منتدى عالم الأسرة والمجتمع - تجربتى وكيف انقصت وزنى 20 كيلو فى سنه دون ريجيم او رياضه

صفحة 1 من 2

عرض 40 مشاركات من هذا الموضوع لكل صفحة

منتدى عالم الأسرة والمجتمع (http://www.66n.com/forums/index.php)

- الريجيم والحمية وضبط الوزن (http://www.66n.com/forums/forumdisplay.php?f=120)

- - تجربتى وكيف انقصت وزنى 20 كيلو فى سنه دون ريجيم او رياضه (http://www.66n.com/forums/showthread.php?t=198359)

fatoushi

16-12-2009 12:34 PM

تجربتى وكيف انقصت وزنى 20 كيلو فى سنه دون ريجيم او رياضه


	[quote] صباح الفل يا بطابيط :d بما انى عضو فى المنتدى الجميل ده وكلنا اخوه وبنساند بعض، قلت لازم وضرورى ادخل القسم بتاع الدايت واشارك وبعدين قلت طاب ما احكى للبنات قصه كفاحى مع الدايت 17 سنه:25: ونبدأ القصه كان ياماكان كان فيه واحده اسمها فتوشى .......أنا يعنى انا قبل الجواز كان مقاسى 8 وزنى كان 52 كيلو وطولى 170 وكنت غصن لبان وكانوا يتريقوا على بطنك لاصق بضهرك هههههه:23: بعد الجواز بقيت مقاس 10 وبعدين 12 وبعدين14 ماشاء الله على منظمه حتى فى التخن!!!!! وزنى فى حملى الاول زاد 50 كيلو ونزلت منهم 40 وفى الحمل التانى زاد 40 كيلو ونزلتهم وفضل منهم 10 على ال10 اللى زدتهم بعد الجواز فجأه وزنى ثبت عند 85 كيلو:( وما اقولكمش بقى 17 سنه جواز منهم 16 سنه بؤس وشقا واكتئاب وحرمان وعزله ورفض لشكلى وياسلام لما ادخل محل والاقى مقاسى مش موجود يا الله جنون .....او ابص على مقاس خصر البنطلون الاقيه متر تقريبا انقهر وما اشترى الا اخس شى وكأنى بعاقب نفسى كذا دكتور وكذا دايت بطلت اخرج عشان حيره اللبس وشكلى:mad: وطليقى كان يتفنن انا اقول هعمل دايت من هنا ووالله احس انه بيعاندنى يملا البيت تورت وكيك وعزومات بره .....لئيم .....واذا ما اكلت يزعل واذا نبهته يزعل ويقول انتى اللى ماعندك اراده وكأنه تحدى القوه .......:rolleyes: المهم بعد المعاناه دى وفى الفتره بتاعه الخناق قبل الطلاق قررت انى احب نفسى ولقيت فتوشى جوايا زعلانه اوى منى ومستخبيه ومكسوفه بدأت افتكر شكلى زمان وازاى كنت بنت حلوه وبالبس براحتى وقررت انى انزل وزنى بنفسى مع نفسى ومش هعمل دايت ولا هعمل رياضه التخن معناه كتير اوى لو دى مش طبيعه الجسم او لو مش من الصغر اننا بناكل عشان نسد فراغ عاطفى......او خوف او عدم امان ....... و برضه ربنا كريم حتى فى المصيبه دايما بيبقى فيه طاقه نور قلت انا هحب نفسى انا ما استاهلش اللى بيجرى لى ده وشكلى يبقى كده ولا استاهل انى اعانى فتوشى احسن من كده وبدأت فعلا قسما بالله يا بنات قسما برب العزه فى ظرف سنه وزنى نزل من 82 ل65 كيلو:14: مقاسى بقى 10:17: وبدأت فعلا مع نفسى ومن غير ما تقولو دى مجنونه فعلا كأن جسمى اتحول لطرف تانى بيستجيب لى بسهوله جدا جدا .......كل ما امشى على برنامجى الشخصى جسمى يكافئنى بنزول مؤشر الميزان وطبعا قريت لما عيونى ضعفت فى موضوع الوزن ده واحدث الطرق وكتب ومواقع بالهبل يعنى ممكن اعمل موسوعه الحين بجد يا بنات لو حبيتو نفسكم وفهمتم مشاكلكم وانتو بتاكلوا ليه ده يعتبر نص المشوار يارب موضوعى يعجبكم

helwaya

16-12-2009 01:44 PM

موضوع تحفة ... بس ماقولتيش السر فين طيب ..

يعني عملتي ايه

انا عن نفسي مؤمنه ان السر في الاعتدال

وان الواحد مايحرمش نفسه ياكل الحاجة اللي بتخن بس يبقى حاسبها

وتاني يوم يا يتحرك او حتى يتنازل عن حاجة تانية عشان يوزن اموره

انا مؤمنه كمان بإننا لازم على الاقل نكون بنحب الحاجات اللي بناكلها .. ومهم نستمتع بيها جدا.. حتى ولو كمية صغيرة

ومهم يكون اللي بنحبه من كل نوع ومتوازن ... مش من الحاجات اللي بتودي في داهية وبس !!

مافيش حاجة اسمها انا باكل وخلاص !!!

fatoushi

16-12-2009 02:18 PM

حلوايه نورتى:d

اقولك السر كله وللا نصه وللا ايه؟؟؟؟؟؟:25:

هتدفعى كام؟؟؟؟:25:

طاب مش قايله !!!!!!!!!!!!!

يا ستى المشوار والله طويل جدا بس مش مرهق
مش هكدب واقول ما اخدتش مساعدات لا اخدت وبصراحه فعلا ساعدتنى اكيد بس الاصل مش هى هى كانت زى نفسيا كده بتقرب المشوار
شويه معلش وهرجع لك حالا يا بطتى

مشكلتي اصدق

16-12-2009 03:00 PM

الحقيني بالطريقه يا ست البطابيط

ام تالة وتولين

16-12-2009 04:09 PM

تصدقوا كان وزني قبل الزواج مايزيد عن 50 طولي 160 لكن بعد الزواج صار يزيد وزني من اقل شي مادري ليه والزيادة كلها تحت وشوفوا حالي كل فترة اجرب شي فيه اللي جاب نتيجة معايه زي حبوب ردكتيل وشاهي جامو والله اكره السمنة بس انصحكم جربوا الاشياء الطبيعية حتى لو مانفعتك ماراح تضرك زي شراب الملفوف

fatoushi

16-12-2009 04:21 PM

مشكلتى اصدق
كنت بزعل منك واتفرس افتكرتك متزمته وهجوميه بس لقيتك فرفوشه انا كمان عفوت عنك ايتها البطه:14:

بصى انا لازم انزل ضرورى اودى الاولاد النادى تمارييييييييييييييييييييييييييييييييييييييين:29:

على بال ما ارجع بعد ساعتين عشان دى هتبقى سهرتنا الليله الموضوع ده

انا هقول لكم طريقتى والله العظيم بس لو عرفت عن عاداتك الغذائيه هعرف اساعدك احسن

وهتدفعى انتى كمان مش كونى حبيتك هتاخدى كل حاجه ببلاش:25:
ارجعى لردودى فى قسم المشاكل فى محتاجكم ساعدونى وردى عالاسئله اللى انا كتبتها له فى كل مشاركاتى يمكن نحتاجها

وهبقى اقولك بعدين التمن ايه؟
باى يا قمر وبطلى تصدقى بقى

:22:

maimai

16-12-2009 04:44 PM

فتوشي ... ضرتي الجميلة .. انا عندي نفس المشكلة ووزني لازم ينزل صحيا عشان في ضغط وكوليسترول .. لو تقوليلي السر ادعيلك على طول ..

