|
مشكلتي مع أمـي
السلام عليكم ورحمة الله وبركاته
بقولكم مشكلتي بـ اختصار وياليت ماتحرموني من ارئكم لان والله مو عارفه اشكي لمين صح عندي صديقآت بس والله استحي اقول لصديقتي امي تدعي عليا ايش اسوي عمومن اللي بقولو لكم .. في الاول انا بنت وعمري 21 امممممممم انا امي والله كويسه في نظري واحبها مره وهيا في نظري احسن الامهات رغم كل شي يجيني منها بس انا ما ابغى اكسر صورتها في عيني في كل مره تسويلي شي يزعلني ويجرحني صح ابكي في وقتها وازعل بس بعدين اهدي نفسي بنفسي واطلع حجج لامي واطلع نفسي انا الغلطانه في كل مره بس عشان ما احسس نفسي انو امي من جد تفرق بيني وبين اختي ( والله العظيم عمرها ماجات سألتني ليه تبكي ؟ ليه متضايقه وينك ماشوفتك ؟ انتي تعبانه ؟ الكلام اللي اسمعو منها لاخواني عمري ماسمعتو ليا ., احيانن امرض وهيا ماتدري) ما اقول انو امي ماتحبني لاا ما اظن انو في ام ماتحب اولادها بس انا اللي بقولو هوا انو محبتي قليله مره في قلبها وللاسف انا مدري ليه وذا الشي واضح مره للكل حتى خالتي نبهتها ع الشي ذا كذا مره وابويا كمان كلمها ع الموضوع وقالها عيالي كولهم عينين في راس بس انا مالومها لانو المحبه مو بيد الانسان يمكن تحب اختي اكثر مني ويمكن انا شي بسيط عندها لازم اتعايش مع الوضع ذا لانو مهما كان ذي امي بس اللي متعبني اكثر شي انو امي تدعي علياا والله ما اذكر انهاا دعت لياا الا كم مره والباقي كلها دعاوي علياا وبسبب وبدون سبب لاعصبت تدعي عليا لاظلمتني في شي واعترضت تدعي عليا لاسوتلي شي وبكيت تدعي عليا والله احيانن نفس الشي يجي من اختي وماتلقى اي كلام او حتى اي تنبيه بهدوء بس لمن انا اسويه تقلب البيت كلو عليا برضو في ذا الشي اكذب ع نفسي واقول مو مشكله تحملي يابنت يمكن لانك الاكبر ماتبغاكي تغلطي ويمكن لانها اصغر مني ماتكلمها رغم ان اختي مو صغيره عمرها 17 بس لاني ابغى اهدي نفسي وما ابغى اشيل في خاطري شي على امي وكمان مثلن امي ماتحب تعتمد عليا في اي شي مره يعني اذا بيجونا ناس تكلم اختي انتي انتبهي لكذا وكذا وانا ما اقدر افرض نفسي وقتها لاني ما ابغى اختي تتضايق مني وتقول ذي غارت ( للاسف ذا تفكير اختي) وبعدين على اي شي تقوولي انتي اصلن مافيكي خيرر انتي وجودك زي عدمك ( طيب هيا ماطلبت مني شي وانا احاول ارضيها واسوي اشياء احيانن بدون ماتطلب مني بس ماتشوف الشي ذا مره ) اممممم كمان مثلن في اي طلعه تبغى تطلعها امي ماتحب تشيلني معاها ماتقولها بصريح العباره بس مثلن نجي خلاص طالعين كلنا سوا فجئه تقولي طيب انتي خليكي خلاص اخواتك يجو بدالك حتى لو كنا رايحين سوق تقولي خلاص اخواتك يروحو عنك وطبعن انا اخذ في خاطري بس ما ابين لها واقول اوكي اصلن انا كنت ما ابغى اروح.. واللي قهرني اخرر شي سار هوا اني اكتشفت انو امي تبغى تخرب نظرت اخواتي لياا يعني يصير شي او بيجيبو شي او اي حاجه تقولهم انتبهو اختكم لاتدري (تقصدني) ولاقالوها ليه تقولهم اي سبب من راسها انا عندي اخت صغيرره عمرها 11 سنه واخو عمرو 15 ذولا متعلقين فيا وهما دايمن لمن يسمعو شي زي كذا من امي يجو يقولولي ليه امي تقول كذا ؟ وربي اخجل منهم وقتها ولا اعرف ارد عليهم بس طبعن اختي اللي امي مميزتها مره عليا ماتجي تقولي ابدن وربي احترت وتعبت مره لدرجة اني سرت اسأل اللي حولي اخواني ابويا حتى الشغاله وربي سألتها اسألهم اقولهم انا ايش الغلط اللي فيني عشان القى الشي ذا من امي ؟؟ بس طبعن كولهم ماعندهم اجوبه وكولهم يقولو اصبرري مع اني على حسب كلام اللي حولي انا حلوه واخلاقي كويسه في نظر الكل الا امي على طول تحب تنقص مني وتقول انتي فيكي عيوب انتي اخلاقك زفت انتي ربي باليني فيكي ومن ذا الكلام واخرها دعوه دوبني سمعتها منها والله قفلت كل شي حوولي واسودت الدونيا في وجهي من بعد ماسمعتها تدعي عليا وتقول ( الله يقفل باب الرزق في وجهك ) في ام تدعي زي كذا على احد من اولادها او بناتها ؟؟ |
يالله !!
