هذه الرسالة تفيد بأنك غير مشترك. للإشتراك الرجاء اضغط هنــا

إعلان شبكة الألوكة شبكة الألوكة  

 

 

الرئيسية قوانين المشاركة في المنتدى لاستعادة كلمة المرور لتفعيل العضوية لطلب كود تفعيل العضوية لطلب اعلان
العودة   منتدى عالم الأسرة والمجتمع > صحتك بالدنيا > الريجيم والحمية وضبط الوزن

فعاليات و أنشطة المنتدى


الريجيم والحمية وضبط الوزن برامج الريجيم والحمية وضبط الوزن

إغلاق الموضوع
 
أدوات الموضوع طريقة عرض الموضوع
  #1  
قديم 16-12-2009, 12:34 PM
الصورة الرمزية الخاصة بـ fatoushi
fatoushi fatoushi غير متصل
عضو نشيط جدا
 
تاريخ التسجيل: Feb 2007
مشاركات: 942
icon51 تجربتى وكيف انقصت وزنى 20 كيلو فى سنه دون ريجيم او رياضه


[quote]
صباح الفل يا بطابيط


بما انى عضو فى المنتدى الجميل ده وكلنا اخوه وبنساند بعض، قلت لازم وضرورى ادخل القسم بتاع الدايت واشارك
وبعدين قلت طاب ما احكى للبنات قصه كفاحى مع الدايت 17 سنه

ونبدأ القصه
كان ياماكان كان فيه واحده اسمها فتوشى .......أنا يعنى

انا قبل الجواز كان مقاسى 8 وزنى كان 52 كيلو وطولى 170 وكنت غصن لبان وكانوا يتريقوا على بطنك لاصق بضهرك هههههه
بعد الجواز بقيت مقاس 10 وبعدين 12 وبعدين14 ماشاء الله على منظمه حتى فى التخن!!!!!
وزنى فى حملى الاول زاد 50 كيلو ونزلت منهم 40 وفى الحمل التانى زاد 40 كيلو ونزلتهم وفضل منهم 10 على ال10 اللى زدتهم بعد الجواز فجأه وزنى ثبت عند 85 كيلو
وما اقولكمش بقى 17 سنه جواز منهم 16 سنه بؤس وشقا واكتئاب وحرمان وعزله ورفض لشكلى وياسلام لما ادخل محل والاقى مقاسى مش موجود يا الله جنون .....او ابص على مقاس خصر البنطلون الاقيه متر تقريبا انقهر وما اشترى الا اخس شى وكأنى بعاقب نفسى
كذا دكتور وكذا دايت
بطلت اخرج عشان حيره اللبس وشكلى
وطليقى كان يتفنن انا اقول هعمل دايت من هنا ووالله احس انه بيعاندنى يملا البيت تورت وكيك وعزومات بره .....لئيم .....واذا ما اكلت يزعل واذا نبهته يزعل ويقول انتى اللى ماعندك اراده
وكأنه تحدى القوه .......
المهم بعد المعاناه دى وفى الفتره بتاعه الخناق قبل الطلاق قررت انى احب نفسى
ولقيت فتوشى جوايا زعلانه اوى منى ومستخبيه ومكسوفه
بدأت افتكر شكلى زمان وازاى كنت بنت حلوه وبالبس براحتى
وقررت انى انزل وزنى بنفسى مع نفسى ومش هعمل دايت ولا هعمل رياضه
التخن معناه كتير اوى لو دى مش طبيعه الجسم او لو مش من الصغر اننا بناكل عشان نسد فراغ عاطفى......او خوف او عدم امان .......
و برضه ربنا كريم حتى فى المصيبه دايما بيبقى فيه طاقه نور
قلت انا هحب نفسى انا ما استاهلش اللى بيجرى لى ده وشكلى يبقى كده ولا استاهل انى اعانى فتوشى احسن من كده
وبدأت فعلا قسما بالله يا بنات قسما برب العزه فى ظرف سنه وزنى نزل من 82 ل65 كيلو:14:
مقاسى بقى 10
وبدأت فعلا مع نفسى ومن غير ما تقولو دى مجنونه فعلا كأن جسمى اتحول لطرف تانى بيستجيب لى بسهوله جدا جدا .......كل ما امشى على برنامجى الشخصى جسمى يكافئنى بنزول مؤشر الميزان
وطبعا قريت لما عيونى ضعفت فى موضوع الوزن ده واحدث الطرق وكتب ومواقع بالهبل يعنى ممكن اعمل موسوعه الحين
بجد يا بنات لو حبيتو نفسكم وفهمتم مشاكلكم وانتو بتاكلوا ليه ده يعتبر نص المشوار

