|
لاحظت أمر من الشباب المقبل على الزواج!!!
إخوتي سأدخل في الموضوع وأرجو أن أجد الردود الشافيه لديكم
فقد لاحظت أن من الشباب من يطلب في شروط زوجة المستقبل أن تكون لا تعمل أي في المنزل ولكـــــــــــــن سؤالي هل هذا يعني أنه بمجرد سماعك عن هذه الفتاة بأنها تعمل تصرف النظر حتى عن الرؤية الشرعية أم تقوم برؤيتها وتحدثها بعدم رغبتك في عملها ؟؟ أرجو الإجابة لأنها تهمني جداً |
أنا راح اتكلم عن نفسي أختي
أنا ما أتمناها تشتغل لاكن مو معناها انها تشتغل اني اصرف النظر عنها أقصد هذي امنيه لاكن لو لقيت البنت اللي اتمناها ما راح انظر لموضوع انها تعمل ولا ...لا إذا هي تبي تشتغل ما عندي مانع واذا تبي تقعد براحتها بعد بس طبعا عمل ما يكون مختلط نهائيا يعني مستشفيات و بنوك لا وستين لا مو لا انها ما تشتغل اقصد لا وستين لا أني اصلا اتقدم لها |
أخوي كوجاك مشكور على المشاركه بس معقول بمجرد معرفتك بأن الفتاة تعمل في مكان مختلط تصرف النظر عن الرؤية الشرعية ؟؟!!
لماذا هل بمنظورك أن الفتاة التي تعمل في مكان مختلط تتميز بقلة الحياء أو سيئة السمعه!!! |
اقتباس:
اقتباس:
وبعدين انا ابي وحده لي وانا لها بكل ما تحمله هذه الكلمه من معنى وبعدين نسبة العوانس الذين يعملون في اماكن مختلطه هي نسبة مرتفعة والله يستر على بناتنا وبنات المسلمين |
أحترم وجهة نظرك وأرجو المزيد من المشاركات
|
اهلين دلع
بالنسبة لسؤالك البعض يفكر انو يتزوج وحده تعمل عشان تساعده فى ظروف الحياة وبغض النظر عن الرؤيه الشرعية اما بالنسبة لى انا اشوفها اول شي ولا افكر اتزوج بوحده تشتغل اخليها تتفرغ للبيت والا اولااد احسن من العمل اللى راح تشتغل فيه تحياتي لك |
أخوي المنتظر لحظه هذا يعني أنك لا تمانع من الرؤية الشرعية لفتاة تعمل في المجال المختلط وفي نفس الوقت إن أعجبتك تخبرها بعدم رغبتك في عملها كشرط لإتمام الزواج أليس هذا ما فهمت ؟؟
|
طيب ما فهمت يا اخت دلع
تقصدين بس البنات اللي يعملون في مكان نختلط والبنت العامله بشكل عام ؟!!؟ |
والله اختي دلع اتوقع انه مو شرط الرجل يطلبها غير عامله .. بالعكس .. الأيام هذي كثير يطلبونها عامله علشان تقل عليه المصاريف ...
لكن اللي اشوفه بمجتمعي ان العمل مايكون سبب باتراجع عن الخطبه الا اذا كان في مكان مختلط .. يعني اذا الشاب خطب بنت عامله في مكان غير مختلط يتقدم ومايرفض للسبب هذا حتى لو كان مايبيها تشتغل ... ويكون حاط في باله يطلب منهاتترك الشغل او ممكن يتقبل شغلها بعدين او او او ... يعني الشباب يختلفون عن بعض في تفكيرهم .. بعضهم يكون شرطه تكون تشتغل ومايتنازل عن هالشرط ... وبعضهم يشترط انها تكون غير عامله او تترك الشغل والا راح يتراجع عن الخطبه ... وبعضهم مو فارقه معه تشتغل او لا المهم في مكان غير مختلط . ومستحيل يتنازل عن الشرط هذا في مجتمع محافظ وملتزم مثل مجتمعنا .... وبعضهم مو فارقه معه حتى اذا في مكان مختلط .. واتوقع الفئه هذي قليله جدا مقارنه بغيرها ... |
والله اختي دلع هذي وجهة نظري
انا اؤيد المرأه التي تعمل لاكن فقط في قطاع التعليم بحكم عدم الاختلاط ولاكن الفتاه اللي تعمل بالمستشفيات او البنوك مستحيل اتزوجها ليش اخلي زوجتي عرضة للرايح والجاي انا الحمد لله قادر اني اصرف عليها انا ابيها لي وحدي انا هي مب مسئوله عن البيت عشان تطلع وتظطر انها تشتغل وتكلم هذا وتسولف مع هذا هذي مسؤليتي انا لا والف لا اقعد عازب طول عمري ولا اخذ وحده زي كذا انا اقولك تختلف وجهات النظر يمكن فيه رجال يوافق على هالشئ وبعد فيه رجال يرضون ان زوجاتهم تكد عليهم وبعد فيه رجال مايغارون ابد على زوجاتهم يعني الناس تختلف بس انا هذي وجهة نظري |
| الساعة الآن 10:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©