|
ساعدوني برجيم فعّال
بنات وحريم الله يدخلكم الجنه ساعدوني صارلي شهرين اسوي رجيم ومافيه فايدة:( بس نقصت ثلاثه كيلوفاالله يعافيكم الي جربت حبوب او اعشاب تسفني مليت حارمه نفسي وماحصلت رشاقة ولاتهنيت بالاكل سااااااااااااااااااااااااااااااااااااااااااااااااا اااااااااااااااااااااااااااااااااعدووووووووووووووو ووووووووووووني
|
حبيبتي سجلي معنا في مسابقة بنت حابر وهنيك بتلاقي كل أنواع الاجوبة
أم وليد |
شكلك مانتي واثقة في الرجال عشان كذا حصرتي طلب المساعدة في النساء فقط.. لييييييييش؟ أنا راح اساعدك باللي أقدر عليه لعل مشاركتي تغير من نظرتك للرجال شوفي يا أختي بدون شرح ولا كلام كثير، فيه كتاب عندي أستفدت منه الشئ الكثير بالنسبة للصحة العامة للجسم وخصوصاً الإنقاص من الوزن الزائد، وهذا هو أسم الكتاب أنت دليل المالك وهو يحتوي على شرح كامل عن طرق فقد السعرات الحرارية والإكلات التي تزيد من الوزن وتنقص منه كما يوجد بالكتاب عدة برامج مقترحة للتمارين الأسبوعية متوفر في مكتبة جرير وسعره 65 ريال قبل 8 شهور لما أشتريته، ويمكن رخصّوه ذا الحين المهم ان الكتاب ممتاز جداُ وأنصح فيه بشدة. بالتوفيق |
استخدمي رجيم البصمه بالرياض روحي لدكتوره او والله ما ادري كيف المهم بـ3000 ريال
تنحـــف في معلمه عندنا كان وزنها بالتسعينات الحين والله احط فيها 50 او 55 ان طاااااااااارت |
اقتباس:
نصب وإحتيال، حتى إن وزارة الصحة حذرت من هذا البصمة بل ومنعته أيضاً ومنعت نشر الإعلانات عن ريجيم البصمة في الصحف. |
جزاكم الله خير يااخواتي واخي في الله انا ماعندي ثقه في الرجال علي قول المثل يامامن الرجال يامامن الميه في الغربالالمهم وش استفت من الكتاب يعني كم كيلو بس انا ودي بحبوب عشان نتيجتها اسرع لاني مليت من سمنتي مع عدم الاكل احس بتجني عقده من وزني 77 وطولي154واختي مضاوى55 شي فيه طلعه من البيت مستحيل وسلامات ياقلبي مسابقاتكم كلها انواع رجيم وانا هالكه نفسي من الجوع بالعربي من جرب حبوب تخسيس ونقص وزنه
|
حبيبتي ما أخدتيه بسنين ما راح ينزل بيوم
على العموم في موضوع لأختنا شمعة جلاس عن أحد المنتوجات ببحث عنه وبحط لك الرابط أم وليد |
اقتباس:
وش استفدت من الكتاب؟ انا اقولك وش استفدت تصوري بس اني اتبعت أرشادات وخطوات التمارين ونقصت 2,5 في أسبوع واحد بس، فما بالك لو أتبعت الخطوات بانتظام ؟؟ بالنسبة لحبوب التخسيس يبيلك تستشيرين دكتور مختص أفضل لك لأنك ماتدرين عن تأثيراتها (حتى وإن كانت تخسس الوزن) على الكبد والكلى والقلب. وفي حاجة لازم تفهمينها قبل لاتقدمي على إنقاص الوزن، انه وزنك ماراح ينقص بسرعة زي ماتتصورين بل يحتاج إلى بعض الوقت من 4 شهور إلى ستة أشهر حتى تلاحظي الفرق على جسمك حاجة ثانية لازم تعرفينها بما أنكٍ سمينة، وهي ان تمكنتي من إنقاص وزنك بشكل جيد فتلاحظين أنه سيكون هناك ترهلات في بعض أجزاء الجسم لذلك ستحتاجين إلى ممارسة تمارين خاصة بشد عضلات الجسم. أهم شئ في مسألة التخسيس هو الصبر والإنتظام في برنامج التخسيس والإبتعاد عن الأطعمة والمشروبات التي تزيد من الوزن. ولاتقدمي على حبوب التخسيس قبل أن تعرفيها بشكل كامل وتعرفي آثارها ونتائجها وتأثيراتها الجانبية |
حبيبتي في رجيم ممتاز يقولون ينزل باليوم كيلو وانا لسى ما جربته وان شاء الله اجربه قريبا وهو عباره عن تمر وحليب أو لبن
تأكلين باليوم 21 حبت تمر و3 كاسات حليب أو لبن وشوفي النتائج انا ان شاء الله حبدأ فيه الجمعه اما بالنسبه للحبوب ما انصح لاني مره جربتها وما عملت لي شي في موضوع انحذف كانو البنات يشجعون بعض على الرجيم مادري ليش نحذف بس ان شاء الله وحده من العضوات تفتحه موضوع مشابه وتدخلين في تشجيع لا يوصف بصراحه في امان الله |
اختي انظري الى معلومات فصائل الدم والاغذية المناسبه لها .. اعتقد انها الافضل ..
|
| الساعة الآن 04:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©