منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   نفسيتي تعبانه ... والسبب المصروف (http://www.66n.com/forums/showthread.php?t=109058)

نجمةعشق 24-11-2006 05:37 PM

نفسيتي تعبانه ... والسبب المصروف
 
اخواني وخواتي

اذا قريتوا اخر المواضيع اللي كتبتها بتشوفون انها تتعلق بالمصروف والكل يقول لي وينصحني بالمصارحه والبعض يعطيني بعض الافكار والنصايح اللي اسويها عشان زوجي يصرف علي

بقولكم عن موقف صار امس بيني وبين زوجي وشوفوا كيف كان رد زوجي ويعدين انتوا احكموا

في البدايه احب اذكركم اني سنتين بعد مااتزوجت اشتغلت وفي ذيك الفتره كان زوجي يعطيني الف ريال كل شهر وحتى بعد ماجبت بنتي وكنت اعلب الاحيان انا اللي اصرف عليها كان يعطيني الف ريال ودايما كان يقول لي حاولي اتوفرين من المبلغ اللي اعطيج اياه ... قبل بنتي كانت الالف تكفيني واحاول ارتب نفسي حتى اخر الشهر احيانا كنت اطلب زياده ويعطيني لكن انا نادر مااطلب ... بعد بنتي كانت الالف مستحيل تكفيني وكان احيانا لما يكون معاي بالسوق هو اللي يدفع ... قبل لا اشتغل بشهر سألني : تبين الالف لما تشتغلين؟ قلت ماادري كيفك ماابي وكنت منحرجه .... وقبل ماينزل لي اول راتب راح البنك ووقف التحويله لحسابي كل شهر وكنت انا اللي اصرف على نفسي 100% وعلى اعيالي 80% ولما يسألني انتي شتسوين بالفلوس اقول له اني اشتري لعيالي الاثنين فيقول لي انتي ليش ماتطلبين مني للعيال ؟ انا بعطيج لهم واذا رحتي السوق وشريتي لهم شي قولي لي .... بس احيانا هو يكون معاي بالسوق لكن يبتعد وقت الحساب ... وانا اللي ادفع ... يعني معقوله ارجع البيت واقول له انا دفعت وهو يدري بهالشي .... بالهدايا بعد هو امقصر وهو يعترف لي بهالشي بحكم ان ماعنده ذوق ولا يعرف ايش يشتر لي وان ممكن مايعجبني

هالعيد قلت اكيد بيجيب لي هديه لكن قبل العيد باسبوع قال لي كم اتبين عيديه اتوزعينها على الاطفال فقلت له الف تكفيني للعيدين فقال لي : وين افلوسج عشان اجيب لج الخرده ( الفكه) قلت : لا والله ؟ ماصدقت انه يطلب مني وقلت يمزح بعد يومين جاب لي الف وخمسميه وقال لي هذي هديه ... انا فهمت انه مايبي مني افلوس فقلت له شكرا لكن بعدها استوعبت ان هذي هدية العيد لكن هو ما قال لي ... يعني يحسب علي الريال


المهم هذا الحوار اللي دار بيننا امس :

انا : انا اشتركت مع هلي ان انسوي جمعيه وانا بستلم الفلوس بشهر سبعه
هو : زين هذي الفلوس تنفع للسفر
انا : ولا ريال انا انت اللي اتسفرنا ليش انا اساعدك
هو: كل الزوجات يساعدون ريايلهم بالسفر
انا : انا مب امقصره اصرف على نفسي والعيال وبعد تبيني اساعدك بالسفر ؟
هو : اي عادي عليج بالتذاكر وانا السكن والصرف
انا : لا كفايه العام جمعت اول مااشتغلت عشان اشتر لي ساعه وبعدين قلت لي خلي الفلوس لمصروفج في فرنسا
هو : خلاص عيل لا اتسافرين
انا : ما ابي اسافر بسافر مع هلي
هو : مين بيسمح لج؟
ودار حوار طويل وبعدين قلت : انت ملزوم تصرف علي
هو : اي اصرف عليج بالماكل والمسكن والملبس
انا : انا اصرف على نفسي بالملبس
هو : خلاص بس مو لازم تشترين فستان باربع الاف لعرس اختج لان هذا مو اساسي انا بحدد لج السعر
انا : فستان عرس اختي خله علي انا اقول الملابس العاديه
هو: مو لازم تشترين من المجمعات الغاليه يعني انا بقول لج حدي قميص بميه او تنوره بميتين
انا : الله يخلي ابوي وامي ويغنيني عنك وانا الحمد لله عندي معاشي بس لا تنتظر اني بصرف على العيال ولا ريال
هو : عادي انا بصرف عليهم

