بصراحة ودي أعرف..
هل تتضايقين إذا سمعت عن مشاكل في بيوت المتزوجات أو عادي يعني كأنك تسمعين مشكلة عادية؟

أشرح أكثر:
أحيانا لما أتكلم مع النساء غير المتزوجات سواء مطلقات أو ما سبق لهن الزواج... اتكلم عن مشاكل أسرية أو مشلكة عندي او أو الخ ألاحظ- كذا وحدة صار لي معها هالموقف- تتضايق مرة مرة كأنها تقول لا تضيقين صدري أكثر!
يعني كأنها تقول لا لا تقولين إن حياة المتزوجات فيها مشاكل وخلافات
استغربت كثير ... لان ما أقول إنها راح تفرح بوجود مشكلات للآخرين هذا شي ان شاء الله اكيد بس تحس انه مو هي بلحالها اللي تعبانة وتعاني... حتى المتزوجة مثلها!
بس لاحظت غير... يعني تسكر الموضوع بشكل واضح ... وانها ما تبغى تسمع اكثر ..
طبعا هي عارفة أكيد إن فيه مشاكل بس خلاص اللي عارفته عارفته وانتهى الأمر

ما ادري هل هم يشعرون إن الكلام عن المشاكل يخرب الصورة الحلوة اللي في بالهم يعني كأنهم يقولون لا حرام عليك احنا ننتظر العرس علشان نفتك وانتم قاعدين تقولون ما راح تفتكون من هم الأهل الى هم الزواج؟
إذا فهمتوا ودي أعرف... وش وجهة نظركم؟
يعني أتكلم مع غير المتزوجات بالمشاكل او أضايقهم كذا؟
وإن شاء الله يا ربي يعرسون ولا يشوفون مشاكل....

لسلام عليكم......... هذا انا من جديد ارد بعد مده..مسويه اني مهمه...
المهم شوفي انا انسانه جتني عقده من الزواج بسبه الكلام هذا تجك وحده وخذي سب ومشاكل وربي جتني عقده خلاص كرهت الزواج مره والي زاد الطين بله اني انخطبت وبعد تفكير قلت يمكن هذا يطلع غير ولكن ليلاسف اثبت لي ان الكلامهم صحيح قلت اقول اقعد بيت اهلي معززه مكرمه احسن من المشاكل.....وكل هذا بسبه الناس الي حولي ومشاكلهم الي ماتنتهي وتوجع القلب وتقعد الوحده غصب............والله يوافق الجميع

صرااحة كلامك مو واضح ..

بس اللي فهمتوا انه البنات اللي ما اتزوجوا ما يبغوا يسمعوا كلام عن المتزوجات ومشاكلهم لانهم منتظرين هذا الشي ؟

اذا كان هذا قصدك ....

فاحب اقلك انه ما اعرف لكن بالنسبة ليا عااادي لانه مو كل الناس زي بعض والمشاكل في كل بيت ...

بس ماعندي اكثر من كذه ..

__________________
اللهم تقبل دعاء

انا بدوامي كثير متزوجات وفيه منهم من تعيش بمشاكل وفيه منهم من تعيش بسعادة وفيه من يدخل بحياتها المشاكل بشي بسيط يعني

ودايم يتكلمون قدامي صح اتضايق بصراحة واصير اشك بالرجال كثير واخاف بعد بس هالشي ماأبعد رغبتي بصراحة عن الزواج

بس خلاني انتبه واعرف طبايعهم اكثر بس ماأنكر اني صرت أدقق اكثر وأخاف أكثر

__________________
اللهم لك الحمد والشكر
"ولئن شكرتم لأزيدنكم"

والله يعتمد على نوع الكلام والتكرار المستمر يعني لو مشاكل عاديه أكيد ما بتأثر أبداً لأنه لا يوجد بيت لا يخلو من المشاكل ولكن إن تكرر على مسامعي من عدة زوجات الحديث عن المشاكل وتكون مشاكل كبيره أكيد سوف أصاب بالإحباط ولكن بنفس الوقت لن يمنعني هذا الأمر من الزواج فالزواج سنة الحياة وغاية كل فتاة إنتي بس إدعيلي بالزوج الصالح اللي يسعدني ويساعدني على أمور ديني في القريب العاجل ياااااااااااااا رب

نعم اتضايق .... مو كأني اسمع مشكله عاديه ....تبغين تعرفين ليه ؟؟
انا اقولك عن نفسي ليه اتضايق ماادري هل باقي البنات نفس شعوري او لا ...

