مطلوب وصفة كيكة السويسرول بالمربى
 

مساء الخير ..

مرحبا فيكم كلكم ..

في كيكة طعمها يجنننن ، تمصون أصابعكم وراها ، بس آنا ماعرف أسويها قلت أجي أطلب المساعدة من طباخات المنتدى ..

شلون ياجماعة يسوون كيكة السويسرول بالمربى ؟

أبغى المقاديرحقتها ، وياليت تعلموني كيف ألفها وأخليها على شكل اسطواني ( سويسرولة ) ؟
ليش انه صاحبتي مجربتها بس ماضبطتها مرة لأن الظاهر المقادير مو مضبوطة ، وعفست المطبخ لأنها ماعرفت تلف الكيكة ، وزوجها هذيك الليلة تعشى من غير تحلية في أول طبخه له بعد الزواج :d
( آنا والبنات للحين ماسكينها عليها مسخرة هالشغلة ، بس أنا وعدتها أجيب لها الطريقة الصحيحة علشان مي قادرة تتحمل مسخرة زوجها ، كل مرة بتسوي كيكة يقول لها : نبي نحلي الليلة بعد العشا ، مو مثل هذيك المرة ) .
بصراحة هي مرة حلوة ، والكل يحبها ، بس صراحة مانبي نشتريها لأن لمن ذقنا طبخ البيت مرة من المرات كانت ألذ وألذ ، فياريت تعطوني طريقتها رجاء !

بنوتة :)

شوفي حبيبتي أول شئ إذا ضبطت معاكي قولي لي وأدعيلي :p بس إذا ماضبطت لاتدعي علي هاها :D
المقادير :cool:
خمسة بيضات
كاسه سكر
كاسه دقيق
قليل من الفانيليا
ملعقتين من الماء
الطريقة :cool:
تخلطي البيض أولا ثم نضع السكر ونخلط لتصبح الخلطه برغوه ثم نضع الدقيق والماء والغانيليا ونكون مجهزين صينيه مستطيله ونفرد فيها قصدير وندهنه بقليل من الزيت وندخلها الفرن لحد ماتنضج حضري قصدير مفرود مثل حجم الصينيه ونرش عليه السكر المطحون ونضع السكينه كمان بجانب القصدير ليه ذلحين أقولك بس أصبري :p وجهزي الحشوه ممكن شوكلاتة نوتيلا ممكن مربى زي ماتحبي المهم خلاص أستوت السويسروله خرجيها من الفرن وبسرعة البرق قطعي الأطراف ولفيها مع القصدير صح حاره وتلسع بس معليش أستحملي لأجل عين تكرم مدينه ;) وأنتظري خمسة دقائق وفكيها بحذر وممكن تلاحظي خروج قشره خفيفه على القصدير مو مشكله الآن دهني الحشوة في الوسط ولفيها ثاني بس منن غير القصدير وضعيها في الثلاجه ولمن تبرد خرجيها وممكن دهنها من الخارج بالشوكلاتة أو الدريم ويب وبالهناء والعافيه
ملاحظه لازم سرعة التقطيع واللف قبل أن تبرد حتى لاتتكسر :eek:
ولازم الصينيه تكون كبيرة يعني الخلطه مرتفعه ممكن أصبع :rolleyes:
وبالهناء والعافيه
أختك .............ريتال ;)

عفوا نسيت ذرة ملح وذرة ب.ب