القهوة العربية الخاصة بأهل الأردن وسوريا
خواتي عندي سؤال عن القهوة العربية إللي يسوونها أهل الأردن وسوريا البدو منهم
هي موصفراء مثل قهوتنا السعودية غامقة ويحطون هيل عليها وبس حابه أعرف طريقة تحضيرها لوسمحتم |
هلا غاليتي
القهوة هذه البدو و غير البدو يسوونها بالأردن و هي تختلف عن قهوة أهل الخليج بدرجة الحمس أهل الأردن يحمسونها حتى تصير سودة ...... ويتركونها تغلي مدة طويلة على النار ممكن ثلث ساعة....... بعد ما تجهز يحطوا بالترمس ملعقة هيل و ممكن قرنفل و يصبون القهوة فوقها . و سلامتك |
تسلمي أختي الفاضلة
اسمحي لي القهوة الأردنية تتحمص حتى تصير مثل القهوة التركية؟؟؟ وإيش القصد من طبخها ثلث ساعة؟؟ دمتي بخير |
صحيح ....
مثل القهوة التركية تطبخ جيدا" حتى تصير غامقة و يطلع طعمها |
السلام عليكم اختي
انا دايما بعملها وعندنا بالاردن لازم نعملها بافراحنا واحزاننا هلا اطلبي القهوة العربيه بس احكي مع زيادة هيل وبعديها اغلي مي وبعدها في ابريق شاي كبير او طنجرة صغيره حطي لكل فنجان كبير مي مغليه (مج) ملعقة كبيره قهوه وحطي 5 حبات هيل بس افتحيهم بعدها حطيهم عنار عاليه حتى تغلي واخفضي النار حطيها عاصغر عين عالغاز وخليها ساعه كاملة وخليها مكشوفه وفي الدلة حطي 8حبات هيل مفتوحه كمان وصبي القهوه بالدلة بعد ما تصفيها وبعدها خلي الدلة تتنفسىدقيقتين شوي يعني ما تسكريها كلها وبعدها قدميها ويارب تعجبك :) |
هي القهوة يلي ببلاد الشام موفاتحة متل بالسعودية احنا نعملها متل هيك نحط القهوة والماي سوا ونغليها للقهوة حسب مابتحبي ممكن تغليها كتير وممكن مرة وحدة هاي احسن طريقة لعمل القهوة |
قهوة أهل الأردن غاليتي تجي غامقة جدا" لأنه لون حمسة القهوة غامقة مو فاتحة مثل أهل الخليج
|
القهوة بسورية هي عبارة عن البن المحمص و بطحنوه كتير
هي صورته قبل الطحن http://www.islamonline.net/arabic/ad...mages/pic4.jpg و إما بضيفولو هيل مطحون و في ناس بضيفولو هيل مع مستكة و في ناس ما بضيفوله شي بس البن المطحون منشتريه جاهز و منطلب من البائع يضيف كميات معينة من الهيل و المسكة على حسب رغبة المشتري و طريقة التحضير : غلي الماء في (ركوة - أو دلة ) على النار و إضافة البن لكل فنجان ملعقة صغيرة << قهوة سادة أو اضافة السكر قبل البن <<< قهوة وسط أو حلوة حسب كمية السكر http://ursispaltenstein.ch/blog/imag...ish_coffee.jpg الفرق عن قهوة الاردن انه السورية بطحنوا لب الهيل بالاردن بطحنو الحبة كلها بس مو هي قهوة البدو هي متل القهوة التركية اعتقد البدو بشربوا القهوة المرة فقط القهوة المرة بعملوها بسورية للمناسبات و لها طريقة خاصة في التحضير و التقديم و بسكبو كمية بسيطة في الفنجان و بكون الفنجان بدون يد http://album.m3com.com.sa/showImage/...10951/size/500 ^^ الصور من الانترنت |
الساعة الآن 05:13 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©