حالي وحالهن...
 

أبي أكتب لكم عن وضعي

أبي أفضفض لكم عن إللي بداخلي

ألم...وحده...حزن

أنا وصديقاتي صديقات المرحلة الثانوية..كنا شلة من 8 طالبات

ماتتخيلون كيف كانت علاقتنا قوية

كان صراخنا وضحكنا يوصل لآخر الساحة

كنا نتمشى مع بعض كلنا الثمانية

كنا كثير نتكلم عن الزواج وكيف بيكون زوج فلانة وكيف بتكون شخصيته<<<إستهبال بنات

كنا نتكلم عن أول مولود وش تحبين يكون بنت ولا ولد...إختلفنا في الرأي

إللي يقول أتمناها بنت وإللي ولد وإللي يقول عادي وش ما يكون

كنا نستهبل على بعض ونلقب بعض هذي أم عبدالله وهذي أم محمد وهذي أم خالد>>>برضو إستهبال بنات

مرت السنة الأولى من الثانوي كانت جد سنة ممتعة والحمدلله كلنا نجحنا إللي دخلت علمي وإللي دخلت أدبي

جينا على ثاني وصار فيها مثل ماصار في أولى

كنا نسأل بعض وش أهم شي تحبينه يكون بزوج المستقبل (شكلاً وشخصية)؟؟؟

أختلفت الآراء طبعاً ومن الحماس كل البنات إللي بالساحة يناظرونا وش فيكم وراكم تصارخون وش هالموضوع المهم؟؟

انتهت السنة الثانية..بالإجازة إللي بين ثاني وثالث بشرتنا وحده من الشلة بخبر زواجها ..طبعاً ماراح تكمل معنا بنفس المدرسة بتدرس بمدرسة قريبة من بيت زوجها

إللي راح لها وإللي بارك لها بمكالمة

في ثالث ثانوي بشرتنا وحده ثانية من الشلة بزواجها وهي نفس الشي بتنقل لمدرسة قريبة من بيت زوجها

كم صرنا؟؟<<<< بقى من الشلة 6

بعد ما تخرجنا من الثانوي مادخل الجامعة إلا أنا ووحده بس....البقية كلهم ما جابوا نسب وقعدوا بالبيت

في الأجازة إللي بعد الثانوي تزوجوا ثنتين من الشلة...بقينا 4 بس

أثناء دراستي الجامعية فرحنا بوحده من الشلة بس تضايقنا إنها بتروح لمدينة ثانية

كم بقى؟؟...بقيت أنا وثنتين من الشلة بدون زواج

بعد ما تخرجت من الجامعة تزوجت وحده من الشلة...يعني مابقى إلا أنا ووحده

كنا نتكلم كثير عن هالموضوع...طبيعي كنا خايفين يفوتنا القطار

بعد سنتين من التخرج بشرتني صديقتي بخبر زواجها...وقسم بالله فرحت لها حسيت إني ودي أطير من الفرحة عشانها

الآن أنا صارلي 4 سنوات متخرجة..أدق على هذي صوتها متغير ماتقدر تكلمني زوجها عندها

أدق على الثانية ..وأسمع أصوات أطفالها ينادونها (ماما) بعدين تعتذر مني معليش ماقدر أكلمك بشوف عيالي وش يبون

تأملت حالي وحالهم...هذي عندها زوجها وهذي حولها أطفالها

إللي جابت طفل وإللي طفلين وإللي بالطريق بالثالث......ماشاء الله تبارك الله

لكن أنا حالي هو حالي إللي تركوني عليه من أيام الثانوي بدخل على الـ27 الآن ووضعي ما تغير

أحس بألم مع أني والله ما ني من النوع المتشائم أبداً

بس لحظة ضعف ما أدري كيف أتخلص منها

( يمكن تقولون وش الهدف من الموضوع لكن للأسف أنا ما أدري ...مادري أحس شي في خاطري وحبيت أقوله)

دعواتكم الصادقة أحتاجها كثير

الله يرزقك خير يارب ويفرح قلبك ..

معليه حبيبتي .. عندك شهادتك اللي يحسدونها فيكي صديقاتك ويتمنونها ..

انا كل صديقاتي وقرايبي بحملهم الثاني وحتى اللي اصغر مني بكم سنه تزوجو وانا تزوجت وانفصلت ورجعت بيت اهلي زي ماخرجت منه ... لكن مؤمنه بأنه ربي بيعوض صبري وتحملي خيرا بإذنه ..

