|
صدمة ذبحتني الدورة جت
السلام عليكم
بنات انا في حالة سيئة جدا .. الدورة نزلت بعد تأخر أسبوع ولأول مرة يصيرلي هالشي من قبل الدورة ب 3 أيام وانا عملت فحص منزلي وخلال ثواني طلع موجب وتأكدت بعد تأخرها وعملت أكثر من فحص كلها موجبة مو معقولة .. يوميا كنت أعمل فحص عشان أتأكدة ومو قادرة أقول لزوجي عشان أتأكد 100% جيت وكلي فرح وبشرتكم وشاركتوني فرحتي بكل طيبة وسويت أحلى مفاجأة لزوجي جمعتله كل الفحوصات اللي سويتها .,, وحطيتهم في بوكس ومعاها رسالة بأحلى وأصدق ما كتبت أناملي ,,, وزينتها بالورود المجففه والعطر الفواح عيون زوجي كانت كلها فرح .. وقابل مفاجأتي له بحضن طوييييييييييييييييييل وتنهيده فيه راحة مو طبيعيه وصاني زوجي ما أقول لأي احد من أهلي لحد ما يثبت الحمل ما قدرت قلتله بقول لأختي اللي ربتني .. بعدين قلتله مو قادره لازم أفرح صديقة عمري بالخبر بعد الغدا .. خذينا قيلوله .. كنا نسولف قبلها على السرير .. ونتكلم عن أحلامنا .. وايش رح يكون البيبي بنت و لا ولد ؟؟ يشبهه أو يشبهني ؟؟ زوجي نام ويده على بطني .. يقولي بمسك البيبي وانا نايم ورحنا في النوم صحيت على صوت زوجي .. حبيبتي قومي صلي العصر قمت وانا أقوله بطني يعورني حاسه الدورة نزلت وهو يضحك يقولي معقولة للحين وانتي مو متأكدة من حملك ...؟ الله يهديك بس لا تجيبي طاري الدورة دخلت على دورة المياه ركض .. المغص كان يقطعني ... بدون اي مقدمات و لا افرازات و لا اي شي .. دم مو طبيعي .. نزلت الدورة قلبي مجروح ومتألم خصوصا لما شفت عيون زوجي وهو مصدوووووووووووووم .. ومو قادر يتكلم يدخل يصلي يقفل على روحه الباب مادري يبكي و لا ايش ؟؟ مو راضي يقولي .. أدري انه اختبار من رب العالمين نفسيتي تعبت وما صرت أثق بالفحوصات المنزليه خلاااااص أكثر من 7 فحوصات كلها موجبة .. وريتهم أختي قالتلي ما في كلام انتي حامل .. الخط واضح مع اني كنت أشوفه خفيف .. بس هي من تجربتها قالتلي لاااا واضح خلاص دام فيه خط فيه حمل كيف يا ناس ؟؟ اشتريت نوعين واحد منهم clearblue والثاني ما أذكر اسمه كلهم عطوا ايجابي الله يعوضني ويعوض كل وحده مرت بمعاناتي الله يصبرنا ويرزقنا ملاحظة للي ما يعرفوني : اليوم كملت 6 شهور من زواجي .. والحمدلله ما عندنا موانع للحمل |
ياالله قطعتي قلبي والله
الله يعوضك خير اختي بس انتي تأكدي انك حامل بالاول وبعدين خبري الناس مايصير تخبري احد وتتعبي نفسيتك ونفسية من حولك الله يرزقك عاجلا غير اجل بالذريه الصالحه . طيب اختي 6 شهور قليل احسب انو سنين ماانجبتي ياشيخه وسعي صدرك واستمتعي مع زوجك وربي يرزقك قريب ان شاء الله بكره يجيك بيبي تقولي ليتني استانست شوي :22: |
معلش ربي يرزقك قريب ان شاء الله
إصبري إن الله مع الصابرين |
والله قهرتيني عليكي ....واللي قهرني اكثر ردة فعل زوجك ...كان لازم يطبطب عليكي ويهونها
