|
من يتزوجني
في يوم من الايام فكرت ازور بنات دار الرعايه الاجتماعيه في احدى المناسبات اللي اقاموها .. ولما رحت لهم انبسطت بالمره من الرعايه والاهتمام اللي تقدمها لهم الحكومه .. بس لاحظت على هالبنات انه عندهم ضعف في الوازع الديني وبان هالشي من طريقه كلامهم ولبسهم ... حاولت ازورهم كم مره علشان اتعرف عليهم اكثر ..و علشان اتقرب من بعض البنات واتعرف على مشكلاتهم واهتمامتهم .. وبالفعل حبيتهم وهم بادلوني نفس الشعور ... ومن خلال تعرفي عليهم .. اكتشفت بعض الامور الي احزنتني كثير ... من هروب من الدار في الليل .. وشرب الدخان ..شذوذ ... بعضهم مايصلون او مايبون يصلون .. واندهشت اكثر وصعقت لما سمعت وحده منهم تقول للثانيه .. وش رأيك نغيردين الاسلام لانه ماعجبنا .. وش رايك بالمسيحيه واليهوديه ... احس انه المسيحيه احسن !!! طبعا انتم راح تقولون وين المشرفات وين الاداره عنهم ؟؟ وللامانه وعلشان ماظلم احد .. الاداره ماقصرت معهم ومشرفات الدين برضو ماقصروا محاضرات .. ندوات ... لكن .. لاحياة لمن تنادي .. والسبب ... لانه هالبنات عندهم فراغ عاطفي بشكل كبير ... يبون انسانه او انسان يحبووونه ويرتاحون له علشان ياخذ بيدهم للطريق الصح .. لانه وحده منهم قالت لي مره ... انتي وش يهمك ماراح تحسين فينا .. انا لا ام ولا اب ولا اهل .. بالله عليك من يرضى يتزوجني ؟؟؟ ولاتقولي واحد من شباب دار الرعايه راح يرضى فيك .. لاني انا مابي واحد مقطوع من شجره او حالته الماديه ضعيفه .. او مريض نفسي ... انا ابي انسان مثل باقي الناس ... سؤالي .. هل انت ترضى تتزوج وحده من بنات الدار ؟؟؟ ملاحظه : بنات الدار مو شرط يكونون كلهم لقيطات فيه منهم اللي ابوها مسجون وامها متوفيه او غير قادره على رعايتها .. او يكون الاب متوفي والام من جنسيه عربيه سافرت وتخلت عن رعايتهم ... او اي بنت ماعندها من يرعاها .. للأمانه منقووووووووووووول |
لا حول ولا قوة الا بالله
والله اللي يتزوج وحدة منهم ويستر عليها ويعلمها اصول الدين له ثواب واجر باذن الله الله يهديهم جزاج الله خير على طرحج الموضوع |
الله يوقفكهم ويهديهم ويهدى امة محمد ياااااااااااااااااااارب قولو آمين...............
|
انا رايتهم بس الشباب
السبب الرئيسي يقع على عاتق مسئولوا دور الرعايه سوء في المعامله سوء في التربيه سوء التغديه سوء في التدريس رأيت صاله كبيره مكيفه مظلمه نور خافت فتحت الباب اكثر من 50 شاب على 50 سرير سألت نفسي هل انا في سجن هم لا يختلطون بالمجتمع وان خرجوا عليهم رقابه صارمه لوووووووووووووووووووووووو خرجوا والحل ان يستقل الفرد منهم داخل الدار ان تكون له غرفه منفرده ان يهتموا باكلهم وتنمية مهاراتهم ومواهبهم وان يختلطوا بالمجتمع وان يعطوا شيئا من الثقه لهم هم يحسدوننا والله معاهم حق هم في ظلام الدار هم يرون مدرسيهم ومشرفيهم يمشون اخر النهار للنور وللخارج ويتركونهم اخرجوهم خلوهم يشوفوا الدنيا ...........ويعيشوا الواقع الحقيقي وليس واقع الدار واقع الحزن والبئس والكأبه والنوم هل تعلمون بان عندهم الاكل بموعد النوم بموعه الخروج للساحات بموعد ومن يخالف لايرحم ومن يريد الحقيقه يدهب ويشاهد دار الرعايه الاجتماعيه بجده |
بصراحه موضوع مهم وشكرا لجليبيب على هذا الطرح الي يمكن او في الاغلب انه مهمل من المجتمع ....
واقع يضيق الصدر بجد ... لكن اذا قدرنا نتاكد من الوضع الحاصل في دور الرعايه سواء للاولاد او البنات وتم ايصال الموضوع للمسؤلين .... اتمنى انه يوصل ويناقش راح تكون له نتاج ايجابه ... لاننسى انهم اولا واخيرا ابناء مجتمعنا وما لهم ذنب في الي جالس يصير لهم ... الله يكون بعونهم |
يجب ان تكون الرعاية النفسية والعاطفية لا تقل عن الرعاية المادية والصحية
اختيار المشرفين مهم فانت لست بحاجة الى موظف عادي يوقع اول الدول ويوقع عند الانصراف انت بحاجة الى موظفين متخصصين محتسبين فيهم من اللباقة والخلق ما يجعلهم قدوة حسنة كذلك لا ننسى ان يتم دمجهم بالمجتمع بشكل تدريجي وهذا يسمح لهم بتكوين صداقات جديدة طبيعية تشجيع المتفوقين منهم واشغالهم بالنافع من الهوايات الخلاصة ان الرعاية يجب ان تكون شاملة ومن قلب حميم والسلام |
حزنت كثيراً ................. آآآآآآآآآآآآآآه
شيء مؤلم ........ |
شيء مؤلم ........
|
اقتباس:
|
دار الرعايه اللي عندنا يزوجونهم من بعض .. و يعملون لهم حفله .. و مبلغ 10000 دينار بالبنك اعتقد ..
و الحكومه ملزومه بالسكن خارج الدار و ايجاد عمل لهم |
| الساعة الآن 06:11 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©