معلش انا اليومين مشغولة ويادوب بفوت اتصفح وما بيكونش معايا وقت ارد واتابع ..

مشتاقة لكم جدا :)

noriin

16-12-2009 04:51 PM

فتونشي الحقي البطه نورين:)
مش بطه بس شويه

Loulou..

16-12-2009 08:01 PM

يلا يا بطة يا حلوة عايزين نعرف عشان انا بعمل دايت بس كنت فكرا اني هنزل بسهولة زي قيل الزواج لاكن بعد الزواج حاجة تااانية!!

fatoushi

16-12-2009 09:48 PM


	والله انا لو بعرف ان موضوع الدايت ده هيلم شمل الحبايب والدرر هاه الدرر يا ماى لكنت فتحت لكم مركز صحى فور فرى على حساب البطه الام اللى هى انا:22: تعرفوا ان حكايتى مع الخسسان زى حكايه البطه السودا اللى بقت بجعه هههههههه قمر يا ناس دمى عسل :23: هاه متشوقين طبعا مبسوطه وبضحك لوحدى زى الخبله عشان ما تزهقوش همشى معاكم خطوه خطوه والله بفكر اتخصص فى القصص دى واهى ضمن حل المشاكل برضه ما انا بقيت خبيره من شغلى فى المنتدى هنا:25: الاول نويت والنيه لله انى اتغير خالص لان كان عندى هدف لنفسى انا لازم ارجع زى زمان انا احسن من انى ابقى وحشه ودبه .......انا هخس عشان انا بحب نفسى لو هخس عشان هدف او ان اعجب الناس هرجع تانى ما انا لى 17 سنه فى القصه دى لالالا انا هخس عشان البس واتشيك وارجع صبيه انا دلوقت عارفه كويس اوى اوى انا بتخن ليه وازاى وفاهمه جسمى بيشتغل ازاى . :14: نزلت السوق اشتريت اكبر زجاجه خل تفاح ، وبن من ارخص الانواع قهوه تركى ارخص نوع فى الدنيا بس كميه واشتريت شمر وشاى اخضر وthermos ترمس احط فيه المشروبات ، وكمون مطحون وليمون ، وكورن فليكس دايت وبران سيريال وفاكهه وشوفان وبذر كتان من السوبر ماركت وزبادى بالهبل منزوع الدسم ولبن منزوع الدسم وبقسماط سن وزيت رش فريسكو وزبده رش فريسكو وتونه مدخنه وتوست سن وعيش سن وبيبسى دايت او ماكس وشويه زبيب وجزر بيبى وكرفس عيدان وجنزبيل اخضر،وحبوب سيبوتريم وزينيكال ولبن رايب دايت و2 دامبل الواحده 5 كيلو بس وميزان ديجيتال عارفه ان الحاجات كتير :o بس معلش ده خزين لفتره طويله جدا جدا لان اول ما الحاجات دى هتقرب تخلص هنزل اجيب غيرها لانها لو خلصت هرمرم من التلاجه عملت جدول لروحى وحطيته للتلاجه انى هنزل بالشهر 2 كيلو ونص وقسمته ايام ومهام واسبوع وتقييم منى لنفسى وكنت حريصه جدا انى ما اغشش روحى ولا اكسف نفسى واخذلها قدام نفسى الجدول كان فيه كمان الاهتمام بالنفس والشعر والجلد يعنى الماسكات والحنه وكده بسم الله صليت لله وطلبت انه يساعدنى انى اشفى من مرض السمنه كل يوم كل يوم كان ده طلبى وكل ما وزنى ينزل اسجد شكر لله بالليل قبل ما انام اغلى كوب ميه واحط فيه ملعقه كمون مطحون صغيره وعصير نص ليمونه وبعدين احطها هى نفسها وحته جنزبيل اخضر وانقعهم طول الليل واغطيهم بطبق فنجان وحطيتهم فوق ترابيزه المطبخ لان ده اول مكان بدخله الصبح اصحى الصبح اتوضا واصلى واخد حبه سيبوتريم عالريق واشرب المنقوع ده طبعا كان مر فى الاول بس بعد كام يوم بقى عادى.....طليقى كان بيقوللى انتى مش هتقفلى المعمل اللى انتى عاملاه ده انتى ايه بتحضرى عفاريت والله ما هتخسى ...يا بنتى دى اراده :19:.......وانا إذا الحيط رد ارد انا .....بصراحه ما كانش يهمنى اعرفه او لا لان ده شى لنفسى وخاص بى والتحدى مع فتوشى مش معاه المهم احضر له فطاره وفطار الولاد وينزلوا كلهم بالسلامه أغلى براد الميه واجيب الترموس احط ملعقه ونص صغيره شاى اخضر ومعلقه شومر او شمر حب مش مطحون واملاه ميه لانه كان صغير ياخد يادوب تقريبا لتر او لتر ونص واحطه جنبى على ترابيزه المطبخ مكانى المفضل اللى بقضى فيه اليوم وبكتب لكم منه كل يوم واحط كوب جنبه طبعا كنت بحضر القعده دى كأنى ملكه وده اشيك مكان فى العالم ويمكن احط ورده فى فازه كمان لو اتوفرت ......انا مش بعاقب نفسى لا انا بحب نفسى وبساعدها وكنت مقتنعه فعلا بده اعمل كوب نسكافيه تلات ارباعه ميه والباقى لبن منزوع الدسم انا عمرى ما اكلت سكر اصلا بس يا بنات اللى مش واخده على كده ما تعملش زييى عشان ما تكرهش النظام ده تقولى وانا اقولها تتصرف ازاى اكل 4 بقسماط او 6 ساعات ابقى جعانه اوى عادى يعنى والحمد لله انا عملت الفطار كده واكلت وشربت الكلام ده كله على 8 او 9 الصبح بكون خلصته أحضر بقى يا خلطه الشعر وللا الجلد ايا كان اللى عليه الدور فى الجدول واحطه على وشى او شعرى واربط راسى واتحول لمحاربة نينجا فى البيت ......رفايللو:cool: انظف البيت بهمه عاليه لانى موسوسه نظافه واغسل الحمامات وامسح الارض و اغسل الغسيل ممكن اجوع يا اشرب بيبسى دايت يا إما اكل تفاحه صغيره او اى حاجه تسد جوعى جزرتين ، بقسماطه ونسكافيه كوب لبن رايب كده يعنى ادخل عالمطبخ احضر الغدا لهم وادخل الحمام اخد دش ......استحمى كويس بالليفه تمام ........وبعدين اجيب قبضه كف بن وادعك بيها جسمى كله لان عندى سيلوليت وافضل ادعك لحد ما ايدى تخدل واشطفه واحط بعدها شويه خل تفاح على نفس الاماكن ......انا كنت حاطاه ببخاخ عشان السهوله وادعكه بالراحه يعنى يادوب كده مسح عادى واشطفه واحط شاور جل عشان الريحه ودهون القهوه ...... كل الموال ده بياخد ربع ساعه يرجعوا من بره اغرف لهم الاكل وييجى دورى انا بقى احط قبضه ايد شوفان وقبضه ايد بران سيريال وقبضه ايد كورن فليكس دايت ومعلقتين كبار بذر كتان وكوبايتين الزبادى الدايت واقطع اى فاكهه موجوده عندى زمنها الموز واحده كبيره كمان أى فواكه كأنها سلطه ومعلقه كبيره زبيب وهم يا جمل .......أكل وابقى خلاص اتمليت مش قادره اكمل الطبق ساعات اشيل السفره واغسل الاطباق واحضر لهم الحلو ياكلوا ويريحوا اوضب خلوتى انا بقى واشرب كوب شاى اخضر او اتنين على حسب الوقت اللى هقعده مع نفسى فى مملكتى واعمل عشر عدات بس بالدامبلز لكل ايد وتمارين الاكتاف وشد عضلات الضهر 10 عدات بس من دون تكرار وممكن اقل لما كنت ابقى تعبانه كلهم كلهم هيطلعوا تقريبا 50 مره هياخدوا دقيقتين انا كنت بعمل ده لانى بكره الترهل:18::18: يصحوا من النوم نتكلم ونعمل اى حاجه طليقى وقتها كان بيحب جديد وقلبه سعيد :14::14:فكنا بنخرج تقريبا نمشى فى الاسواق عشان يشترى لبس شهر العسل بتاعه مع القطه الجديده ......نفضل نمشى على قد ما تقفل المحلات من 7 ل9 مثلا واشترى كوب نسكافيه او كابوتشينو او لاتيه واحط عليه كريمه واقول للبنت كريمه دايت نرجع البيت خلاااااااااااااص احضر عشاهم واعمل ساندوتش 3 طبقات توست سن وبينهم تونه مدخنه وخس وخيار وممكن ملعقه صغيره مسطرده واشرب ميه .........ويناموا ادخل تانى اوضب المطبخ والبيت عشان لما نصحى الصبح البيت يبقى حلو كده مش مبهدل واقعد تانى مع روحى اكتب واسمع الراديو واكمل باقى الترموس كله واغسله واحضر منقوع الصباح بتاع تانى يوم واصلى وادعى ربنا اخس ويخلصنى من معتقل المغول بتاع حسن الهلالى ويبعد عنى شر بدران هههههههه هكمل حالا

