|
احس ان رسايلي ما لها قبول عند خطيبتي
بسم الله الرحمن الرحيم ...
السلام عليكم و رحمة الله و بركاته ... انا لي الان خاطب تقريبا شهرين خطبة رسمية و اربعة شهور خطبة حريم ... خطبة ما هو ملكة لان الزواج راح يكون بعد سنة تقريبا من الان ... طبعا خطبتنا بالطريقة التقليدية .... يعني ما في تعارف قبل الخطبة و لا شي .... انا خطيبتي تعتبر من قرايبنا بحكم علاقة الرحم " اخت امها تصير زوجة عمي" .... انا اخترتها عن قناعة لاني اتذكرها من الصغر و لاني كنت اعرف العائلة هذي و غير كذا قلبي ارتاح كثير لها حتى قبل ما شفت صورتها .... و بعد ما شفت صورتها و هي كبيرة ارتحت لها اكثر و اكثر ... و البنت عكسي ما اعتقد شافتني الا واحنا صغار المهم كأي خاطب ... صرت ارسل لها رسايل حلوة و بنفس الوقت ما فيها قلة حياة .... صحيح ان فيها مدح لشكلها .... لكن في حدود الادب ..... تخيلو الى الان انا اللي ارسل الرسايل و ما عمرها رسلت رسالة هي من عندها ... و كل ما ارسل لها رسالة الرد ما يجي الا بعد ساعات و ما فيه الا كلمة " شكرا " .... انا بصراحة حاس ان البنت ما ادري تثقل او انها يعني من البنات اللي ما يهتمو .... انا اشوف كل اصحابي من حولي اللي خاطبيني جوالاتهم ما تسكت من الرسايل .... انا الحمدلله لما خطبتها وافقوا تقريبا بعد ثلاث ايام تخيلو .... يعني في قبول و الحمدلله و انا الكل يمدحني .... بسالكم .... هل تصرفها هذا ثقل و الا ايش بالضبط .... و اذا كان ثقل انا اخاف ان البنت تحسبني خفيف بالرغم ان فكري ارقى من كذا ... انا لما امدحها و ارسل لها رسايل حلوة و من تاليفي .. ارسل لها لهدف اني عندي فكرة ان البداية لما تكون حلوة كل شي يصير قمة و احلى مع الزمن .... انا طبيعتي اللي قلبي على لساني و طيب الى ابعد الحدود و رومانسي ... لكن اكره ان ما احد يقابل طيبتي بالمثل .... الواحد يخطب عشان يعف نفسه عن الحرام لان الحرام دربه جدا سهل .... الان اعتقد انكم فهمتو قصتي .... في انتظار ردكم و اللي عنده سؤال يسأل ..... اشكركم مقدما |
مبروك اخي على الخطوبه وعقبال الملكه والزواج ..
لانك انت بهذي الفتره تعتبر اجنبي عنها بالرغم الخطوبه فيمكن عشان كذا ماترد عليك عشان ماتعطيك مجال لان تتمادى وتكلمها .. وترا هاذي الحركات حركات ثقل فعادي جدا .. وحتى انهم ردو بعد 3 ايام عادي جدا .. ناس ترد بعد3 شهور .. واذا على اصحابك يمكن هم مملكين عشان كذا ماخذين راحتهم بزياده .. الحين ماتقدر تلومها على تصرفاتها هاذي .. لا ملكت واستمر نفس الوضع فهنا يبغالها كلام ثاني .. |
يا اخوي الله يوفقك ... اذا كانت خاطبها ولم تعقد عليها الى الان ....فاحذر حتى من مراسلتها لان الشرع لايحلل لك ذلك الا بالعقد عليها ... وترى مايبنى على خطأ يكون فيه عقبات والله لا يجيب العقبات لكما ... اما اذا عقدت عليها عقد شرعي ... ترى طبيعي البنت تكون حييه وليست كالشاب .... جريء شوي لانه يبي يكسر بعض الحواجز ويسهل بعض الأمور .... وخلي الوقت كفيل بينكما ... واظن ان شاء الله مستقبلا حتستشيرنا في المنتدى وتقول الان زوجتى تتكلم كثير معاي وتراسلني على الجوال وتغار على وووو ... وانا مشغول بين الانفاق على البيت وانشغالي بالعمل وهذا طبيعي ههههههه |
بالعكس مودليل عدم اهتمام او مو معجبتها
يمكن تكون مره مبسوووطه من المسجات بس لازاااالت مستحييه تووووك دربك طووووووووووووويل اتذكر انا مارديت على مسجات زوجي لابشكرآ ولا غيره بس كنت مبسوووووووطه منها وبالعكس افقدها لما يتأخر مايرسل بس انت طول بالك عليها البنت توها وانتم اساسا باقي على الزواج سنه فليش الاستعجال؟؟ وحاول ترسل مسج من اللي فيه اسئله او حتى رساله فيها كلمه وحده مثل ..ماوحشتك؟؟ بكذا ... تجبرها عالرد ولو مانفع صارحها باللي في خاطرك كــــــــــــــــــــــــله ...وصدقني بتتعدل والله يوفقكم ... |
اولا مبرووك الله يسعدك اخوي ...
