قلق وتوتر في يوم عيد (رحماك يارب)
 

السلام عليكم ورحمة الله وبركاته


أحس بقلق من كلمت عمي بموضوعي .......... متوتره بشكل مو طبيعي


وهالقلق له عدة جوانب ..


من جهة الوالد الله يطول بعمره على طاعته

ومن جهة الأقارب


أما من جانب الوالد فلأنه إلى الآن مايدري وش السالفه وياويلي لو يدري

وبعدين أحس أني تسرعت ويمكن أنه صادق إلى الآن ماجاني الإنسان ألي يتمناه هو لي ويستاهل النسب!!

و أمي دائما تقول لي سويتي شيء ما أحد سواه وفضحتينا وتقول الله يصبرني ربي رزقني بنت قويه ما تستحي

...للمعلوميه كانت تشجعني بالبدايه بس ألحين تبي تتخلى عني بعد ما صار ألي صار ...

وربي أني أخجل من نفسي بس وش أسوي ! مابيدي شي ثاني ( رحماك يا رب )


ومن جانب قرايبي لأني أخشى ان الموضوع ينتشر و ينتشر تبعا له الهمز واللمز

وان بنت فلان تبي تعرس << يا شينهاااااا شيناااااااه

وبصراحه كنت ناويه أروح لجمعة قرايبنا في يوم العيد بس بعد ألي صار ماعندي نيه أبد

لأني أدري بيقولون مسيكينه جايه تدور ..... !! ولأنه مو من عادتي أني أروح أصلا ،،

و ألي ذابحني أكثر عماتي وجدتي لأنهم هم ألي ألتقي فيهم دائما و أدري ماراح يخلوني بحالي

لا قدامي ولا من وراي .. ومتوقعه أي شيء منهم ..

والله أني ادعي اللهم أكفنيهم بما شئت كل ماتذكرت الموضوع




وربي موقف شين شين شين شين شين

الله يصبرني ،، الله يصبرني ،، الله يصبرني

أحيانا أتمنى أني مت قبل ألي صار

لا حول ولا قوة إلا بالله

??? وش اللي صار
مافهمت وش مشكلتك عشان نحاول نساعدك

كلامك مو واضح يعني انتي عطيتينا طرف السالفه
اللي فهمته انك طلبتي من عمك انه يقنع الوالد يزوجك!!
وخايفه انه يعلم جدتك وعماتك وهذي عيبه بحقك!!

ياليت توضحين اكثر ياعبير

ارجوا التوضيح اكثر وان شاء الله نقدر نساعدك

وانا بعد مني فاهمتك اختي
لو زي ماقالت مشموشه
عادي ولا يهمك احد إنتي ماطلبتي شي حرام هذا حقك

تحياتي لك

عبورتي الغاليه

:d :d :d
بيني وبينك انا ماأدري ايش السالفه من أولها الظاهر كنت مسافره وماأدري ايش الموضوع


ياليت تقولي بإختصار شدييييييييييد عشان نقدر نتفلسف عليك:d :d

لاوالله يالغاليه عزيزه على القلب

بس حبيت الطف الجو شوي



مبدأيا

استهدي بالله وتوكلي على الله

وصلي واستخيري

وان شاء الله يارب يرزقك الزوج الصالح اللي يخاف الله فيك ويقدرك ويصونك ويسعدك ويرزقك منه الذريه الصالحه




بس هااااااااااااااااااااااااا

لاتقول كلام ماله داعي انك تتمني تموتي ووو

ياويلك مني اذا كررتيها


وانتظرك حبيبتي على احر من الجمر

أنا ما كان ودي أتذكر وش سويت

بس ضاقت فيني الدنيا وكنت الأسبوووع الماضي كله متضاااااايقه وشايله هم هالموضوع

منزله موضوع الأسبوع الماضي وهو على هالرابط للي يبي يقراه و لا تنسون تدعون لي

http://www.66n.com/forums/showthread.php?t=111827

×××

روح الغالي يالغاليه أسلوبك لطيف

وتراك غاليه علي كثييير فخذي راحتك بالكلام

وأبشري بحاول ما أقول شيء يضايقك بس إذا نفسي ضايقت نفسي فلا تلوميني

الله يسعدك ويوفقك