|
تعبت من كثر البكاء فهمومي اكبر مني ( كبريائي )
نفسي افضفض وارتاح واتمنى ماتتضايقوا مني .... دائما افكر ,,,, افكر في بابا ... افكر في امي ... افكر في كل شئ .... التفكير ذبحني .... ابغى اعرف ليش يكرهنا !!!! ليش بابا يكرهنا !!!! تصدقوا عمره في حياته ماناداني باسمي الا نادرا ,,, ربي الشاهد مايناديني الا يا ** بنت ** والله العظيم عمره ماقال السلام عليكم ... عمره ماقال كيف حالك ... والله والله والله عمره في حياته ما اعطاني فلوس قلي روحي اشتري ملابس للجامعه او العيد ... حتى ايام المدرسة كنت زيي الفقيرة ما اخرج من البيت عشان ماعندي ملابس ... لما احتاج فلوس اتدين منه .... البكاء دمرني ... حاسة اني صرت مريضة نفسيا عندي تراكمات قهر لاني كتومة ... احس اني فقيرة ماعندي شئ ... بس معايا هذا الشهر 300 ريال وماودي اصرفها في اي شئ عشان بعدين اتعب ... امي عندها ديون وشايلة همها كيف اسددها مافي وظائف مافي اي شئ ... وعملي الخاص اتدينت عشانه كثير ووقفته عشان لا اتدين اكثر وخسرت فيه ... تعبااااااااااااااانة ... صرت اتخيل نفسي على سرير الموت من كثر الهم .... وفوق هذا كله واحد من الشيوخ زادني هم لما قلي انا ممسوسة بجني عاشق .... اكره البيت اكره كل شئ حتى دراستي نفسي اوقف لكن مو مصبرني الا المكافأة وحاجتي لها .... ولما اشريتت لاب توب تعبت لاني اخذت سلف من ابوويا ورجعته له بعد شقى ومشاكل وكلها 3000 ريال مهما اسلم على يده وراسه مايقدر ... مايحن .... مهما ادعيله برضه مايتغير والا يتريق عليا اكثر ... واخويا يبخلص الثانوي ويمكن ابويا يخرجه من البيت ... لانه حلف يمين انه بيخرج ... ولو اخويا خرج امي بتخرج ولو امي خرجت ابويا بيحط قهره فيا ويحبسني اكثر ... اليوم امي تسالني ايش فيكي ... سامحيني لاني مو قد المقام >>>> تزيدني بكلامها اسبووعين كاااااااااااااااملة ماخرجت من غرفتي محبوسة اكل واشرب فيها ... في يوم بابا قال لماما (( عيالك مايحلموا مني بريال واحد في حياتي )) وامي ردت عليه (( خليي فلوسك معاك الله يغنيهم ... يوم القيامة بيكونوا مع الفقراء وربنا يناديهم ياكبريائي يا ***** ويدخلهم جنات الخلد مرتاحييين لانهم فقراء )) وابويا مارد بس يضحك عليها ... وماتتخيلوا كيف يعامل اختي كانها مجرمة ... الله يعينها ... ينادينا بابشع الالفاظ .... احس عمري يضيع على الفاضي ... مافي شئ مميز .. مجرد منظر اننا مبسووطين عشان نسلم من كلام الناس ... ابغى امي تصبر بس شوية عشاني ... بس تصبر عشان اتزوج .. وانا مستعدة اجيب لها بيت واخرجها ... بس انا جزء مني بدأ يفقد الامل ... انا قررت اكلم خطابات واشووف وادبر نفسي لاني بدأت اتجنن من التفكير واكثر شئ يقهرني لما احد يرد عليا من الاعضاء انه متى مداكي تشيلي هم وعمرك 20 وفيه ناس اكثر منك واسوأ منك ... وهذي مشاعر مراهقة ... ادري كل الناس عندها مشاكل واسوأ مني لكن انا ما افكر الا في مشاكلي ... وتعبانة اكثر عشان امس شفت خطيبي الاول ... لاتسالوا كيف ومتى وايش ... لاني ماباجاوب !!!! واحاول انسى صرت 24 ساعه مقفلة اللمبات في الغرفة وجالسة في الظلام اكل واشرب في الظلام وقدام الكمبيوتر في الظلام انا مستعدة استسلم للاكتئاب ... بس بشرط الكل يسيبني في حااااااااااااااااااالي ... والحين اكتب هذا الكلام وعيووني تعبانة من البكى ... وامي تزيدني بكلامها واعرف انه تتدين اكثر عشاني وانا ازيد هم عشان هذا في نظري اهانة لكرامتنا اموت جيعانة ولا اطلب اي