|
سمع ..هُس.. وبعدين بهالحريم الملاسين!!
السلام عليكم ورحمة الله ,, كيف حالكم
والله اكتب لكم من قهري امور تصير حوالينا وحنا صابرات وساكتات ابدأ لكم بالموقف وشوفوا انتم وش رايكم تقابلنا البارح مع نساء الجماعه ( وما أدراكم ما نساء الجماعه ) :29: وستة ماشاء الله من بنات الجماعه بيتزوجون هالصيفيه اللي المفروض انا اكون السابعه لكن الله ماكتب نصيب وكلهم اصغر مني بكثير انا الكبيرة الوحيده بينهن وجلسن يستعرضن وش اشتروا وش سوا وهذه تقول حجزت المكان الفلاني وعادي تقبلت منهن لانهن فرحانات الادهى والامر هالحريم ( جرحوا أمي ) بكلامهم قدامي قالت وحده : الله يعينك يا ام فلان اكيد انك منتي مرتاحه ؟ قالت الوالده :ليش وش المانع مااكون مرتاحه؟ قالت:هم البناااااااااااااااااااااات لين الممااااااااااااااااااااااات ,,تحسبينها هوينة ياوخيتي بنياتك تخرجن اللي من ثلاث سنين واللي من اربع واللي توها وجالسين عندك:11: امي وجهها تغير المسكينة وقالت : كل شئ قسمة ونصيب ثم جاءت وحده بترقعها خربتها قالت : قولي البنات الصغيرات يمشن ان شاء الله لكن ( جــــروح ) :( بعد ماتطلقت وش بمشيها من عندك الله يعين على شباب هااليومين عاد انا استحيت اتكلم بعدين في البيت امي قالت لي لاتزعلين من الكلام قلت : يمة والله ماني بزعلانة على نفسي زعلانة عليك انتي ماودي ولا وحده تجرحك بالكلام الوالده قالت للوالد الله يطول عمرة تدرووووون وش قااااااااااااااااااااااااااال ::rolleyes: قال : انا والله اسمع كلام دايم بس ماعلي من احد :19: كل وحده تاخذ نصيبها يقول جاء واحد سأله كم عمر بنتك الكبيرة يوم ابوي قاله العمر قال : والله كان ودي اعطيها ولدي بس ولدي متشرطن وحده اصغر هذه تنفع لي :29: وش رايك يابو فلان تزوجنيها :16: قلت حتى انت يابوي الله يعينكم والله ياجماعه انا مايهمني كلام الناااااااااااااااااااااااااااااااااس بس ماابي شي يمس الوالده او الوالد انتم ماتدرون وش صار بوجه الوالده البارح قولوا لي بهالموقف وش يكون موقف الوالده غير كلمة ( ماجاء نصيبهن ) والاحراج اللي يقع فيه الوالد دلوني كيف اعلمهم يتصرفون بهالمواقف تكفووووووووووووووووووووووون أختكم : جروح تبتسم ولم تلتئم:18: |
الله يعين الناس علئ بلاويها ,انا لو كنت مكانك ما اهتم و اقول الله كريم هو الي يقسملي قسمه احسن ,,الله يفرج عليكي ان شاء الله
|
الله يعينج يا جرووووووح و الله كسرتي خاطري
ما عليج منهم طنشي كل الكلام كم واحد بيسمع ويسمع ويسمع وينقهر في كل مرة يسمع فيها كلام يجرحه هالناس ما عندهم احساس..(اعذريني على هالكلمة) طبعا لانهم مامروا باللي مريناه .. ما حسوا بالألم و المرارة .. ما شربوا من هالكاس و الله لا يشربهم منه بس .. حبيت إنج تعلمين أهلج بعد الصبر .. وما شاء الله و الله عاللي قالته أمج .. دليل ذكاء وفطنه .. خليها مثل ماهي فترة وبيملون صدقيني.. أما الوالد الله يخليلج إياه .. ما غلط .. و اللي رد عليه واحد من كثير من الناس اللي يعقون كلام بدون ما يعرفون تأثيره أسأل الله لك يا (جروح تبتسم) بأن الله يصبرج على ما أبتلاج ويصبرنا معاج ... وخليج ( تبتسم بدون جروح) إن شاء الله |