مشكلتي اصدق

16-12-2009 10:18 PM

وااااااااااااااااااو ياناس على فتوشي

وربي شوي واحلم فيك خاطري اقابلك واتعرف عليك ...خفة دمك تصلح تنباع ادويه للي عندهم اكتئاب وهم وضيق

من جد حبيتك من قلب الله يقطع ابليسك المبطبط ...

مشكلتي اصدق

16-12-2009 10:30 PM

عندي بسه ابدا مو راضيه تفك الجهاز وتخليني في حالي

فتوشي ابدا انا مو متزمته ولا هجوميه بس مريت في تجربة شبه طلاق كامل وطولت فيها كمان بعدين رجعت المياه لمجاريها

وخلال هذيك الفتره كشرت عن انيابي صدق وبطلت براءه وهبل .. زمن لابد من القوه فيه ...

اهم شي انك عفوتي عني يا عسل

قبلاتي المبطبطه على خدك الجميل يا جميل

fatoushi

16-12-2009 10:54 PM


	يااااااااه تعبت والله بس فداكم يا بطى لما تخسوا هتبقوا كتاكيتى طبعا:22: ده برنامجى اليومى اللى انا اديته لكم اولا انا حد اكاد اكون نباتيه يعنى ممكن اقعد سنه من غير لا لحمه ولا فراخ عااااااااااااااااااااااااادى جدا جدا مشكلتى الخبز واى شىء معجون بخميره انا اشمهم من هنا واتجنن ابقى طرزانه ويبقى جدع اللى يلمنى:18: طبعا طبعا كنا بنخرج ومش ممكن هفضل طول اليوم بره ومش هاكل كنت باكل بس بحاول اختار اقل شىء فى السعرات يعنى مشاوى مناقيش سلطه تشاينيز فيها فطر لانى بحبه جدا وساعات ولادى يجيبوا كنتاكى مثلا فاخد صدر واقشره واكل كولسلو علبه كامله وطبعا معايا السلاح الفتاك xenecal زينيكال:20: وساعات اخد بيتزا 2 سلايس يعنى باكل فى الخروجه لو هى طول اليوم عادى بس حصه بتاعه طفل سنه 10 سنين وممكن اخد فرايز بس بالقط من حاجه الولاد ممكن ربع كيس الزينيكال معايا فى شنطتى على طول ما بيفارقنيش وبما انه غالى وانا مش باكل دهون اصلا ، فكان استعمالى له اقتصادى جدا وكنت باكل ساعات جاتوه بس فى النادر يعنى نقدر نقول مثلا مره قطعه وساعات اتنين كل عشر ايام وبعد اى اكله احس فيها ولو بقدر ضئيل من الدهون اخد حباية المنقذ:) وحرمت على نفسى شرا اى لبس خااااااااااالص ولو اشتريت اشترى مقاس 10 اللى هو اصغر منى بمقاسين كمان انا باخد فيتامينات عشان صحتى وما اعجزش كنت اقيس الهدوم اول ما اجيبها الاقيها البنطلونات طالعه يادوب لحد فوق الركبه كده ومش عاوزه تكمل .......الطريق مسدود..........ومافيش يو ترن :( لو حبيت اعمل سوتيه اشوحه بزبده او زيت فريسكو عشان الطعم بس وساعات كنت اعمل سمك برضه فى الفرن بنفس الطريقه ارش الزيت او السمنه دى وهى 0% فات طبعا يوم الخروجه او الجاتوه ده ما بتعشاش ولو الجوع قرصنى اوى اكل زبادى واقفل بقى عالساعه 7 او 8 بجد والله النظام ده نضف معدتى جدا جدا وللى الاخراج ( اكرمكم الله ) منتظم جدا جدا عيبه الوحيد كتر دخول الحمام من كتر السوائل معدتى صغرت وما بقيت اتحمل لا زيت ولا سمنه خالص نفسى بقت تغم على منهم بعد حمام الصبح اوزن نفسى واسجل الوزن فى الورقه بتاعتى وكل المهام اللى بنجزها بسجلها فى الورقه دى ممكن اعمل لكم لها نموذج ياللا انشالله ماحد حوش انا عندى عاده كده يعنى ـ المهم العاده دى مش بعملها الا وانا قاعده بكتب بما انى مفكره لوذعيه ولازم يكون جنبها اى سوائل اشربها ..........بلاش احراج بقى .........الله:25: ساعات الفاكهه تطرى وبيبقى باقى لها يوم او اتنين وتبوظ فبدل ما انا عارفه انهم هيسيبوها تضرب كنت اضربها كلها فى الخلاط مع حليب او لبن منزوع الدسم واحطها فى ازازه جنبى على ترابيزه الاجتماعات بتاعتى فى ركن المشروبات كل يوم يعدى بنجاح احمد ربنا وادعيه كل يوم كل يوم وفهمت ان النص كيلو او التلات اربع ما بيبان الا اخر الاسبوع اه بوزن كل يوم بس عارفه ان المؤشر مش هينقص الا بعد 7 ايام وقد كان هيييييييييييييييييييييه فتوشى شطوره وتقدر :17: بعد اول شهر البنطلون فضى من عند الافخاد واحنا افخاد وارداف مصريه اصيله وصميمه بقيت احط حزام تانى شهر البنطلون بقى واسع والبلوزات بقيت ادخل مقدار كف فيها بعد ما كنت بتزحلق بزيت جوه الهدوم ياااااااااااااااه راحه كده وانتى بتلقى فى الهدوم حتى الهدوم الجديده طلعت فوق الركبه شبرين بدل شبر واحد لسه قدامها شبر كمان عشان توصل وشبر عشان تقفل.........