|
رفض أمي المتكرر للخطاب ( لشدة ضيقي كتبت هذا الموضوع)
~ من الضيقـــة كتبت هالموضوع ~
السلام عليكم ورحمة الله وبركاته اسعد الله اوقاتكم بكل خير ترددت كثير بطرح الموضوع لكن بالآخير كل انسان محتاج لتوجيه او نصيحه وبنفس الوقت يبي يفضفض اللي بصدره انا بنت كملت هالشهر الـ 28 سنه وماتزوجت مشكلتي اني صرت ماحب اطلع من البيت والسبب نظارات قريباتي وسؤالهم (( ماتزوجتي للحين )) صايره تفزعني هالكلمه انا الحمد لله ماينقصني اي شي وهذا بفضل الله لكن ع قولة امي النصيب يتقدملي خطاب وانا عمر 17 سنه << بس زمان كنت توني ادرس لكن من دخلت الـ 25 صار اخوي وامي يرفضون اللي يتقدملي بحجة انوه مايصلح او ماهو كفو كنت اتحمل واصبر مابي يطلق علي بعدين عانس ومن سنتين والخطاب كثير بس صارت امي ترفض بدون علمي رفضت 3 وماخبرتني دريت بالصدفه قبل ست شهور انو واحد امه تترجى امي انو ولدها مايبي غيري بس امي كذيت عليها تقول ولد عمها يبيها << وهي تبي تصرفهم اصلا وصارت ام الولد تتصل على امي واشوف امي تصرفها وتغير رقم جوالها وانا متعجبه من الوضع والشاب والله انوه اي بنت تتمناه تعبت نفسيتي وانا اشوف اللي اصغر مني بكثير تزوجو الا انا فاتحت امي بالموضوع وقلت ليش ترفضين الخطاب بدون ماتسئليني انا موافقه والا لا قالت ابي مصلحتك .. وتطلع عيوب اللي قصير مايصلح لك او اللي وظيفته ماهي حلوه او مو من قبيلتنا ... وانا تعبت من كذا وتجرئت وقلت حق امي اي واحد يتقدم لي ياليت تخبريني وانا اللي اقرر عرف اخوي بالسالفه وقال زوجيها اي واحد كأنوه انا على قلبه بس انا الحمدلله مو ناقصني شي ورثي من ابوي مكفيني بس الضغط النفسي .. وكرهي للمجتمعات العائليه صرت ماحب اروح كثير .. كنت مره اجتماعيه كثير بس الحين مررره احب العزله انام واصحى بالحالي واتعمد انو ما اواجه اهلي لنو اعصابي مره متوتره .. والله كتبت هالموضوع وانا متضايقه كثير يمكن هالكلمات تخفف عني شوي كرهت نظرات الشفقه كانو انا مرتكبه شي مابي احد يناظر فيني من يقولو فلانه بتتزوج كرهت نفسي اهملت شكلي لآنو يئست مره صرت اخاف من المستقبل كثير هذا جزء صغيييييييييييييييييير من اللي بقلبي / ودمتم بحفظ الله الإشراف: 3 ـ تُكتب العناوين والموضوعات والمشاركات باللغة العربية فقط ... ويجب الابتعاد عن اللهجات المحلية, وملاحظة القواعد الإملائية ، وسيتم تعديل العناوين المكتوبة باللهجة المحلية, مع ضرورة انطباق العنوان على المضمون ...و يمنع استخدام رموز الزخرفة يرجى منكم الاطلاع على قوانين المشاركة على الرابط التالي: http://www.66n.com/forums/announcement.php?f=3 تم تعديل العنوان بما يناسب المضمون |
و عليكم السلام والرحمه الله و بركاته
انا نفس ظروفك , شو نسوي الله كريم , خلي ايمانك بالله قوي , بعد صبر فرج , انتي ارمسي و يا امك و افهميها يمكن هي اميه , انا بعد واحد اتقدم لي و وافقت و كنت مرتاحه له بس والده ما وافقت عشان شي تافه , و انا كنت غبيه ما قلت شي , ريال راح و تزوج لو اتشوفيين كيف تهتم بزوجته و حياتهم كيف بتموتيين من قهر , الله يهنيهم , بنهايه نحن خسرانين , انا مثلك حابسه نفسي في غرفه و اتهرب من اسئله قرباتي و نظرة الشفقه , مابي احد يشفق علي , تقدرين اتقولين مستويه معزوله عن الناس , ما ابي ارمس و يا احد او احد يرمسني مستويه معقده, لما اسمع خبر زواج بنات الصغار يجيني حالة حزن شديد ما احسدهم الله يهنيهم , بس الانسان ما يقدر يمسك مشاعره , الله يرزقك و يرزقني و يرزق جميع البنات المنتدى بازواج الصالحين . |
صدقيني اختي
اللي مكتوب على الجبين بتشوفه العين وتذكري دائما لو اطلع الانسان على الغيب لاختار الواقع قومي انفضي هموم الدنيا من قلبك وترى العمر ما ينوكل مرتين عيشي شبابك استمتعي بمالك اهتمي بجمالك واللي مكتوب لك بتلقينه بس خلي الاستغفار شغلك الشاغل بري بامك ترى بكره اذا تزوجتي ومرت السنين بتقولين ليتني استمتعت باايام الشباب والعزوبية مع اميمتي واهلي رددي رب لا تذرني فرداً و أنت خير الوارثين |
