|
بعض الاسئلة الشخصية اتمنى أجد عليها اجابة من الرجال فقط (ولا حياء في الدين)
السلام عليكم
احب اشكر القائمين على هذا المنتدى الرائع انا كنت متابع من فترة لكن الان جد جد وكتبت ولازم تفيدونني انا زواجي بالصيف والى الان ما سويت اي شئ ولا قابلت خطيبتي ولا كلمتها المهم مو موضوعنا هذا عندي بعض الاسئلة اريد الاجابة عليها والله منحرج من الاسئلة وعارف انكم بتقولون هذا ما يستحي لكن المثل يقول مكان ما تعرف فيه احد سوي اللي تبي فيه :d ولا حياء في الدين زي ما قلت لكم زواجي بالصيف شهر سبعة ولدي بعض المشاكل واريد الاجابة عليها 1- بعض المناطق سوداء في جسمي مثل منطقة الاعضاء التناسلية و تحت العينين والرقبة ما الحل معها ؟! 2- بالنسبة لحلاقة شعر العانة هل استطيع ان احلف بمزيل للشعر يعني ما استخدم الموس وهل لي حلق شعر الدبر والشعر اللي تحت العضو الذكري ؟! 3- فيه في وجهي اربع حبات خال (مدري ايش تسمونها احنا نسميها حبة خال) وحدة منهم كبيرة شوي وكلهم بخدي واريد ازالتها سمعت انها تزال بالليزر ما ادري ما رايكم وفين ممكن ازيلها بجدة وكم الاسعار ؟! 4-في اسفل قدمي فيه تشققات بسيطة كيف اقضي عليها ؟! 5- عندما تبول بعد ما انتهي يخرج سائل شبيه بالمني لكنه اصفر قليلا ما تفسيره وهل هو طبيعي وهل لابد من الغسل علما باني كنت استخدم العادة السرية الى عهد قريب ؟! 6- سمعت ان فيه مراكز للعرسان للعناية بهم ما رايكم بها واين اجدها في جدة وايش يسوون بي اذا رحت لهم ؟! 7- انا دائما البس ثياب والسراويل قماش البس سروال قصير الظاهر يسمى خريطة وفوقه سروال طويل وعندما اعود الى البيت في نهاية الدوام تكون رائحة العرق فائحة بشدة مني وبالذات في المناطق السفلية من جسمي جهة الاعضاء التناسلية و توجد بقع بنية خفيفة هل السروال الداخلي هل هذا بسبب سروايل القماش علما باني سمين وزني 110 ؟! وهل سراويل القطن تسبب حساسية للاعضاء التناسلية مع اني ما راتاح اذا لبستها؟! 8- اسناني لونها صفراء هل من حل لهذه المشكلة ؟! 9- وهذا السؤال اللي منحرج منه كثييييييييييييير انا ناوي اسافر الى استراليا شهر عسل والى الدارسة لكن فيه مشكلة اخاف منها وهي اني لا اعرف استخدم الكرسي الافرنجي في الحمام لان في بيتنا ما استخدم الافرنجي استخدم العربي هل اجلس عليه زي الكرسي العربي او كيف وفي استراليا ما عندهم ماء بحماماتهم يستخدمون المنديل كيف السواة ؟ وسامحوني عل الجرأة لكن اخجل اقولها اما الطبيب او امام اي احد مالي الا الله ثم انتم |
السلام عليكم
اولا حاول تعمل رياضه قدامك 6 شهور تستطيع فيها ان تغير الكثير ثانيا ازل الشعر من المناطق الحساسه اول باول لانه هو سبب الرائحه الكريهه (العانه و الدبر ) ثالثا غير ملابسك الداخليه كل يوم او يومين على الاكثر خذ دش صباحي يومي اما الاسنان فيه عدة امور اولها السواك ممتاز جدا وسنه نبويه فرش اسنانك كل يوم استخدم سلك ( خيط ) لتنظيف مابين الاسنان لرائحة العرق : ازل الشعر من الابط + استخدم مضاد لرائحة العرق الله ييسر امرك اخوك |
بسم اللة نبدا