يارب موضوعى يعجبكم

ليس كل ما يلمع ذهباً

  #2  
قديم 16-12-2009, 01:44 PM
الصورة الرمزية الخاصة بـ helwaya
helwaya helwaya غير متصل
عضو مميز
 
تاريخ التسجيل: Mar 2006
مشاركات: 1,411
موضوع تحفة ... بس ماقولتيش السر فين طيب ..

يعني عملتي ايه

انا عن نفسي مؤمنه ان السر في الاعتدال

وان الواحد مايحرمش نفسه ياكل الحاجة اللي بتخن بس يبقى حاسبها

وتاني يوم يا يتحرك او حتى يتنازل عن حاجة تانية عشان يوزن اموره

انا مؤمنه كمان بإننا لازم على الاقل نكون بنحب الحاجات اللي بناكلها .. ومهم نستمتع بيها جدا.. حتى ولو كمية صغيرة

ومهم يكون اللي بنحبه من كل نوع ومتوازن ... مش من الحاجات اللي بتودي في داهية وبس !!

مافيش حاجة اسمها انا باكل وخلاص !!!

  #3  
قديم 16-12-2009, 02:18 PM
الصورة الرمزية الخاصة بـ fatoushi
fatoushi fatoushi غير متصل
عضو نشيط جدا
 
تاريخ التسجيل: Feb 2007
مشاركات: 942
حلوايه نورتى

اقولك السر كله وللا نصه وللا ايه؟؟؟؟؟؟

هتدفعى كام؟؟؟؟



طاب مش قايله !!!!!!!!!!!!!













يا ستى المشوار والله طويل جدا بس مش مرهق
مش هكدب واقول ما اخدتش مساعدات لا اخدت وبصراحه فعلا ساعدتنى اكيد بس الاصل مش هى هى كانت زى نفسيا كده بتقرب المشوار
شويه معلش وهرجع لك حالا يا بطتى

ليس كل ما يلمع ذهباً

  #4  
قديم 16-12-2009, 03:00 PM
الصورة الرمزية الخاصة بـ مشكلتي اصدق
مشكلتي اصدق مشكلتي اصدق غير متصل
قلب المنتدى النابض
 
تاريخ التسجيل: Jan 2006
مشاركات: 3,893
الحقيني بالطريقه يا ست البطابيط
  #5  
قديم 16-12-2009, 04:09 PM
الصورة الرمزية الخاصة بـ ام تالة وتولين
ام تالة وتولين ام تالة وتولين غير متصل
عضو نشيط
 
تاريخ التسجيل: Dec 2009
مشاركات: 114
تصدقوا كان وزني قبل الزواج مايزيد عن 50 طولي 160 لكن بعد الزواج صار يزيد وزني من اقل شي مادري ليه والزيادة كلها تحت وشوفوا حالي كل فترة اجرب شي فيه اللي جاب نتيجة معايه زي حبوب ردكتيل وشاهي جامو والله اكره السمنة بس انصحكم جربوا الاشياء الطبيعية حتى لو مانفعتك ماراح تضرك زي شراب الملفوف
  #6  
قديم 16-12-2009, 04:21 PM
الصورة الرمزية الخاصة بـ fatoushi
fatoushi fatoushi غير متصل
عضو نشيط جدا
 
