قصتي حياتي حتى التوبة.. للعبرة
 

[center]بسم الله الرحمن الرحيم[/center

اخواتي في هذا القسم وسأطلق علية قسم الصابرات بغض انظر عن نوعية الإبتلاء اريد اول مشاركة لي ان ادعو لي ولجميع اخواتي في هذا المنتدى وبالخصوص هذا القسم بدعوة بعد ان شاء الله التزامي واسأل الله العظيم القدير ان تكون مستجابة لأنها من قلبي والله وتكون أبواب السماء مفتوحة لأني مكروبة مثلكم ومبتلاة جديدة انظم اليكم وأدعو ( أسال الله الذي لا يعجزه شي الذي بقدرته في ليلة وضحها ان بدل أحوالنا من قمة الفرح الى قمة الحزن وهو بما كسبت ايدينا او هو قدر علينا مكتوب ان يبدلها ويقلب هذا الحزن الكرب الى فرج وفرح ويبدلنا بدل هذا الخوف أمن بقدرتك يامن لا يعجزه شي في الأرض ولا في السماء وأن تعطي كل سؤله وتشفي كل مبتلى مريض وتزوج كل متأخرة وتستر وتجبر كسر كل مطلقة وأرملة بزوج يرضيها ويسعدها لأخر عمرها وكل من حرمت من الذرية وكل من تعاني من زوجها) قولوا امين
طبعا هذي قصة وحدة اعرفها شخصيا ومن قريباتي أمنتني أنقلها في هذا المنتدى و كل المنتديات للعبرة وأن يغفر الله لها لو اعتبر منها احد ولأنها ليس لديها كمبيوتروتريد متابعت تعليقاتكم على هذا الموضوع عن طريقي ومتى زارتني وسأحتفظ بالموضوع عندي وأريد الدعاء لها بالثبات فهي قد التزمت ومن الله عليها الله يرفع عنها ويرزقها بالحياة السعيدة قولو آمين فهي في كرب عظيم وتمر بحالة نفسية سيئة ..واترككم مع قصتها هي تحكيها بلسانها اسمت نفسها .. راجية العفو من الله..
تقول :
أخواتي سأبدا قصتي الطويلة قد تستغربون انا انسانة ابتليت بالطلاق وهذا قدر عدة مرات ولكن عمري 32 سنة الحمدلله من اسرة معروفة وميسورة الحال والحمدلله ما ينقصني شي متعلمة مثقفة جميلة ولكن المكتوب على الجبين لازم تشوفه العين بصراحة في بداية شبابي ومراهقتي كنت مثل بقية البنات طيش حرية ابغى انسى العادات والتقاليد بالمرة يعني ابغى تكون حياتي مثل الأروبيات وهذا غلط اكيدمشى فيه الحال كنت انخطب ماشاء الله ذاك الوقت من اول متوسط لكن كانو اهلي مايرضون وكنت فعلا صغيرة مشت الايام كنت حتى افكر ارتبط باجنبي امريكي فرنسي ايطالي عادي مو فارقة معي الأفكار ما خذتني بسبب طبعا التلفزيون والصحبة بس بصراحة ما كنت اعرف شباب لأن اسرتي محافظة كمان وبتقولون اكيد اجل لو كانت لأسرة مو محافظة اش بتسوين المهم اخذت الثانوية وسافرت مدينة ثانية عشان ادرس تخصص مو موجود بمدينتي وبدت حكايتي مع الضياع اتغربت عن اهلي في بداية سنوات الدراسة ما تأثرت لكن من جواتي بديت احس وعندي ميول من قبل وأفكار مين طلعلي (الشيطان + بنات الشيطان ) الله يهديهم طبعا بعيدة عن لأهل فيه أقارب بس مو زي لأهل خوفهم بديت اشوفهم صور حركات حب عيشي حياتك طبعا كانت علاقاتهم برا البلد مع جنسية معروفة بالجمال بس مو عربية هذي الأيام دارجة مسلسلاتهم طبعا قالولي والله راح تنبسطين مع هذا النوع جمال وكلام حلو وراح تحسي بأنوثتك معاهم وفي نفس الوقت ما راح يأذونك مثل شبابنا جربي خشي جو وطبعا دخلت ودبروا لي واحد في البداية رجفت صوت خوف وحدة جديدة وكلمته حبيته تعلقت الحب لأول طبعا تحديات البنات ورود رسايل والجو يساعد طبعا مافيه رقيب
فجأة ما خلصت سنتين وانا في عز الحب والعشق الكاذب جا نصيبي عن طريق الأهل طبعا كان حبي شبه مفتضح طبعا شاب موظف اكبر مني تقريبا 3سنوات وسيم لكن كيف اقبل فيه وانا متعلقة بحبي مزينه الشيطان في عيني وتأزم الأمر وصراعات بين كلام أهلي العقلاني