بس ما علي لا تزعلي كل شي قسمه ونصيب ومقدر ومكتوب ....وهذا كله رزق من رب العالمين ويعدين يا عمري انتي لسه بدري علىالخوف والزعل ......اتونسي انتي وزوجك وسوي كل اللي بنفسك قبل ما يجي البيبي وتصيري ما تعرفين تطلعين بابا البيت الا وهو معاكي ومسؤلياته واغراضه خليها على الله وادعي وعيشي حياتك انتي وزوجك ولا تخلوها ببالكم علشان ما يكبر الموضوع وينكد عليكم الله يسعدكم ويفرحكم ويفرح كل محروم |
أشكركم لمواساتكم حبيباتي
اختي توتة انا كنت قوية و كنت أطبطب عليه لأنه هو مصدوووم ومتأثر أكثر مني .. وهو ما قصر .. وقاللي ادري انك مسوية قويه وانتي من داخلك تعبانه ... وحجز طيارة عشان نسافر الأربعاء ونغير جو .. وننسى ونرمي كل شي ورانا دعواتكم |
الله يصبركم ويرزقكم بالذرية الصااالحة
لكن مستقبلاااا خليهااا درس لك لاتعلمي احد حتى تتأكدي تمااااما لأنة الخط الخفيف عمررة ماكان دليل وااضح للحمل ولكن لو رحتي عملتي تحليل دم كاان بين معااااك واااضح لاتتسرعي بعدين حتى ماتااخذي صدمة اكبر انتي وزوجك واهللك وست شهوور للك متزوووجة فية نااس ماتحمل الابعد سنة او سنتين وهماا ماياخذون موااانع خليك متفااائلة ولا تنقهررري هذا امر الله وان شاء الله انة خيررة لك ولزوجك ياارب الله يرزقك بالذرية الصاالحة عاجلا غير اجلااا |
فلافل لاا تقوليها
يالله .. ايش الخبر هذا ... ولا يهمك حبيبتي ان شاء الله الشهر الجاي تفرحينا ... قرأت مرة انه نسبة كبيرة من الدورات الشهرية هي عبارة عن سقط .. بس لانه البيبي يكون ببداية التكون ما نحس فيها و نحسبها دورة عادية .. و يحصل السقط لانه البيبي يكون ضعيف .. الحمدلله رب العالمين المهم حبيبتي ارتاحي و اهتمي بغذائك و لساكم عرسان ان شاء الله ياربي عن قريب ترزقوا بالحمل الثابت و الذرية الصالحة |
لاحول ولا قوة إلا بالله العلي العظيم
انقهرت عليك يا فلفوله حبيبة قلبي لكن معليش الله يعوض عليك ويزرقك الذرية الصالحة قريبا باذن الله اتوقع انه كان في حمل ويمكن تحتاجي لمثبت ونزل من نفسه راجعي الطبيبه يا قلبي وطمنينا عنك |
اختي نزلت عليها الدورة وفكرت انها مو حامل ,, لكن فضولا راحت كشفت واكتشتف انها حامل ,
انتي على أي اساس أثبتي إنك حامل إذا ماكنتِ محللة دم ؟؟!!! تحليل الدم هو اللي يأكد 100% إنك حااااااامل ,, المفروض ما بلغتي زوجك إلا بتحليل الدم ,, ارجعي افحصي يمكن حامل وهذه فقط علامات انذار لضعف الحمل على كل حال يااختي انتو لسه عرسان والأيااااام لسه قدامكم .. انبسطوا بهالأيام والله ما رح تتكرر ,, بكرة بتصير مسؤوليات عليكم يعني كل ماتوفرت لكم فرصة سافري وانبسطي ,, اختي الآن بتغتنم كـــــــــــــــــــــل لحظة عشان تنبسط فيها رغم انها حامل وتتعب من الوحم بس تسافر وتروح وتجي لانه عارفة انه قداااامها مسؤوليات وتعب بيبي بيبكي ومحتاج أكل وشرب ونظافة واهتمام لا تحزني كله خير من ربي ,, والله يكتب لك الخير ,, ويطمن قلبك انتِ وزوجك |
يوه يافلافل ايش هالخبر المزعج
روحي للطبيه لاتتأخرين وتأكدي لايكون أجهاض مومعقول 7 تحاليل موجب وبعدين تجي الدوره وطمنينا |
| الساعة الآن 06:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©