1- المناطق هذي اعرضها على دكتور جلدية وشف وش يقولك اذا كل شي اوكي استخدم ليفة وسائل استحمام dove يوميا وافرك المناطق هذي(رقبتك وجسمك بس مهب وجهك !) (شوي شوي مهب هواش !) وبعد ماتخلص تروش وحط اي مرطب للجلد وعيونك السواد اللي تحت ممكن يكون فقر دم (ايضا دكتور الجلدية راح يفيدك فيها وممكن يسويلك تحليل ) اذا تحليلك سليم قلل من شرب الشاي والقهوة ولا تسهر لوقت متأخر واشرب ماي كثير ولاتدخن (اذا مصر على التدخين لاتدخن واجد ) وحط كمادات عليها يوم وترك (قشر بطاطة على شكل دوائر وحط عليها على كل عين لمدة 15 دقيقة) 2-مزيل الشعر يسبب السواد نصيحة اتركة وجرب تخفف الشعر بمكينة براون او ناشيونال بس بعد ماتحط علي منطقة العانة والخصيتين بودر عشان ماتعضك المكينة وتدعي علي ! (انا شخصيا استخدم المكينة وممتااااااااازة) وممكن تحلق بالموس نفسة مال اللحية بس تخصص واحد ثاني طبعا للعانة ! جيليت 3 ممتاز تحط جل حلاقة على المنطقة وتحلق بس برواقة لاتجرح الرّمز! يعني يبيلها وقت مافي شغل عالماشي 3-حبة خال ؟ اذا قصدك شامة (اللي بارزة لبرا الجلد ) هذي ممكن تنشال عند دكتور جلدية متخصص (شوف واحد سمعتة زينة ترا بعضهم مايدري وين ربي حاطه !)بالنسبة لمكان والاسعار مااقدر افيدك لاني من الكويت وماجربت هالعملية ! 4-الشقوق اللي بعقب رجلك طريقتها انك تدهن رجولك بفازلين يوميا وتلبس دلاغات وتنام وراحت تصير ناااااااااااعمة وايضا ممكن تسوي ماي ساخن وتذوب فية ملح وتحط رجولك فية لمدة ربع او ثلث ساهة ثم تطلع رجولك وتفركها بالحجر (مقشر للارجل تلاقية في محلات البودي شوب او اي عطار ) وراح تشوف الجلد الميت يتفتت وبعدها ماتفرك مضبوووووووووط تنشف وتحط مرطب او فازلين على رجولك ( ولاتمشي حافي ابدا في اي مكان اللة يهديك لان هذا هو اللي يسبب تشقق الاقدام ! 5-مااعرف الجواب ( ممكن اتصل بصديق ؟) هذي لازم تسأل فيها دكتور ذكورة متخصص وبطل العادة السرية للابد عشان صحتك ! 6-مراكز العرسان مااعتقد بيسوون لك شي اللهم حلاقة وشوية حمام مغربي 7-لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااازم تنزل وزنك لازم مع انك ماقلت طولك بس انت متين حييييييييييييييل والبس سروال قطن داخلي للركبة او فوقها بشوي وكل يوم قبل لاتروح الدوام لازم تحط شوي بودرة اطفال بين الفخوذ عشان تمص العرق وعشان مايصير احتكاك بين الفخوذ وبعدين يصير الون اسود (الاحتكاك سبب لسواد الافخاذ)ويوميا وافضل صباحا تستحم وتفرك المناطق هذي بصابون مثل لايف بوي وبعد الحمام تنشف وتحط عليها كريم مرطب وبعدة بودرة البقع البنية مااقدر افتي فيها بس اسأل دكتور الجلدية لارحتلة ! وسراويل القطن ماتسبب اي حساسية بس اخذ قطن 100% مثل الماركات الكورية تراها زينة ! 8-اسنان طول اللة عمرك تروح لعيادة اسنان زينة وسمعتها حلوة ويسوولك جلسة تبييض بالليزر خلال ساعة وحدة بس تطلع تبررررررررررق ولا نجوم السينما وسعر العملية هذي بالكويت 120 دينار يعني تقريبا 1300 ريال !بس لاتشرب شاي وقهوة واجد ولاتدخن بعد تبييض الاسنان عشان مايرد الصفار والشهااااااااابه ! 9 - الكرسي الافرنجي تقعد علية مثل ماتقعد على كرسي الطاولة (مهب نفس قعدة العربي مبوبز) عاااااااادي والماي اخذ معك بطل ماي صحة صغير لادشيت مهب مشكلة عزيزي كافية هالمعلومات ! |
ولا حتى كلمة شكرا !
