طريقه لتزويج الاخوات العوانس ..ترى خطيره - منتدى عالم الأسرة والمجتمع
logo

الملاحظات

المطلقات والأرامل والمتأخرات يعتني بالمطلقات والأرامل والمتأخرات عن الزواج

موضوع مغلق
أدوات الموضوع
انواع عرض الموضوع
قديم 11-04-2006, 09:07 PM
  #1
احاول اساعد
موقوف
تاريخ التسجيل: May 2004
المشاركات: 113
احاول اساعد غير متصل  
طريقه لتزويج الاخوات العوانس ..ترى خطيره


انا هذي الطريقه شفتها في واحد من قريبنا ... طبعاً بناته مو ذاك الجمال
المطلوب ... لكن الناس تتهافت عليهم وبناته كل يوم يخطبها الف واحد
ايش يسوي ابو البنات ذولا ؟؟
اذا جاء العريس وخطب البنت ووافقوا ... خلاص
يجي العريس طبعاً متحمس ويكون عنده فلووس واكيد كلها دين
ويدفع المهر غالي شوي عشان يبيض الوجه قدام الناس
ويدفع مثلاً 30 الف ...
ابو البنات ياخذ المهر ويقول للبنت شوفي كم تحتاجي فلوس ..؟؟
طبعاً كلها ثلاث ايام وتحسبها البنت تشوف كم تحتاج والباقي يرجع للزوج
وابو البنات يقول للرجال ما ابي عرس ... عشا بسيط وخلاص

طبعاً ابو البنات ذكي
يعرف انه الناس حالته الاقتصادية شوي تعبانه ... وخصوصاً لما يجي
التخفيف في المهر منه هو
اخوي خطب منهم ... ولما راح طلب البنت ... قال لاخوي
احنا بنتشاور ونشووف ..
طبعاً احنا ما لنا فيهم علاقه قوية ..
وما رد علينا استغربنا ... ظنينا البنت رفضت
لكن بعد ثلاث اسابيع اتصل على الوالد وقاله والله رقم الجوال حقك
ضاع من يومها واحنا ندور عليكم ... وخصوصاً انه راح لبيتنا القديم
يحسب انه ساكنين فيه يدور علينا ... على فكرة بيتنا القديم بيت شعبي
مو زي الان عماره
اهم شي دفع اخوي لهم 40 الف
اخذت العروسه 13 الف بس ... وردت الباقي للعريس
لا وقال العرس يكون في صاله واصر ابو العروس
لكن اخوي سواه في قصرر ..
ولما اتزوج اخوي وانتهى
قالت البنت انه خطبها واحد ثاني في الوقت اللى ابو البنت يدور على اخوي


مختصر الموضوع ... ترى الشباب الان ما يتقدموا بسبب غلا المهور
وقلة اليد .... خلي المراعه تجي منكم انتم يا اهل العروس
لان العريس لما يتقدم يكون في جيبه اقل شي
100 الف ريال وكلها دين ونادر تكون من تجميعه ..
عشان كذا لا تجلسوا تكلفوا على الناس
وعسا ربي يستر على بنات المسلمين
قديم 11-04-2006, 09:46 PM
  #2
cos
موقوف
المشاركات: n/a
 
الله يخفف على عيال هاليومين ضعوف العين بصيرة واليد قصيرة
قديم 11-04-2006, 09:59 PM
  #3
ضاحي
موقوف
 الصورة الرمزية ضاحي
تاريخ التسجيل: Jan 2004
المشاركات: 961
ضاحي غير متصل  
والله فعلا كلام سليم 100%
قديم 11-04-2006, 10:01 PM
  #4
أنا حساس
عضو متألق
 الصورة الرمزية أنا حساس
تاريخ التسجيل: Jun 2005
المشاركات: 854
أنا حساس غير متصل  
بسم الله الرحمن الرحيم
تحية طيبــــــــــــة

اخي الغالي
بصراحة موضوع في قمة الروعة والجمال
لكن لهذه الفكرة وجهاً

الوجه الاول :ــ
اذا كان الرجل >> الخاطب<< كريم فنه سيعتبر هذا الفعل من والد الزوجة فعل كريم و جميل لن ينساه طول حياته
والمثل يقول اذا اكرمت الكريم ملكتهو واذا اكرمت الليم تمردا

الوجه الثاني :ـــ
اذا كان الرجل >> الخاطب<< لئيم فئنه سيسترخص الزوجه

وبكل صراحة
أرى ان الاب الذي يساعد زوج ابنته اب يشترى بالذهب وبنته تسوى ملاين

اتمنى ان تتحقق هذه الفكرة من كل قلبي


اتمنــى لكم ولي التوفيق

والســـــــــــــــــــــلام
__________________
أحسنْ وإن لم تجزَ حتى بالثنا أيَّ الجزاء الغيثُ يبغي إن همى ؟
مَنْ ذا يكافئُ زهرةً فواحةً ؟ أو من يثيبُ البلبل المترنما ؟
قديم 11-04-2006, 10:42 PM
  #5
يعجز الصبر عن صبري
عضو نشيط جدا
تاريخ التسجيل: Feb 2005
المشاركات: 1,279
يعجز الصبر عن صبري غير متصل  
اسمحووووووا لىىىىىى يااخواني الشباب
الأختلاف في الرأي لايفسد للود قضيه ...

