][ الحسو وفوائد حب الرشاد .. (صور)][ (تجربه ماء القمر)
 

السلام عليكم ورحمة الله وبركاته

شخباركم حبيباتي؟

لما تربي اي وحده في الخليج اول شي ايي في بالنا نسويه لها هو الحسو .. هو مثل الشوربه حلوه مغذيه ومفيده للوالدات وغيرهم بعد ..

الحسو من مكوناته حبة الرشاد (الحبه الحمره) أو الثفاء اللي نصحنا فيها الرسول (صلى الله عليه وسلم) .. هالحبه صغيره في حجمها لكنها كبيره في فوايدها ..

حب الرشاد من اغنى النباتات بمادة اليود و الحديد والكبريت والكلس والفوسفور والمنجنيز والزرنيخ
وهو غني بالفيتامين " ج " = " C " وفيه نسبة قليلة من الفيتامين " أ " و" ب " و" PP " والكاروتين، مفيد لمعالجة فقر الدم، مدر للبول، مقشع ومهدئ، خافض للضغط ومقو جنسي، ومنشط لحيوية بصيلات الشعر حيث تطبق عصارته على فروة الرأس لمنع تساقط الشعر، ولمعالجة التقرحات الجلدية. مفيد للربو و جلاء الصدر من البلغم و النيكوتين ، فعال في تفتيت الحصى والرمال ومكافح للسرطان و الروماتزم والسكري والسل، يفيد في أمراض الجلد، لتنقيه البول وطارد للسموم، ضد النزلات الصدرية و الصداع. ينقي الرئة ويدر الطمث ومدر للحليب.

اسفه طولت عليكم وايد بس حبيت اعطيككم فكره عن حب الرشاد وفوائده ..

ونيي الحين ياحلوات لطريقة الحسو .. ممكن تحصلون مكوناته غريبه شوي بس طعمه حلو

وبسم الله نبدأ

المقادير 1
- فنيالين قهوه صغار حب الرشاد
- من 3 إلى 4 فناييل سكر
- ماء تقريبا لتر ونص أو اكثر شوي

هذه صورة حب الرشاد

http://farawla77.jeeran.com/photos/999981_l.jpg

أول شي نغسل حب الرشاد ونحطه في الجدر

http://farawla77.jeeran.com/photos/999982_l.jpg

ونحط عيله السكر

http://farawla77.jeeran.com/photos/999983_l.jpg

ونصب عليه الماي ونحطه على النار لمدة تتراوح مابين 20 - 30 دقيقه ونقلبه كل فتره عشان مايلصق في قاعة الجدر

http://farawla77.jeeran.com/photos/999984_l.jpg

بعد مايستوي حب الرشاد .. ناخذ جدر ثاني اكبر شوي نحطه على النار ونحط فيه ملعقتن طعام زيت أو سمن أو دهن عربي

http://farawla77.jeeran.com/photos/999985_l.jpg

ونحط عليه ملعقة طعام طحين ونقلبه قلبتين

http://farawla77.jeeran.com/photos/1000003_l.jpg

ونحط عليه ملعقة طعام زنجبيل مطحون (بودره) ونحمره مع الطحين لحد مايصير لونه ذهبي

http://farawla77.jeeran.com/photos/1000004_l.jpg

بعدها نضيف بهارات مكونه من
- 1 ملعقة شاي فلفل أسود أو أقل شوي
- 1 ملعقة شاي كركم
- 1 ملعقة شاي سنوت (كمون)
- 1 ملعقة شاي يليلان (كزبره)
- 1 ملعقة شاي دارسين (قرفه)
- 1 ملعقة شاي هيل

http://farawla77.jeeran.com/photos/1000005_l.jpg

http://farawla77.jeeran.com/photos/1000006_l.jpg

ونحمرهم شوي مع خليط الطحين الزنجبيل .. من وايد عشان ماتحترق البهارات

http://farawla77.jeeran.com/photos/1000007_l.jpg

بعدها نرفع الجدر ونصب عليه حب الرشاد ونخلطه بسرعه عشان مايتكتل ونرجع نحطه على النار

http://farawla77.jeeran.com/photos/1000035_l.jpg

اذا كان جامد شوي نزيده ماي على حسب الكثافه اللي نبيها .. ساعات يكون السكر قاصر شوي ممكن نزيده بعد حسب الرغبه ونخليه على النار شوي .. تقريباً 10 دقايق مع التقليب كل شوي عشان مايتكتل ويلصق في قاعة الجدر ..

