منتدى عالم الأسرة والمجتمع - تجربتى وكيف انقصت وزنى 20 كيلو فى سنه دون ريجيم او رياضه

منتدى عالم الأسرة والمجتمع (http://www.66n.com/forums/index.php)

- الريجيم والحمية وضبط الوزن (http://www.66n.com/forums/forumdisplay.php?f=120)

فتوشي قرات موضوعك يجنن زيك حبيبتي انا كدة زيك كنت نحيفة وسمنت المشكلة ماعندي ارادة الهم طايلني من فوقي لتحتي بحلم وبقول ان خلاص وبنزل وبجيب الاغراض بتاعت الرجيم بس ببلش يوم او اتنين وبعدين بترجع حليمة لعادتها القديمة مافي همة نشاط مكتئبة على طول ممكن اعطيك نصايح للصبح بس للاسف مااعمل فيها والكل يقول ان فلانة شاطرة عندها خبرة في كل شي بس انا من جوة مافي همة بحاول اعمل رياضة مجرد ماابلش بصير الهت وكاني حموت لان عندي الربو ظهري على طول وجع عظامي مفكفكة نفسي اخس مش عشاني والله عشان اولادي نفسهم يشوفوني نحيفة وانا مش قادرة احقق الحلم هذا الربو تاعبني جدا جدا ونفسيتي زي الزفت بحط كل غلي باللب والبيبسي والرز اما اني اكل شي مفيد ابدا لو عصرتيني حطلع زيت اللب عارفة الي بدخنوا مايقدروش يبعدوا عن الدخان انا كدة مش عارفة لي ساعديني يافتوشي

فتوشي ياقمر

قبل كل حاجه مبرووك رجوعك لنفسك ولحب نفسك مره تانيه

وعقبال كل البطابيط ... وبصراحة انا جيالك وعشمانه فيكي خير إن شاءالله .. ومتقلقيش بالنسبه للمقابل حيو صلك إن شاءالله من غير ماتوصيني حدعيلك ولولادك من قلبي في ظهر الغيب بكل خير

حعتبر اننا اتفقنا وأنك خلاص حتساعديني >>>> يعني من الأخر بدبسك :d

محسوبتك بقى بطبوطه من الطراز الأول .. ولو بديت أتكلم عن نفسي وعن رحلتي في الخسسان ممكن مش حتكفيني مجلدات:25: >>>> أوفر شوي ;) هههههههه

لا بجد انا مشكلتي بتنقسم لأكتر من حاجه خدي عندك

1- انا طبيعة جمسي أنو معدل الحرق عندي ضعيف يعني بعباره تانيه ممكن الأكل عندي تلات ارباعو بيتحول يتخزن يعني ممكن أكل مع حد نفس الوجبه بنفس الكميه تتخني انا بس متخنش الي كان بياكل معايا ( ده طبعاً لما بتبقى وجبه معقوله بكميه معقوله ... يعني لما بيبقى ضميري حي :d )

2- طببيعة جيناتي ان وزني مش بيزيد من تحت يعني مهما زاد وزني 2 كيلو- 5 كيلو - 10 كيلو .. كلو بيتراكم في القسم العلوي من جسمي وماأدراكي مالقسم العلوي :( طبعا بطني حبيبة قلبي أول حاجه بتكبر وبتفضل تكبر وتكبر وتكبر .... وتكبر وبعدين بينوزع الباقي مابين ايدي وظهري ووشي ورقبتي يعني بيعملو جوله في في المنطقه العلويه الغلبانه في جسمي ... والمشكله هنا طبعاً انو لما ببقى في مرحلة تخننه ( حلوه تخننه دي مشتقه من تخينه) بتبقى مشكلتي بالبس انو في بناطيل مثلاً بتبقى كويسه عليه قوي من تحت بس مش بتقفل من فوق وبالعكس بتبقى عامله زي الشوال من تحت وطبعاً بتكون مزبوطه من فوق.

3- انا بحب الأكل .. لدرجة اني مش بدي نفسي فرصه عشان اجوع والمشكله اني مش باكل اي حاجه يعني الفاست فود حبيب قلبي ... والخروجه عندي متبقاش خروجه لو مفيهاش اكل :rolleyes:

انا برغي كتير بس معلش استحمليني انا بجد محتاجه حد يوقف معايا ويساعدني انا حاسه اني بعاقب نفسي ... مع انو حياتي الحمدلله كويسه يعني مفيش حاجه تخليني اكل اكتر من اللازم ( الأكل العاطفي ) مشكلتي الوحيده جسمي خليني اديكي لمحه بس عني قبل كده ودلوقتي

بشكل عام لما بديت اكبر بديت اما بطبوطه (فاست فود + قلة حركة + ومعدل حرق بطيء+جينات وراثيه )يعني بشكل عام انا جسمي بيميل للتخن اكتر من الرفع بس الحمدلله يعني لما بعلي الهمه وبنوي اني انزل من وزني الحمدلله بينزل

قبل كده من كام سنه كان وزني 76 طبعا هو كتير بس مش كتير اوي بالنسبه لناس معيني بس المشكله انو انا ببان اتخن من كده اولاً لأن طولي 159 تانياً بسبب توزيع الدهون في جسمي في مناطق معينه بس
المهم تابعت مع دكتور وبفترة شهرين كنت نازلا 16 كيلو وبعد كده بديت انزل من العضل فالدكتور طلب مني اني اوقف ريجيم بس غلطتي كانت اني معملتش مرحلة تثبيت للوزن

