الحل ،،

انك تعجلي بانهاء دراستك حتى تتوظفي باي مكان و باي راتب الين توقفي على رجولك وتساعدي امك في المصاريف او الديون..

زواجك مارح يحل المشكله الا ماديا ولك انتي بس اما امك واخواتك رح يقعدوا على نفس الديون اذا الحل في الوظيفه والوظيفه فقط..

صلي على النبي وقبل شويه لقيتلك رد على احد الاعضاء تنصحيها انه تتوكل على الله وتقرب منه اكثر وانا دحين انصحك اياها..

الله يفرج همكم ويهدي ابوكم ويريح بالك بالزوج الصالح عاجلا غير اجل..

__________________

__________________

كبريائي
يا قلبي انتي
هدي يا بنت الناس
قسما بالله اني اقرا ومبحلقه من الصدمه
بس الله يعينك
ايوه يا بنتي توك صغيره على هذاا الهم
دايما ادعي الله انه يفرج عليكم
بس اهم شي لا تيأسين وانتي تنتظرين الاجابه
والله ياما الدعاء فك زنقات عندي
والله انها تفرج من حيث لا ادري

امك ممكن تكلمينها ان اسلوبها يضايقك ولكن باللين
انتي ادرى كيف ممكن تكلمينها بس لو انا منك
اقول
الله يهديكي بس يا امي
والله ما استاهل هذا الكلام منك ابد...انا بنتك حبيبتك والله لاشيلك في عيوني مهما كنتي بس ارفقي بي الله يخليك
ومن هالحكي
مدري ودي اهديك بس مدري كيف ولا ودي اطلع ما قلت شي
ابوك دايما ادعي له وخصوصا في سجودك
ودايما قولي ولو سمعك الله يهديك يا بويا ويحنن قلبك علينا
اللهم رده لنا ردا جميلا
ابوكي مو اول ولا اخر واحد بهذا الشكل
وكمان لازم تكون علاقتك بأختك واخوكي قويه ومتينه مهما كانت الظروف
علشان ترجعون لبعض وقت الحاجه وما تحتاجون تفضفضون للغريب
مدري ايش كمان ممكن اقول لك غير الله يكون في عونك ولو قدرت اقول شي ثاني اكيد برجع لك

دمتي بخير

__________________
[/IMG]

ما قدرت أمر بدون ما أكتب 00


كبريائي 00


اطرقي باب الكريم 00 اطرقيه بكثرة 00



اللهم فرج همها 00 واشفها من كل داء 00



آمين

أهلين حبيبتي
الله يعينك ويفرج همك
كما قالت الاخت الحل ما هو في زواج بل اتمام الدراسة والبحث عن وظيفة
وسد ديونك وتحمل أعباء والدتك
والله حبيبتي إنك صغيرة علىالهم
عليك بالدعاء والإستغفار
الله يوفقك ويرزقك الزوج الصالح
أم شادي

__________________

يا حبيبتي .. كبريائي يا قلبي..

اتعوذي من ابليس.. استغفري .. و شغلي الإضاءه..

خلي النور يدش الغرفه.. لا تجلسين على السرير..

إجلسي على الأرض شوي و تساندي .. استغفري..

امسكي المصحف.. افتحي سورة الشرح.. و إقري بهدوء..

أَلَمْ نَشْرَحْ لَكَ صَدْرَكَ (1) وَ وَضَعْنَا عَنكَ وِزْرَكَ (2) الَّذِي أَنقَضَ ظَهْرَكَ (3)
وَرَفَعْنَا لَكَ ذِكْرَكَ (4) فَإِنَّ مَعَ الْعُسْرِ يُسْرًا (5) إِنَّ مَعَ الْعُسْرِ يُسْرًا (6)
فَإِذَا فَرَغْتَ فَانصَبْ (7) وَإِلَى رَبِّكَ فَارْغَبْ (8)

ارتاحي شوي .. و خذي نفس عميق مع استغفار.. و تذكري إنج مأجوره في محنتج هذي..

و تذكري إنه ربج معاج الحين.. (إن الله مع الصابرين).. اطلبيه و إلجيئي له وحده..

ربج معاج و يسمعج.. صلي ركعتين و اذكري دعاء القنوت و ادعي ربج يفرج الهم..

يا قلبي.. شلون دراستج الحين.. الظاهر ما داومتي! .. مو نحن قلنا مساق واحد رح نعوضه في الباقي؟!

الحين انت رح تخربين على نفسج في كل المساقات..

مو إنت تبين تتخرجين و تشتغلين؟ اللي انت تسوينه الحين رح يأثر على موعد التخرج حبيبتي..

الحين انت لازم تتناسين أبوج و خاصه في هالفتره.. أعتقد إنها فترة إمتحانات الحين.. لازم تركزين في الدراسه و بس..

زين يا كبريائي..

الحين دراسه و بس..

و برجع بعدين عسب نلاقي حلول للمشكلة الماديه.. ان شاء الله خير.. و لا تحاتين ..

بس طمنينا عليج .. و ردي علي عسب نقدر نفكر في الحلول..

مبدئيا عندي أفكار بس خليني أتطمن عليج..

__________________

اللهم ارزق إخوتي زوجات صالحات و أخواتي أزواجا صالحين عاجلا غير آجل يا رحيم..

"علمت أن رزقي لن يأخذه غيري فاطمأن قلبي"

أختى حبيبتى وحبيبة روحى كبورة كبريائى

السلام عليكم

فعلا يسر الله أمورك كلها الى الخير ؛ فأنا أحبك ياكبورة
ولاأقول لك أصبرى فقط ولكن أقول لك أرتاحى فعدل الله ورحمتة كبير
كبورة هل ضحكتى من أجلى وأتركى الحزن بعيدا فأنت صغيرة فى السن
كبيــــــــــــــــــــــــــــــــــــــــرة جدا فى عيوننا

أختك أم حبيبة

غاليتي..أحس بك والله..فأنا مثلك وان اختلفت الطرق حتى بات حديثي كشخص في الاربعين وانا في العشرينات..

اعلم الام الذي تحسي به وارى صدى كلماتك يتردد في روحي

لكن ياغالية اءمني بأن الله يسن حكمه العادل في الأرض قبل السماء وفي الدنيا قبل الأخرة

وسيعوضك ربك على كل ماتلقيه من عذاب صدقي بذلك وثقي بالله

توضأي وصلي ركعتين في جوف هذا الليل واختميها بسجود تشكي فيه كل ماذكرتي تفصيلا لله

وابكي قدر مااستطعتي وصدقيني لن يتركك رب العباد الرحيم الودود الا بالاجابة وان تأخرت الاجابة وصلك الصبر منه

الله يسعدك ..فقلبي سيذكرك دوما بالدعاء

أختك

حائزة الأمل

__________________

الله يفرج همك ويعوضك كل خيررر...

توكلي على ربك واكثري من الاستغفار...

شدي حيلك بدراستك وتخرجي علشان تتوظفي إن شاء الله وتقدري تساعدي نفسك و اهلك ماديا ...

وإن شاء الله ربي يرزقك كل ماتريدينه ...

__________________