اهلين اختي ان شاءالله ربي ييبدل حزنك فرح اختي اانت لسى في عزشبابك تعوذي من الشيطان وصلي ركعتين واستغفري كثير وروحي السوق واشتري لي اشياءحلوة اطلعي بلوك جديد اوروحي للمشغل وعدلي شعراتك واهتمي بعمرك وربي الحياة حلوة طيب اذا جلستي حبيسة الغرفة بتمللين على بالك الناس بيدرون عنك وسعي صدرك وافتحي قلبك لامك وقولي يمة شاوريني وانتي ياقلبي العمرقدامك لاتتضايقين وان شاءالله نصيبك جاي جاي واطلعي والله اعرف وحدة خطبة من قهوة حريم صبت لجيران امهاا وان شاءالله ربي يوفقك ويرزقك اللي يستاهلك بالعكس استغلي هالايام انااحمدربك ياختي اكيدفيه خيرة ان شاءالله بتتزوجين هههههههههه شوفي اناميتة ابي اكون بيت واسرة بس ربي ماوفقني ع 24 منطلقة ولاهمني احد وكلي امرك ربي وشيء مالك فية يعني رزقك من الله كثري استغفار وربي يفرحنافيك قريب ولاتتياسين واذاسالوك قولي نصيب وان شاءالله ربي يكتب الخير وماتدرين ممكن يكون فرحك ثالث العيد ان شاءالله ياحبيابتي لاتتشاؤمون وربي اني مرتاحة نفسيا اقراالبقرة واحفظ ماتيسرمن القران ومدوامة على الاذكار والصيام ومرتاحة ولله الحمد صح اني احيانااتمنى اشوف بنتي دانة مسميتهاقبل مايجي ابوهاا الله يفرح قلبك باللي يسرة ولاتنسين اختك منورة وخواتك من الدعاء وباذن الله ربي ماراح انساك من دعواتي يالبى قلبك بس روقي وواشربي عصيرليمون وروحي سوي كلامي وباذن ربي تدعي لي ولايهمك فلان وعلان طنش تعش تنعش وربي يطعمناحسنات ولايحرمناا وتفائلي وباذن ربي نفرح فيك قريب انتي وخواتي بنات المنتدى ان شاءالله زواجك انتي وصديقتي 3 /10 وعصفورة وهمس والعانس الحزينة 4 /10 وهمس القلوب وغموضة ومحبة للاستغفااااااااااار 5/10 والبقية ان شاءالله وبنات المسلمين واناطبعابالاجازة السنة القادمة هههههههههه حددت الله يوفقكم يارب |
اقتباس:
صح ياختي لاتحزني ولا تفكري كلنا بالهوى سوا ومايصبرنا غير ايمانا بربنا بس الحمدلله عل كل شي والله انا كتبت موضوع من فتره وكنت محبطه وفي اعماق البئر زي ما يقولو بس البنات والاعضاء الله يجزيهم خير هونوها عل كثير الله يخليهم النا بنات بقولكم شي من يومين جات وحده قريبه الي وطيبه وفضفضه الها قامت اعطتني ارقام خطابات وقالت كل البنات هنا بيتزوجو بي هذه الطريقه ايش رائيكم ؟؟؟ طبعا هذه الصديقه قالت راح اتصل وفعلا اتصلت ومن اول ما قالت للخطابه عمري قالت وييي هذه حرمه كبيره ما يصلحلها الي متزوج اتخيلو ؟؟؟ :) قل جبتك يا عبد الميعن تعين .... عموما ايش رائيكم بفكره الخطابات ؟؟ بتعرفو قصص ناس اتزوجو عن طريقهم ؟ |
حزن
اسمك حزين , ربما هو يزيدك حزن فوق حزنك الكثيرات من الفتيات مثلك و ربما أسوء .. فالسوء يزيد كلما يتقدم بنا العمر لكن تبقى بشائر الرحمن تنهل عليك , فتفائلي كثيرا , و جيد انك اخبرت امك و بيني وبينك , رغم اني اتفهم معاناتك لانني معك في نفس القارب تقريبا, إلا انني احترم والدتك, لأنك و مع ظروفك و تقدم السن, إلا انها تريد الافضل لك .. و ليس مجرد زواج و السلام .. أرجوك قدري هذا الشيء لوالدتك و ادعي الرحمن يفتح لك و لنا جميعا ويحقق لنا أمانينا فلا يعلم بالمعاناة إلا من مر بها و احترق بنيرانها. و السلام ختام ,, |
اقتباس:
هلا ياقلبي اسعدني ردك لكن يالغلا والدتي الله يطول بعمرها هي متعلمه وحنونه مررره بس سبب الرفض ماني عرفه له جواب الله يسعدك ياقلبي وينولك اللي ببالك وان شاءالله يكتب لنا الصالح لنو الطالح << اكيد راح اندم :d مشكوره على المرور |
اقتباس:
الله يسعدك ويجزاكي خير على هالكلمات الحلوه ياقلبي اسعدني مرورك الله يحفظك |
اقتباس:
الله يسعدك والله ماضحكت اليوم كثر ماضحكت من ردك ههههههههههههههههههه الله يسعدك اوكيه رايحه بكرا اغير لوكي واللبس وزي ماقلتي وتفائل ان شاءالله يكتب اللي فيه الخير ويخليلي اميمتي اسعدني مرورك حبيبتي |
الصبرمفتاح الفرج وكل شى بأمر رب العالمين
فلة والله ضحكتينى وان شاء الله يصير |
| الساعة الآن 03:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©