|
الدخول عند النساء في العرس....ما الحل؟
السلام عليكم اخواني
أمس حصلت مشادة كلامية بيني وبين أبي في قضية دخولي على النساء في العرس أنا رافض الفكرة لأني غير مرتاح أبدا للدخول لكن والدي أخذ القضية من جانب أحادي وقال إنت متشدد ومتعصب وبتفشلنا يا فلان وقام من مكانه زعلان وهو من طبيعته يحب تطبق اللي يبغاه حتى لو إنك غير مرتاح للي يبيه طبعا احنا عادتنا في العرس يجلس العريس مع الرجال والعروس مع النساء وبعد تناول طعام العشاء بفترة بدخل العريس عند عروسته أمام النساء وتكون النساء متغطيات طبعا في أشياء أخرى تصير مدري وشهي لكن عموما أنا غير مرتاح إني أدخل عندهم ويصيرون الحريم يشوفوني وأنا واقف مع زوجتي مو حرج إني أوقف مع زوجتي لكن نظرة كل هالحريم لك أحس إني غير مرتاح لها وفي نفس الوقت أخاف هالشي يسبب أزمة مع أهلي ومشاكل مع أمي وأبي وعلى قولتهم خايفين من الفشيلة (والله ما أدري وش الفشيلة اللي بتصير) وأنا صراحة بحثت في فتاوى مشايخ وكثير منهم حذر من الدخول تكفون أبغى حل جزاكم الله خير أرجوكم ما أبغى أحد يتهمني بالتشدد والتعصب لأن هالكلمات ما أحبها إذا أحد ما أعجبته فكرة لا يتهم صاحبها بهالألفاظ لأن في النهاية كل واحد له وجهة نظر أبغى كلام مقنع وواقعي وبيني وبينكم من كثر ما كنت أفكر في النقاش الللي صار مع والدي تعبت وعب راسي إلى درجة إني فكرت أترك إذا أولها مشاكل الله يقطع هالعادات الزفت اللي دخلوها علينا (اعذروني على اللفظ لأني من جد مقهور) |
والله ياخوي هالامور ماشوف فيها نوع من التشدد عادي اعتبرها حريه شخصيه
يعني ماهي محتاجه كل هالمشاكل عندي لك حل قبل العرس بيومين ثلاثه لف رجلك بشي يعني مجروحه ولا فيها كدمه وجلس اعرج قدام اهلك وخاصه قدام الوالد (( بيصير عندك عذر )) واذا خلص العرس قلهم طبت هههه الله يسر امرك |
تصحيح
اقتباس:
|
اقتباس:
اقتباس:
جزاك الله خير أختي أشكرك على تفهمك لأني شخصيا أتعب أفهم الناس في مسألة الحرية الشخصية أما قضية ألف رجلي فللأسف احنا ما تنطلي عليهم مثل هذي الأمور بيقولون لك نأجل العرس إلين تطيب وأنا من طبيعتي ما أحب أخدع أحد |
اقتباس:
|
أهلا أخوي آسف اعذرني
بالنسبة للحيلة والله يا خي ما أقدر وأنا أخاف يكتب علي ذنب بسببها أما أهل العروس فهم اللي طلبوا أساسا إني أدخل مشكور أخوي على مساعدتك والله يحفظك |
طبعا أعتقد أنك من السعودية وعندنا في السعودية في بعض العوائل يدخل الرجل وزوجته في غرفة في العرس ويكون موجود الكثير من النساء الأجانب-يعني غير محارم للزوج- ولكنهن يكن متغطيات ويبحلقون في المعرس والعروس من ورى الطرحة :) . هذه المعلومة لكي لا يظن أحد من البلدان والثقافات الأخرى أن المقصود هو الدخول على النساء وهن كاشفات
