بسم الله الرحمن الرحيم

اخواتي أدعولي بالثبات من جد ما أدري وش جالس يصير فيني

أحس قهر السنين الماضيه كلها وثمن سكوتي بادي يطلع ألحين

لا حول ولا قوة إلا بالله

المهم

تناقشت مع أبوي و الأصح قامت الحرب ببيتنا

وموضوعي هو السبب ( وهو عضل أبوي لي )

طلعت ألي بقلبي كله ما خليت ولا بقيت ( لا أحد يقولي عاقه لأن هذا مو وقته )

وضحت لأبوي انه اذا أستمر كذا يتصرف وياي بطلب مساعده من أحد أعمامي

ما أعترض بالعكس قال بكيفك والمشكله أنه يحس انه على حق و أنه لساتني صغيره أهم شيء وظيفتي

شكله مو متوقع أني أسويهاااااا وأكلم

بصراحه بعد كلامه معي حسيت ماعنده نيه يطلعني من المعتقل

فقررت أنفذ فكرة راودتني كثييييييير وخصوصاً أني قلتله فأنا بين أمرين

يا أرضخ له وأزيد ضعفي ولا أزيد قوووة ويدري اني مو لحاااالي

وبالفعل كلمت عمي وقلتله يجينا في يوم لأني أبيه بموضوع

فوعدني أنه يجي

وألحين أنا خاااااااااااااااااايفه

وش أقوله !! وكيف أبدأ وياه !! و و و و ....

والله أني محتاره

تصرفي ما ندمت عليه بس أحس بإحراج كبيييييير من الموضووووع

حسبي الله على من حدني على هالتصررررف

وش رايكم كيف أبدأ وياه ؟؟

أختي الغالية ..
أنت تعرفين طبيعة والدك الكريم ..
فإذا كان سيحزن أو يغضب لأنك أوصلت المشكلة إلى العم ..
فلا أنصحك بالتكلم ..
وأخترعي عذرا لعمك لدعوتك له ..
لكن ..
إذا كان الأب موافق ولن يتضايق ولن يسبب لك مشاكل بعدها ..
فتكلمي أختي ..
هذا حقك ..
ووالدك هداه الله متمسك برأيه كثيرا ..
وفي النهاية أنت المتضررة الوحيدة .. لا ..
بل هو أيضا سيتضرر ..
فتوكلي على الله وتشجعي ..
وأكملي مشوارك الذي بدأته ..
ولكن لا تنسي ..
يجب أن يكون الحديث بوجود والدك ..
أي تكون الأطراف مجتمعة ..
ولست بحاجة لأن أنصحك بالحديث باحترام وبكلام لطيف ..
كان تقولي أحب أبي ولا أريد أن أغضبه ..
وأحترمه كثيرا ..
لكن .. لا بأس بأن اصحح وجهة نظره ..
خصوصا فيما يخصني ..


وفقك الله ..
قلبي معك ..

احسها صعبة تكلمين عمك وأبوك موجود

كنها شينة بحقه ولا؟

تفاهمي معه او مع أمك أختي كل شي ولاأهلك ترى محد نافعك بهالدنيا ومحد حاس
فيك وخايف عليك غيرهم لاعم ولاغيره

وان اضطريتي وبتكلمين عمك بتتجرأين؟ ودي اساعدك هنا بس تخيلت نفسي بمكانك لايمكن
أكلم عمي بهالموضوع مرة صعب

