|
سؤال لغير المتزوجات
بصراحة ودي أعرف..
هل تتضايقين إذا سمعت عن مشاكل في بيوت المتزوجات أو عادي يعني كأنك تسمعين مشكلة عادية؟ أشرح أكثر: أحيانا لما أتكلم مع النساء غير المتزوجات سواء مطلقات أو ما سبق لهن الزواج... اتكلم عن مشاكل أسرية أو مشلكة عندي او أو الخ ألاحظ- كذا وحدة صار لي معها هالموقف- تتضايق مرة مرة كأنها تقول لا تضيقين صدري أكثر! يعني كأنها تقول لا لا تقولين إن حياة المتزوجات فيها مشاكل وخلافات استغربت كثير ... لان ما أقول إنها راح تفرح بوجود مشكلات للآخرين هذا شي ان شاء الله اكيد بس تحس انه مو هي بلحالها اللي تعبانة وتعاني... حتى المتزوجة مثلها! بس لاحظت غير... يعني تسكر الموضوع بشكل واضح ... وانها ما تبغى تسمع اكثر .. طبعا هي عارفة أكيد إن فيه مشاكل بس خلاص اللي عارفته عارفته وانتهى الأمر ما ادري هل هم يشعرون إن الكلام عن المشاكل يخرب الصورة الحلوة اللي في بالهم يعني كأنهم يقولون لا حرام عليك احنا ننتظر العرس علشان نفتك وانتم قاعدين تقولون ما راح تفتكون من هم الأهل الى هم الزواج؟ إذا فهمتوا ودي أعرف... وش وجهة نظركم؟ يعني أتكلم مع غير المتزوجات بالمشاكل او أضايقهم كذا؟ وإن شاء الله يا ربي يعرسون ولا يشوفون مشاكل....:d |
لسلام عليكم......... هذا انا من جديد ارد بعد مده..مسويه اني مهمه...
المهم شوفي انا انسانه جتني عقده من الزواج بسبه الكلام هذا تجك وحده وخذي سب ومشاكل وربي جتني عقده خلاص كرهت الزواج مره والي زاد الطين بله اني انخطبت وبعد تفكير قلت يمكن هذا يطلع غير ولكن ليلاسف اثبت لي ان الكلامهم صحيح قلت اقول اقعد بيت اهلي معززه مكرمه احسن من المشاكل.....وكل هذا بسبه الناس الي حولي ومشاكلهم الي ماتنتهي وتوجع القلب وتقعد الوحده غصب............والله يوافق الجميع |
صرااحة كلامك مو واضح .. :29:
بس اللي فهمتوا انه البنات اللي ما اتزوجوا ما يبغوا يسمعوا كلام عن المتزوجات ومشاكلهم لانهم منتظرين هذا الشي ؟ اذا كان هذا قصدك .... فاحب اقلك انه ما اعرف لكن بالنسبة ليا عااادي لانه مو كل الناس زي بعض والمشاكل في كل بيت ... بس ماعندي اكثر من كذه .. :d |
لا و الله يا أختي لا اتضايق و لا شيء .. بالعكس اصغي لهن و اتفهم مشاكلهن .. انا اصلا رغم دعائي لي بالزواج و لكافة بنات المسلمين إلا انني دوما اضع في بالي ان حياتي لن تكون جنة بلا مشاكل و لهذا فاحيانا افكر ايضا كيف علي ان اغيير اشياء في شخصيتي لتتناسب مع حياتي الجديدة بإذن الله تعالى تحاياي لك اختي |
انا بدوامي كثير متزوجات وفيه منهم من تعيش بمشاكل وفيه منهم من تعيش بسعادة وفيه من يدخل بحياتها المشاكل بشي بسيط يعني
ودايم يتكلمون قدامي صح اتضايق بصراحة واصير اشك بالرجال كثير واخاف بعد بس هالشي ماأبعد رغبتي بصراحة عن الزواج:d بس خلاني انتبه واعرف طبايعهم اكثر بس ماأنكر اني صرت أدقق اكثر وأخاف أكثر |