هذا هو السبب اللي انتوا تتحججون فيه فقط ...
والا والله اللي ينوي بكل جد ويتوكل على الله ويعرف وين يدور على بنت الحلال راح يلقاها من غير تكاليف ماديه او ظاهر مالها معنى ...
وشباب عائلتنا (اقاربي يعني ) ثلاث ارباعهم اوصفهم لكم بأنهم _مع احترامي لهم _ حافين ومنتفين ..ثلاث ارباعهم ماكملوا الثانوي ..ورواتبهم ان كثرت ثلاث الاف وخمسميه ..
وفيه منهم اللي تزوج وهو مااااايشتغل وابوه فقير ولا عنده ولا حتى شغل حكومي ..وتزوج من سنه تقريبا وحاله من احسن مايكون ...
مع احترامي لكم .. المهر هو السبب اللي تعلقون عليه سبب العنوسه ..وماراح انكر واقوول انه مو سبب ...
هو احد الأسباب القويه بعد ...لكنه قليل قليل قليل .. الكل صار عنده وعي الحين ... وفيه والله بنات جمال واخلاق ودين مهرهم عشره الاف اذا ماهو اقل ....وفيه كثير عاوئل مايطلبون المهر يتركونه للخاطب وقدرته ...
ماعمري سمعتها في عائلتنا بكبرها واللي حولها احد حدد او طلب مهر معين او كثير ....

ومثل مانتوا تتحججون وتتهمونا واهلينا بالمغالاة بالمهور وكثرتها ... ترا انا وبنات كثير واهاليهم يتهمونكم انكم تبحثون عن جمال نساء الفضائيات .. واذا سألكم اي احد ايش مواصفاتكم بزوجه الستقبل على طووووووول
تقولوا طبعا الاخلاق والدين .. لكن اذا جاء وقت الجد ... كلام نسمع فعل مانشوف ....
والله انهم كثير يخطبوني علشان سمعتي انا واهلي وخواتي بين الناس ... وتقول لهم امي احيانا ترا بناتي مافيهم جمال ابدا .. الشكل مقبول ولا عندنا اي مميزات شكليه ...
تلقى الخاطب منهم يدق على صدره ويقول انا ماابي الا الأخلاق والدين السمعه الطيبه ...
وبعد الرؤيه الشرعيه مانشوف الا غباره ... ولا عندنا مغالاه بالمهور ولا اي شي ... عشره الاف تكفي ولا ماله داعي حفلات ولا مهزله ولا كلام فاضي وفلوس تطير بلهواء من غير فايده ....
وبعدين انتوا ياشباب فكروا فيها شوي الله يهديكم .. تبغون تتزوجون من غير اي تعب او دفع تكاليف او اي شي ..
ادفع اللي تقدر عليه واذا رفضوا اهل العروس فيه مليون غيرهم يرضون ...
وبعدين اشوف سالفه الأب هذا اللي ياخذ مهر البنت ويرجعها للشاب والله مو من حقه .. هذا المهر لها وهي تتصرف فيه
ولو كان يبغى يكون ناصح ومجه لها ياخذ نصفه ويطلب منها تشتري فيه ذهب لها ينفعها بعدين اذا احتاجت ...
مهرها حق لها من تقدير الله عز وجل وهو واجب على الخاطب على حسب مقتدره .. هو لايطلب منه شي فوق طاقته ويترك له الحريه في دفع المهر اللي على قدر استطاعته ...

اسفه علىالأطاله .. لكن احب اقول لكم مره ثانيه .. المهر ابدا ماكان مشكله وسبب عنوسه جميع البنات ...

الأسباب كثيره ولا يمكن حصرها ... واولها ان الله ماقدر للبنت هذي انها تتزوج .... وهي مو ناقصه اتهامات او تجريح او القاء عليها اسباب عنوستها ....