هانت طبعا فرحه ما بعدها فرحه وكنت بكتمها عشان ما يحسدنيش ....:29: جه شهر على مانزلت ولا جرام ممكن نص كيلو بس والله ما يئست خالص بالعكس كنت مصره ومصممه عزيمتى ما هبطتش خالص اه كنت بتضايق بس مش بيأس انا كنت حاطه لروحى هدف وشايفاه قدامى وشايفه روحى فى هدومى الجديده الرياضه الخفيفه اوى بتاعه الدمبلز دى جابت نتيجه والله كأن جسمى كان فاهم وبيستجيب بسرعه جدا بدأت اخد شكل ظريف مش مرهل بالعكس رياضى ناعم ......يعنى وكأنه دليل انى حد مهتم بروحه دماغى اتفرمتت على انى بحس بالسعرات والكميات وقبل ما اكل ببقى حاطه لروحى حد ويادوب اكله اقول لروحى انا شبعت لانى عندى مشكله بجد والله مش تهريج مركز الشبع عندى متعطل ودى حقيقه ما كنتش بوقف اكل الا لما خلاص بطنى تطلع قدامى وابقى هنفجر شهر يناير وفبراير نزلت فيهم 6 كيلو مارس كله نص كيلو الجو بقى دفا فى ابريل والحب شعلل طليقى مع الوزه بتاعته:23: واتفقنا على الطلاق وباله ارتاح وخروجنا كتر والمشى زاااااااد بتفرج عالمحلات وبيحكى غرامه لعروسته معايا ..........وانا فى وادى تانى بخطط لنفسى مستقبلى بعد الطلاق يووووووووووووووووه ترموس الشاى خلص:eek: ابريل بدأت تبان بقى النتايج المبهره شعرى وبشرتى اتحسنوا جدا جدا لانهم كانوا تلفوا من الادويه بتاعه الاكتئاب .....:mad: وشى نور الحمد لله وشعرى بقى احسن كتيييييييييييييير وبرنامج العنايه اتى بثماره طبعا طبعا نزلت فى ابريل 4 كيلو ومايو 3 كيلو يعنى المجموع كله تقريبا فى يوم مارجعت مصر 14 كيلو اللبس الجديد دخل فى ولاول مره البس لبس على مقاسى فعلا طول ال6 شهور كنت لابسه لبسى القديم الواسع وطبعا هو مش شايف انا بقيت ازاى ........ يوم رجوعى بلدى اللى هو تانى يوم خروجى من سجن ابو غريب:14: ولاول مره من 17 سنه وانا رايحه المطار البس مقاسى الحقيقى وشافنى وانا شفت نفسى ......الحمد لله الحمد لله .........سيبته والقهر والحسره هيموتوه هههههههه يستاهل:27: الكل انبهر لما شافنى وافتكروا ان نكد الطلاق هو السبب طبعا سيبتهم وانتم اول ناس اقول لهم السر بتاعى ......حتى واحده سم كده قالت لى انتى شفطتى قلت لها لا والله بعيد عنك الغم .........ما انا اتعلمت من طليقى بقى انى ابقى لئيمه عرفت ان كل 8كيلو نزول فى الوزن بيساووا مقاس وزنى دلوقت يوم الرجوع 69 كيلو بالتمام والكمل اشتغلت وفى الشغل كنت بفطر الصبح واخد معايا غدايا لو هعمل الفاكهه والزبادى كنت باخد علبه الزبادى مقفوله والفاكهه تبقى موز وتفاحه وعلبه خليط الحبوب وسكينه واحضر غدايا او ساندوتش التونه او جبنه باوزن نفسى كل يوم ولو زدت كيلو واحد بنزله فى 3 ايام لانى بقيت عارفه الطريقه والسر وزنى نزل تانى من غير قصد من الشغل ووصلت فى شهر 4 سنه 2008 64 كيلو ومقاس 10 بقى واااااااااااااااسع وده كان اقل وزن لى فى ال17 سنه كلهم طبعا شكلى ماكانش حلو فزدت شويه وفضلت على وزن 67 او 68 سنه كامله وقعدت من الشغل اهىء اهىء :( وزاد وزنى بقيت دلوقت 74 كيلو يعنى زدت 6 كيلو ،بس هنزلهم والله العظيم لانزلهم وتحدى طبعا انا حد كان وزنى مش مفرط بالنسبه لطولى وما باكلش سكر اصلا ولا مدمنة حلويات والدهون مقاطعاها الا فى الخفيف كده فنزلت ال20 كيلو دول فى سنه وكل واحده ووزنها وطولها وطريقة اكلها طبعا والدكتوره فتوشى حاضره للاستفسارات:30: فاصل ونعود

fatoushi

16-12-2009 11:02 PM

شايفاكم ..........على فكره انا بكبسة زر كده سحر .....ممكن احذف الموضوع ......
ايوه بهددكم
لو انهمرتوش على بالاسئله كالسيل
يعنى انا وسطى اتقطم عالكرسى فى المطبخ والهوا بيطس فى ضهرى ساعتين عشان اكتب تجربتى النوويه دى
ياللا حبايبى مين المتطوعه الاولى .......؟؟؟؟؟؟؟؟؟؟