والله يعتمد على نوع الكلام والتكرار المستمر يعني لو مشاكل عاديه أكيد ما بتأثر أبداً لأنه لا يوجد بيت لا يخلو من المشاكل ولكن إن تكرر على مسامعي من عدة زوجات الحديث عن المشاكل وتكون مشاكل كبيره أكيد سوف أصاب بالإحباط ولكن بنفس الوقت لن يمنعني هذا الأمر من الزواج فالزواج سنة الحياة وغاية كل فتاة إنتي بس إدعيلي بالزوج الصالح اللي يسعدني ويساعدني على أمور ديني في القريب العاجل ياااااااااااااا رب :)
|
اقتباس:
انا اقولك عن نفسي ليه اتضايق ماادري هل باقي البنات نفس شعوري او لا ... مااتضايق بسبب اني احلم ان الزواج مافي مشاكل...ولا اتضايق بسبب اني ماابغى يكون احد عنده مشاكل ( صدق اني اتمنى ان الكل يكون سعيد ومرتاح بحياته وارحم اللي اشوفها تعاني من زواجها ) لكن هذي الحياة ماتصفو لأحد ... ولا اخاف ان الكلام عن مشاكل الزواج يخرب صوره الزواج بعيني ويكرهني فيه ويخوفني منه ... يعني مااقول لا حرام عليك احنا ننتظر العرس علشان نفتك وانتم قاعدين تقولون ما راح تفتكون من هم الأهل الى هم الزواج؟ اتضايق وانزعج لأني اتمنى اعيش المشكله اللي انتي عايشتها .. اتمنى وخاطري ومنى عيني وحياتي اذوق واستمتع بطعم المشكله وطعم الحياة هذي ... اللي تشوفه المتزوج تعب ومشاكل هو بالنسبه لغير المتزوجه النعمه والحياه الي انحرمت منها ...خاطري اعيش التجربه هذي اللي يدخل علي يوم من الأيام زوجي وهو يصرخ علي بأعلى صوت وهو بقمه الغضب والزعل ويتفوه بكلمات حتى لو تجرحني انا قابله فيها واتمنى اسمعها ... خاطري يجي اليوم اللي يزعل علي زوجي بسبب او بدون سبب .... بغلطه انا غلطتها او ماغلطت .. حتى لو كان هو الغلطان يجبرني اني ارضيه واستسمح منه واقبل يديه وراسه علشان يرضى حتى لو الغلط راكبه من راسه لرجليه .. خاطري اقول انه مايدري عني ولا يهتم بي .. خاطري اشتكي واقول مايكلمني ودايم يزعل ويسهر برا كثير وعصبي وووووو .. خاطري يجي يوم والعيال قالبين البيت فوق تحت ولا قدر ينام ويجي يغسل شراعي انا ويعطيني تهزيئه محترمه تخليني مانام الليل .. خاطري اجلس اصيح بالساعات لأنه زعلني وانتظره يجي يراضيني وبعدها يجي يقول المفروض تعتذرين على غلطتك او يطلع يسهر من شلته ولا عطاني لاحس ولا خبر ...خاطري يجي يوم يبلغني فيه انه راح يتزوج علي واجلس اصيح من القهر والالم اتمنى بعدها اني اعيش لعيالي اللي هم حياتي كلها .. واللي كان زوجي تاج راسي هو السبب بعد الله بوجودهم واللي عرفت بسببهم ان للحياه معنى وطعم بوجودهم حولي <<<دخلت بأحلام اليقظه وعشت الجو .. صدق انها احلام كلها مشاكل ... لكنها امنييييييييييييييييييه تتمناها كثير من البنات اللي ماتزوجوا .. اتضايق وانزعج لما اسمعك تتكلمين عن وضع ومشكله انتي تعتبرينها وتشوفيها مشكله وحجيم وعذاب ..