والسلام
قديم 11-04-2006, 10:56 PM
  #6
شهرزاد
عضو مميز ومثالي
 الصورة الرمزية شهرزاد
تاريخ التسجيل: Apr 2005
المشاركات: 360
شهرزاد غير متصل  
و الله كل شئ نصيب و كل واحد بيشوف اللى ربنا كتبه له
لكن الرسول (ص)نصحنا بالا نغالى فى المهور
و بالتاكيد ان كلام الرسول(ص)هو الصحيح لانه لا ينطق عن الهوى
و ياليت جميع اولياء الامور يقللون فى مهور فتياتهم حتى تعم البركه
اختكم فى الله
__________________
ارجوكم ادعوا لى
اسال الله العظيم ان يعيد لى زوجى و يلم شمل عائلتى فى القريب العاجل و لا يفرقنا ابدا
اااااااااااااااااااااااااااااااااااامين
اختكم فى الله
(ام محمد)
قديم 11-04-2006, 10:57 PM
  #7
شوبارد
كبار شخصيات المنتدى
 الصورة الرمزية شوبارد
تاريخ التسجيل: Jan 2006
المشاركات: 5,397
شوبارد غير متصل  
وانا اوافق اختي الغالية لولو بكلامها

من قالك سبب العنوسة الفلووووووس والمهر ومادري ايش؟!!

طيب بقولك اهلي مايطلبون مهر ولاشي اللي يجي من الرجال خلاااااااص

وزواجات وحفلات انا عن نفسي ماأبغاها احب يكون عائلي

والحمدالله مو ناقصني شي اللهم لك الحمد ومع ذلك جالسة في بيت اهلي!!

وبعدين حركة الاب يوم ياخذ 13 الف ويرجع الباقي حركة جدا سيئئئئئئة

الله يخلي لي ابوي مرة انخطبت وجاب لي المهر بغرفتي وقال حلالك يابنتي

بس راااااااح المهر وصاحبه الله يعوضني بالأفضل يارب

الزواج نصييييييب وتوفيق من الله
__________________
اللهم لك الحمد والشكر
"ولئن شكرتم لأزيدنكم"
قديم 11-04-2006, 11:06 PM
  #8
kaanoof
عضو نشيط جدا
 الصورة الرمزية kaanoof
تاريخ التسجيل: Feb 2006
المشاركات: 556
kaanoof غير متصل  
السلام عليكم

خووووش فكره والله

الله يرزق كل البنات يارب
__________________
[poem font="Simplified Arabic,5,green,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انت حبك شي مااقدر علية=كن حبك ضيف والقلب بدوي

انت حتى الجرح منك اشتهيه=من غلاك اضمى عذابك وارتوي

انت بس اللي ابيه ولا اجيه=عنك حظي لاوي ذراعي لوي

صرت لي مشوار لاجيت ابتديه=ان لقيت الدرب ضيعت الخوي

انت لا سولفت ماكني هنيه=التزمت الصمت كني منطوي


ليه اسولف لك وهي من غير ليه=تعرف انك تطوي احزاني طوي[/poem]
قديم 11-04-2006, 11:24 PM
  #9
smsh
قلم مبدع
 الصورة الرمزية smsh
تاريخ التسجيل: Dec 2005
المشاركات: 1,635
smsh غير متصل  
فعلا ماعاد الاحظ ان العالم تطالب بمهر معين زي زمان او يمكن موجود لكن ببعض المجتمعات
عائلتنا ومعارفنا كلهم ماقد سمعت احد قال ابغى المهر الفلاني او طالب بشي فوق الطاقه
يمكن الحين الظروف كذا
اغلب الشباب بدون وظيفه او وظيفه راتبها يادوب يكفي مصرفاته من وين البيت وتكاليف الفرح و و و اشياء كثير
ممكن تضبط مع ناس لكن ناس لا بسبب الديون او انه يكون عائل لاهله او او او

يعني الموضوع كبييييييييييييييييييييييييييير جدا وله مليون سبب
من ناحيه الفتاه ومن ناحيه الشباب

الله يزوج العزاب والبنات يارب كلهم
__________________
قديم 12-04-2006, 12:37 AM
  #10
ضاحي
موقوف
 الصورة الرمزية ضاحي
تاريخ التسجيل: Jan 2004
المشاركات: 961
ضاحي غير متصل  
انتو ليش زعلانين فعلا ترى غلاء المهور سبب رئيسي يعتبر من اسباب العنوسه وعزوف الشباب عن الزواج

والاخت لولو انتي تتكلمين عن عوائل بنسبة30% ولكن العوائل الاخرى تشرط مهر كبير وبعض العوائل تبيع كلام بس

يعني يقولون مانبي نكلف عالرجال ومادري ايش ووقت الجد تطلع الطلبات اللى تقصف ظهر العريس من تحت الارض

هذا سبب من اسباب العنوسه وطبعا في اسباب ثانيه كثيره

تحياتي
موضوع مغلق

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 10:43 PM.


images