مااتضايق بسبب اني احلم ان الزواج مافي مشاكل...ولا اتضايق بسبب اني ماابغى يكون احد عنده مشاكل ( صدق اني اتمنى ان الكل يكون سعيد ومرتاح بحياته وارحم اللي اشوفها تعاني من زواجها ) لكن هذي الحياة ماتصفو لأحد ...

ولا اخاف ان الكلام عن مشاكل الزواج يخرب صوره الزواج بعيني ويكرهني فيه ويخوفني منه ... يعني مااقول لا حرام عليك احنا ننتظر العرس علشان نفتك وانتم قاعدين تقولون ما راح تفتكون من هم الأهل الى هم الزواج؟

اتضايق وانزعج لأني اتمنى اعيش المشكله اللي انتي عايشتها .. اتمنى وخاطري ومنى عيني وحياتي اذوق واستمتع بطعم المشكله وطعم الحياة هذي ... اللي تشوفه المتزوج تعب ومشاكل هو بالنسبه لغير المتزوجه النعمه والحياه الي انحرمت منها ...خاطري اعيش التجربه هذي اللي يدخل علي يوم من الأيام زوجي وهو يصرخ علي بأعلى صوت وهو بقمه الغضب والزعل ويتفوه بكلمات حتى لو تجرحني انا قابله فيها واتمنى اسمعها ... خاطري يجي اليوم اللي يزعل علي زوجي بسبب او بدون سبب .... بغلطه انا غلطتها او ماغلطت .. حتى لو كان هو الغلطان يجبرني اني ارضيه واستسمح منه واقبل يديه وراسه علشان يرضى حتى لو الغلط راكبه من راسه لرجليه .. خاطري اقول انه مايدري عني ولا يهتم بي .. خاطري اشتكي واقول مايكلمني ودايم يزعل ويسهر برا كثير وعصبي وووووو .. خاطري يجي يوم والعيال قالبين البيت فوق تحت ولا قدر ينام ويجي يغسل شراعي انا ويعطيني تهزيئه محترمه تخليني مانام الليل .. خاطري اجلس اصيح بالساعات لأنه زعلني وانتظره يجي يراضيني وبعدها يجي يقول المفروض تعتذرين على غلطتك او يطلع يسهر من شلته ولا عطاني لاحس ولا خبر ...خاطري يجي يوم يبلغني فيه انه راح يتزوج علي واجلس اصيح من القهر والالم اتمنى بعدها اني اعيش لعيالي اللي هم حياتي كلها .. واللي كان زوجي تاج راسي هو السبب بعد الله بوجودهم واللي عرفت بسببهم ان للحياه معنى وطعم بوجودهم حولي <<<دخلت بأحلام اليقظه وعشت الجو .. صدق انها احلام كلها مشاكل ... لكنها امنييييييييييييييييييه تتمناها كثير من البنات اللي ماتزوجوا ..

اتضايق وانزعج لما اسمعك تتكلمين عن وضع ومشكله انتي تعتبرينها وتشوفيها مشكله وحجيم وعذاب ..لكنها في الواقع وبعين اللي ماتزوجت جنه ونعمه وحياااه ... لكن المتزوجه مااتشوفها مااتشوفها مااااااتشوفهااااااااااااا ولا يشوفها اي متزوج ... لأنه مايعرف قيمه النعمه وقدرها الا اللي فقدها .. ومثل المثل ا لقديم اللي يقول .. الصحه تاج على رؤوس الأًصحاء لايراه الا المرضى ... المتزوجه لابسه تاج الصحه هذا وهي ماتشوفه .. انااللي اشوفه وكل بنت ماتزوجت .. ماتشوفه الا لما تفقده ويكون مع غيرها لأنه تاج على قمه راسها اكيد ماراح تشوفه الا لما تفقده وتحتاجه يظلل راسها ويحميه ... يعني بصراحه البنت اللي ماتزوجت لما تسمع متزوجه تحكي عن مشاكلها مع زوجها تقول في نفسها .. احمدي ربك واشكريه ليل نهار مليون مره .. انتي متزوجه وعايشه تحت ظل رجل اقل شي مقدمه لك انه محسسك بأنوثتك وانجبتي منه ذريه حسستك بشعور الأمومه اللي ماتوصفه كلمه ...