مشكلتي اصدق

16-12-2009 11:10 PM

طيب مممكن ( من الخوف 3 ميمات ) نراجع علشان فعلا تكون اسئله محرزه

وسلامة ظهرك يارب

:d

مشكلتي اصدق

16-12-2009 11:50 PM

الله موضوع يجنن و يحمممممممممممممممممممممممممممممممممس

آه متى بس ابطل كسل واقوم .. فيني حسنه وسيئه

اي نزول وزن يبان فيني

واي زياده برضو تبان

بس ابغى اشد الهمه والله يعين

موضوعك جدا واضح فتوشي يا الذ سلطه

وماعنديش اسأله

عقبال ما ارجع وابشرك ببداية نزول الوزن

fatoushi

17-12-2009 12:04 AM

هع.......... نفدتى منى المره دى يا مشكلتى اصدق
بس هتروحى منى فين ؟؟؟؟؟؟؟؟؟
بصى اذا وشك بيخس مع فقدانك الوزن ممممممممممم يبغى لك نفخ ههههههههههههه
يا حليلك مشكلتى اصدق صارت فنانة

انتى وزنك النهارده كام وطولك قد أيه ؟

بلاش كدب بقى ده انتى فشاره اوى انا شايفه الميزان بعينى......
كام اعترفى

helwaya

17-12-2009 12:16 AM

البُن جاب نتيجة؟؟

في دكتور سمعته قال ان السيليولايت محتاج بس تدليك مش اكتر بس بإنتظام

ماريا

17-12-2009 12:32 AM

العنوان مو زابط :29:

اقتباس:

دون ريجيم او رياضه

اقتباس:

واعمل عشر عدات بس بالدامبلز لكل ايد وتمارين الاكتاف وشد عضلات الضهر 10 عدات بس من دون تكرار وممكن اقل لما كنت ابقى تعبانه كلهم كلهم هيطلعوا تقريبا 50 مره هياخدوا دقيقتين انا كنت بعمل ده لانى بكره الترهل

....نفضل نمشى على قد ما تقفل المحلات من 7 ل9

دقيقتين دمبلز و ساعتين مشي و ما اسمها رياضة ؟؟
لكان شو الرياااااضة ؟؟

اقتباس:

واخد حبه سيبوتريم عالريق

و هالحبوب (المثبطة للشهية) مو رجييييييييييييييييييييم ؟؟

شعاع من نور

17-12-2009 01:27 AM

هههههههههههه

ابداااع

ماشاء الله عليكي

انا حبيبتي وزني ماشي حاله

اربعه وسبعين كيلو

وطولي ميه وخمسة وستين ..

بس حاااسة اني في زيادة مستمره ..

وخاااااااااااصة من جهة البطن ..

انقذيني يا بطه ..

قبل لا اصير فيله ..

يعني كم يبغالي انزل ..

خاصة ان وجهي اول شي ينحف واكون كأني مريضة ..

؟؟

انتظرك يا سكره

..

ت ح ي ا ت ي ..

مشكلتي اصدق

17-12-2009 01:28 AM

الا صحيح وشهو الدامبلز

ماريا اعتقد قصد فتوشي بالرياضه .. الرياضه الشاقه والنوادي الصحيه والقلق

والريجيم .. الحرمان ... والوصفات والدكاتره وكمان القلق

fatoushi

17-12-2009 03:35 AM

ماريا
اه بدون ريجيم
ريجيم يعنى نظام اكل صارم مع طبيب وورقه وحرماااااااااااااااااااااان

مثبط الشهيه مرحله فى الاول لحد ما المعده تصغر

مشى المولات حبيبتى والفرجه عالمحلات مو رياضه الرياضه يعنى مشى منتظم عنيف بهز اليدين دون توقف بسرعه ومعدل معين

والله حبيبتى انا احسه مو ريجيم انا عملت ريجيمات بالهبل مع دكاتره وكنت بعانى فعلا

عامه مشكوره عالتنبيه
حلوايه ما سمعتى عن شرابات ماركس اند سبنسر بالكافيين دورى عليها عالنت
اه حبيبتى جاب نتيجه يا بنتى والله ما هضحك عليكم ........بقولك ناقصنى بالطو ابيض وسماعه بس
شعاع من نور هرد عليكى الصبح بإذن الله

fatoushi

17-12-2009 03:36 AM

الدامبلز مشكلتى اصدق حديد
اثقال
الشحات مبروك حبيبتى هههههههههه الحديد اللى بيشيله بس من غير العصايه اللى بالنص

Orange11224

17-12-2009 12:46 PM

مشكورة يالغالية على تحمسينا , حمستيني

ودي انزل 10 كيلو ياااسلاااااام ياااااااااااااااااارب نحفني

بس 10 كيلو (( عـــــــــــشـــــــــــره كـــــــــيـــــــــلـــــــــــو ))

واذا نزلت ماراح انسى انزل قصتي لـــكـــم

ومشكووورة يا فتووووشى

helwaya

17-12-2009 02:41 PM

انتي عارفة في برنامج the doctors من يومين وانا بتفرج كانو بيقولوا على تقليعة الفنانات بتوع هلوويد نازلين عليها

وهي غسل القولون !!:23:

ليه بأه عشان يشيلوا الانتفاخة النونو اللي بتكون موجوده في البطن :25:

طبعا الدكاترة استهزقوا بيها

وقعدوا يقولوا هبل اساسا مافيش حاجة اسمها غسل قولون ماهو بيتغسل طبيعي بطبيعي هههه;)

وانا اتفرج واقول اصحاب العقول في راحة

بس في نفس اليومين شفت الدكتورة مها راداميس .. وفي كذا مكالمة جاتلها ان في ستات من كتر الخلفة الوزن اتركز في البطن والاطراف نحيفة... فقالتلهم على جهاز اسمه aspn تقريبا بيقوي عضلات البطن .. وفي نفس الوقت تعمل معاه موجات فوق صوتيه عشان تفتيت الدهون

طبعا الكلام ده حلو يساعد على الرجيم ...بس مش تيجي الواحدة مش عاوزة تبذل مجهود وتخس وتقول اعمل ده كله .. اكيد هترجع تاني

كمان حقن الميزوثرابي بيقولوا تحفه

والليزر فظيع طبعا

يعني اللي عاوزة تخس في زماننا ده بس تنوي

و50 الف حاجة موضوعية تساعد

وأخيرا لازم جوزها يبقى غنيييييييييييييييييييييييييييييييييييييي :cool: عشان يتحمل كل الجلسات ماهو كل حاجة بكذا جلسة ... الا لو عايشة في مصر في خانة بس الميزوثرابي بأه باتنين مليم:26:

ماريا

17-12-2009 06:31 PM

اقتباس:

المشاركة الأصلية كتبت بواسطة fatoushi (المشاركة 2304272)