وهذا هو بعد ماجهز

http://farawla77.jeeran.com/photos/1000036_l.jpg

ملاحظه ...

في ناس يحبون الحسو مع البيض ..
اذا كنتوا من هالناس تكسرون بيضه قبل لاتسكرون على الحسو وتقلبون بسرعه وتخلونه شوي وتسكورنه

وبالهنا والعافيه على قلوبكم ..

واي سؤال انا حاظره
(منقول)

يابنات هذا الحسو انصحكم فيه والله رهييييييييييييييييييييييييييب بمعنى الكلمه

وهذا تطبيقى

http://up3.m5zn.com/get-4-2008-vh6qyg2x3uo.JPG

تجربه رااائعه بصراحه
جزاها الله خييييير صاحبه الموضوع الاساسى

لكم فائق احترامى

ويعافي قلبووو

جربيه وقت الدوره وراح تدعيلنا


نورتى

ويعافيك يارب

نورتى

الله يسلم دياتك ياام انس
مشكوره على الوصفه اللذيذه

حبيبتي اول شي ما هو الحسو وبماذا تفيد هذه الوصفة

الف شكر

ما شاء الله موضوع رائع

و نقل موفق

اول مرة بحياتي اشوف حب الرشاد

و هل هو الموغات اللي نعرفها التي تشرب بعد الولادة؟

مشكورة حبيبتي


تحياتي

الله يعطيك العافيه يا ماء القمر

تسلمولى يارب على مروركم وردودكم

وراح انقل اسئلتكم لصاحبة الموضوع الاساسى واجاوبكم بإذن الله

نورتو

على فكره الرشاد غير عن المغات لى صديقه برضو امها مصريه ونفس الشى ذوقتنى هو على اساس كنت رايحه مصر ونصحتنى اشترى منه عشان لمن اولد انس

وجبت انس وجبت انفال ماشاء الله وماجبت المغات :)

حبيبتي يا ماء القمر ما هو الحسو وبماذا تفيد هذه الوصفة ارجو شرحها لي

ماشاء الله موضوع مميز من وحده مميزه زيك يالغاليه

سامعه فيه الحسو زين بالنفاس كثير يقولون عنه

بس حنا مانستخدمه نستخدم الرشاد لهوم :d

مشكوره ياماء القمر ماقصرتي

يعطيكي العافيه على هالوصفه...
فعلا الحسو (الرشاد) مهم عندنابالخليج خاصه لمن تولد الوحده لازمها حسو لانها يساعدها في ان تطهر بسرعه ..حتى لمن تقرب الولاده عند المرأة لازم عندنا ينصحونها بالحسو عشان تولد بسرعه ....حتى سمعت ان الوحده الحامل في شهورها الاولى ماتاكل حسو عشان ماينزل معها دم..لكن انا من عشاقه اكله حتى من الشهر الاول ومايضرني الحمدالله..وشكرا.

زوجي يحب ياكله دايما يحطة مع الحليب ويشربه


يا ترى ايش يفيد الرجال ولا هو بس للحريم

الطريقة عجبتنب رح اسويها اليوم ان شاء الله واشوف رايه
يسلمووووووووووووووو اختي ام انس

اشكركم على مروركم وردكم

واسفه للبنات الى سئلونى لان الادميه مادرت الى الان


تسلمولى قمارى جميعا على مروركم وردكم

نورتو

الى الان لم يجاوب احد على سؤالي ما هو الحسو وبماذا تفيد هذه الطريقة ارجو التوضيح اكثر

بنات اعتذر منكم وبشده