احس ان رسايلي ما لها قبول عند خطيبتي
بسم الله الرحمن الرحيم ...
السلام عليكم و رحمة الله و بركاته ...
انا لي الان خاطب تقريبا شهرين خطبة رسمية و اربعة شهور خطبة حريم ... خطبة ما هو ملكة لان الزواج راح يكون بعد سنة تقريبا من الان ...
طبعا خطبتنا بالطريقة التقليدية .... يعني ما في تعارف قبل الخطبة و لا شي .... انا خطيبتي تعتبر من قرايبنا بحكم علاقة الرحم " اخت امها تصير زوجة عمي" .... انا اخترتها عن قناعة لاني اتذكرها من الصغر و لاني كنت اعرف العائلة هذي و غير كذا قلبي ارتاح كثير لها حتى قبل ما شفت صورتها .... و بعد ما شفت صورتها و هي كبيرة ارتحت لها اكثر و اكثر ... و البنت عكسي ما اعتقد شافتني الا واحنا صغار
المهم كأي خاطب ... صرت ارسل لها رسايل حلوة و بنفس الوقت ما فيها قلة حياة .... صحيح ان فيها مدح لشكلها .... لكن في حدود الادب .....
تخيلو الى الان انا اللي ارسل الرسايل و ما عمرها رسلت رسالة هي من عندها ... و كل ما ارسل لها رسالة الرد ما يجي الا بعد ساعات و ما فيه الا كلمة " شكرا " ....
انا بصراحة حاس ان البنت ما ادري تثقل او انها يعني من البنات اللي ما يهتمو .... انا اشوف كل اصحابي من حولي اللي خاطبيني جوالاتهم ما تسكت من الرسايل .... انا الحمدلله لما خطبتها وافقوا تقريبا بعد ثلاث ايام تخيلو .... يعني في قبول و الحمدلله و انا الكل يمدحني ....
بسالكم .... هل تصرفها هذا ثقل و الا ايش بالضبط .... و اذا كان ثقل انا اخاف ان البنت تحسبني خفيف بالرغم ان فكري ارقى من كذا ... انا لما امدحها و ارسل لها رسايل حلوة و من تاليفي .. ارسل لها لهدف اني عندي فكرة ان البداية لما تكون حلوة كل شي يصير قمة و احلى مع الزمن ....
انا طبيعتي اللي قلبي على لساني و طيب الى ابعد الحدود و رومانسي ... لكن اكره ان ما احد يقابل طيبتي بالمثل ....
الواحد يخطب عشان يعف نفسه عن الحرام لان الحرام دربه جدا سهل ....
الان اعتقد انكم فهمتو قصتي .... في انتظار ردكم و اللي عنده سؤال يسأل ..... اشكركم مقدما
21-09-2007, 01:42 PM
ضوابط المشاركة
العرض الشجري