لكنها في الواقع وبعين اللي ماتزوجت جنه ونعمه وحياااه ... لكن المتزوجه مااتشوفها مااتشوفها مااااااتشوفهااااااااااااا ولا يشوفها اي متزوج ... لأنه مايعرف قيمه النعمه وقدرها الا اللي فقدها .. ومثل المثل ا لقديم اللي يقول .. الصحه تاج على رؤوس الأًصحاء لايراه الا المرضى ... المتزوجه لابسه تاج الصحه هذا وهي ماتشوفه .. انااللي اشوفه وكل بنت ماتزوجت .. ماتشوفه الا لما تفقده ويكون مع غيرها لأنه تاج على قمه راسها اكيد ماراح تشوفه الا لما تفقده وتحتاجه يظلل راسها ويحميه ... يعني بصراحه البنت اللي ماتزوجت لما تسمع متزوجه تحكي عن مشاكلها مع زوجها تقول في نفسها .. احمدي ربك واشكريه ليل نهار مليون مره .. انتي متزوجه وعايشه تحت ظل رجل اقل شي مقدمه لك انه محسسك بأنوثتك وانجبتي منه ذريه حسستك بشعور الأمومه اللي ماتوصفه كلمه ... على كثر الكلام اللي كتبته احس ان اللي بداخلي ماطلع ولا قلته .... مدري فهمتي فهمتي قصدي والسبب اللي يزعل اللي ماتزوجت او لا ؟؟؟؟ لكن اتمنى تقرأين الموضوع هذا http://www.66n.com/forums/showthread.php?t=92944 |
لولو ياحبي لك والله انك صادقة بس عاد مو لدرجة انه يذلني.. لولو ترى الرجال ماهم سهلين
بكرة اذا جا رجلك ان شالله استقوي قدامه حتى لو انتي من داخل عادي بس استقوي عشان مايلعب عليك <<< تخربك:d بس من جد صدقتي في اغلب كلامك.. الحين اذا صار عندنا نشاط بالدوام واتفقنا كلنا نجلس الى وقت متأخر جت الساعة 2 تعالي شوفي الاتصالات كل واحد يدق على زوجته ويهزأها ووحدة من المدرسات حطت سبيكر واسمعه يهاوشها وهي كانت مرة معصبة منه ويترادون مع بعض اقول بنفسي ماشالله متى يصير لي كذا <<< انهبلت وتقولي شفتي شلون ياشوبارد الزواج قيووووود << تكفين الحين عند الاهل قمة الحرية يعني؟! بالعكس كل شوي اسمع عيب انت بنت اذا اعرستي بكيفك!! لاتتزوجين نصيحة << اقول بنفسي بعد ماشبعتي من العسل ماتبين اجربه!! بس ارد عليها اقول الحمدالله انا بنعمة راحة البال الله يعينك ويسخر لك زوجك:25: |
لا والله اختي عادي اسمع لهم وما اتضايق بالعكس احاول انصحهم واواسيهم
والصورة ما تخترب لان كل شخصية لها وجهة نظر خاصة أختــــــــ بنت ديرتي ـــــــــك |
تصدقين أختي اتكاءة حرف
هذا اللي أشعر به كل أمراض الذكورة وكل مشاكل الخيانة وكل البلاوي اللي أكتشفتها من خلال المنتدى هذا صايرة قدام عيوني رغم أنو مابقى على زواجي شيء يذكر وصار تفكيري ..هل هو كان على علاقات ...هل يستطيع ... يعني بالعربي كل المشاكل اللي هنا قدامي 24 س الله يستر بس أحس أني بدخل إمتحان مو زواج ..رغم أني أحاول أشيله من بالي لكن مافي فايدة دعواتكم تكفووون لي وإلا بروح فيها وجزاك الله كل خير أحلى أتكاءة شفتها قصدي أقرأ لها في المنتدى الحبيب |
إتكاءة الحرف .....