الصراحة ما ألومك وخصوصا إنهم أكثرهم ما يطلعون متسترات بل يلبسون شيلة خفيفة جدا والله المستعان وإن صار الواحد أحلى من زوجته قالو شوفو هالقبيحة رزقها ربي بهالزوج وإن صارت أحلى منه قالو العكس ويمكن تصيب الواحد منهم عين وأظن هذا شيء وارد لكن بأنبهك لأمر مهم جدا وخصوصا إنه يظهر من كلامك إن عندك توجه طيب وإن سبب رفضك لهذا الموضوع هو سبب ديني اسمح لي أنبهك على الأولويات يعني مثلا معروف إن قيام الليل سنة وصلاة الفجر واجب فما يصح الواحد يقوم الليل وإذا قربت صلاة الفجر نام عنها! فالحل في نظري إنك تقرر في نفسك الآن أن تسأل شيخ تثق بعلمه وحكمته ومهمة الحكمة لأن الأمر فيه تعامل مع والديك فإذا كان الموضوع فيه سعة يعني موب حرام إنك تدخل مع زوجتك عند النساء -ويكونون متغطين النساء- فقد يقول لك الشيخ يجب عليك أن تطيع أباك وحينها اضغط على نفسك وأطع أباك وأرضه وأنت مقبل على مرحلة جديدة وزوجة جديدة وحياة جديدة وأكيد تبغى التوفيق من رب العالمين والبركة وبأعلمك شيء إذا بريت والدينك وأرضيتهم لو بحسن الكلام إن شاء الله بتحصل كل هذا وإن أغضبتهم وعقيتهم فانتبه حتى لو كنت صوام قوام أما إذا قال لك الشيخ بأنه لا يجوز دخولك وأنه لا يجوز لك أن تسمع هذا الرأي من أبيك فهنا لا طاعة لمخلوق في معصية الخالق ولكن ولكن ولكننننننننن تتعامل مع أبوك بلطف وتداري خاطره وتحاول وتجاهد أن تجد أنسب السبل ليقتنع ويرضى وتحتاج إلى وصية حكيم في ذلك فاسئل من تثق بحكمته وارجع وقبل رأس أبيك وأرضه كما أغضبته وبارك الله لك وبارك عليك وجمع بينكما في خير وعقبال الفرح القريب إن شاء الله زي كذا ---:14: :) |
وعليكم السلام أول شيء الله يبارك لك ويتمم لك على خـيـر ويرزقـك الذرية الصالحـة صراحـة استغرب غضب والدك ونعتك بالتعصب والتشدد وتمسكهم بعادات وتقاليد ما تدري وش تبي.... لأن مثل هالأمور يشددون عليها الحـريـم اكثر من الرجـال،،،، فـمـال لك إلا أن تعـيـد النقـاش معـه وممكن تتفاهم أنت وخطيـبتك وتقترح عليها تكون زفتها لوحدها بدونـك ,,,, لعـل بـتـوافـق رغبتـكـم معـا تجعل والدك يقتنع وما يـقـول شيء.... ومبروووووووووووك اخوي الفقييير والله يقصر طرفها وقلبها عليك ويقصر طرفك وقلبك عليها عزوبي:21: بس:d رجل:30: |
اقتباس:
اقتباس:
الله يبارك فيك أخوي ويرفع من قدرك كلامك جميل جدا:) أسأل ربي لك التوفيق في الدنيا والآخرة وأنا بالفعل تغيب عني هذه النقطة كثيرا وبيني وبينك أنا أسلوبي مع غضب أبوي وأمي جدا جاف وارضائهم بالنسبة لي صعب لأنهم من النوع اللي يا تسوي يا أزعل وأعصب عليك وأظن فيك أشياء ما تحبها وهذي مشكلتي إذا قال الشيخ ما يجوز أخاف ما أتحمل كلام أبوي وأثور وأنفعل وأن انسان حساس وانفعالي وتعبت من علاج نفسي وأبوي من النوع اللي ما يهتم لكلام العلماء وإذا أفتوا بحرمة شي هو ما تعود على حرمته يقول هم متشددين حتى لو كان جمهور العلماء الله يعين لكن أخوي كلامك حلو وبحاول أطبقه جزاك ربي الجنة |
الله يوفقك ابحث عن فتوى عن تحريم هذا الفعل وسوف تجدها ان شاء الله واعرضها على والديك وقل لهما كيف ابدأ حياتي بمحرم
|
| الساعة الآن 10:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©