرة
شكرا لكم جميعا |
مهما فعل الشباب من تقديم المهور والديون التي تقصم الظهر فلن تجد هناك فتاة تعترف بأن هناك
مانع اسمه غلاء المهور , لآنها وبكل هدوء لا تريد أن تعرف , فلا يهما , كسر ظهر العريس ام لا .. أهم شي تتزوج وفي أفخم القصور واغلى الفساتين .. |
انا بصراحه رأيي من رأي ألأخت لولو غلاء المهور هذا مجرد عذررررررررررررر ,,, السبب في العنوسه ان اغلب الشباب
ماهمهم الزواج تقولون لي لأ أقولكم ايه ونصصصصصصصص ليه ؟؟؟ لان الشاب يقول وهذي سمعتها كثيررررررر ومازلت اسمعها ,, يقول انا مبسوط لحالي اطلع على كيفي واجي على كيفي واسوي الي أبي محد يقولي لأ ,,, ليه اتزوج واجيب الغثاء لنفسي .. ( لاحظوا صارت الزوجه غثاء للأسف ) ليــــه ؟؟ لانه طبعا بيتحمل مسؤليه ,, وتقل طلعاته وتنحد حريته وسفراته ,,, واذا مل وصار عمره فوق ال 30 قال ابي اتزوج ,, واذا جا بيتزوج يقول ابيها بيضاء ابيها طويله ابيها نحيفه ابي عمرها 20 ,,, الحمد الله والشكر ولو تشوفه هو تلاقيه عكس الي طالبه :29: ,, تقولون لي مو كلهم اقولكم صح مو كلهم لاكن اغلبهم ,,, الله يعين كل البنات ... |
اقتباس:
فعلا كلامك صحيح هذا حال شبابنا يقعد لاهي بحياته ومايفكر بالزواج الا اذا وصل الثلاثين وما يختار الا وحدة فل اوبشن ( كامل المواصفات) وهو لا شكل ولا شهادة ولا شخصية؟؟؟؟؟؟ |
لا والله غلاء المهور ليس هو المشكله الرئيسيه
قد يكون سببا من اسباب العنوسه في بعض الاحيان ولكنه ليس السبب الرئيسي ولقد اصبحت هناك وعي لدى الاباء والفتيات فلا يوجد من تطلب مهر غالي الا ما ندر ولكنه للأسف اصبح الشماعه التي تعلقون عليها اسباب العنوسه وللعلم فأنا أجد انه لا تتزوج الا من كان مهرها غالي وقد يصر الشاب على توفير هذا المهر المرتفع لكي يتزوج بالفتاة وكأنه تحدي بالرغم من انه قد يجد فتاه اقل مهرا كما ان الفتيات اللواتي تأخر سن الزواج بهن يكن أقل طلبا من صغيرات السن اعذرني .. هذا رايي |
السبب الأول أن
:) مشكلتنا تكمن في خـوفنا من الأخـر وعـدم الرغبة في التعرف عليه في حدود تقاليدنا وشريعتنا فضلاً عن أن كثير من الأخوات تضع معاير مـادية وظاهرية في الشخص الذي يمكن أن تقبله , في حين أن الشخصية الحقيقية للشخص تكمن خلف أسوار المظاهر , ولايمكن أن نتعرف عليها إلا من خلال لمس الأخر , وهذا يكون بالتعارف في حدود التقاليد والشريعة والنضوج النفسي , على أن يتجرد الشخص من التميز العرقي والمادي , حتى يتمكن من قبول الأخر كخطوة أولى . والواقع ينص كثيراً على أن افكارنا عن الأخر تتغير بمجرد التفاعل معه . فهل يمكن أن نجد شريك حياتنا بأنفـسنا أم مازلنا نبحث عنه عبر المواقع المتخصصة والخاطبة و .................؟
وأخـيـراً هل تعلمو من أفـقـر الناس ؟ ................ الجواب : من لا زوج له / لهـا |
فعلا ان اكثر الشباب ليستطيعون دفع المهر خاصة وان ابو البنت يشترط سياره وام البنت تشترط ذهب من غير حصة العروس فعلا شروط تقص الظهر
اخوكـــــــــــــــــــــــــــــــــــم / حمدان |
| الساعة الآن 04:47 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©