احد الا من رحم ربي ... خائفة على ابويا لو مات .... مايصلي في المسجد .. مايعطي الناس حقووقها الا قليل .. ماضحى الا مرة واحدة بس قبل كم سنة ... كاننا مو مسلمين ومايرضى اني اخرج معاهم عشان كذه دائما اجلس في البيت وحدي بالساعات .. نفسي اغمض وافتح ... والاقي كل شئ اتغير لاني خائفة اسوي شئ حرام ... من كثر الكبت وعندي استعداد لهذا الشئ ... اللهم اني اسألك الستر والزوج الصالح الذي يعوضني عن كل شئ في حياتي واحب اقلكم اني مستعدة اقبل بمتزوج والله العظيم ماراح اغير فكرتي لانه حالتي ماتسمح اني انتظر .. اذا وجدت الشخص المناسب ونفس اللي اتمناها حتى لو متزوج باقبل .... عندي كلام اكثر بس خلاص تعبت من البكى وانا اكتب ومهما كتبت وكتبت وكتبت مافي شئ بيوقفني صارت تجيني الآم في قلبي اطيح بسببها واصيح من الالم كانه شئ يضغط عليه او بينفجر .. حتى امي تنفجع وتصيح معايا .. وكل هذا من الكبت والتفكير ... وعندي ارق مو طبيعي ... وفوق هذا الضيق واحد من الاعضاء اليوم رد عليا بطريقة خلتني ابكي زيادة الله يسامحه رغم انه ردي كان عادي لكن اظن انه شايف رده عادي ... واول مرة ابكي بسبب رد لكن في نظري كان قاسي واحرجني الله يسامحه ادعووولي ربي يعوضني .... لاني فعلا ممكن اسوي اي شئ ,,, |
الحل ،،
انك تعجلي بانهاء دراستك حتى تتوظفي باي مكان و باي راتب الين توقفي على رجولك وتساعدي امك في المصاريف او الديون.. زواجك مارح يحل المشكله الا ماديا ولك انتي بس اما امك واخواتك رح يقعدوا على نفس الديون اذا الحل في الوظيفه والوظيفه فقط.. صلي على النبي وقبل شويه لقيتلك رد على احد الاعضاء تنصحيها انه تتوكل على الله وتقرب منه اكثر وانا دحين انصحك اياها.. الله يفرج همكم ويهدي ابوكم ويريح بالك بالزوج الصالح عاجلا غير اجل.. |
الله يعينك ويفرج كربك عزيزتي عليك بالصلاة وقراءة القران ...................... |
كبريائي
يا قلبي انتي هدي يا بنت الناس قسما بالله اني اقرا ومبحلقه من الصدمه بس الله يعينك ايوه يا بنتي توك صغيره على هذاا الهم دايما ادعي الله انه يفرج عليكم بس اهم شي لا تيأسين وانتي تنتظرين الاجابه والله ياما الدعاء فك زنقات عندي والله انها تفرج من حيث لا ادري امك ممكن تكلمينها ان اسلوبها يضايقك ولكن باللين انتي ادرى كيف ممكن تكلمينها بس لو انا منك اقول الله يهديكي بس يا امي والله ما استاهل هذا الكلام منك ابد...انا بنتك حبيبتك والله لاشيلك في عيوني مهما كنتي بس ارفقي بي الله يخليك ومن هالحكي مدري ودي اهديك بس مدري كيف ولا ودي اطلع ما قلت شي ابوك دايما ادعي له وخصوصا في سجودك ودايما قولي ولو سمعك الله يهديك يا بويا ويحنن قلبك علينا اللهم رده لنا ردا جميلا ابوكي مو اول ولا اخر واحد بهذا الشكل وكمان لازم تكون علاقتك بأختك واخوكي قويه ومتينه مهما كانت الظروف علشان ترجعون لبعض وقت الحاجه وما تحتاجون تفضفضون للغريب مدري ايش كمان ممكن اقول لك غير الله يكون في عونك ولو قدرت اقول شي ثاني اكيد برجع لك دمتي بخير |
ما قدرت أمر بدون ما أكتب 00
كبريائي 00 اطرقي باب الكريم 00 اطرقيه بكثرة 00 اللهم فرج همها 00 واشفها من كل داء 00 آمين |
أهلين حبيبتي
الله يعينك ويفرج همك كما قالت الاخت الحل ما هو في زواج بل اتمام الدراسة والبحث عن وظيفة وسد ديونك وتحمل أعباء والدتك والله حبيبتي إنك صغيرة علىالهم عليك بالدعاء والإستغفار الله يوفقك ويرزقك الزوج الصالح أم شادي |
يا حبيبتي .. كبريائي يا قلبي..