انا طبعا منقهره وميته لانه يكلمني بهالاسلوب وعمره ماتوقعت ان يكون رده بهالطريقه

سكت بعدين قال : انتي تامرين يازوجتي العزيزه وانا حاضر

قلت : الله يغنيني عنك ماابي منك ولا ريال افلوسي تكفيني لي ولعيالي

اشرايكم ؟؟؟ هو ترى مقتدر وعنده الخير والحمد لله بس رده امس حسسني انه بخيل لأقصى درجه وحتى البخيل مايفكر بهالطريقه
بعد مانام كان في قلبي وايد كلام انا ماعرفت اقوله له في ذاك الوقت من شدة ماكنت منقهره وخفت ماامسك نفسي واصيح ... ادري انه كان يمزح بس بعد ادري انه مابيصرف علي

اشرايكم نفسيتي تعبانه وايد عطوني حل ؟

مــريم 24-11-2006 05:47 PM

أختي بإختصار ..

إنتي مسرفة حبتين ..

وأسلوبج في الكلام معا زوجج غلط × غلط ..

شايلة جروحها 24-11-2006 07:13 PM

أختي الغالية يبدو انك تناسيتي ان زوجك تنازل وسمح لك بالعمل ونتي تعرفين نفسية المراءة العاملة
يعني هل تريدين منه ان يتنازل عن وقته الذي تقضينة في العمل ويصرف عليك
ان من وجهة نظري انك تتفقين انتي وياه هو علية مصرفات البيت والسفر ونتي عليك الأولاد

وتصدقي من مالك لأن الي يظهر لي ان مالك مافية بركة واذا تصدقتي صدقيني راح يصير لراتبك بركة باذن الله .

نجمةعشق 25-11-2006 12:01 AM

اختي بحرينيه اشلون حكمتي علي انني مسرفه انا اشتري الرخيص والغالي والمتوسط والغالي ما يكون الا بالمناسبات
... اعتقد ان من حقي ان زوجي يصرف علي وعلى العيال وهو مقتد ولو مش مقتدر ما كنت قصرت بس من حقي اني احس اني زوجته وملزوم فيني انا بهالطريقه احس انه يستغلني

وبالنسبه للاسلوب هو كان يتعمد يغيظني بكلانه وانا متأكده انه اذا صرف علي ما بسوي هالشي وانه كان يمزح بس كلش ما اتصورت في يوم انه يفكر بهالطريقه وانا بعد كنت احاول اغيظه واني في غنى عنه اذا بيسوي اللي يقول له

انا مااطلب انه يصرف علي في كل شي انا الحين اطلب منه يساعدني في المصروف واعتقد ان هذا من حقي

ممكن اتقولين لي انا من وين بجمع عشان اشتري لي هدايا لهلي وين اجيب هو غاسل ايده من هدايا اهلي وما يقصر في هدايا زواج احد من اهله ... حتى لما خواته ينامون بالمستشفى انا اشتري الهدايا


واختي شايله اجروحها انا الحمد لله مو مامقصره في الصدقات ومن حقي اشوف ثمره عملي واجمع اشوي عشان اشتري لي شي في خاطري

جوزي عمري 25-11-2006 04:30 PM

والله يا اخوان الواحد بكون بدو يفضفض بالمنتدى بس يسمع الردود العنيفة بينكسر خاطرو ما دام الزوج راضي بعمل زوجته ما الو حق يسالها وين بتروح بالمصاري وهي بتصرف بخاطرها مو غصب عنها ولازم يصرف عليها وهي معها حق والمصيبة انو زوجها مقتدر ليش ما يصرف عليها وعلى الولاد انا بعرف وحدة راتبها التقاعدي الها وجوزها مشغلها بشركتو وبعطيها راتب وشاريلها سيارة ومزرعة بس احنا حسرة علينا منبيع الي فوقنا والي تحتنا ومنصرف ومنتعب ومو مقصرين بالبيت واخر اشي لا حمدا ولا شكورا

