إخوتي سأدخل في الموضوع وأرجو أن أجد الردود الشافيه لديكم

فقد لاحظت أن من الشباب من يطلب في شروط زوجة المستقبل أن تكون لا تعمل أي في المنزل ولكـــــــــــــن سؤالي

هل هذا يعني أنه بمجرد سماعك عن هذه الفتاة بأنها تعمل تصرف النظر حتى عن الرؤية الشرعية أم تقوم برؤيتها وتحدثها بعدم رغبتك في عملها ؟؟

أرجو الإجابة لأنها تهمني جداً

__________________

أنا راح اتكلم عن نفسي أختي

أنا ما أتمناها تشتغل
لاكن مو معناها انها تشتغل اني اصرف النظر عنها
أقصد هذي امنيه
لاكن لو لقيت البنت اللي اتمناها ما راح انظر لموضوع انها تعمل ولا ...لا
إذا هي تبي تشتغل ما عندي مانع
واذا تبي تقعد براحتها بعد
بس طبعا عمل ما يكون مختلط نهائيا
يعني مستشفيات و بنوك لا وستين لا
مو لا انها ما تشتغل
اقصد لا وستين لا أني اصلا اتقدم لها

أخوي كوجاك مشكور على المشاركه بس معقول بمجرد معرفتك بأن الفتاة تعمل في مكان مختلط تصرف النظر عن الرؤية الشرعية ؟؟!!

لماذا هل بمنظورك أن الفتاة التي تعمل في مكان مختلط تتميز بقلة الحياء أو سيئة السمعه!!!

__________________

أيه نعم ولا أفكر فيها ولا اسأل عن باقي عيوبها او مزاياها
أيه نعم أختي واللي نشوفه في المستشفيات والبنوك كفيل بهذا الشيء
وبعدين انا ابي وحده لي وانا لها
بكل ما تحمله هذه الكلمه من معنى
وبعدين نسبة العوانس الذين يعملون في اماكن مختلطه هي نسبة مرتفعة
والله يستر على بناتنا وبنات المسلمين

أحترم وجهة نظرك وأرجو المزيد من المشاركات

__________________

اهلين دلع
بالنسبة لسؤالك البعض يفكر انو يتزوج وحده تعمل عشان تساعده فى ظروف الحياة
وبغض النظر عن الرؤيه الشرعية

اما بالنسبة لى انا اشوفها اول شي ولا افكر اتزوج بوحده تشتغل

اخليها تتفرغ للبيت والا اولااد احسن من العمل اللى راح تشتغل فيه
تحياتي لك

أخوي المنتظر لحظه هذا يعني أنك لا تمانع من الرؤية الشرعية لفتاة تعمل في المجال المختلط وفي نفس الوقت إن أعجبتك تخبرها بعدم رغبتك في عملها كشرط لإتمام الزواج أليس هذا ما فهمت ؟؟

__________________

طيب ما فهمت يا اخت دلع
تقصدين بس البنات اللي يعملون في مكان نختلط
والبنت العامله بشكل عام ؟!!؟

والله اختي دلع اتوقع انه مو شرط الرجل يطلبها غير عامله .. بالعكس .. الأيام هذي كثير يطلبونها عامله علشان تقل عليه المصاريف ...


لكن اللي اشوفه بمجتمعي ان العمل مايكون سبب باتراجع عن الخطبه الا اذا كان في مكان مختلط .. يعني اذا الشاب خطب بنت عامله في مكان غير مختلط يتقدم ومايرفض للسبب هذا حتى لو كان مايبيها تشتغل ... ويكون حاط في باله يطلب منهاتترك الشغل او ممكن يتقبل شغلها بعدين او او او ...

يعني الشباب يختلفون عن بعض في تفكيرهم .. بعضهم يكون شرطه تكون تشتغل ومايتنازل عن هالشرط ...

وبعضهم يشترط انها تكون غير عامله او تترك الشغل والا راح يتراجع عن الخطبه ...

وبعضهم مو فارقه معه تشتغل او لا المهم في مكان غير مختلط . ومستحيل يتنازل عن الشرط هذا في مجتمع محافظ وملتزم مثل مجتمعنا ....

وبعضهم مو فارقه معه حتى اذا في مكان مختلط .. واتوقع الفئه هذي قليله جدا مقارنه بغيرها ...

__________________






دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

والله اختي دلع هذي وجهة نظري


انا اؤيد المرأه التي تعمل لاكن فقط في قطاع التعليم
بحكم عدم الاختلاط

ولاكن الفتاه اللي تعمل بالمستشفيات او البنوك مستحيل اتزوجها
ليش اخلي زوجتي عرضة للرايح والجاي

انا الحمد لله قادر اني اصرف عليها
انا ابيها لي وحدي انا
هي مب مسئوله عن البيت عشان تطلع وتظطر انها تشتغل وتكلم هذا وتسولف مع هذا هذي مسؤليتي انا

لا والف لا اقعد عازب طول عمري ولا اخذ وحده زي كذا

انا اقولك تختلف وجهات النظر
يمكن فيه رجال يوافق على هالشئ
وبعد فيه رجال يرضون ان زوجاتهم تكد عليهم
وبعد فيه رجال مايغارون ابد على زوجاتهم


يعني الناس تختلف بس انا هذي وجهة نظري

__________________
عذراً ، الصورة الرمزية مخالفة ولابد من تغييرها حتى تستمر فاعلية العضوية

الادارة

التوقيع