عملها سهل وهي من الحلويات القليلة التي اتقنها لانها بتقرب المعجنات

عملتها من اسبوعين لوالدي ووالدتي يعني من القلب للقلب ومن الروح للروح وبستمتع كثير لما بعمل شيء بحبوه وبرسل لهم اياه مفاجأة

فكلمة الله يرضى عليكي تنسيني التعب والوقفة الله يخليهم


المقادير

4 كاسات طحين عادي انا عملت 8 كاسات طحين لانه لازم تتوزع على الحبايب والقرايب

كاسة زيت زيتون (( ملاحظة : في بعض الاحيان لا أضع كاسة الزيت كاملة)) اذا كان الزيت كثير لا تصلح العجينة للرق وتتمزق

4 ملاعق كبيرة يانسون مطحون حتى يكون طعمه ظاهر

سمسم محمص على النظر اضعه

ماء عادي من الحنفية ايضا على النظر

زيت مازولا للقلي

القطر ((الشيرة )) جامد ويجب ان يكون بارد


يتم تنخيل الطحين واضيف اليه اليانسون ثم زيت الزيتون وخلطهم مع بعض (ابسهم) حتى يتجانسوا مع بعض

اضيف السمسم واخلطه معهم ثم اعجن بالماء البارد حتى تتكون عجينة مثل عجينة البسكويت



هذه العجينة زيتها كان كثير فمزعت معي وما زبطت نهائيا


هذه زيتها كان مزبوط والحمد لله


بقطعها كرات وببلش ارق فيها



برقها لتكون رقيقة كثير برفع ورقتين فوق بعض ما بستعمل اي شي لرقها لا طحين ولا نشا



بقطعها بعجل البيتزا على شكل معينات وهذه التقطيعه علمني اياها والدي الله يحفظه ويخلي على راسي
طبعا بيطلع زوائد بشيلها وبرد اضيفها للعجينة الباقية ما بزيد معي ولا نقطة عجينة





بصفها على اطراف الصحون والصواني حتى يكون سهل علي شيلها ونقلها للمقلى



بلشت القلي لازم الزيت حامي كثير


بشيله وهو لونه هيك لانه عند وضعه في القطر بيتغير لونه


اضعه في القطر البارد لوقت لا يصل الدقيقة حتى لا يطرى لانه لازم يكون بيقرش على سامه قراقيش


انتلقت للصحون والجاطات ولا حظوا كم هي رقيقة




وصحتين وعافية

__________________