المجاهده بالحق 25-11-2006 05:22 PM

الله يكون بعونك

ساعدي وزوجك واعينيه كي يساعدك

كوني له أمه يكن لك خادم

اعانك مولاك وسدد خطاك ويسر امورك ووفقك للخير

الثاني22 25-11-2006 10:10 PM

لا تزعلون يا زوجات كلا مي ممكن يزعل لكن الشرع ما يزعل
أولا عمل الزوجة بالتراضي يعني اذا سمح لها بالعمل فمعنى ذلك انه على حساب بعض الواجبات المطلوبه من الزوجة فلا تنتظري منه تنازل وأنتي لا تقدمين أي تضحية .
ثانياٌ الزوجات دايماَ يتكلمون عن النفقه ومطلوب يصرف عليها وعيالها والنفقة الشرعية هي كسوتهن من العري واطعامهن من الجوع وما عدا ذلك يكون تكرماً لا أمراُ لأن الدخول في الكماليات لا يحده حد .
ثالثاً إذا دخلت المادة بين العلاقات الزوجية فهي بداية الانحدار .
كلمة أخيرة أود أن أقولها وأسأل الله أن تكون في موازين حسناتي
على كل منا امتثال قول الرسول صلى الله عليه وسلم في الحديث ( لا تنظروا إلى من فوقكم ولكن انظروا إلى من أسفل منكم لئلا تزدروا نعمة الله عليكم ) الحديث
ومعناه شامل أي لا تنظروا الى من فوقكم في المال والولد والزوج والزوجة لكي لا تحتقروا النعمة التي حباكم الله بها
مثال ذلك يازوج زوجتك في نظرك غير مقنعة في شكلها مثلا فلا يعميك ذلك عن حسناتها
ويازوجة زوجك في اعتقادك بخيل لأنه لم يحضر لك قميصاً ب 1000 ريال لايعميك ذلك عن إيجابياته الأخرى
سددوا وقاربوا تحابوا في الله أي اعمل يا عبد الله كل ما في وسعك مع كل من تقابل في هذه الدنيا ابتغاء مرضاة الله
ومن ترك شيئاً لله عوضه الله خيراً منه

نجمةعشق 25-11-2006 10:21 PM

يا ريت اللي اسويه امبين ابعينه انا لازم اشتري لي سياره وادفع اقساطها بس من وين لي اجيب الدفعه الاولى وانا مش قادره اجمع
المشكله اني لما المح له يرد علي باسلوب قاسي وحتى لو كان يعتبره مزح وفي نهاية الحوار يقول لي انتي اطلبي وانا انفذ وانتي زوجتي وعزيزتي لكنني مااشوف شي لانه الظاهر يعتبرني انا بعد امزح معاه

بس يا جماعه انا ابي اعرف ايش رايكم بالرد اللي رده علي في الحوار وانه اذا بيصرف علي لازم يكون الصرف ضمن شروط واسعار معينه صج انا متأكده انه كان يمزح ولا يرضاها علي بس انتوا ايش رايكم .... انا انصدمت وما عرفت اشلون ارد عليه وما قلت له الا الله يغنيني عنك .... تعتقدون ايش راح يكون ردكم لو كنتوا مكاني

ام انفال 25-11-2006 11:28 PM

اختي شوفي انا احس انتي عودتي الريال على انج انتي تصرفين على العيال و البيت طبعا هذا الشى غلط


المهم المراه مب ملزوومه تصرف و اذا الزوج ما عنده فامب عيب تساعدينه

برعم الورد 25-11-2006 11:50 PM

عزيزتي نجمه
الموضوع جدا بسيط ولو تنظرين الى قساوة بعض الازواج في التعامل مع زوجاتهم لحمدتي الله ان رزقك بنثل هذا الزوج هو قائم بأداء واجبه في بيته من ناحية المصروف وكثير من الازواج يكنزون المال او يتمتعون به ويحرم ابنائه وزوجته حتى من المصروف اليومي
احدى الموظفات تدفع اجار بيتها مصروفها وأبنائها اليومي قسط السياره الفاخره التي يركبها ولم يكتفي بذلك بل احضر ثلاث من اخواته للعيش مع زوجته المسكينه وقدم نقله بعيدا عنها كي يتمتع براتبه دون ان يشاركه احد فيه وحين تطلب منه شئ يعتذر بلطف بحجة ان اهله بحاجه لراتبه
اتفقي معه بلطف وصراحه بأنك ستتحملين مصروفاتك الشخصيه وهو ملزم بأبنائه او ادخلي بمشروع يمكنك من الاستفاده من راتبك دون ان يعتمد هو عليك اي الارتباط بقروض العائد منها بعيد الاجل بحيث تضعينه امام الامر الواقع
اي(ليس لدي الا ما يكفيني)000000000
وهذا ما فعلته انا مع زوجي


الساعة الآن 08:45 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©