السلام عليكم ورحمة الله وبركاته
بقولكم مشكلتي بـ اختصار وياليت ماتحرموني من ارئكم
لان والله مو عارفه اشكي لمين صح عندي صديقآت بس والله استحي اقول لصديقتي امي تدعي عليا ايش اسوي
عمومن اللي بقولو لكم ..
في الاول انا بنت وعمري 21
امممممممم
انا امي والله كويسه في نظري واحبها مره وهيا في نظري احسن الامهات رغم كل شي يجيني منها بس انا ما ابغى اكسر صورتها في عيني في كل مره تسويلي شي يزعلني ويجرحني صح ابكي في وقتها وازعل بس بعدين اهدي نفسي بنفسي واطلع حجج لامي واطلع نفسي انا الغلطانه في كل مره بس عشان ما احسس نفسي انو امي من جد تفرق بيني وبين اختي ( والله العظيم عمرها ماجات سألتني ليه تبكي ؟ ليه متضايقه وينك ماشوفتك ؟ انتي تعبانه ؟ الكلام اللي اسمعو منها لاخواني عمري ماسمعتو ليا ., احيانن امرض وهيا ماتدري)
ما اقول انو امي ماتحبني لاا ما اظن انو في ام ماتحب اولادها بس انا اللي بقولو هوا انو محبتي قليله مره في قلبها وللاسف انا مدري ليه وذا الشي واضح مره للكل حتى خالتي نبهتها ع الشي ذا كذا مره وابويا كمان كلمها ع الموضوع وقالها عيالي كولهم عينين في راس بس انا مالومها لانو المحبه مو بيد الانسان يمكن تحب اختي اكثر مني ويمكن انا شي بسيط عندها لازم اتعايش مع الوضع ذا لانو مهما كان ذي امي
بس اللي متعبني اكثر شي انو امي تدعي علياا
والله ما اذكر انهاا دعت لياا الا كم مره والباقي كلها دعاوي علياا وبسبب وبدون سبب لاعصبت تدعي عليا لاظلمتني في شي واعترضت تدعي عليا لاسوتلي شي وبكيت تدعي عليا
والله احيانن نفس الشي يجي من اختي وماتلقى اي كلام او حتى اي تنبيه بهدوء
بس لمن انا اسويه تقلب البيت كلو عليا
برضو في ذا الشي اكذب ع نفسي واقول مو مشكله تحملي يابنت يمكن لانك الاكبر ماتبغاكي تغلطي ويمكن لانها اصغر مني ماتكلمها رغم ان اختي مو صغيره عمرها 17 بس لاني ابغى اهدي نفسي وما ابغى اشيل في خاطري شي على امي
وكمان مثلن امي ماتحب تعتمد عليا في اي شي مره يعني اذا بيجونا ناس تكلم اختي انتي انتبهي لكذا وكذا وانا ما اقدر افرض نفسي وقتها لاني ما ابغى اختي تتضايق مني وتقول ذي غارت ( للاسف ذا تفكير اختي)
وبعدين على اي شي تقوولي انتي اصلن مافيكي خيرر انتي وجودك زي عدمك ( طيب هيا ماطلبت مني شي وانا احاول ارضيها واسوي اشياء احيانن بدون ماتطلب مني بس ماتشوف الشي ذا مره )
اممممم كمان مثلن في اي طلعه تبغى تطلعها امي ماتحب تشيلني معاها ماتقولها بصريح العباره
بس مثلن نجي خلاص طالعين كلنا سوا فجئه تقولي طيب انتي خليكي خلاص اخواتك يجو بدالك حتى لو كنا رايحين سوق تقولي خلاص اخواتك يروحو عنك وطبعن انا اخذ في خاطري بس ما ابين لها واقول اوكي اصلن انا كنت ما ابغى اروح..
واللي قهرني اخرر شي سار هوا اني اكتشفت انو امي تبغى تخرب نظرت اخواتي لياا
يعني يصير شي او بيجيبو شي او اي حاجه تقولهم انتبهو اختكم لاتدري (تقصدني) ولاقالوها ليه تقولهم اي سبب من راسها انا عندي اخت صغيرره عمرها 11 سنه واخو عمرو 15 ذولا متعلقين فيا وهما دايمن لمن يسمعو شي زي كذا من امي يجو يقولولي ليه امي تقول كذا ؟ وربي اخجل منهم وقتها ولا اعرف ارد عليهم بس طبعن اختي اللي امي مميزتها مره عليا ماتجي تقولي ابدن
وربي احترت وتعبت مره لدرجة اني سرت اسأل اللي حولي اخواني ابويا حتى الشغاله وربي سألتها اسألهم اقولهم انا ايش الغلط اللي فيني عشان القى الشي ذا من امي ؟؟
بس طبعن كولهم ماعندهم اجوبه وكولهم يقولو اصبرري
مع اني على حسب كلام اللي حولي انا حلوه واخلاقي كويسه في نظر الكل الا امي على طول تحب تنقص مني وتقول انتي فيكي عيوب انتي اخلاقك زفت انتي ربي باليني فيكي ومن ذا الكلام
واخرها دعوه دوبني سمعتها منها والله قفلت كل شي حوولي واسودت الدونيا في وجهي من بعد ماسمعتها تدعي عليا وتقول ( الله يقفل باب الرزق في وجهك ) في ام تدعي زي كذا على احد من اولادها او بناتها ؟؟
17-08-2009, 12:05 AM
مشكلتي مع أمـي
ضوابط المشاركة
العرض العادي