اهلين فتوشي
شكرا للرد
و الله يا فتوشي انا بعتبر هدا قمة الحرمان :21:
وين اللحوم ؟ وين الشوكولا ؟ وين المعجنات ؟ وين الكيك والحلوياااااااااات (أحبائي) ؟؟:d
كل الأكل نخالة و كمون و شاي أخضر و بدون سكر يا عيني
و الله انا ما امشي على هالريجيم لحتى اعتبر حالي قمة الحرمان
تعالي شوفي ريجيمي
http://www.66n.com/forums/showthread...69#post2304669
:24:
طبعا انا ما اعترضت على نوعية الريجيم بالعكس انا بالزمانات زدت 8 كيلو و عملت ريجيم مشابه جداً لريجيمك
بس انا اعترضت على التسمية لأني من العنوان فكرت اني فعلا بدي اخسر وزن بدون اي جهد
و اكتشفت انه لاااااااا في كتير من أحبائي بدي استغني عنهن :21:
ومشان الرياضة انا بسبب جلوسي بالبيت طوال الوقت بعتبر اذا اجاني تلفون و مشيت أثناء الحكي بالتلفون بعتبره رياضة
كيف النزلة للسوق بعتبرها قمة الرياضة
هههههههه
طبعا هالكلام كلو بالنسبة إلي شخصيا مالو علاقة بالعلم :25:

الله يجزيكِ الخير على مساعدة الاخوات و ان شاء الله بستفيدوا على ايدك

Hala122

17-12-2009 08:10 PM

فتتتوشي..بدي مساعدتك..انابدي أخس 5كيلو..ومش عارفة كيف..بدي اكتبلك شوية معلومات...اناطولي163..ووزني(71.1)..توزنت قبل شوي بعد الحمام اعزك الله...

طيب نيجي لعاداتي الغذائية(طبعا عاداتي مش صحية ابداااا)..:29::29::29:

انابحب الحلويات بشكل كبير بمافيها الشوكولاته..واي اشي فيه كربوهيدرات..متل معجنات كيك.........

الصبح مابفطر بس مستعدة آكل كم قطعة شوكولاته وصحن سناك...وبضل هيك الى الساعة 7وقت رجوع زوجي بآكل العشا وهوغالبا بكون رز ومرقة وقطعة منيحة دجاج اولحم....

مابآكل فواكه..(بس لازم ابلش آكلها عالاقل تفاح اوبرتقال)..ونسيت اقلك ممكن آكل موزة الصبح(كاربز)....
وعل اساس كرهي للفواكه اصبح روحتي للحمام مش منتظمة..

مابشرب شاي اوقهوة الافي الويكاند مع زوجي كب واحد...وبفطر يوم الويك اند(بعمل سفرة وبآكل رغيفين خبز صغار)...:26::26:

طيب بدي اسألك عالشاي الاخضر بنحف ولا لأ???

وبدي تعطيني توجيهات تخفيف..مارح اقدر اعمل زي ريجيمك..قاسي..وغربة..بفقع بعدين....

عفكرة اناتشجعت اكتب لما شفت اخونا اتحدى بلش ينزل وزنه بسم الله ماشاءالله..وعقبالي...غلبتك يافتوشي

مُنتهـى

17-12-2009 10:25 PM

حماااااااس

:17::17::17::17::17:

فيافي نجد

17-12-2009 11:28 PM

تبارك الله

اولا اهنيك على ارادتك

وعلى وزنك اللي وصلتي له انا مثلك الان البناطيل توقف لحد الفخذ وقررت مااشتري جديد

لازم البسها هي

اسلوبك شيق وممتع ياقمر ربي يسعدك

fatoushi

18-12-2009 05:45 AM

كنت هنام وقلت ارد عليهم بكره ، انشغلت عنكم اسفه وكمان جانى انذار من الاشراف خلى مزاجى مش تمام :(

معلش صباح الفل والورد والوزن اللى هينزل بإذن الله يا بطابيط اليوم وكتاكيت الغد
نبدأ بأول استشاره.

شعاع من نور:)

وزنك 74 وطولك 165

معدل كتله الجسم عندك حبيبتى 27 انتى فى نص مرحله الوزن الزايد يعنى بعد 10 كيلو تبقى سمنه وال10 كيلو ما اسهل انك تزيديهم وتزيد معاهم بعد الشر امراض القلب والسكر والضغط والشرايين والاكتئاب

لازم وزنك ينزل على الاقل خالص 6 كيلو :18:
يعنى شهرين ده بالمعدل البطىء جدا جدا بدون لا اكتئاب ولا حرمان وده عشان يبقى معدل كتله جسمك 25 بس اى كيلو زياده فوق ال68 اللى هتوصلى لهم باذن الله تانى هنرجع مرحله زياده الوزن والكيلو يجر كيلو وزنك المثالى المفروض 57 كيلو وده مش هدف واقعى دلوقت خلينا نمشى مرحله مرحله
مشكله البطن مشكله طبعا ودى صعبه جدا ومن اصعب المناطق لو شكل جسمك اصلا شكل التفاحه يعنى اكتاف وصدر وبطن عريض مالك الا الرياضه المهلكه للمنطقه دى او حقن اسمها ليبولايبيد مش ميزوثيرابى لان الميزو ماله نتايج والليبو لايبيد بيعملهم طبيب مشهور جدا فى مصر تنحت الوسط والبطن وعمر المناطق دى ما ترجع تانى ابدا زى الشفط فى النتيجه بس بدون عمليه حقن تحت الجلد فى المناطق المطلوب ازالتها وتطرح الدهون مع البول ولا تحتاجين لتكرار الحقن الا لو البطن حجمها مهول
لو ولدتى قيصريه وعملتى الحقن ده هيبقى كويس بطنك هتنحف تماما بس هتفضل عندك مشكله الترهل يعنى لازم شد بطن ودى عمليه مش بسيطه يعنى مؤلمه بس النتايج مبهره ودائمه مدى الحياه بالاضافه لكلفتها
الحقن سعره فى المتناول على فكره .
يارب اكون افدتك

حلوايه حبيبتى:17:

بصى البطن لو خفيفه اوى يعنى نظام طالع لك برتقاله فى بطنك اه الجهاز يشيلها ممكن غير كده الاجهزه والادويه والدهانات كل دى خرابيط وهبل وضحك عالناس
البطن عضله لو اتقطعت بالولاده القيصريه اكتر من مره انسى انها ترجع او تقل هتقل دهون وهيفضل الجلد مترهل
وشوفى ردى على شعاع من نور

:)ماريا
انا نباتيه ما باكل لا لحوم ولا فراخ فأكيد نظامى حرمان بالنسبه لك وانا عملت ريجيمى من الحاجات اللى انا بحبها فعلا
انا بموت بالمكسرات لو اكلت مثلا فنجان كبير كاجو مثلا ما بتغداش واخد الزينيكال
ولو الشوكولا مش ممكن تكونى مدمنه اكتر منى عليها بأكل شوكولا بس قد ايه ونوعها ايه لو دارك تاكلى مثلا مربعين وسط اليوم حلو اوى مره كل يوم
حابه تاكلى بار حلو او 3 مارس او كيت كات ما تتغديش
والكيك والحلويات نفس الحكايه
انا ما كنتش محرومه بالعكس
بصى انا بحب المشروبات والمعجنات وكل القصص دى بس زى ما قلت انا شفت انا بحب ايه واخترعت لروحى نظام
وانا عمرى ما اكلت سكر بالمشروبات ابدا ابدا مش بحبه اصلا
لو فاكره انى نباتيه وانى ما باكل سكر ده نزل وزنى بالعكس ده خلانى اعانى فى نزول الوزن انتى عارفه انا لو باخد سكر وحلويات ودهون مجرد اى تقليل ولو بسيط كنت انزل بسرعه جدا انما عشان اصلا هم مش موجودين فنزولى كان مميت ببطء