انا راح اقول لك عن شعوري ... انا بصراحه اتحسس جدااا اذا وحده متزوجه تكلمت عنها وعن زوجها سواء مشاكل او اي شي حتى لو تقول ( فلان قال لي) .... ماراح تفهمين شعورنا .. بس السبب انه لما نسمع الكلام هذا مانركز في الي تقوله تفكيرنا وخيالنا يسرح اقول في نفسي ( ماشالله عندها زوج تاخذ وتعطي معه ... عندها زوج تمشكل معه .. عندها زوج يقول لها وتقول له ... لا تلومينا بس عني انا هذا احساسي ... وانصحك لا تتكلمين عن اي شي متعلق بزواجك او اطفالك او بيتك مع وحده غير متزوجه ( مراعاة لها )... |
شوفي أنا أنقهر من المتزوجات الشكايات.. أحس كل شكواهم " بطر " بمعني.. تفضفضلك على شي قاهرها من زوجها تطبطبي عليها ترجع البيت تتغلى عليه شوية يراضيها وترجع تضحك كأن شيئاً لم يكن.. وتركتك بالشحنة السلبية اللي امتصها عقلك عن الزواج وترسب في العقل الباطن أن الزواج مشاكل.. بس أخيرا كشفتكم يالمتزوجات هيهيهي.. صحبتي لمن تشتكيلي زوجي أناني زوجي يوعدني بخرجة أو سفرة ويماطل وعمره الرجال ما راح يخاف على زوجته مثل أهلك ولا تحزني على نفسك ما فاتك شي.. المهم بعد ما فضفضت وطبطبنا عليها وبينالها انت في نعمة قولي الحمد لله ما يضرب قولي الحمد لله ما يسب.. وشوفي كيف معلق شهادة الماجستير في غرفة نومك وهو ما عنده إلا بكلريوس.. تقوم تفرح وتبدأ تدندن..
ومرة شفت وحدة تشتغل في محل مجوهرات ما تعرفني ولا أعرفها.. سألتني متزوجة قلت لأ.. مبسوطة فبيت أهلي بلا هم.. زعلت قالت لي لاااااا تصدقي كلام الحريم الزواج حلوووووو.. المتزوجة تشتكيلك شوية وبعدين تتصالح مع زوجها وترجع لأحضانه.. انا بالنسبة لي ما احب شكاوي الحريم وخاصة اللي تحسيها شكاوي دلع وبطر وهيه شكلها مبسوطة.. والإنسان عموما ما يحدث بالنعمة.. عمرك يوم مدحتي زوجك على عمل طيب قام بيه ؟ ما أعتقد. وألاحظ في حريم يشتكوا عشان يصدوا عيون.. يا تقولي شي طيب يا تسكت.. إنت وافقتي على زوجك من البداية خلاص تصطفلي معاه.. لو كل وحدة حطت في بالها أن زوجها إنسان لا يخلو من العيوب لارتاحت,, هي نفسها عندها عيوب الدنيا تقوم تحاسب الرجال على عيوبه ليش ؟ عموماً.. كل وحده فينا لها جواب لسؤالك.. عن نفسي ما احب اسمع مشاكل أصلا لانها شي ما يخصني.. وأعف انه شي عرضي اليوم زعلانه بكرة لا,, فليش الناس تعرف تفاصيل حياتي وكأنهم عايشين معايا في البيت ؟.. بعدين انت تنسي الناس ما تنسى.. وغيره تلاقي الموضوع انشر على بيني وبينك لا تقولي الأحد فلانة زوجها قلها كذا وكذا. أحب اسمع أخبار مفرحة لأنها تعدل مزاجي وتحسسني الدنيا بخير.. أما العكس يومي يتنكد واعصب واقول حريم يبغالهم :29: ما يعرفوا قيمة اللي عندهم. وطبعي ملول لو شكتلي اقلها روحي شفيلك سالفة تنفعك :29: بدل الندب واللطم.. أما لو الموضوع كبير وفيه ضرب وأذية.. أتعاطف مع صاحبة المشكلة واحاول اساعدها غير كذا اقلها " روحي طيري " :17: |
السلام عليكم ورحمة الله وبركاته
موووووووووووبس اتضاااايق
تتعب نفسيتي واقول لا متزوجه مرتاحة ولا غير المتزوجة مرتاااااااااااااااااااحه الله المستعان الله يعطينا الطيب الصالح جزااااااك الله خير |
بصراحه ضحكت من كم رد
لكن بقول افرشي سجادتك وادعي في الليل ترى الله يعطي واذا اعطى ما احد يعطي مثل الكريم |
حقيقة أتضايق عندما أسمع المشاكل والخلافات بين الزوجين
وأكره الزواج وودي ماتزوج لكن بعد مدة أنساها ويتغير نظري للزواج |
أشكركم جميييييييييييييييييييعا على كلامكم فعلا أفادني..