الصراحة انتوا فعلا تشجعون الواحد يعطيكم معلومات بفلوس وانا اعطيكم اياها مجانا !! |
شاكر لكم يا اخوة لكن اخي بو رشرش
عندي بعض الاسئلة مكينة الحلاقة هل بالبطارية او لازم تنشبك بالكهرب وهل تزيل الشعر كانك محلق موس او يكون الشعر بارز شوي ؟ بالنسبة لسواد العينين اذكر اني راجعت دكتور من سنتين وقالي هذي طبيعة بشرتك ومستحيل تروح وبالنسبة لعملية الليزر هل جربتها انا سمعت انها تبيض المناطق اللي مره صفراء اللي تميل للبني نتيجة التدخين (وعلى فكرة انا ما ادخن) ولا تبيض 100 % بالنسبة لطولي الظاهر انه 175 -190 في هالحدود انا من اليوم ببدأ امشي اشتريت ملابس وجزمة رياضة وبجري والله يعين |
السلااااااااااااااااااااام
انت صدق يبيلك شغل بس صدقني راح تنجح في مهمتك بس انت راح تثقل اشوي بس لاتعطلي لنفسك فرصه والله راح يعينك لانك راح تعف نفسك :22: ومبروكيين مقدما |
عذرا اخي الفاضل لدخولي ،، بداية الف مبروك اسأل الله لكم التوفيق ،، اردت لفت انتبهاك انت وبقية الأخوة الكرام الى ان ادار ة المنتدى تمنع تحديد اسماء محلات او الدعايه بها ،، راجع القوانين : http://www.66n.com/forums/announcement.php?f=3 بالنسبه لتشقق القدم يمكنك الإستفادة مما طرح داخل هذا الرابط : http://www.66n.com/forums/showthread.php?t=70776 |
......... يمنع الدعايه لأي موقع .......... داوم علمشي يوميا وحاول تعرق بلمشي كثير لكي تذوب الدهون وشرب شاي اخضر بدون سكر على الريق .............لازم تنزل وزنك اخوي انته مره متين بلنسبه للأسنان نظف اسنانك بلفرشا يوميا مع السواك والعلك لانه العلك يزيل فتات الطعام بين الاسنان وزور طبيب اسنان ممتاز ينظف اسنانك من الجير وقلل من الشاي الاحمر والقهوه. بلنسبه لشعر العانه مكينه حلاقه افضل شي بس حاسب ......... للملابس الداخليه افضل شي القطن لانه يمتص العرق وبارد .........وحافظ على نظااااااااافة جسمك بالاستحمام يوميا وفرك جسمك بالليفه الطبيعيه او المغربيه افرك جسمك زين وسوي حمام بخار او مغربي كل اسبوع او كل شهر لتشققات الرجل الظاهر انك تمشي على جمر هههههههه امزح معاك ......... بس اول شي لازم ماتمشي حافي وفي بلصيديات كريمات لتشققات الرجل بتشوف انواع كثيره ادهن كل يوم قبل ماتنام رجلك وحاول تعمل تدليك للرجل والبس دلاغ ونام ............ الشامات اللى على الوجه تشيلها بالليزر عند اي مركز تجميل مع انه الشامه احيانا يكون شكلها جمالي بس انته شيل ثنتين وخلي ثنتين انته قلت فيك اربعه .......... حافظ على صحتك بالمشي يوميا وكل اكل صحي اكثر من الخضروات والفواكه وبالنسبه لسواد العين لاااااااااااااازم ماتسهر وتنام من الساعه 9 الليل لانه سببها الرئيسي السهررررر..........نام بدري وبتدعيلي بيروح السواد ويوم تقوم افطر فطور خفيف وصحي ..........واذا قدرت حط خيار على عيونك يريح العين من الارهاق بتحس بانتعاش بس ضروووووري ياخوي تنزل وزنك لازم عشان صحتك كمان ...... ان شاءلله اكون افدتك تحياتي. |
وينك يا ابو رشرش
وشاكر لك اخوي ضاحي لكن ما معنى دلاغ ؟؟؟ ويا اخوان مارايكم في الشاي الاخضر سمعت انه ينقص الوزن ؟ |
دلاغ يعني جوارب
ومبروووووك مقدما وبالتوفيق |
| الساعة الآن 07:31 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©