يارب ارزقنا خير ومتعنا بشبابنا في ظل ازواج صالحين

ولاتحرمنا من ان نرى ذريه صالحه من ازواج صالحين ..


وارزق كل من سألك العفاف والستر ..

عااااااااادي لسااتك وربي صغيررره

انا زيك وكمان اكبر منك كل صديقاتي تزوجووو وقريبااتي وماشاء الله متزوجات ومتوظفاات وعندهم عيال
وانا لاتوظفت ولاتزوجت
تخرجت من الجامعه وجلست بالبيت لاوظيفه ولا زواج وانتظر فرج الله الي مايضيع عبده وارحم الراحمين بخلقه
الله يفرج لنا عاجلا غير اجلا اجمعين ياااااااااارب

أختي الحائرة

تعرفي أبي دايما يقول لا تنظروا فوق أنظروا تحت !

بمعنى لو نظرنا على من اكتملت سعادته تعبنا !!

ولو نظرنا على من هو أسوء من حالنا لرضينا.. صح ولا لأ ؟!

شوفي عندما أرى الخادمة وهي من نفس عمري أتفكر وأقول سبحان موزع الأرزاق كان ممكن أكون بمكانها !!

فأحمد الله كثيرا وأقتنع بما أنا عليه.. إنت بنفسك تقدري تتحكمي في حالتك المزاجية بطريقة نظرتك للأمور.. هوني
على نفسك ولا تربطي الماضِ بحاضرك.. طيب يمكن لو تزوجتي من قبل خمس سنوات ولم يكتب الله لك الحمل إلا بعد خمس سنوات من زواجك !! فما هو موقفك من زوجك وأهله على الأغلب سيتململ ويفكر باخرى ويرضخ لضغوط أهله.. فهذه حكمة من حكم تأخر زواجك على سبيل المثال.. أو أنك لم تكوني مستعدة للزواج فعن نقسي عندما أعود للخلف أقول الحمد لله إني ما تزوجت من كم سنة مضت !! تعلمت من الحياة أصبحت أكثر مسؤولية إذن بإمكاني المحافظة على بيتي فأصبحت أكثر نضجاً.. أمثلة كثيرة قد تجدي مثلها لو راجعتي نفسك.. وأخيرا أهدي لك هذه الرسالة القصيرة التي وصلتني على الجوال من إسلام واي.


" إن الله عدل في كل شيء والرضا بالقدر خيره وشره عين الرضا عن الله وقمة العدل مع النفس ، ولو كشف لك القدر لرأيت من لطف الله لك فيما قدره لقيم "


أسأل الله تعالى أن يسعدك ويهنئك بزوج صالح وذرية طيبة معافاة.. ولا مانع أن تلمحي لإحدى صديقاتك الثمان أو كلهن أو الأقرب إليك إن تعد وليمة تجمع فيها قريبات زوجها او أهلها فيروك عن قرب.. فأين العشرة واللحظات الحلوة؟ أم أن الصديق لم يعد موجود وقت الضيق ؟!!

وفقك الله لما يحبه ويرضاه..

انا مثلك الفرق حسيته مع نهاية الجامعة بينما في الثانوي كنت مراهقة بكل ماتحمله هذه الكلمة وعايشة حياتي ماعرف الزواج أصلا ..
والحمدالله الآن حالي مثلك حالك ومتخرجة قبلك بعد.. اممممم وعلى قولتك اكلم هذي عندها زوجها وهذي عندها أشعة

حمل بتشوف اللي في بطنها ولد ولابنت وووو الى آخره واللي تدق علي هاه وش رايك اسمي ولدي ولا بنتي.. وثانية تسأل

تعرفين وش طايحين فيه البنوتات الصغار << الحمدالله وش يعرفني الصغار وش الموضة بلبسهم!

وانا نوم << وماني راعية نوم بعد

واكل ونت وشغلي للدوام الحين اكتب لك والطابعة ترمي بوجهي أسئلة اختبار للطالبات بكرة :23:

اقول الحمدالله اني متوظفة ولاكان بروح فيها الظاهر

الله يهنيهم والله يرزقنا

وطلعي اللي بخاطرك واذا شفتي بنات مثلك هانت مصيبتك شوي الله يفرج عليك

ما املك غير الدعاء ولم انساكي غاليتي وتقريبا حال ي من حالك ربي يفرجها وفوق ذلك مشمتين على حالي