السلام عليكم ورحمة الله ,, كيف حالكم

والله اكتب لكم من قهري امور تصير حوالينا وحنا صابرات وساكتات

ابدأ لكم بالموقف وشوفوا انتم وش رايكم

تقابلنا البارح مع نساء الجماعه ( وما أدراكم ما نساء الجماعه )

وستة ماشاء الله من بنات الجماعه بيتزوجون هالصيفيه اللي المفروض انا اكون السابعه لكن الله ماكتب نصيب

وكلهم اصغر مني بكثير انا الكبيرة الوحيده بينهن

وجلسن يستعرضن وش اشتروا وش سوا وهذه تقول حجزت المكان الفلاني وعادي تقبلت منهن لانهن فرحانات

الادهى والامر هالحريم ( جرحوا أمي ) بكلامهم قدامي قالت وحده :
الله يعينك يا ام فلان اكيد انك منتي مرتاحه ؟
قالت الوالده :ليش وش المانع مااكون مرتاحه؟
قالت:هم البناااااااااااااااااااااات لين الممااااااااااااااااااااااات ,,تحسبينها هوينة ياوخيتي بنياتك تخرجن اللي من ثلاث سنين واللي من اربع واللي توها وجالسين عندك

امي وجهها تغير المسكينة وقالت : كل شئ قسمة ونصيب
ثم جاءت وحده بترقعها خربتها قالت : قولي البنات الصغيرات يمشن ان شاء الله لكن ( جــــروح ) بعد ماتطلقت وش بمشيها من عندك الله يعين على شباب هااليومين

عاد انا استحيت اتكلم

بعدين في البيت امي قالت لي لاتزعلين من الكلام قلت : يمة والله ماني بزعلانة على نفسي زعلانة عليك انتي ماودي ولا وحده تجرحك بالكلام

الوالده قالت للوالد الله يطول عمرة تدرووووون وش قااااااااااااااااااااااااااال :

قال : انا والله اسمع كلام دايم بس ماعلي من احد
كل وحده تاخذ نصيبها

يقول جاء واحد سأله كم عمر بنتك الكبيرة يوم ابوي قاله العمر قال : والله كان ودي اعطيها ولدي بس ولدي متشرطن وحده اصغر هذه تنفع لي وش رايك يابو فلان تزوجنيها

قلت حتى انت يابوي
الله يعينكم

والله ياجماعه انا مايهمني كلام الناااااااااااااااااااااااااااااااااس
بس ماابي شي يمس الوالده او الوالد انتم ماتدرون وش صار بوجه الوالده البارح

قولوا لي بهالموقف وش يكون موقف الوالده غير كلمة ( ماجاء نصيبهن )

والاحراج اللي يقع فيه الوالد

دلوني كيف اعلمهم يتصرفون بهالمواقف تكفووووووووووووووووووووووون


أختكم : جروح تبتسم ولم تلتئم

الله يعين الناس علئ بلاويها ,انا لو كنت مكانك ما اهتم و اقول الله كريم هو الي يقسملي قسمه احسن ,,الله يفرج عليكي ان شاء الله

الله يعينج يا جرووووووح و الله كسرتي خاطري

ما عليج منهم طنشي كل الكلام
كم واحد بيسمع ويسمع ويسمع وينقهر في كل مرة يسمع فيها كلام يجرحه
هالناس ما عندهم احساس..(اعذريني على هالكلمة)
طبعا لانهم مامروا باللي مريناه .. ما حسوا بالألم و المرارة .. ما شربوا من هالكاس

و الله لا يشربهم منه

بس .. حبيت إنج تعلمين أهلج بعد الصبر .. وما شاء الله و الله عاللي قالته أمج .. دليل ذكاء وفطنه .. خليها مثل ماهي فترة وبيملون صدقيني.. أما الوالد الله يخليلج إياه .. ما غلط .. و اللي رد عليه واحد من كثير من الناس اللي يعقون كلام بدون ما يعرفون تأثيره

أسأل الله لك يا (جروح تبتسم) بأن الله يصبرج على ما أبتلاج ويصبرنا معاج ...
وخليج ( تبتسم بدون جروح) إن شاء الله

__________________

يا حبيبتي طنشي
اللي متزوجة ما تسلم والمطلقة ما تسلم واللي ما اجا نصيبها ما تسلم الناس تحش تحش فيك وايش ما سويتي ما يعجب
الله يعينا على زمانا والله يرزقك الزوج الصالح اللي يعوض صبرك خير

__________________

غاليتي جرووح
أسأل الله العظيم يرزقك الزوج الصالح اللي تقر به عينك وتقر بك عينه اللهم آمين

ويرزقنا واخواتك بنات المنتدى وبنات المسلمين اللهم آمين

لكن السؤال المهم لهذيلا الحريم

هل يضمنون سعادة بناتهم ؟؟؟؟

تقدر وحده فيهن تضمن عدم طلاق بنتها ؟؟؟؟؟

مو كل متزوجة مبسوطة

حبيبتي الدنيا دوووووووووووووارة ويوم لك ويوم عليك

ولو على كلام الحريم ما يخلص وعندنا نموذج اخواتي من ابويه الله يهديهم هم وكلامهم وتجريحهم

وفقك الله لما يحبه ويرضاه

تحياااااتي

اختك

__________________
ادعوا لي بالنجاح والزوج الصالح واكمل دراستي

تسلمون على الرد يا حلوات والله يصبرنا

لكن ودي انصح اهلي يطنشون كيف؟

انا ماعلي منهم مطنشة ومكبرة الوساده على قولتهم

لكن الوالد والوالده شايلين هم

شقول بحالي شقول يا جروح المعايره من اهلي صارت مو من الناس بس

تشبعت خلاص حتى احلامي صارت كوابيس

ترانيم

الله يعينك حبيبتي ويصبرك دام من اخواتك يطلع كذا مانشره على اللي برا

اسأل الله ان يرزقك بأحسن من رجالهم باللي يسعدك بدنيتك وبدينك ويهنيك قولي آمين


أم مزنة

والله قلبي عورني عليك
يمكن الدور يجي علي انا بعد واهلي يعايروني ماتدرين
مالنا الا الصبر

ياجروح والله مدري ايش اقول لك ....

لكن انتي قلتيها ملاسين وكل وحده لسانها اطول منها ....

وحتى لو طنشنا والله يبقى الجرح

لنا الاجر بأذن الله والرزق كاتبه الله وهو سبحانه متكفل بجميع خلقه ....

ومافي احد ياخذ رزق غيره ولا ياخذ زياده على رزقه ....

خلي يقولون .. خلي يتشمتون .. خلي يتكلمون لما يتعبون ... الدنيا تدور وياسرع ماترجع لهم ....

الله يوفقك ويرزقك الزوج الصالح عاجلا غير اجل وجميع بنات المسلمين ....

__________________






دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

اختى جروح تبتسم


لو انا مكان أهلك قلت والله مو حنا اللي نكتب الخير لانفسنا وهذا شي بيد الله

والحمد لله على دبرته 0

وبعدين اختى جروح ماهو بس ابوك اللي عنده بنت مطلقة لعلمك كل 3 أباء من

10 أباء عندهم مطلقات ولاهو عيب ولا حرام 0 الله يعوضك خير ويسعد قلبك