من يتزوجني - منتدى عالم الأسرة والمجتمع

30-07-2006, 12:41 AM

#جليبيــب#

عضو دائم

تاريخ التسجيل: Jul 2006

المشاركات: 86

من يتزوجني

في يوم من الايام فكرت ازور بنات دار الرعايه الاجتماعيه في احدى المناسبات اللي اقاموها ..

ولما رحت لهم انبسطت بالمره من الرعايه والاهتمام اللي تقدمها لهم الحكومه ..

بس لاحظت على هالبنات انه عندهم ضعف في الوازع الديني وبان هالشي من طريقه كلامهم ولبسهم ...

حاولت ازورهم كم مره علشان اتعرف عليهم اكثر ..و علشان اتقرب من بعض البنات واتعرف على مشكلاتهم واهتمامتهم .. وبالفعل حبيتهم وهم بادلوني نفس الشعور ...

ومن خلال تعرفي عليهم .. اكتشفت بعض الامور الي احزنتني كثير ... من هروب من الدار في الليل .. وشرب الدخان ..شذوذ ... بعضهم مايصلون او مايبون يصلون .. واندهشت اكثر وصعقت لما سمعت وحده منهم تقول للثانيه ..

وش رأيك نغيردين الاسلام لانه ماعجبنا .. وش رايك بالمسيحيه واليهوديه ... احس انه المسيحيه احسن !!!

طبعا انتم راح تقولون وين المشرفات وين الاداره عنهم ؟؟

وللامانه وعلشان ماظلم احد .. الاداره ماقصرت معهم ومشرفات الدين برضو ماقصروا محاضرات .. ندوات ... لكن .. لاحياة لمن تنادي ..

والسبب ...

لانه هالبنات عندهم فراغ عاطفي بشكل كبير ... يبون انسانه او انسان يحبووونه ويرتاحون له علشان ياخذ بيدهم للطريق الصح ..

لانه وحده منهم قالت لي مره ... انتي وش يهمك ماراح تحسين فينا .. انا لا ام ولا اب ولا اهل .. بالله عليك من يرضى يتزوجني ؟؟؟ ولاتقولي واحد من شباب دار الرعايه راح يرضى فيك .. لاني انا مابي واحد مقطوع من شجره او حالته الماديه ضعيفه .. او مريض نفسي ... انا ابي انسان مثل باقي الناس ...

سؤالي .. هل انت ترضى تتزوج وحده من بنات الدار ؟؟؟

ملاحظه : بنات الدار مو شرط يكونون كلهم لقيطات فيه منهم اللي ابوها مسجون وامها متوفيه او غير قادره على رعايتها .. او يكون الاب متوفي والام من جنسيه عربيه سافرت وتخلت عن رعايتهم ... او اي بنت ماعندها من يرعاها ..

للأمانه منقووووووووووووول

__________________
إذا أردت الرد علي أي موضوع أأرجوك لا تضع
وجوه تعبيريه ولك الشكر موصول

http://j7d.com/موقع حميدان التركي وفلاش محزن

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 08:41 AM.

روابط سريعه