المهم وفي السنتين الي بعد كده كنت كل مازيد شوي ارجع اعمل ريجيم والحمدلله كنت بخس

المهم بعد كام سنه تانين كان معدل الزيادة عندي مش بيزيد عن 5 كيلو بس كنت زهقت من الريجيم فبديت اخفف اكل شويه وسجلت بنادي مع اني مش بطيق الرياضه ... بس ضغطت على نفسي واتعودت على الرياضه ونزلت لحد مابقى وزني 57 و وبعدها نزل لل 55 الله يرحمها بقى ااااااه كانت ايام

وعادت ريمه لعدتها القديمه انزل وطلع انزل واطلع لحد بعد سنتين استقريت على 62 وبعدها 63 وبعدين64 ... وهلما جرا اخر مره وزنت نفسي كانت من 10 تيام كان66 ونص وبعدها خفت اشوف وزني تاني بس اكيد زاد يعني 67 أو 68 أو 69 الله يستتتتتتتتر

المعضله بقى اني مش قادره ابطل اكل ولا اعمل رياضه لا ادويه نافعه ولا شكلي بالمرايا اثر فيا ولا ملابسي الي صفصفت على بنطلون يتيم هو الوحيد الي طلع ابن اصل ولسه باقي عليا :11:

نفسي اخس ولازم اخس

انا بلعب بالوقت الضايع اتخطبت قريب ومشفتش حماتي- الي ماكنتش موافقه عليا ابداً- مشفتنيش لحد دلوقتي مسافره حترجع بعد أقل من شهرين وانا عمااااااله بلوغ وبتخن وبقول عايزا اخس نفسي اخس لازم اخس :rolleyes:

اللهم امين يا شعاع انا عندى الوى
وبلعب العاب الفيت جيم ومكسره من اولادى هههههههه
ربى يساعدك ويسعدك
وكيلو مش وحش
لو كيلو بالشهر يعنى 12 كيلو بالسنه يا بطه

ام لؤى حبيبتى انتى متوتره على طول وبتفشى خلقك باللب والبيبسى
طاب ممكن بس مرحله اولى البيبسى يبقى دايت او ماكس
يعنى ده هيفيدك كتير اوى
واللب حبيبتى كله زيوت

يعنى والله مش عارفه اقولك ايه ما تقدرى حتى تقللى شويه يعنى بتاكلى قد أيه لب باليوم
ربع كيلو مثلا وللا قد أيه؟

حبيبتى انتى فى اخر سطر قلتى انتى بتتخنى ليه اقرى اخر سطر وانتى هتعرفى يا احلامى بسيطه انتى فعلا بتتخنى ليه!!!!!
ده اولا

الجينات طبعا متحكمه فى شكل جسمك اللى هو شكل التفاحه عريض من فوق ونحيف من تحت

انتى بتاكلى فاست فود لما خلاص هتتعصرى تنزلى فاست فود!!!!!!!!!!!
ده مش كويس عليكى ابدا مش تحن وبس بيكفى اقولك البطاطس بتتقلى بدهن وز عشان تديكى الطعم ده !!!!!!!!!

كلى فاست فود بس ياريت مره واحده بالاسبوع بس كفايه
انتى لازم تخفى اكلك شويه انتى معدل الحرق بطىء لان جسمك ما بيلحق يعمل اى حاجه اصلا
مادمتى بتاكلى دهون تبقى حد مثالى لو اخد زينيكال هيفرق معاكى هو والسيبوتريم
وخففى السكر للنص والفاست فود مره واحده بالاسبوع ارجوكى ارجوكى

مافيش امل مش قلتلك وباكل اد تلات كمشات لب انا بشرب البيبسي دايت اصلا ساعديني بليز

ام لؤى لا حبيبتى انتى بتاكلى اكتر من 3 كمشات من دون ماتحسى

انتى وزنك كام وطولك كام واكتبى لى بالحرف بتاكلى ايه وامتى وبتاخدى سكر قد ايه ولو خرجتى بتاكلى بره ازاى

اقتباس:

المشاركة الأصلية كتبت بواسطة fatoushi (المشاركة 2313694)

فتوشي انا عارفه طبعاً ان الفاست فود بيعمل بلاوي

وخلاص مش حاكل فاست فود

بس المشكله انو انا اي حاجه بتخني حتى أكل البيت :( وجربت زينكال وسيبتروم بس لاحياة لمن تنادي :29:

مش عايزا اطول عليكي
بس انا كنت قريت رد في الموضوع عن ابر للبطن بس معرفتش ارجع للمكان الي قريتو فيه

معلش ممكن تديني تفاصيل على الإبر دي

فتوشي

ما شاء الله عندك خبره واسعه في مجال الريجيمات والاكل الصحي والتخسيس..

لذلك اتمنى انك ما تحرمي اخواتك في تجمع (معا نحو الرشاقه) بمعلوماتك القيمه

اسمحيلي باغلاق موضوعك والاكتفاء به الى هذا الحد وانتقال الجميع الى تجمع (معا نحو الرشاقه) للافاده والاستفاده لانه يحمل نفس طابع هذا الموضوع..شكرا لتفهمك فتوشي..