وتأكدت رغم اختلاف الإجابات واختلاف ردود الفعل إن الأسلوب الأمثل إن ما نتكلم عن المشاكل مع غير متزوجات لا نعطي الصورة وكأنها جنة ومثالية ولا نعطي صورة إنها مشاكل وبس.. كلامكم اكثر من رائع الرائعة لولو: أعجبتني صراحتك جدا جدا جدا وفعلا كلامك ينطبق تماما على اللي المواقف اللي مرت علي... وفعلا أنا قبل الزواج كنت اعيش ببعض المشاعر هذي طبعا أنا ما أوافق على الكلام لأن البنت تعيش في خيال ويظل الخيال ممتع ولا أريد أن أناقش الفكرة لأني ما أبغى أرسم صورة غير صحيحة عن الزواج لكن اللي أحب أقوله استمتعي بكل لحظة تعيشينها متزوجة كنتِ او غير متزوجة!!! والله العظيم إن اللحظات التي تمرين بها لن تعود!!! وبالتالي استمتعي بأقصى قوة وأقصى وقت عيشي كل لحظة دون انتظار المستقبل.. لا تتصورين أن الغد أفضل اعتبري لحظتك هي الغد المنتظر ... عيشيها وكأن ليس بعدها غد فإذا جاء الغد وكان بالفعل أفضل فالحمد لله لم يضرك ماضيك الجميل وإذا كان غير ذلك فالحمد لله أيضا لأنك سبق وأخذت حقك من هذه الحياة! الغالية اشتقت لأمي.. تصدقين قلبي معك مرة مرة... أدعي لك بالتوفيق يمكن لأني تفاعلت مع مواضيع لك ودخلتِ قلبي بالتوفيق يارب وإن شاء الله تلقين عنده الحنان اللي يعوضك عن حنان الوالدة الله يرحمها...! ياربي جميعا تتزوجون وتدخلون منتدى المتزوجين بس ما تتشكون:d لا بس تفيدونا بأفكار رومانسية:14: |
بالعكس أختي ما أتضايق أبد
معي وحدة في الدوام كل يوم تشتكي لي من زوجها تركت كل المتزوجات و اللي ممكن تستفيد من آرائهم و صارت تشكي لي .. و الله إني أشيل همها و أتضايق عشانها و أدعي لها إن ربي يفرج كربتها و صح هي لما تكون متضايقة من زوجها تقول : احمدي ربك إنك مو متزوجة .. و ما ودي أقولك لا تتزوجين .. الله يرزقك بابن الحلال اللي يسعدك .. بس صدقيني إنك في نعمة .. و أنا .. بالعكس إذا شفت هموم المتزوجات أقول الحمد لله .. ع الأقل أنا ما عندي مشاكلهم .. و لو كان نظرة البنات تختلف معي و إن ودهم يعيشون هذي المشاكل .. فأنا أقول لهم : لاحقين إن شاء الله بتتزوجون .. :) ريحوا بالكم و انبسطوا الحين .. و فكروا إن هذي المتزوجة كانت مثلكم تحلم بحياة حلوة مستقرة و زوج يحبها و يدللها .. بس لما تزوجك تحطمت كل أحلامها .. إن شاء الله يكون حظي و حظكم أحسن من حظوظ كل اللي تزوجوا قبلنا .. اللهم ارزقني زوجًا يحبني و أحبه .. تقر به عيني و تقر عينه بي .. و ارزقنا ذرية صالحة .. عاجلا غير آجل يا رب .. |