وترى البنت مو مطنشه .... البنت مستحيه لانك لازلت غريب عليها لانكم لسه بدون عقد ... لاتحط في بالك اخوي ودامها ترسل لك شكرا هاذا دليل على اهتمامها لكنها ماتبيك تفتكرها خفيفه ... الله يسعدك ويتمم عليك بخير يارب ... هموووم |
زي ما تفضلوا الاعضاء
انت لا تزال اجنبي وتخاف تفهم تفاعلها معك ان ماعندها ادب او انها جريئه قليلة حيا اذا ملكت عليها ساعتها لكل حادث حديث انت كمان قلل رسايل علشان لا تحرجها ابد |
اشكر الجميع على المشاركة .... مشاركتكم ريحتني كثير ..... الله يوفق الجميع
|
انا رأيي الشخصي سيبها كام يوم من غير رسايل وشوف رد الفعل حتدور عليك ولا عادي بلنسبالها
|
عذرا سوف اجيب باختصار
الله يتمم لك ويسعدكم خطيبتك لم تبادلك لأنه لم يتم عقد القران الملكه لهذا ان احببت يكون فيه ملكه عشان تقدر تبادلك وتراسلك وتتصل بك وعيش معاها احلى ايام الخطوبه ( مابعد العقد ) بالتوفيق يارب الله يوفقك ويحقق امانيك يارب وحتى لو كانت قريبة لك فهذا افضل واحلى تملك عليها وحتى لو الزفاف بيكون بعد سنه الله معك |
ما ادري يا اخوان هل حكم الكلام بين المراة والرجل الاجنبي حرام؟؟؟
الصراحة انا ما اعرف ...ولكن الي اعرفه ان امهات المؤمنين كانوا يتكلمون ويناقشون الصحابه رضوان الله عليهم حتى في امور دقيقة مثل احكام فقهية دقيقة روتها ام المؤمنين عائشة رضي الله عنها وكان دقيقة وحساسة جدا. الي اعرفه انه لاتجوز الخلوة بين مراة ورجل اجنبي وهذا ينطبق على المخطوبين لذلك الخاطب لايختلي بخطيبته بدون محرم لها ولا يجامعها بطبيعة الحال ولا يذهب وهي لاي مكان لانه ليست زوجته. لكن ايضا هو لا يمكن ان يكون مثله مثل عامل البقالة الي جنب بيتهم كلهم اجانب بالنسبة لها....هذا زوجها مستقبلا وجا وطرق باب بيتهم واظهر حسن نيته وسالوا عنه ووافقوا وشافها الشوفه الشرعية ورغم ذلك كله لايجوز ترد عليه برسائل!! انا لا افتي ولا شي ولكن الي عنده فتوى رسمية من شيخ معتبر عن (الكلام بين المخطوبين قبل العقد) يحطها لنا علشان نستفيد. وشكرا لكم. |
| الساعة الآن 03:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©