الدخول عند النساء في العرس....ما الحل؟
السلام عليكم اخواني
أمس حصلت مشادة كلامية بيني وبين أبي في قضية دخولي على النساء في العرس
أنا رافض الفكرة لأني غير مرتاح أبدا للدخول
لكن والدي أخذ القضية من جانب أحادي وقال إنت متشدد ومتعصب وبتفشلنا يا فلان وقام من مكانه زعلان
وهو من طبيعته يحب تطبق اللي يبغاه حتى لو إنك غير مرتاح للي يبيه
طبعا احنا عادتنا في العرس يجلس العريس مع الرجال والعروس مع النساء
وبعد تناول طعام العشاء بفترة بدخل العريس عند عروسته أمام النساء وتكون النساء متغطيات
طبعا في أشياء أخرى تصير مدري وشهي
لكن عموما أنا غير مرتاح إني أدخل عندهم ويصيرون الحريم يشوفوني وأنا واقف مع زوجتي
مو حرج إني أوقف مع زوجتي
لكن نظرة كل هالحريم لك أحس إني غير مرتاح لها
وفي نفس الوقت أخاف هالشي يسبب أزمة مع أهلي ومشاكل مع أمي وأبي وعلى قولتهم خايفين من الفشيلة (والله ما أدري وش الفشيلة اللي بتصير)
وأنا صراحة بحثت في فتاوى مشايخ وكثير منهم حذر من الدخول
تكفون أبغى حل جزاكم الله خير
أرجوكم ما أبغى أحد يتهمني بالتشدد والتعصب لأن هالكلمات ما أحبها
إذا أحد ما أعجبته فكرة لا يتهم صاحبها بهالألفاظ لأن في النهاية كل واحد له وجهة نظر
أبغى كلام مقنع وواقعي
وبيني وبينكم من كثر ما كنت أفكر في النقاش الللي صار مع والدي تعبت وعب راسي إلى درجة إني فكرت أترك إذا أولها مشاكل
الله يقطع هالعادات الزفت اللي دخلوها علينا (اعذروني على اللفظ لأني من جد مقهور)
__________________
اللهم اغفر لي ولجميع المسلمين
وأسعدني وأسعد جميع المسلمين في الدنيا والآخرة
يا رب يا كريم
يا أرحم بي من أمي وأبي
التعديل الأخير تم بواسطة الفقييير ; 24-10-2009 الساعة 10:26 AM
24-10-2009, 10:16 AM
ضوابط المشاركة
العرض الشجري