تاريخ التسجيل: Feb 2007
مشاركات: 942
مشكلتى اصدق
كنت بزعل منك واتفرس افتكرتك متزمته وهجوميه بس لقيتك فرفوشه انا كمان عفوت عنك ايتها البطه:14:

بصى انا لازم انزل ضرورى اودى الاولاد النادى تمارييييييييييييييييييييييييييييييييييييييين

على بال ما ارجع بعد ساعتين عشان دى هتبقى سهرتنا الليله الموضوع ده

انا هقول لكم طريقتى والله العظيم بس لو عرفت عن عاداتك الغذائيه هعرف اساعدك احسن

وهتدفعى انتى كمان مش كونى حبيتك هتاخدى كل حاجه ببلاش
ارجعى لردودى فى قسم المشاكل فى محتاجكم ساعدونى وردى عالاسئله اللى انا كتبتها له فى كل مشاركاتى يمكن نحتاجها

وهبقى اقولك بعدين التمن ايه؟
باى يا قمر وبطلى تصدقى بقى

ليس كل ما يلمع ذهباً

  #7  
قديم 16-12-2009, 04:44 PM
maimai maimai غير متصل
عضو نشيط جدا
 
تاريخ التسجيل: Nov 2009
مشاركات: 521
فتوشي ... ضرتي الجميلة .. انا عندي نفس المشكلة ووزني لازم ينزل صحيا عشان في ضغط وكوليسترول .. لو تقوليلي السر ادعيلك على طول ..

معلش انا اليومين مشغولة ويادوب بفوت اتصفح وما بيكونش معايا وقت ارد واتابع ..

مشتاقة لكم جدا
  #8  
قديم 16-12-2009, 04:51 PM
الصورة الرمزية الخاصة بـ noriin
noriin noriin غير متصل
عضو مثالي
 
تاريخ التسجيل: Aug 2009
مشاركات: 2,531
فتونشي الحقي البطه نورين
مش بطه بس شويه

[ ﯾٱﻟﻟہ ﺣﺳﻥ ﺂﻟﺧٱﺗﻣہ

  #9  
قديم 16-12-2009, 08:01 PM
الصورة الرمزية الخاصة بـ Loulou..
Loulou.. Loulou.. غير متصل
عضو نشيط جدا
 
تاريخ التسجيل: Oct 2008
مشاركات: 403
يلا يا بطة يا حلوة عايزين نعرف عشان انا بعمل دايت بس كنت فكرا اني هنزل بسهولة زي قيل الزواج لاكن بعد الزواج حاجة تااانية!!
  #10  
قديم 16-12-2009, 09:48 PM
الصورة الرمزية الخاصة بـ fatoushi
fatoushi fatoushi غير متصل
عضو نشيط جدا
 
تاريخ التسجيل: Feb 2007
مشاركات: 942
والله انا لو بعرف ان موضوع الدايت ده هيلم شمل الحبايب والدرر هاه الدرر يا ماى لكنت فتحت لكم مركز صحى فور فرى على حساب البطه الام اللى هى انا
تعرفوا ان حكايتى مع الخسسان زى حكايه البطه السودا اللى بقت بجعه هههههههه قمر يا ناس دمى عسل
هاه متشوقين طبعا

مبسوطه وبضحك لوحدى زى الخبله


عشان ما تزهقوش همشى معاكم خطوه خطوه والله بفكر اتخصص فى القصص دى واهى ضمن حل المشاكل برضه ما انا بقيت خبيره من شغلى فى المنتدى هنا