الله يفرج همك وييسر أمورك ويرزقك قريب يارب

استخيري قبل ماتقدمين أي خطوة وادعي ربك تحري أوقات الإستجابة وتصدقي وربي الصدقة

لها فاااااائدة عظيمة

__________________
اللهم لك الحمد والشكر
"ولئن شكرتم لأزيدنكم"

والله مادري وش بسوي

الله يكتب ألي فيه خير

بحرينية ماقدر واعدته وما عمري طلبته لموضوع كيف أصرفه

وبعدين أبوي بيتضايق أكيد بس وش السوات ما جابه الطيب

شوبادر والله ما ودي لكن للظروف أحكام

وهالشيء مصيري بسويه سواء كنت صغيره ولا كبيره فمن ألحين أفضل

أنا أشوف امي تنظلم وتسكت حياء من الناس وخوف على عيالها ومابي أكون مثلها

كل شي له حد

الله يكتب ألي فيه خير

أختي الكريمة عبير الرياض
بداية استغفري ربك على عبارتك (( حسبي الله على من حدني على هالتصررررف )) مهما كان هذا ابوك .
جاء رجل إلى النبي صلى الله عليه وسلم وقال له ابي اخذ مالي قال له سيد الخلق صلى الله عليه وسلم انت ومالك لأبيك ))

أختي عليك بالصبر والدعاء وإذا ارضيتي ابوك والله الذي لا اله الا هو سيرزقك الله من اوسع ابوابه عليك بالصبر

-------------------------
أما مسألة عمك اتصلي عليه وقولي له كان عندي موضوع ووجدت حل له واعتذري له لأنك إذا استمريتي في هذا الموضوع وكلمتي عمك ستقعين في مشكله كبيره مع ابوك
---------------------

عفوا عندي بعض الاستفسارات صحيح أنها خارج موضوعك ولكني أرغب في ايجاد حلول لك :
كم عمرك ؟
كيف عضلك ابوك ؟
هل يتقدم لك خطاب ويرفضهم ابوك بسبب راتبك ؟

تحياتي

__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]

غاليتي أحس بأنكِ تسرعتي في التصرف

لو حاولتي في أقناع والدك عدة مرات

مرة بعد مرة وباكلام الطيب سيستجيب ويرضى

ولكن الذي حدث حدث

فإذا جاء عمكِ

أخبريه واشرحي له موقفكِ وعسى أن يكون سببا في إقناع والدكِ

ولكن أخبريه بأن يكلمه بكل هدوء وليس بالعنف والهواشة بل بالتفاهم

ووأكثري من الإستغفاااااار

والدعااااااااء والصدقة

وفقكِ ربي لمرضاته

والله يكتب لكِ الي فيه الخير والصلاح لكِ

__________________


سبحان الله وبحمده عدد خلقه
ورضا نفسه وزنة عرشه ومداد كلماته

خلي امك او اخوانك يكلمون عمك

__________________
كتاب رجال من المريخ ونساء من الزهرة

انا اشوف لو تكلمة امك احسن

اسيرهااا

__________________
*الزمن يا صاحبي ماله امان
والعمر يمشي وكل شي محسوب
والقدر مكتوب والمخفي بيان
وحظي العاثر طلع اكذب كذوب
كنت انا طيب وكل قلبي حنان
واحسبولي طيبتي ضمن الذنوب
اذكر اني كنت ناجح من زمان
بس احس اني تعلمت الرسوب

ماني ندمانه بس منحرجه من الموضوع

صاحب رأي سديد أنا أفكر ادق عليه وأقوله بالتلفوون مايحتاج يجي

أو أوصي أخوي عليه اذا بيرضى

بس أني اصرفه ماعتقد أنها سليمه خصوصا بمثل هالوقت

عمري 24 سنه أنا ببداية وظيفه للآن مانزل راتب

بس كان فيه حديث بيني و الوالد وضحت له أني ما أصلح لوظيفه لأني فعلا أحس بتعب و إرهاق منها

قالي على الأقل تجمعين فلوس تضمنين مستقبلك قلت ماني محتاجه بما أنك عندي تصرف علي

قال إذا ماتبينها عطينياها << وربي كلام يبط الكبد

الله يستر بس

الذئبه أعتقد الوالد راح يكون موجود معنا وهذا ألي مخوفني بزياااده

وبخصوص من قال يكلمه أمك أو أخوك والله بغيتها كذا

بس كل واحد منهم يتهرب ويرفض بحجة أن ماله دخل وخايف من أبوي

والله مدري وش أسوي شكلي بكلمه تلفوون أفضل والله يكتب ألي فيه خير