والله عقدونا هالمتزوجات بمشاكلهم
يعني ما يذكرون الا الجانب السيء من الزواج اما المواقف الحلوة والله مايقولونها للعوانس يخافون من العين وبعدين بصراحة احس المتزوجات يبالغون في مشاكلهم وتسوي من الحبة قبة وما تلقى الا العانس او غي رالمتزوجة تفضفض لها طيب ليه؟؟ تبي تعقدها؟ ولا تبي تبعد نفسها عن العين وتبين انها موسعيدة مع زوجها مع انها العكس ويمكن نيتها زينة وتبي تخفف على العانس وتخليها تكره الزواج لكن راااااضين بكل شي يسووونه هالرجاجيل بالنا طويل |
تدرون انا صرت انظر للزواج بصورة سلبية وكرهت الرجاجيل ودايما اقول ما فيه واحد زين
والسبب هالمتزوجات حتى خواتي عقدوني بس مرات يقهروني تقعد تسولف علي وتشتكي من زوجها وتخليني اشيل همها وبعدها القاها طالعة تتمشى معاه؟؟ |
بل الأفضــل غاليتــي اتكــاءة حــرف .. عــدم تجــاوز تلك المشكــلات .. ملح الحيــاة .. لتلك الأســوار المقامة حول
علاقتنا الزوجيــة .. فلا لوالدة .. ولا أخت .. ولا صديقة متزوجة أو غير متزوجة .. أمــور الحيــاة ما أكثرهــا .. وثرثرة النســاء لا تنتهــي .. فهل اقتصرت أحاديثنا على .. مشكلاتنا وأزواجنــا ؟ أو نشكي للمخلوق .. ونتجاهل بث الشكوى للخالق ؟ يا غاليــة .. لنتعلم حفظ لساننــا .. فما أوردنا المهالك إلاه .. *** الرائعة الحبيبة اشتقت لأمــي .. أخال أن عمــرك بين 18 إلى 20 عاماً .. كأنني في إحدى كلماتك قرأت ذاك .. حبيبتي .. عندما كنت في مثل عمرك .. كنت أتأثر كثيراً .. كثيراً جــداً .. بما يدور حولي .. خاصة .. في بداية علاقتي وزوجــي .. لم أخف مثلك بل .. سيطرت عليّ تلك القراءات والمشاهدات حتى .. طبقت ( عقدي ) على زوجــي .. إن سمعت بخيانة .. شككت به .. إن رأيت نفاقاً أو ازودواج شخصية .. ذهبت إليه .. وفي حبه شككت .. حتى ضاق بي ذرعــاً .. وعاتبني .. وصلت لمرحلة .. كانت فيها علاقتي وزوجي مهددة .. فكان الحل هــو .. أن أوصد الأبواب بإحكاااام .. على علاقتي وزوجي .. وعندها .. أقسم لك .. عرفت ولأول مرة .. معنى الحب الحقيقي .. حتى اكتسبت منه القوة التي تؤهلني لمجابهة المجتمع .. غاليتــي .. آلمني خوفك كثيراً .. ولمست في كلماتك ذاتي .. فأردت أن أسرد لك تجربتي كنصيحــة .. علك منها تستفيدين .. وبالراحة والسعادة تنعمين .. وبارك الله لكما وبارك عليكما وجمع بينكما بخير .. *** |
| الساعة الآن 05:50 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©