وقلبي وحبي الأول طبعا انسى مسألت العقل في هذاك السن والمفارقات اللي بين الشخصين لا في الشكل الكلام وين وين كان مستحيل اني اتزوج الحب لأنه بعيد عن جنسيتي والعادات ووافقت على طلب أهلي غصب طبعا عني لأنهم يقولون ليه رافضة أكيد فيه احد داخل في الخط وكنت انكر عشان كذا وافقت غصب عن مشاعري طبعا عريسي كان فرحان فيه وطاير اني وافقت وانتو عارفين الطرف الثاني اناكنت ما أحبه في القلب غيرة وكان يتصل زوجي بعد ما ملك عليه واخليه بالساعات ما أرد عليه مشغولة نايمة تصلي يقول باتصل اشغل التلفون
ومع هذاك متواصلة حب وغرام ورومانسيات وقلب يدق استغفر الله العظيم والحلال في هذي الحالات مرة ماله طعم والحرام لحظاته لذيذه لأن الشيطان ساعي بريدة لكن مرت الأيام وقرب موعد الزواج
وكنت مو متحمسة مرة واجهز ولا كأني العروس كأنه لوحدة ثانية طبعا قلبي يتقطع ولا قلت لحب الشيطان اني راح اتزوج عشان ما اكسر خاطره ابغى اختفي فجأة حركات المفلسعين
وفي يوم زواجي كلمته الصباح وبكيت وقلتله راح أغيب فترة وراجعة طبعا هنا الشيطان حطلي
فرجة ادخل منها بعدين أوضحها ولأهل فرحانين بالعروس والعروس خايفة ومو فرحانة بصراحة كان وضعي مو مفهوم وعشت معاه وفجأة طلعلي مين الشيطان وراح يحنن قلبي على حبي طبعا كمان زوجي ما طلع يساعدني بالموقف كان طايش مثلي وآخر العنقود وما فهمني ولا أحتواني وهذا مو مبرر طبعا ورجعت وكلمت الحبيب ووقع المحظور طبعا فاكرين فتحت الشيطان اللي سواها لي لما قلتله حغيب فترة وأرجع أكلمك المفروض قلتله الحقيقة وقطعت الأمل علية وعلية لكن شوفو الشيطان لاتقطعين الأمل يمكن ترجعيلة هذي وسوسته وفعلا كلمته وانا متزوجة وخيانه زوجية طبعا ثقافتي الدينية ماتوفي ولا أعرف هذا الشي استمريت من فترة لفترة الين وصلت معى زوجي للطلاق وهربت عند اهلي بخدعة وداني زيارة وقلتلهم ماعاد بأرجع طبعا صار احداث خلال السنة اللي عشتها معاه طبعا كنت مدلعة في بيت أهلي مدللة ما يتأخر طلبي ما أعرف اطبخ ولا أي شي من حياة الزواج الا اللبس الدلع السهرات والخرجات بس هذا مفهومي عن الزواج خصوصا اني ما حبيته
ولا أحد نصحني آآآآآآه ليت نصايح هذا الوقت موجودة قبل والتوعية الدينية كانت أكيد مو جودة بس مش زي هذا الوقت وكنا بلأحرى ما نجي مجالس الخير طبعاغصب عنه لأنه كان يحبني كثير وطبعا كان عمري 20سنة واستمريت سنه ونص بالصبروبعدها وانا فرحانة نزل العقاب فوري من رب العالمين أكلم وببشر الحبيب اني راح ارجعله ايدي تدق الرقم بسرعة القلب يدق ودرجة الحرارة مرتفعة المفاجئة صوت غير صوته أحد ثاني بدالة مين فلان موجود ما زال الأمل .. لا وله سافر من شهر وماراح يرجع للبلد لالالالالالالالالالالالالالا صاعقة عنوانه تلفونة ما اعرف ما ترك شي اكلتها انهرت بس بعد اسبوع رجعت عادي ولكأنه حصل شي
لما لأنسان تغشاه المعاصي ويغطي الران قلبه يصبح قاسي ما يحس بالعقاب اللي نزل عليه ينبه من رب العالمين ... اتوقف الآن عند نهاية الجزأ الأول حتى تستطيعون قرأة روايتي وللي هي من الحقيقة والله وليست من الخيال كم وحدة سمعتها وقالتلي تصلح رواية تنباع في كتب بس انا والله ما نشرتها عبط ولكن للعبرة وعشان اخواتي يعتبرون والله يغفرلي ان شاء الله ادعولي..