يا حبيبتي طنشي
اللي متزوجة ما تسلم والمطلقة ما تسلم واللي ما اجا نصيبها ما تسلم الناس تحش تحش فيك وايش ما سويتي ما يعجب الله يعينا على زمانا والله يرزقك الزوج الصالح اللي يعوض صبرك خير |
السلام عليكم ورحمة الله وبركاته
غاليتي جرووح
أسأل الله العظيم يرزقك الزوج الصالح اللي تقر به عينك وتقر بك عينه اللهم آمين ويرزقنا واخواتك بنات المنتدى وبنات المسلمين اللهم آمين لكن السؤال المهم لهذيلا الحريم :29: هل يضمنون سعادة بناتهم ؟؟؟؟ تقدر وحده فيهن تضمن عدم طلاق بنتها ؟؟؟؟؟ مو كل متزوجة مبسوطة حبيبتي الدنيا دوووووووووووووارة ويوم لك ويوم عليك ولو على كلام الحريم ما يخلص وعندنا نموذج اخواتي من ابويه الله يهديهم هم وكلامهم وتجريحهم وفقك الله لما يحبه ويرضاه تحياااااتي اختك |
تسلمون على الرد يا حلوات والله يصبرنا
لكن ودي انصح اهلي يطنشون كيف؟ انا ماعلي منهم مطنشة ومكبرة الوساده على قولتهم :) لكن الوالد والوالده شايلين هم :( |
شقول بحالي شقول يا جروح المعايره من اهلي صارت مو من الناس بس
تشبعت خلاص حتى احلامي صارت كوابيس |
ترانيم
الله يعينك حبيبتي ويصبرك دام من اخواتك يطلع كذا مانشره على اللي برا اسأل الله ان يرزقك بأحسن من رجالهم باللي يسعدك بدنيتك وبدينك ويهنيك قولي آمين أم مزنة والله قلبي عورني عليك يمكن الدور يجي علي انا بعد واهلي يعايروني ماتدرين مالنا الا الصبر |
ياجروح والله مدري ايش اقول لك ....
لكن انتي قلتيها ملاسين وكل وحده لسانها اطول منها .... وحتى لو طنشنا والله يبقى الجرح لنا الاجر بأذن الله والرزق كاتبه الله وهو سبحانه متكفل بجميع خلقه .... ومافي احد ياخذ رزق غيره ولا ياخذ زياده على رزقه .... خلي يقولون .. خلي يتشمتون .. خلي يتكلمون لما يتعبون ... الدنيا تدور وياسرع ماترجع لهم .... الله يوفقك ويرزقك الزوج الصالح عاجلا غير اجل وجميع بنات المسلمين .... |
اختى جروح تبتسم
لو انا مكان أهلك قلت والله مو حنا اللي نكتب الخير لانفسنا وهذا شي بيد الله والحمد لله على دبرته 0 وبعدين اختى جروح ماهو بس ابوك اللي عنده بنت مطلقة لعلمك كل 3 أباء من 10 أباء عندهم مطلقات ولاهو عيب ولا حرام 0 الله يعوضك خير ويسعد قلبك |
ياقلبي ياجروح الحال من بعضه
مرة وحدة بمجلس بعزيمة مليان حريييييييم قالت لأمي ليه ماتقرين على بنتك انا متأكدة فيها عين!! خافي ربك هالبنات يتزوجون وبنتك واقف طريقها وانتم ساكتين؟؟ >> وامي تبلع ريقها مسكينة!! صراحة ماينأمن للناس والمشكلة اللي يتكلمون هاذولي لما تتأملين بحالهم تلقين عندهم مصايب بس مشغولين بمصايب غيرهم الحل الصبر والله يرزقك بللي يرفع راسك ويسكتهم ان شاءالله |
كل شئ يقدر الشخص يسويه في هالدنيا
إلا شئ واحد أنه يسكت الناس,, لكن الشكوى لله,, الله يكون بعونك يالغلا,, والله يرزقك فالقريب العاجل,, |
والله حبيبتي انا معاك بس خلي امك وابوك على تصرفهم الطبيعي وصدقيني اذا سكتو واحتسبو الامر لله انشاء الله ربي يفرجها لكم .