والله مادري ايش اقول بس ماحبيت اخرج بدون رد كل اللي اقدر اقوله الله يحنن قلبها عليك ويهديها ويصبرك على هذا الابتلاء وتكوني باااااااره فيها واحنا على ابواب رمضان ان شاء الله ربي يعيده على جميع المسلمين اعوام واعوام صلي كثيييييييير وادعي ربك يحنن قلبها عليك ويهديها وان شاء الله ربي مايخيب احد |
لا حول ولا قوة الا بالله ياحبيبة قلبى ربنا يعوضك بالزوج اللى يحن عليكى بجد مش عارفه اقللك ايه بس اكيد ده ميرضيش ربنا
ربنا يفرج كربك يارب |
وعليكم السلام
اولا انت كبيره بالغه راشده عمرك 21 سنه اين وصلتي بدراستك تعملي و باي مجال عملك ثانيا كل الكلام الذي ذكرتيه اذهبي لامك و اساليها لماذا تضيعين الوقت عليكي وعلليها بهذا الالم و الظن قبل رمضان صفي النفوس و اخبريها بكل ما تعانيه يمكن تكون تعمل هذا من غير ما تشعر واذا كانت تعمله بقصد افهمي منها الاسباب حتى تبداوا بدايه جديده ثالثا ما نفع الحال وما اقتنعتي بكلامها كلمي الوالد يكلمها رابعا اشغلي نفسك بلطاعه و العمل ا |
الله يحنن قلبها عليك بس يا حبيتي انت اذا الشي ما عجبك ارفضي لا تخلي كل رايك لامك متل بدك تروح على السوق قولي بدك تروحي مش خلص بتحكيلك لا بتحكيلها اصلا انا ما كنت ابغا اروح غلط ... خلي ايلك شخصيه ولما تدعي عليك قليلها الله يسامحك ليش بتدعي على بنتك انا بنتك من لحمك ودمك شو عملتلك طبعا بهدوء وعقلانيه براي واجهيها والا راح تبقى تعاملك طول حياتك هيك حتى لو اتزوجتي وصار عندك اولاد عندي بنت عمي اقسم بالله كانت تدرس على الخزانه خوف من امها لانها من البدايه ما كان الها شخصيه خليك قويه وتصرفي صح مع امك واهلك كلهم انا مش قصدي ابدا انك تعنيهم لا انما واجهي الامور ودومي على القران والاسغفار والله يحفظك ويخليلك اهلك وامك يارب |
حبيبتي سيما مافي ام تكره عيالها بس في واحد يعرف مفاتيح امه والثاني لا
انا ام لبنت بعمرك وانا امووت فيها ومدلعتها وهي حاقرتني وتكرهني انا من راي كام انك تجلسين مع امك جلسة مصالحه وحبيها دلعيها ترانا يالامهات مثل الاطفال اذا انتم ياعيالنا تبون مننا الحنان حنا بعد نبي منكم الحنان والعطف تعالي عندها قبلي راسها دلعيها مثل ماشاء الله ايش هالجمال يامي انتى نور البيت انا اموت فيكي انا فخوره انك امي من هالكلمات وشوفي مفعولها السحري ولاتخلين بينكم حساسيه وحواجز اذا دعت عليك بنفس الوقت ردي بدعابه ... اهون عليك يامي الحبيبه وربي تتفشل وتدعيلك بالخير حبيبتي هي العلاقه بين الام وعيالها محتاجه شفره لو فكتيها تصير الامور تمام ولاجابو اخوانك الصغار كلام عنها لاتسمعين منهم هذا خطا روحي وواجهيهم ممكن يفتنون بينكم ترى الاطفال هذي شغلتهم الفتنه نهاية كلامي عبري عن حب امك احظنيها قبليها داعبيها مازحيها وربي راح يكسر الحاجز الي بينكم ولايكون هناك حساسيه مصارحه بينكم هي الاساس |
الله يحنن امك عليك
الزمي الصمت وحاولي ان ابوك يقنعها انك كويسه وان شاء الله ربي يرزقك ببن الحال اللي يعوضك |
والله كلنا مثلك
بس هشتكى لمين ؟ مهما كان دى أمى . عسى يكون خير و الله يعوضنى بزوجى |
صارحيها وشوفي شو السبب حاولي تعملي اي شي يرضيها وادعي اكثري من الدعاء وقيام الليل وان شاء الله ربي يحنن قلب امك عليك يارب
|
الله يعين ويصبرك
عندي اختي تغار من اولادها عندها ولدان واحد 24والثاني 8 سنوات ووقت تشتري شي لهم لازم تجيب شي لنفسها قبلهم وخالتي هيك امي لا في ناس تغير من بناتها مثلا تكون البنت اجمل والله مش عارفه شو اقول حاولي تغيري طريقتك معها |
| الساعة الآن 03:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©