[caution]لفظ المشيئة يكتب هكذا إن شاء الله[/caution]

اعقب ساتابع إن شاء الله في الجزء الثاني أدعولي يفرج همي وكربي ويخرجني مما انا فيه فقد ظلمت نفسي كثيرا
ونشرت قصتي والله للعبرة وليس مجاهر بمعاصي..وجزا الله اختي مطلقة على اتاحت هذي الفرصة الرائعة وان عرفتني بكم فأن طال ردي فأعذروني وسأتابع الموضوع من فترة لفترة واعرف ردودكم من اختي مطلقة جميلة استودعتكم الله الذي لا تضيه ودائعه

اشكرك اختي أميرات وان شاء الله تكون قصة أختي راجية عفو الله مؤثرة وهي والله خايفة يؤخذ على قصتها ولكن والله هي قصدها العبرة منها لأن طريق المعاصي ظلام ويؤدي الى المهالك لأني عارفة البنت كويس والله طيبة بس لعب فيها الشيطان وبناته .. اشكرك اختي اميرات على مرورك وكل من مر على الموضوع ... هي ما تبغى الا الدعاء لها
تحياتي لكم

الله يهديها ويفرج همها وننتظرك على احر من الجمر وربي يسعدك وحياك الله بين خواتك واهلك ويامرحبابك وربي يسعدك ويتووب على الجميع