HALA122 حبيبتى :)
معدل الكتله عندك 26 ونص زيك زى شعاع من نور تمام
وزنك زايد طبعاالمثالى 53 كيلو وده صعب وبعيد
نظامك اخر لخبطه وزنك عشان هه يادوب ندخل مرحله الوزن الصحى لازم يبقى 66 كيلو
كونك تفطرى حلويات وتفضلى عليها لحد 7 بالليل وتدبيها مع جوزك طبعا مش تمام
جسمك اتعود على كده وخايف من المجاعه يعنى برمج روحه دى ممكن تحرمنى فأنا هخزن كل جرام دهون تديه لى
بصى افطرى 2 كيت كات صغيره

بعدها بساعتين موزه

بعدها بساعتين زبادى بدون دسم وموزه مادام مش بتحبى الا نوع الفاكهه ده

بعدها تانى بساعتين كوب عصير طبيعى انتى عاملاه بالبيت ، او ساندوتش عيش اسمر جبنه ومعاه سلطه او تونه او بيض مسلوق وسلطه ولو العيش سن يكون افضل

الساعه 7 لما ييجى جوزك كلى بس فى طبق الشوره الصغير عارفاه امليه رز وخضار على بعض واعملى سلطه لاااااااااااااااااازم واللحمه والفراخ لو سمحتى من فضلك مسلوقين عاوزه تحمريهم يبقى تشترى زيت الرش فريسكو او الزبده وحمرى نصيبك فيهم الزيت او الزبده بيكون مكتوب عليهم 0%FAT

بعد الساعه 7 تقفلى بقك ده خاااااااااااااااااااااااااااااااااااااااااااالص
ولو تعرفى ياريت بعد العشا كوباية زبادى منزوع الدسم..........الزبادى بيقلل امتصاص الجسم للدهون

الشاى الاخضر ما بيخسس لوحده يعنى هو بيزود معدل حرق الدهون او الايض بنسبه 3 % تقريبا بس انما هو يزود الحرق وانتى تزودى الدهون والدهون مش يعنى مقالى بس لا كربوهيدرات كمان وسكر الجسم بيحول جزء كبير منهم لدهون

لو عملتى البراد بتاع الشاى الاخضر اللى بقول عليه بالشمر او من غيره صدقينى وشربيتيه طول اليوم الاخراج هينتظم وجسمك داخليا هيتغسل ومعدتك هترتاح
لو بتاخدى مشروبات بالسكر شاى او عصير او كده لو بتاخدى 3 معالق سكر خليهم 2 ولو بتاخدى 2 خليها واحده
وربنا معاكى

المهاجره للجنان مشكوره على الاطراء
فلافل حمااااااااااااااااااااااااااس عاوزه اشوفك بقيتى غزاله بقى
فيافى نجد اوعى تشترى جديد صدقينى خليهم حافز وهتخسى

الى غزلان المستقبل هيا فلنبدأ من اليوم انا كمان بدأت والحمد لله انا كمان عندى 6 كيلو عشان ارجع غزال البر والبحر مش عارفه البحر ازاى بس هو كده وخلاصياللا تصبحوا على خير يا:d بطابيط

Hala122

18-12-2009 06:01 AM

فتوشي جزاك الله خيرا..غلبتك معي..بس بدي اسألك الزبادي يعني لبن مش حليب ???صح

fatoushi

18-12-2009 06:08 AM

انتى صاحيه ليييييييييييييييييييييييييييييييييييه؟

النهارده الجمعه اجازه

الزبادى اللى هو الروب
انا مصريه وعشان كده بخلط شويه فى المصطلحات
زى ما قلت الزبادى اللى هو الروب
اللبن اللى هو عندكم حليب
الرايب اللى هو عندكم لبن
كله منزوع الدسم يا هلا

ابوس ايدك بلاش الرغيفين النهارده
رغيف واحد بس
ياللا نامى بقى عاوزه اصلى الفجر
باى

شعاع من نور

18-12-2009 06:27 AM

شوفي يا حلوه خوفتيني على نفسي لما بداتي تتكلمي عن شفط وابر ..

انا عندي البطن توها في بداية التكون ..

يعني لما اشفطها على جوه..

يبان كان مااااااااااااااعندي بطن ..

الناس تشوفني مع الملابس جسمي متناسق ومافيه زوايد

..

اقدر اضحك على الناس

لكن ما اقدر اضحك على نفسي ..

عشان كذا حسيت بالخطر لان كل مالها تزيد والله يستر ..

بالنسبه لنظامي الحالي

فطور الساعه تسعه

ساندوتشات جبنه او بيض او كورن فليكس ..

ارجع انام للساعه واحده الظهر ..

مافي وجبة غدا

اكل قطعه بيتزا او بسكوت او اي شي خفيف ..لان زوجي ما يرجع البيت الا الساعه ثمانية

وانتظر زوجي على العشا الدسم

حوالي الساعه ثمانية ..

ما انام الا الساعه اثنين ونص في الليل ..

وهكذا ..

طبعا يتخلل اليوم قطع شوكولاااااااته ..

يالله ساااااااااااااااااااااااااااااعديني في نظام يناسبني وينزل وزني ..

ولك دعوه حلوه ..

يا عسل المنتدى ..

ت ح ي ا ت ي ..

fatoushi

18-12-2009 04:07 PM

صباح الفل شعاع من نور......منوره

انتى بتقولى بطن صغيره ولما تشفطيها ترجع مكانها معناه ان عضله البطن ماشاء الله قويه مش بايظه
انا قلت حقن للى عندهم بطن بالخلقه او وزنهم ينزل والبطن لا او وزنهم كويس وعندهم بروز كبير بالبطن
ثم انا قلت الابر بتكون نتيجتها زى الشفط
انا لا احبذ الشفط اصلا ومش ظريف عمليه مقرفه بصراحه
دلوقت الابر سهله جدا وبدون بنج لان سن الابره زى سن حقنه الانسولين رفيع جدا جدا لا يؤلم اطلاقا وعشان ما اكونش بكدب هو زى قرصه ناموسه
وبتاخد تقريبا للبطن كامله 10 دقايق
وتروحى بيتكم

دى مش حالتك اصلا
فطار سندوتشات ؟؟؟؟؟؟؟؟؟؟
لا حبيبتى انتى بتاكلى وتنامى خليها ساندوتش واحد وياريت خبز اسمر طرى .......الخبز الاسمر مش للتخسيس الخبز الاسمر لتنظيم عمل الامعاء
ويكون بيض مسلوق او مقلى بزيت قليل اوى يعنى يادوب عشان البيض ما يلزق فى الطاسه او فريسكو زى ما قلت قبل كده
لو كورن فليكس يبقى نستله سبيشيال اللى مرسوم عليه من بره شريط المقاس اكيد عارفاه ويكون بحليب خالى الدسم او روب ونص تفاحه وموزه صغيره وبدووووووووووووووووووووووووووووووووووون سكر اكيد
او بران سيريال بنفس الطريقه
وكوب ميه
وتنامى
لما تصحى خدى 2 مربع شوكولا دارك

