منتدى عالم الأسرة والمجتمع - القراقيش من مطبخي sunshine545

http://img34.picoodle.com/img/img34/...3m_5d7c2b9.gif

عملها سهل وهي من الحلويات القليلة التي اتقنها لانها بتقرب المعجنات

عملتها من اسبوعين لوالدي ووالدتي يعني من القلب للقلب ومن الروح للروح وبستمتع كثير لما بعمل شيء بحبوه وبرسل لهم اياه مفاجأة

فكلمة الله يرضى عليكي تنسيني التعب والوقفة الله يخليهم

المقادير

4 كاسات طحين عادي انا عملت 8 كاسات طحين لانه لازم تتوزع على الحبايب والقرايب

كاسة زيت زيتون (( ملاحظة : في بعض الاحيان لا أضع كاسة الزيت كاملة)) اذا كان الزيت كثير لا تصلح العجينة للرق وتتمزق

4 ملاعق كبيرة يانسون مطحون حتى يكون طعمه ظاهر

سمسم محمص على النظر اضعه

ماء عادي من الحنفية ايضا على النظر

زيت مازولا للقلي

القطر ((الشيرة )) جامد ويجب ان يكون بارد

يتم تنخيل الطحين واضيف اليه اليانسون ثم زيت الزيتون وخلطهم مع بعض (ابسهم) حتى يتجانسوا مع بعض

اضيف السمسم واخلطه معهم ثم اعجن بالماء البارد حتى تتكون عجينة مثل عجينة البسكويت

http://s5.tinypic.com/352jjpu.jpg

هذه العجينة زيتها كان كثير فمزعت معي وما زبطت نهائيا
http://s5.tinypic.com/2hncsiq.jpg

هذه زيتها كان مزبوط والحمد لله
http://s5.tinypic.com/zismra.jpg

بقطعها كرات وببلش ارق فيها

http://s5.tinypic.com/14y05z4.jpg

برقها لتكون رقيقة كثير برفع ورقتين فوق بعض ما بستعمل اي شي لرقها لا طحين ولا نشا

http://s5.tinypic.com/20ux1lc.jpg

بقطعها بعجل البيتزا على شكل معينات وهذه التقطيعه علمني اياها والدي الله يحفظه ويخلي على راسي
طبعا بيطلع زوائد بشيلها وبرد اضيفها للعجينة الباقية ما بزيد معي ولا نقطة عجينة

http://s5.tinypic.com/2l8dzye.jpg

http://s5.tinypic.com/o0qp0w.jpg

بصفها على اطراف الصحون والصواني حتى يكون سهل علي شيلها ونقلها للمقلى
http://s5.tinypic.com/5x7ivn.jpg

بلشت القلي لازم الزيت حامي كثير
http://s5.tinypic.com/2w24ilc.jpg

بشيله وهو لونه هيك لانه عند وضعه في القطر بيتغير لونه
http://s5.tinypic.com/1zg8110.jpg

اضعه في القطر البارد لوقت لا يصل الدقيقة حتى لا يطرى لانه لازم يكون بيقرش على سامه قراقيش
http://s5.tinypic.com/fzbvd0.jpg

انتلقت للصحون والجاطات ولا حظوا كم هي رقيقة
http://s5.tinypic.com/j79hm0.jpg

http://s5.tinypic.com/rm61p2.jpg

وصحتين وعافية