على كثر الكلام اللي كتبته احس ان اللي بداخلي ماطلع ولا قلته .... مدري فهمتي فهمتي قصدي والسبب اللي يزعل اللي ماتزوجت او لا ؟؟؟؟ لكن اتمنى تقرأين الموضوع هذا

http://www.66n.com/forums/showthread.php?t=92944

__________________






دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

لولو ياحبي لك والله انك صادقة بس عاد مو لدرجة انه يذلني.. لولو ترى الرجال ماهم سهلين

بكرة اذا جا رجلك ان شالله استقوي قدامه حتى لو انتي من داخل عادي بس استقوي عشان مايلعب عليك <<< تخربك

بس من جد صدقتي في اغلب كلامك..

الحين اذا صار عندنا نشاط بالدوام واتفقنا كلنا نجلس الى وقت متأخر جت الساعة 2 تعالي شوفي الاتصالات كل واحد يدق على زوجته ويهزأها

ووحدة من المدرسات حطت سبيكر واسمعه يهاوشها وهي كانت مرة معصبة منه ويترادون مع بعض اقول بنفسي ماشالله

متى يصير لي كذا <<< انهبلت

وتقولي شفتي شلون ياشوبارد الزواج قيووووود << تكفين الحين عند الاهل قمة الحرية يعني؟! بالعكس كل شوي اسمع عيب انت بنت اذا اعرستي بكيفك!!

لاتتزوجين نصيحة << اقول بنفسي بعد ماشبعتي من العسل ماتبين اجربه!!

بس ارد عليها اقول الحمدالله انا بنعمة راحة البال الله يعينك ويسخر لك زوجك

__________________
اللهم لك الحمد والشكر
"ولئن شكرتم لأزيدنكم"

لا والله اختي عادي اسمع لهم وما اتضايق بالعكس احاول انصحهم واواسيهم

والصورة ما تخترب لان كل شخصية لها وجهة نظر خاصة


أختــــــــ بنت ديرتي ـــــــــك

__________________

	في المدرسة نتعلم لنمتحن وفي الحياة نمتحن لنتعلم

تصدقين أختي اتكاءة حرف

هذا اللي أشعر به كل أمراض الذكورة وكل مشاكل الخيانة

وكل البلاوي اللي أكتشفتها من خلال المنتدى هذا

صايرة قدام عيوني رغم أنو مابقى على زواجي شيء يذكر

وصار تفكيري ..هل هو كان على علاقات ...هل يستطيع ...

يعني بالعربي كل المشاكل اللي هنا قدامي 24 س الله يستر بس

أحس أني بدخل إمتحان مو زواج ..رغم أني أحاول أشيله من بالي لكن مافي فايدة

دعواتكم تكفووون لي وإلا بروح فيها

وجزاك الله كل خير أحلى أتكاءة شفتها قصدي أقرأ لها في المنتدى الحبيب

__________________






[IMG]http://graphics.************/i.p.emlove.gif[/IMG]من أحبني فليدعو لأمي بالرحمة والمغفرة [IMG]http://graphics.************/i.p.emlove.gif[/IMG]

لاتحرموني من دعوة قد تستجاب منكم فلأمي المغفرةوالرحمة ولأبي أن تكون زوجته التي أقبلت علينا امرأة صالحة ...ولي التوفيق في الدنيا والآخرة
حتى لا أعيش الحرمان مرتين..ياأرحم الراحمين...