الجزء الثاني ..طبعا اخذني الوقت والحزن فترة لكن ما انتصحت طبعا حالة نفسية سيئة وانا طبيعتي عصبية
وعنيدة وما اسمع كلام اهلي يعني فوق الطين بلة مشاكل ابغى امشي كلامي هذيك الفترة كنت وحيدة كل صاحباتب بنات الشيطان تخلو عني ورجعت طبعا توقفت دراستي حاولت انتسب للجامعة من جديد وابوية رجال طيب مرة حرام والله اللي سويته فية واتحرق لما اتذكر أي شي برضه في عقلي ومن جواتي ما انتصحت ولا تبت ولا اثر فيه العقاب اللي اخدت بديت ادور على شلة جديدة بس حصلت هذي المرة شلة بس وسط فيهم خير وفيهم شر دخلت الجامعة وتعرفت على واحد هذي المرة قريب ابن البلد خل نجربهم طبعا عجبني انه كان كبير في عمرة وكان متزوج عجبني وتعلقت فيه وبديت ارسم عليه يعني شطارة مدري مني او من الشيطان بس ومفتخرة حبيت هذيك الفترة الشعر والكتابة وصرت كاتبة وشاعرة تأثرت فية لأنه الأن كاتب وصحفي كبير مشهور في بلدي وطبعا ماراح اذكر اسمه وتابع معاية طبعا اهلي كشفوني طبعا كنت احبه حب عادي بس لما صارت عليه مشاكل وحاولو يمنعوني منه جن جنوني عليه عشقته وكنت مستعدة انتحر عشانه ظليت معاه سنة طبع بحكم وضعي هذيك الفترة كان يتقدم لي ناس بس ارفضهم عشانه وبعد ما حسيت انه ماأقدر تزواجه
وأهلي ما راح يرضو بعد ما كشفوني وعرفوه انسى أخدة خصوصا في عاداتناتقاليدنا اللي كنت اشوفها شي حقير ولا ابغاها والود ودي اني عشت من غير اهل في هذيك الفترة واستمرت العقوق والدعاوي اشكال والوان من امي خاصة وفي عز الصراعات النفسية ولأجتماعية جاني انسان طيب كان كبير عليه وأولاده معاه سنة بنته الكبيرة في سني كان عمري وقتها 21سنة وعمره 48سنة بمنصب كبير في الدولة ورجل اعمال طبعا طمع وحدة في تفكيري
وبعمري ومتأثرة باللأفلام والمسلسلات كبير السن احسن اللي يدلع ويحب بجنون وحنون واي طلب ما ينرفض رغم ما كنت محتاجة فلوس لأن عيلتي والحمدلله ميسورة لكن ما ادري اش اسمية هو هروب انتقام من ذاتي او من اهلي كانو يقولو كبير عليكي وانا رفضت واصريت اخده وهذيك الفترة جا في وقته لأني محتاجة انتقل من المدينة اللي فيها اهلي وهذا طبعب لما اوصل لدرجة حياتي ما تنطاق او ما الاقي حل اغير كل الللي حولي حتى لوفي قراري تغيير مصير كامل ولو ضد مصلحتي سافرت من مدينتي وانتقلت معى زوجي في مدينة اخرى ناس جدد تماما ما اعرف احد وكان الرجال صح مثل ما رسمت حب وجنون ودلع فلوس قصور شغالات سواقين حرية وااااااااو هذا اللي كنت احلم فيه طلباتي اوامر طبعا بالعمر الصغير جمال فلوس أكيد غروووووووووور وكبر استغفر الله رغم لي مملكتي الخاصة في نفس القصر بس على كبره بديت اتضايق من اولاده الايتام صحيح كنت في البداية اعاملهم مثل اخواني وعايشة صح معاهم بس اولادة الكبار وبناته كانو يضايقوني وكثير تصير مشاكل بيننا وهو كان في البداية معمي معاية اش ما اقولة يصدق طبعا مسلسلات مأثرة وابلي معلم ما يفارق
بعد سنتين درست الجامعة كمان فصلت بحكم بعد المسافة وكانبمدينة اخرى تعبت وكسلت لأني مكتفية وموناقصني شي فتحتلي مشاريع وشغل بزنس خاص فية وحسيت اني سيدة اعمال وبهذا السن زاد الغرور وزادت قساوت القلب عندي طبعا قلبي موقف زوجي ابدا ما حبيته كان كله حكي وكنت مستكثرتني عليه رغم انه كان طيب معي بديت ادور على شي يحرك قلبي اعيش من غير حب مستحيل أكيد بتقولون يابجاحتها لكن الله يغفر لي طبعا تفلت في الأسواق الكافيهات المنتجعات وحصلت قفى من يشيل بداية الجوالات ما كانت منتشرة ومين عندة اوعندها جوال ايام عشرة الاف طبعا انا عندي وهاتي وتعرفت اشكال والواني وياليت وقفت على حالي الا سحبت بنته معاية عشان احمي نفسي من التهديدات والبنت كان اصلا باستعداد لأنها اولا هي في عمري واخواتها صغار بعيدين عنها وما كانت قبل ما اجي تقدرتخرج وتعمل كذا وعربدانا الين غمزت السنارة مع واحد وآآآآآآه كانت هي المعاناه في البداية مو حب زي اللي سبقوهطقطقة ووناسة جربت اش مايخطر على بالكم من انواع الإنحرافات تدخير تعسيل وغيرة كبيرطبعا انا اهلي بعيدين ومرتاحة مالي احد من قرايبي البنت معاية سيارة وفلوس
