[center]بسم الله الرحمن الرحيم[/center

اخواتي في هذا القسم وسأطلق علية قسم الصابرات بغض انظر عن نوعية الإبتلاء اريد اول مشاركة لي ان ادعو لي ولجميع اخواتي في هذا المنتدى وبالخصوص هذا القسم بدعوة بعد ان شاء الله التزامي واسأل الله العظيم القدير ان تكون مستجابة لأنها من قلبي والله وتكون أبواب السماء مفتوحة لأني مكروبة مثلكم ومبتلاة جديدة انظم اليكم وأدعو ( أسال الله الذي لا يعجزه شي الذي بقدرته في ليلة وضحها ان بدل أحوالنا من قمة الفرح الى قمة الحزن وهو بما كسبت ايدينا او هو قدر علينا مكتوب ان يبدلها ويقلب هذا الحزن الكرب الى فرج وفرح ويبدلنا بدل هذا الخوف أمن بقدرتك يامن لا يعجزه شي في الأرض ولا في السماء وأن تعطي كل سؤله وتشفي كل مبتلى مريض وتزوج كل متأخرة وتستر وتجبر كسر كل مطلقة وأرملة بزوج يرضيها ويسعدها لأخر عمرها وكل من حرمت من الذرية وكل من تعاني من زوجها) قولوا امين
طبعا هذي قصة وحدة اعرفها شخصيا ومن قريباتي أمنتني أنقلها في هذا المنتدى و كل المنتديات للعبرة وأن يغفر الله لها لو اعتبر منها احد ولأنها ليس لديها كمبيوتروتريد متابعت تعليقاتكم على هذا الموضوع عن طريقي ومتى زارتني وسأحتفظ بالموضوع عندي وأريد الدعاء لها بالثبات فهي قد التزمت ومن الله عليها الله يرفع عنها ويرزقها بالحياة السعيدة قولو آمين فهي في كرب عظيم وتمر بحالة نفسية سيئة ..واترككم مع قصتها هي تحكيها بلسانها اسمت نفسها .. راجية العفو من الله..
تقول :
أخواتي سأبدا قصتي الطويلة قد تستغربون انا انسانة ابتليت بالطلاق وهذا قدر عدة مرات ولكن عمري 32 سنة الحمدلله من اسرة معروفة وميسورة الحال والحمدلله ما ينقصني شي متعلمة مثقفة جميلة ولكن المكتوب على الجبين لازم تشوفه العين بصراحة في بداية شبابي ومراهقتي كنت مثل بقية البنات طيش حرية ابغى انسى العادات والتقاليد بالمرة يعني ابغى تكون حياتي مثل الأروبيات وهذا غلط اكيدمشى فيه الحال كنت انخطب ماشاء الله ذاك الوقت من اول متوسط لكن كانو اهلي مايرضون وكنت فعلا صغيرة مشت الايام كنت حتى افكر ارتبط باجنبي امريكي فرنسي ايطالي عادي مو فارقة معي الأفكار ما خذتني بسبب طبعا التلفزيون والصحبة بس بصراحة ما كنت اعرف شباب لأن اسرتي محافظة كمان وبتقولون اكيد اجل لو كانت لأسرة مو محافظة اش بتسوين المهم اخذت الثانوية وسافرت مدينة ثانية عشان ادرس تخصص مو موجود بمدينتي وبدت حكايتي مع الضياع اتغربت عن اهلي في بداية سنوات الدراسة ما تأثرت لكن من جواتي بديت احس وعندي ميول من قبل وأفكار مين طلعلي (الشيطان + بنات الشيطان ) الله يهديهم طبعا بعيدة عن لأهل فيه أقارب بس مو زي لأهل خوفهم بديت اشوفهم صور حركات حب عيشي حياتك طبعا كانت علاقاتهم برا البلد مع جنسية معروفة بالجمال بس مو عربية هذي الأيام دارجة مسلسلاتهم طبعا قالولي والله راح تنبسطين مع هذا النوع جمال وكلام حلو وراح تحسي بأنوثتك معاهم وفي نفس الوقت ما راح يأذونك مثل شبابنا جربي خشي جو وطبعا دخلت ودبروا لي واحد في البداية رجفت صوت خوف وحدة جديدة وكلمته حبيته تعلقت الحب لأول طبعا تحديات البنات ورود رسايل والجو يساعد طبعا مافيه رقيب
فجأة ما خلصت سنتين وانا في عز الحب والعشق الكاذب جا نصيبي عن طريق الأهل طبعا كان حبي شبه مفتضح طبعا شاب موظف اكبر مني تقريبا 3سنوات وسيم لكن كيف اقبل فيه وانا متعلقة بحبي مزينه الشيطان في عيني وتأزم الأمر وصراعات بين كلام أهلي العقلاني