اتعوذي من ابليس.. استغفري .. و شغلي الإضاءه.. خلي النور يدش الغرفه.. لا تجلسين على السرير.. إجلسي على الأرض شوي و تساندي .. استغفري.. امسكي المصحف.. افتحي سورة الشرح.. و إقري بهدوء.. أَلَمْ نَشْرَحْ لَكَ صَدْرَكَ (1) وَ وَضَعْنَا عَنكَ وِزْرَكَ (2) الَّذِي أَنقَضَ ظَهْرَكَ (3) وَرَفَعْنَا لَكَ ذِكْرَكَ (4) فَإِنَّ مَعَ الْعُسْرِ يُسْرًا (5) إِنَّ مَعَ الْعُسْرِ يُسْرًا (6) فَإِذَا فَرَغْتَ فَانصَبْ (7) وَإِلَى رَبِّكَ فَارْغَبْ (8) ارتاحي شوي .. و خذي نفس عميق مع استغفار.. و تذكري إنج مأجوره في محنتج هذي.. و تذكري إنه ربج معاج الحين.. (إن الله مع الصابرين).. اطلبيه و إلجيئي له وحده.. ربج معاج و يسمعج.. صلي ركعتين و اذكري دعاء القنوت و ادعي ربج يفرج الهم.. يا قلبي.. شلون دراستج الحين.. الظاهر ما داومتي! .. مو نحن قلنا مساق واحد رح نعوضه في الباقي؟! الحين انت رح تخربين على نفسج في كل المساقات.. مو إنت تبين تتخرجين و تشتغلين؟ اللي انت تسوينه الحين رح يأثر على موعد التخرج حبيبتي.. الحين انت لازم تتناسين أبوج و خاصه في هالفتره.. أعتقد إنها فترة إمتحانات الحين.. لازم تركزين في الدراسه و بس.. زين يا كبريائي.. الحين دراسه و بس.. و برجع بعدين عسب نلاقي حلول للمشكلة الماديه.. ان شاء الله خير.. و لا تحاتين .. بس طمنينا عليج .. و ردي علي عسب نقدر نفكر في الحلول.. مبدئيا عندي أفكار بس خليني أتطمن عليج.. |
أختى حبيبتى وحبيبة روحى كبورة كبريائى
السلام عليكم فعلا يسر الله أمورك كلها الى الخير ؛ فأنا أحبك ياكبورة ولاأقول لك أصبرى فقط ولكن أقول لك أرتاحى فعدل الله ورحمتة كبير كبورة هل ضحكتى من أجلى وأتركى الحزن بعيدا فأنت صغيرة فى السن كبيــــــــــــــــــــــــــــــــــــــــرة جدا فى عيوننا أختك أم حبيبة |
غاليتي..أحس بك والله..فأنا مثلك وان اختلفت الطرق حتى بات حديثي كشخص في الاربعين وانا في العشرينات..
اعلم الام الذي تحسي به وارى صدى كلماتك يتردد في روحي لكن ياغالية اءمني بأن الله يسن حكمه العادل في الأرض قبل السماء وفي الدنيا قبل الأخرة وسيعوضك ربك على كل ماتلقيه من عذاب صدقي بذلك وثقي بالله توضأي وصلي ركعتين في جوف هذا الليل واختميها بسجود تشكي فيه كل ماذكرتي تفصيلا لله وابكي قدر مااستطعتي وصدقيني لن يتركك رب العباد الرحيم الودود الا بالاجابة وان تأخرت الاجابة وصلك الصبر منه الله يسعدك ..فقلبي سيذكرك دوما بالدعاء أختك حائزة الأمل |
الله يفرج همك ويعوضك كل خيررر...
توكلي على ربك واكثري من الاستغفار... شدي حيلك بدراستك وتخرجي علشان تتوظفي إن شاء الله وتقدري تساعدي نفسك و اهلك ماديا ... وإن شاء الله ربي يرزقك كل ماتريدينه ... |
| الساعة الآن 09:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©