|
عوضك الله وعوضنى بالخير
وفرج همى وهمك ووقانا شر من تتكلم بسوء على بنات الناس...اللهم اكفنا شرورهم ورد كيدهم فى نحورهم والههم فى انفسهم واصرفهم عنا يا ارحم الراحمين |
اقتباس:
امين |
ولا تهتمي وطنشي كلامهم واذا احد مره ثانيه تكلم قولي كل شيىء قسمه ونصيب والله يعوضك خير يا اختي ويكتب لخواتك الزواج والرجل الصالح انشالله ويفرح امج وابوج انشالله
|
طنشي كلامهم..:25: . أسأل الله العظيم يرزقك الزوج الصالح اللي تقر به عينك وتقر بك عينه .... آمين
|
الله يصبرك ويرزقك يارب
|
لا إله إلا الله محمدا رسول الله
الناس أصلا مايرحموا حد من لسانهم, ماحد سالم منهم صدقيني (صغيره, معنس, مطلقه, أو حتى متزوجه) : -هذي مو شاطره بالمره - فلانه مو حلوه - فلانه عنسة ماحد خذها - فلانه تطلقت من ريلها أكيد ... وأكيد .. - هذي معرسه وريلها مايدانيها ومايصرف عليها ويمكن يتزوج عليها - هذي ماتجيب عيال -هذي ماتحب اهله وماتحترمه - هذي ماتعرف تربي عيال ووووووووووو مايخلو أحد في حاله مايعرفوا إن الدنيا دواره وكما تدين تدان. جروح خلج واثقه ولا يهمج وإن شاء الله بيجيكي أحلا نصيب. آآآمين |
تصدقي عاد مايخلينا نشيل هم الزواج ونفكر فيه الا الناس من كثر كلامهم عن هذا الموضوع الله يعيننا بس
مادري ليش مايتركونا في حالنا عشانهم ماجربوا صدقيني اللي يجرب هو اللي يحس بك وغير كذا لا اهم شي انت ماعليك من كلامهم ادري مالنا الا التطنيش بس زي ماقالت الاخت لولو يبقى الجرح والتفكير في كلامهم والله يعين والدتك ووالدك والله يرزقك ويرزقنا جميعا الزوج الصالح ويفرح اهلك بك ويفرج همك عاجلا غير اجل |
أختي جروح .. في البداية كنت أنجرح من هذا الكلام
لكن تدرين الحين أفرح .... أسكت ......وأحس إن كلامهم رفعة في شأني (الله يرفع ماحقرتن) بصراحة -بما أني أدعو وواثقة من الإجابة بإذن الله تعالى - أحس بيوريهم ربي فيني يوم وينهبلون كلهم من أولهم لآخرهم , وشلون (إنسان ) جاها هالحظ ....عندي إحساس بكذا والله تعالى أعلم ....... |
اقتباس:
انت ايضا عزيزتى جروح احتسبى فقط فالله اعلم باى التوقيتات انسب لك ادعو الله لك ولى ولبنات المسلمين بانفراج الكرب...............امين . ولا تنسينى بالدعاء. |
يـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــارب يسعدكن ويرزقني واياكم الرجال الصالحين اللي نقهر به الكل يارب
مشكورين كلكم وأشكر الاستاذ الكبير على مروره الله يجزاه الخير والله الحمد لله واثقه من ان الله سيحتسب لنا الاجر الكبير ((((((((((((( ان الله لا يضيع أجر من أحسن عملا )))))))))))))))))) صدق الله العظيم |
| الساعة الآن 08:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©