وقلبي وحبي الأول طبعا انسى مسألت العقل في هذاك السن والمفارقات اللي بين الشخصين لا في الشكل الكلام وين وين كان مستحيل اني اتزوج الحب لأنه بعيد عن جنسيتي والعادات ووافقت على طلب أهلي غصب طبعا عني لأنهم يقولون ليه رافضة أكيد فيه احد داخل في الخط وكنت انكر عشان كذا وافقت غصب عن مشاعري طبعا عريسي كان فرحان فيه وطاير اني وافقت وانتو عارفين الطرف الثاني اناكنت ما أحبه في القلب غيرة وكان يتصل زوجي بعد ما ملك عليه واخليه بالساعات ما أرد عليه مشغولة نايمة تصلي يقول باتصل اشغل التلفون
ومع هذاك متواصلة حب وغرام ورومانسيات وقلب يدق استغفر الله العظيم والحلال في هذي الحالات مرة ماله طعم والحرام لحظاته لذيذه لأن الشيطان ساعي بريدة لكن مرت الأيام وقرب موعد الزواج
وكنت مو متحمسة مرة واجهز ولا كأني العروس كأنه لوحدة ثانية طبعا قلبي يتقطع ولا قلت لحب الشيطان اني راح اتزوج عشان ما اكسر خاطره ابغى اختفي فجأة حركات المفلسعين
وفي يوم زواجي كلمته الصباح وبكيت وقلتله راح أغيب فترة وراجعة طبعا هنا الشيطان حطلي
فرجة ادخل منها بعدين أوضحها ولأهل فرحانين بالعروس والعروس خايفة ومو فرحانة بصراحة كان وضعي مو مفهوم وعشت معاه وفجأة طلعلي مين الشيطان وراح يحنن قلبي على حبي طبعا كمان زوجي ما طلع يساعدني بالموقف كان طايش مثلي وآخر العنقود وما فهمني ولا أحتواني وهذا مو مبرر طبعا ورجعت وكلمت الحبيب ووقع المحظور طبعا فاكرين فتحت الشيطان اللي سواها لي لما قلتله حغيب فترة وأرجع أكلمك المفروض قلتله الحقيقة وقطعت الأمل علية وعلية لكن شوفو الشيطان لاتقطعين الأمل يمكن ترجعيلة هذي وسوسته وفعلا كلمته وانا متزوجة وخيانه زوجية طبعا ثقافتي الدينية ماتوفي ولا أعرف هذا الشي استمريت من فترة لفترة الين وصلت معى زوجي للطلاق وهربت عند اهلي بخدعة وداني زيارة وقلتلهم ماعاد بأرجع طبعا صار احداث خلال السنة اللي عشتها معاه طبعا كنت مدلعة في بيت أهلي مدللة ما يتأخر طلبي ما أعرف اطبخ ولا أي شي من حياة الزواج الا اللبس الدلع السهرات والخرجات بس هذا مفهومي عن الزواج خصوصا اني ما حبيته
ولا أحد نصحني آآآآآآه ليت نصايح هذا الوقت موجودة قبل والتوعية الدينية كانت أكيد مو جودة بس مش زي هذا الوقت وكنا بلأحرى ما نجي مجالس الخير طبعاغصب عنه لأنه كان يحبني كثير وطبعا كان عمري 20سنة واستمريت سنه ونص بالصبروبعدها وانا فرحانة نزل العقاب فوري من رب العالمين أكلم وببشر الحبيب اني راح ارجعله ايدي تدق الرقم بسرعة القلب يدق ودرجة الحرارة مرتفعة المفاجئة صوت غير صوته أحد ثاني بدالة مين فلان موجود ما زال الأمل .. لا وله سافر من شهر وماراح يرجع للبلد لالالالالالالالالالالالالالا صاعقة عنوانه تلفونة ما اعرف ما ترك شي اكلتها انهرت بس بعد اسبوع رجعت عادي ولكأنه حصل شي
لما لأنسان تغشاه المعاصي ويغطي الران قلبه يصبح قاسي ما يحس بالعقاب اللي نزل عليه ينبه من رب العالمين ... اتوقف الآن عند نهاية الجزأ الأول حتى تستطيعون قرأة روايتي وللي هي من الحقيقة والله وليست من الخيال كم وحدة سمعتها وقالتلي تصلح رواية تنباع في كتب بس انا والله ما نشرتها عبط ولكن للعبرة وعشان اخواتي يعتبرون والله يغفرلي ان شاء الله ادعولي..

[caution]لفظ المشيئة يكتب هكذا إن شاء الله[/caution]