الشوكولا الدارك الدهون فيها والسكر اقل وصحيه اكتر
منبهه
تقى من امراض القلب
مضاده للاكسده
ومحفز عاطفى !!!!!!!!!!!!!!!!!!!!! فاهمانى اكيد

دلوقت الساعه بقت 3 تاكلى فاكهه او عصير بيتى انتى عاملاه باللبن الرايب خالى الدسم برضه او ساندوتش خفيف تونه مثلا او ستيك بزيت خفيف جدا جدا

العشا الساعه 8 او كى مش هينفع اقولك ما تاكليش بس حتى عشان صحه عيلتك بلاش الاكل يبقى دسم جدا زى ما اانتى وصفتى

الدسم بيجيب الضغط وامراض الشرايين ......حرام وكمان بيعمل خمول وتقل

خفى الدسم للنص من فضلك عشان صحه عيلتك

بصى خدى فى الاول على الاقل تلات ارباع كميه الاكل اللى بتاكليها مش هقولك النص خلينا لمده شهر نمشيها تلات ارباع يعنى لو بتاكلى 4 معالق كبار مرق ومعاهم قدهم رز خليهم 3 و3 ولحم او فراخ براحتك والسلطه مهمه مهمه مهمه
ما اظنش فيه ست تحب تعجز او تترهل او وشها يبقى مكرمش
او عندها امساك وغازات وبطنها منفوخ من القولون

السلطه هتبعدك عن القرف ده كله منها فيتامينات وصحه وجمال

لو بتاخدى مشروبات غازيه خليها كلها دايت
لو بتاخدى اى مشروبات بحليب يبقى منزوع الدسم
لو بتاخدى سكر قللى الكميه وهتتعودى عالطعم صدقينى وبعد فتره هتستسيغيه
السكر الكتير والملح الكتير سموم بيضاء تضاف للجسم

ليه يا حبيبتى احنا مش ناقصين لا وجع قلب ولا صرف فلوس مالوش لزوم
بذمتكم صرفتوا كام عشان ترجعوا زى الاول حلوين وخفاف
والله ما تسوى معلقه السكر ولا ال3 حتت جاتوه

حاولى تشربى شاى اخضر وحطى معلقه الشمر الشمر بيشد الجسم
والكمون والجنزبيل والليمون على الريق المنقوع اللى انا كنت بعمله من بالليل واشربه الصبح بينزل البطن
وبعد العشا تقفلى بقك
هو اسبوع جربى مش هتخسرى حاجه اكيد
وبالتوفيق

يا جماعه اى واحده تجرب نصيحه قلتها لها ياريت لو جابت نتيجه حلوه تقول لنا هى

وتدعى لى انا واولادى دعوه حلوه يهديهم لى ويرزقنى برهم ويرزقهم برى ويبعد عنا الحسد وشر كل ذى شر ويوسع رزقنا
وكل الدعوات الحلوه بقى ده دعا بظهر الغيب

دى اجرتى اللى هاخدها منكم عند كل نصيحه
بالتوفيق
على فكره اسمك حلو

شعاع من نور

18-12-2009 05:07 PM

الله يسعدك على النصايح الرائعه

وبدأت بالتنفيذ حالا

سندويتش خبز اسمر بجبنه :d

الله يعطيكي كل اللي تتمني يااااااااااااااااااااااارب ..

الف شكر :28:

ت ح ي ا ت ي ..

helwaya

18-12-2009 05:37 PM

اقتباس:

المشاركة الأصلية كتبت بواسطة fatoushi (المشاركة 2304971)

حقن اسمها ليبولايبيد مش ميزوثيرابى لان الميزو ماله نتايج والليبو لايبيد بيعملهم طبيب مشهور جدا فى مصر

مين أحمد عادل نور الدين ؟؟

مُنتهـى

18-12-2009 05:58 PM

اقتباس:

المشاركة الأصلية كتبت بواسطة fatoushi (المشاركة 2304971)

فلافل حمااااااااااااااااااااااااااس عاوزه اشوفك بقيتى غزاله بقى

فتوشي يا بطبوطة

انا مش بطة أوي

وزني 65

:22:

وطولي 165 تقريبا ...

والحمدلله جسمي متناسق مع شوية زوايد هنا وهناك ... وبحاول أبلع بطني على قد ماقدر

والبلع بجد بيجيب نتيجة هايلة .. بيخلي بطني مش باين خالص ..

:23:

بس عاوزة أنزل لـ 55 عشان أكون في الـ safe side

وحتكوني قدوتي بجد انتي هايلة

ربنا يوفقك ويعلي مراتبك

:22:

<<<<<< ايه رأيك مش أنفع أتكلم مصري :17: ميه ميه

fatoushi

18-12-2009 09:31 PM

حلوااااااااااااااااااااااااااااااااااااااااااااااا ااااااااايه
حلوااااااااااااااااااااااااااااااااااااااااااااااا ااااااااايه:d:d:d:d:d:22::22::22::22:

فلافل
معدل كتلة جسمك 24حبيبتى ممتاز يعنى صحى
لو تنزلى ل60 بس مش 65 هتبقى وهميه:25:

اه ينفع تتكلمى مصرى بس عشان تبقى مصريه ستايلش
بلاش عسل وميه ميه وباشا ...... :29:

يبقى دايت وستايل وشياكه
ده احنا هنكسر الدنيا:17:

اوعى تزعلى انا بهزر معاكى يا فلفلتى:d

انتى لو شافطه بطنك على طول فعلا فعلا عضلتها هتبقى افضل
انا من سن 14 سنه وانا كده شافطه بطنى عارفه لو رخيتها احس انى هقع على وشى اه والله:15:

شعاع من نور
والله هتشوفى احلى نتيجه يا غزال المستقبل:22:

بنت مكة2008

18-12-2009 10:06 PM

ياسلام موضوع رااااائع

من جد انى بطة :29: بس انا بدات دايت من شهر واسبوعين نقصت فيها 4 كيلووو والحمدلله مقاسي نزل شويه

كان وزنى 87 بس لاتفكروا نى دبه مره والله شكلى بس مليانه:25: الان وصلت 84 كيلو:22:
مشكلتى الغدة الدرقية مع انو اكلى مو كتير
انا بااطبق نفس الا انتى تسوي بس زياده انى بااروح النادي:18:

حلو ماشاء الله نزولك وعقبالى يارب

يالله اقوم اعمل شاي اخضر

وبكرة ابدا الكمون والزنجيبل مع الشاي

بالنسبة لحبوب سيبوتريم موجودة في مصر وكم سعرها عشان اطلبها من هناك

helwaya

18-12-2009 10:26 PM

بنت مكة في بنات هنا بيبعوهم في المنتديات السيبوتيرم يعني

الساعة الآن 12:28 AM.

صفحة 1 من 2

عرض 40 مشاركات من هذا الموضوع لكل صفحة