الاول نويت والنيه لله انى اتغير خالص لان كان عندى هدف لنفسى انا
لازم ارجع زى زمان انا احسن من انى ابقى وحشه ودبه .......انا هخس عشان انا بحب نفسى
لو هخس عشان هدف او ان اعجب الناس هرجع تانى ما انا لى 17 سنه فى القصه دى
لالالا انا هخس عشان البس واتشيك وارجع صبيه
انا دلوقت عارفه كويس اوى اوى انا بتخن ليه وازاى وفاهمه جسمى بيشتغل ازاى .
:14:
نزلت السوق اشتريت اكبر زجاجه خل تفاح ، وبن من ارخص الانواع قهوه تركى ارخص نوع فى الدنيا بس كميه واشتريت شمر وشاى اخضر وthermos ترمس احط فيه المشروبات ، وكمون مطحون وليمون ، وكورن فليكس دايت وبران سيريال وفاكهه وشوفان وبذر كتان من السوبر ماركت وزبادى بالهبل منزوع الدسم ولبن منزوع الدسم وبقسماط سن وزيت رش فريسكو وزبده رش فريسكو وتونه مدخنه وتوست سن وعيش سن وبيبسى دايت او ماكس وشويه زبيب وجزر بيبى وكرفس عيدان وجنزبيل اخضر،وحبوب سيبوتريم وزينيكال ولبن رايب دايت
و2 دامبل الواحده 5 كيلو بس وميزان ديجيتال
عارفه ان الحاجات كتير
بس معلش ده خزين لفتره طويله جدا جدا لان اول ما الحاجات دى هتقرب تخلص هنزل اجيب غيرها لانها لو خلصت هرمرم من التلاجه
عملت جدول لروحى وحطيته للتلاجه انى هنزل بالشهر 2 كيلو ونص وقسمته ايام ومهام واسبوع وتقييم منى لنفسى وكنت حريصه جدا انى ما اغشش روحى ولا اكسف نفسى واخذلها قدام نفسى الجدول كان فيه كمان الاهتمام بالنفس والشعر والجلد يعنى الماسكات والحنه وكده

بسم الله
صليت لله وطلبت انه يساعدنى انى اشفى من مرض السمنه كل يوم كل يوم كان ده طلبى وكل ما وزنى ينزل اسجد شكر لله

بالليل قبل ما انام اغلى كوب ميه واحط فيه ملعقه كمون مطحون صغيره وعصير نص ليمونه وبعدين احطها هى نفسها وحته جنزبيل اخضر وانقعهم طول الليل واغطيهم بطبق فنجان وحطيتهم فوق ترابيزه المطبخ لان ده اول مكان بدخله الصبح

اصحى الصبح اتوضا واصلى واخد حبه سيبوتريم عالريق واشرب المنقوع ده طبعا كان مر فى الاول بس بعد كام يوم بقى عادى.....طليقى كان بيقوللى انتى مش هتقفلى المعمل اللى انتى عاملاه ده انتى ايه بتحضرى عفاريت والله ما هتخسى ...يا بنتى دى اراده .......وانا إذا الحيط رد ارد انا .....بصراحه ما كانش يهمنى اعرفه او لا لان ده شى لنفسى وخاص بى والتحدى مع فتوشى مش معاه
المهم
احضر له فطاره وفطار الولاد وينزلوا كلهم بالسلامه

أغلى براد الميه واجيب الترموس احط ملعقه ونص صغيره شاى اخضر ومعلقه شومر او شمر حب مش مطحون واملاه ميه لانه كان صغير ياخد يادوب تقريبا لتر او لتر ونص واحطه جنبى على ترابيزه المطبخ مكانى المفضل اللى بقضى فيه اليوم وبكتب لكم منه كل يوم واحط كوب جنبه

طبعا كنت بحضر القعده دى كأنى ملكه وده اشيك مكان فى العالم ويمكن احط ورده فى فازه كمان لو اتوفرت ......انا مش بعاقب نفسى لا انا بحب نفسى وبساعدها وكنت مقتنعه فعلا بده

اعمل كوب نسكافيه تلات ارباعه ميه والباقى لبن منزوع الدسم انا عمرى ما اكلت سكر اصلا بس يا بنات اللى مش واخده على كده ما تعملش زييى عشان ما تكرهش النظام ده تقولى وانا اقولها تتصرف ازاى
اكل 4 بقسماط او 6 ساعات ابقى جعانه اوى عادى يعنى والحمد لله انا عملت الفطار كده واكلت وشربت الكلام ده كله على 8 او 9 الصبح بكون خلصته

