صدمة ذبحتني الدورة جت
السلام عليكم
بنات انا في حالة سيئة جدا .. الدورة نزلت بعد تأخر أسبوع ولأول مرة يصيرلي هالشي
من قبل الدورة ب 3 أيام وانا عملت فحص منزلي وخلال ثواني طلع موجب
وتأكدت بعد تأخرها وعملت أكثر من فحص
كلها موجبة
مو معقولة ..
يوميا كنت أعمل فحص عشان أتأكدة ومو قادرة أقول لزوجي عشان أتأكد 100%
جيت وكلي فرح وبشرتكم وشاركتوني فرحتي بكل طيبة
وسويت أحلى مفاجأة لزوجي جمعتله كل الفحوصات اللي سويتها .,, وحطيتهم في بوكس
ومعاها رسالة بأحلى وأصدق ما كتبت أناملي ,,, وزينتها بالورود المجففه والعطر الفواح
عيون زوجي كانت كلها فرح .. وقابل مفاجأتي له بحضن طوييييييييييييييييييل وتنهيده فيه راحة مو طبيعيه
وصاني زوجي ما أقول لأي احد من أهلي لحد ما يثبت الحمل
ما قدرت قلتله بقول لأختي اللي ربتني .. بعدين قلتله مو قادره لازم أفرح صديقة عمري بالخبر
بعد الغدا .. خذينا قيلوله .. كنا نسولف قبلها على السرير .. ونتكلم عن أحلامنا .. وايش رح يكون البيبي
بنت و لا ولد ؟؟
يشبهه أو يشبهني ؟؟
زوجي نام ويده على بطني .. يقولي بمسك البيبي وانا نايم
ورحنا في النوم
صحيت على صوت زوجي .. حبيبتي قومي صلي العصر
قمت وانا أقوله بطني يعورني حاسه الدورة نزلت
وهو يضحك يقولي معقولة للحين وانتي مو متأكدة من حملك ...؟ الله يهديك بس
لا تجيبي طاري الدورة
دخلت على دورة المياه ركض .. المغص كان يقطعني ...
بدون اي مقدمات و لا افرازات و لا اي شي .. دم مو طبيعي ..
نزلت الدورة
قلبي مجروح ومتألم
خصوصا لما شفت عيون زوجي وهو مصدوووووووووووووم .. ومو قادر يتكلم
يدخل يصلي يقفل على روحه الباب
مادري يبكي و لا ايش ؟؟ مو راضي يقولي ..
أدري انه اختبار من رب العالمين
نفسيتي تعبت وما صرت أثق بالفحوصات المنزليه خلاااااص
أكثر من 7 فحوصات كلها موجبة .. وريتهم أختي قالتلي ما في كلام انتي حامل .. الخط واضح
مع اني كنت أشوفه خفيف .. بس هي من تجربتها قالتلي لاااا واضح خلاص دام فيه خط فيه حمل
كيف يا ناس ؟؟
اشتريت نوعين واحد منهم clearblue والثاني ما أذكر اسمه
كلهم عطوا ايجابي
الله يعوضني ويعوض كل وحده مرت بمعاناتي
الله يصبرنا ويرزقنا
ملاحظة للي ما يعرفوني : اليوم كملت 6 شهور من زواجي .. والحمدلله ما عندنا موانع للحمل
__________________
[IMG]http://im2.***********/2011-03-17/1300376250161.gif[/IMG]
طـريقك الشخصي الى الحمـل (1) (2)
التعديل الأخير تم بواسطة مُنتهـى ; 27-07-2009 الساعة 02:28 AM
27-07-2009, 02:24 AM
ضوابط المشاركة
العرض الشجري