وكل شي مأهلنا ننحرف ولا توجيه من أي احد ومغترين بحلم ربي علينا طبعا هذيك الفترة الشيطان مسيطر استغفر الله حتى في رمضان نعربد وفي ليلة 27 الناس تجد واحنا في سهرات اعوذب الله خليطي طبعا تقولو وين الزوج والله الزوج مسكين في المسجد او مشغول بدوامه واعماله وينتظرنا الين الساعه 3 أو 4 صباحا عشان يتسحر اصلا بلأيام احيانا ما نشوف بعض ولا ندري عن البيت طبعا عشان شغلي واصلا حطيت عينت مدراء ومسؤلات على الشغل عشان يقومو فيه طبعا لعبو الين شبعو سرقات كنت اخرج اغلب اوقاتي
ولا اتابع اعمالي طبعا انتقلو اخوات زوجي بنفس المدينة ولاحظو الوضع بدو يفتحو عينة عليه المهم هذيك الفترة تعرفت على واحد صار بيننا علاقة قوية الين حبيته وتعلقت في لدرجة اني بدية احس واعامله كانه هو زوجي واستمريت معاه مسكني زوجي اكثر من مرة معاه تسجل مكالمات أكثر من مرة ويسامحني واتوب طبعا قدامة وارجع معاه لأن زوجي يحبني ومو قادر يفارقني فاستغليت ةاعتمدت على هذي النقطة وبدت حكايتي تفوح بين اقاربه زوجة فلان كذا وعارفة ومطنشة وبعد 8 سنوات مليت تعبت ضيق المعاصي بيموتني طبعا ما كنت اعرف هذا الشي وانا مستمرة مع هذا الشاب وقلتلة انا ابغى انفصل طبعا عارفة في قرارة نفسي انه جبان ومثلهم بس انا تعبت ابغى انفصل ونتزوج احنا لنا6سنوات حب خلااااااااص انا مليت وفي نفس الوقت بدا قلبي يألمني على هذا الزوج المخلص وما استاهله واعطي الحب لهذا الانسان اللي موعارفة اش في قرارت نفسة كذاب صادق ما ادري اهم شي اني انا انبسط حتى لو الشخص المقابل اعرف انه كذاب بس ابغى اخلص نفسي ووصلت لحالة من التعب وواتخذت قراري انا تعبانة ابغى أغير كل شي
طبعا القرار مصيري ما فيه غير الطلاق هو اللي بيغير كل شي حتى لو انصدمت بالحقائق المؤلمة بس كيف اقنعه يطلقني اقنعته ما رضى وكان من المستحيل يوافق افتعلت مشكلة كبيرة
لأنه حتى في وقت اكبر شي يؤلم الرجل الخيانة سامحني وهو طيب مو انه مو رجل بس الحب والطيبة سوو معاه كذا وغصبته يطلقني وبالثلاثة عشان ما يكون فيه مجال ارجعلة ويشوف وحدة تسعدة وتستاهلةاكثر مني حزنت كثير بنته لأني كنت صديقتها مو مرات ابوها طبعا انتو مندهشين كيف بنت كذا لكن مع الشيطان مافيه مستحيل وسافرت لأهل فيه حزن بس مرتاحة لقراري وكلمت الحبيب انذهل دور نفسة ليه خربتي بيتك ليه اطلقتي قلتلة عشانك يا حبيبي
قالي انشالله خير وطبعا ظل معاية فترة يبغى يواسيني بس ما ابغى المواساة ابغى نتزوج متى طبعا في نفسي اعشقه لكن كمان ابغى اتخلص منه لأني غيرت كل شي ابغى اقفل عليه معاالماضي اللي تركته واقطع اللي بيننا مرة واتخلص قلتله اذا بنتزوج استمرينا ما بنتزوج خلاص خليني في حالي قال لا تخسري كل شي انا احبك .. احبك الكلمة اللي ادورلها طول حياتي بصدق وما حصلتها اصريت على موقفي وقفلت طبعا تركنا بعض وفي قلبي الم كبير تخلو عني كل اللي صاحبتهم طبعا هذولي صاحبات المعاصي والمصالح استغلالي في فلوس سواقين مواصلات ووناسة وانا كنت بس اشتري الوناسة طبعا رجعت بيت اهلي المحافظين وبنظرة قاسية من المجتمع مطلقة مرتين الفرص امامها مسكينة قليلة بس ماهمني هذا الكلام
وكنت حامدة ربي ونويت الحج ورحت مع ابوية الحج الله يخليه لي واعلنت توبتي هذيك الوقت
وقررت اني اتجه لطريق رب العالمين والله كله راحة صرت اصلي في وقتها صلاة اليل والضحى اصوم الإثنين والخميس بجد جواتي سعادة كبيرة واهلي فرحانين بتوبتي والتمو حولي
وهذي نهاية الجزء الثاني من حياتي..وإن شاء الله اكملكم الجزء الثاني في المرة القادمة
ادعولي بالثبات والفرج ..
اللهم اغفرلي واجرني في مصيبتي واخلفني خير منهاآمين

ما شاء الله تبارك الله ، الله يتقبل منكِ ، آمين


إنتي كنتِ تعانين من فراغ روحي ، ولما تبتي ملأتي هذا الفراغ



الله يسعدكِ بالدنيا والآخرة ، آمين