أحضر بقى يا خلطه الشعر وللا الجلد ايا كان اللى عليه الدور فى الجدول واحطه على وشى او شعرى واربط راسى واتحول لمحاربة نينجا فى البيت ......رفايللو

انظف البيت بهمه عاليه لانى موسوسه نظافه واغسل الحمامات وامسح الارض و اغسل الغسيل ممكن اجوع يا اشرب بيبسى دايت يا إما اكل تفاحه صغيره او اى حاجه تسد جوعى جزرتين ، بقسماطه ونسكافيه كوب لبن رايب كده يعنى
ادخل عالمطبخ احضر الغدا لهم
وادخل الحمام اخد دش ......استحمى كويس بالليفه تمام ........وبعدين اجيب قبضه كف بن وادعك بيها جسمى كله لان عندى سيلوليت وافضل ادعك لحد ما ايدى تخدل
واشطفه واحط بعدها شويه خل تفاح على نفس الاماكن ......انا كنت حاطاه ببخاخ عشان السهوله
وادعكه بالراحه يعنى يادوب كده مسح عادى واشطفه واحط شاور جل عشان الريحه ودهون القهوه ......
كل الموال ده بياخد ربع ساعه


يرجعوا من بره اغرف لهم الاكل وييجى دورى انا بقى
احط قبضه ايد شوفان وقبضه ايد بران سيريال وقبضه ايد كورن فليكس دايت ومعلقتين كبار بذر كتان وكوبايتين الزبادى الدايت واقطع اى فاكهه موجوده عندى زمنها الموز واحده كبيره كمان أى فواكه كأنها سلطه ومعلقه كبيره زبيب
وهم يا جمل .......أكل وابقى خلاص اتمليت مش قادره اكمل الطبق ساعات

اشيل السفره واغسل الاطباق واحضر لهم الحلو ياكلوا ويريحوا
اوضب خلوتى انا بقى واشرب كوب شاى اخضر او اتنين على حسب الوقت اللى هقعده مع نفسى فى مملكتى
واعمل عشر عدات بس بالدامبلز لكل ايد وتمارين الاكتاف وشد عضلات الضهر 10 عدات بس من دون تكرار وممكن اقل لما كنت ابقى تعبانه كلهم كلهم هيطلعوا تقريبا 50 مره هياخدوا دقيقتين انا كنت بعمل ده لانى بكره الترهل

يصحوا من النوم نتكلم ونعمل اى حاجه طليقى وقتها كان بيحب جديد وقلبه سعيد :14::14:فكنا بنخرج تقريبا نمشى فى الاسواق عشان يشترى لبس شهر العسل بتاعه مع القطه الجديده ......نفضل نمشى على قد ما تقفل المحلات من 7 ل9 مثلا واشترى كوب نسكافيه او كابوتشينو او لاتيه واحط عليه كريمه واقول للبنت كريمه دايت

نرجع البيت خلاااااااااااااص احضر عشاهم واعمل ساندوتش 3 طبقات توست سن وبينهم تونه مدخنه وخس وخيار وممكن ملعقه صغيره مسطرده
واشرب ميه .........ويناموا ادخل تانى اوضب المطبخ والبيت عشان لما نصحى الصبح البيت يبقى حلو كده مش مبهدل
واقعد تانى مع روحى اكتب واسمع الراديو واكمل باقى الترموس كله واغسله واحضر منقوع الصباح بتاع تانى يوم

واصلى وادعى ربنا اخس ويخلصنى من معتقل المغول بتاع حسن الهلالى ويبعد عنى شر بدران هههههههه

هكمل حالا

ليس كل ما يلمع ذهباً

إغلاق الموضوع

علامات

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 06:55 AM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
جميع الحقوق محفوظة لموقع و منتدى عالم الأسرة و المجتمع 2010©