|
أبكي بلا سبب و ماريا جابتها عالجرح
السلام عليكم و رحمة الله و بركاته
أخواتي الفاضلات و أخواني الفضلاء .. تعودت إني أحل مشاكل اللي حولي و أسمع لهم و أكون إيجابية في حياتي .. لكن "باب النجار مخلوع " .. للأسف .. :21: +++++++++++++++++++++++++++ من أسبوع زادت حالتي النفسية سوءً .. ما أعرف إيش السبب ؟ و دايما تصيبني من يوم جيت هنا .. و ماني حاسة بطعم نعم الله علي .. ماني حاسة بلذة أي شئ حولي ،، كارهة نفسي و كل شئ .. و أنظر للمستقبل بمنظار أسود ..؟؟؟ أسأل نفسي ؟ إيش السبب .. :rolleyes: ما كنت كذا .. و أخدت ورقة و قلم أبغى أحلل حالتي .. أبغى أرتب حياتي .. أبغى أفهم السبب ؟؟؟؟ ماعرفت إيش أكتب ؟؟؟ بديت أشخمط على الورقة و أحس إنه مشاعري مختلطة .. أفكار يمين و شمال .. أبغى زوجي جنبي .. و ما أبغاه جنبي .. أبغاه يكون قريب مني ، لإني حاسة بحاجتي له .. و أبغاه يكون بعيد ، لإني ما أحب أنكد على غيري .. أكره نفسي يوم أشعر بالحزن .. و أبتعد عن ماحولي .. أمي تعبت مني من كثر ما تصل عليها و أبكي .. أقول لها طفشانة و تعبانة .. أخواتي و أخواني تعبوا مني .. من كثر ماأبكي .. و ماني عارفة السبب ؟؟؟؟؟ صايرة عصبية ، حساسة من كل شئ ، ما أتحمل شئ ، مهملة و الوقت يضيع من غير ما أنجز شئ ؟؟؟ ما كانت دموعي تنزل أبدا قدام أحد غير أبوي الله يرحمه .. ثم زوجي .. دخلت هنا كم مرة و دخلت مواضيع .. و ماني عارفة أحدد المشكلة فين ؟؟؟؟ أعرف نفسي .. ما عمري كنت كذا و لا هذا طبعي .. +++++++++++++++++++++++++++ في الأخير .. دخلت قسم المغتربين .. قلت أكييييييد بألقى أحد حاس بنفس معاناتي ؟ أو ممكن يشخص حالتي .. و قريت رد الأخت ماريا .. كل نقطة قالتها صحيحة و تنطبق علي بالضبطططططططط .. ما كنت عارفة إنه هذا هو السبب .. بالإضافة إلى إنه علي تسليم مشاريع و نهائيات الترم الأول .. و بدينا الترم التاني الفرق .. إني بأدرس و لو كنت فاضية كنت قدرت أخد إجازة لدماغي .. أهيئ جو أسري لعايلتي .. ماني قادرة أكيف حالي .. ماني قادرة أرتب أولوياتي .. متلخبطة و مشاعر سلبية ، و عمري ما كنت سلبية كذا .. حتى تمسكي بالدين مو مثل قبل .. خايفة السبحة تنفرط في يوم لا سمح الله .. كل شوي أهون على نفسي .. و أقول بقي شوي و ارتاح .. المشكلة إنه لحد ما تعدي الفترة هذه .. أخاف أكون خسرت أشياء كثيرة ما تتعوض .. و أخاف أكره اللي حولي فيا و أبعدهم عني ..؟؟؟؟؟ كنت أهون على غيري و بالي طويل من قبل لا أتزوج و لا أبكي أبدا .. بس ألحين من أي شئ أحس بيجيني تلف بالأعصاب ..!!!!؟ هل الدراسة هي السبب ؟ و لا الغربة ... إلخ طيب كيف أتحكم و أسيطر على الوضع .. و أنا ما ألقى وقت بسيط لنفسي !!!؟ +++++++++++++++++++++++++++ و هذه النقاط اللي اختصرتها الغالية ماريا .. و يوم قريتها ،، بجد حسيت قلبي وجعني .. اقتباس:
اقتباس:
|
ياما بكينا وما زلنا نبكي فرقااهم الغوالي
اهلنا واحبابنا وجيرانا لو كان الدمع يجيبو كنت ابكي العمر عليهم امي وابي دايما اخاف لا سمح الله يصير فيهم شي وانا بعيده |
روح حيااتي انا تركت الجامعه عشاان عيااالي
لاني حملت ببنتي هما اهم من الدرااسه اشوف بيتي عيالي وزوجي والدرااسه لاحقه عليهاااا انتبهي هذي انا:)لاتفهمي غلط بس انتي واالله صعب عليكي درااسه وعربه وزوج وطفل!!!!!!!!!!! الله يعينك ياارب ويفرج همك ياقلبي ارسلي الولد عند امك والله انا لو بيدي ارسلهم الاثنين:) والشغاااله مشيتيهااا؟ قلتلك من زمااان جيبي ولدك عندي ترااني بأجور رووووووود:) |
اذكرى الله وحاولى انك ماتفكرى كتير اشغلى نفسك كلمى اهلك وانتى مبسوطه حرام تكلمى امك وتبكي وانتى بعيده والله هيا راح تتعب اكتر وتشيل همك وان شاء الله فتره وتعدي وترجعي بلدك
|
روح الطير .. و الله بكيتوني معكن انيت و ماريا ع كل هي حالات الاكتئاب بتجي علينا كلنا ، من صغيرنا لكبيرنا ، حتى الي الناس مفكرته مرتاح و مبسوط و ما وراه شي من الهموم بتجيه هيك حالات .. أنا كتير حاسة بشعورك حالياً ، لأني طالعة من امتحانات تخرج من أصعب ما يكون ! كان عندي امتحانات صعبة كتير بشهر 11 ، كنت قبلها ب 8 شهور عم حضرلها و طبعا عشت حالات اكتئاب فظيعة و زوجي و الحمدلله صبر علي كتييير لكن الحمدلله ما آخر الكرب الا الفرج بإذن الله و لو خلصتي من هم الدراسة بيجيكي هموم أخرى هيه الحياة كلها منغصات و الا ما جعلت الحياة الدنيا و ما رح تحسي بحلاوة الحلو الا لما تدوقي المر استعيني بالدعاء و توكلي على الله ما النا غيره سبحانه الحمدلله على نعمة الإيمان و الإسلام |
تفائلي يا حلوة كلها أيام وتعدي إن شاء الله
يمكن بسبب المشاكل بين شغالتك؟ فين وصلت معها؟ أنت ضروفك صعبة شوية دراسة و زوج وطفل الله يعييييينك لما تتصلين بأمك لا تبكي قدامها لانها راح تتعب أكتر الله يفرج همك يا أختي أحبك في الله |
اقتباس:
و الله يعينك على ما ابتلاك .. تدري ؟ لو الغربة هذه إني أعيش هنا و استقر ، فمعليه ممكن أأقلم حالي .. لكن فترة محدودة .. يا أنجح و أوصل للهدف .. و لا أفشل لا سمح الله و مافيش أي فرصة تانية .. صبرت و تعبت من كم سنة ،، و بقي القليل .. المشكلة أحس إنه طاقتي انتهت و صاير بالسالب ،، و أعصابي ماصرت أمسكها و أتحكم فيها .. علشان كذا بعدت حالي عن المنتدى :d ما أبغى أغلط على أحد .. لإني ما أحب أزعل أحد مني .. ( فين فتوشي اختفت ؟؟ افتكرها كانت تقول لي .. افصلي الفيش هههههه يسعدها يارب ) |
اقتباس:
( عاد أحب اسمك ،، لإنه أبوي يقول كان بيسميني به ) ما أقدر أترك أي شئ بعد ما مشيت المشوار الطويل هذا .. و لا أنا من جد تعبت خلاص .. و زوجي استقال من وظيفته علشان نجي هنا .. و مشكلة من المشاكل اللي أعاني منها .. إني أحاول دايما أوازن ما بين دراستي و بيتي و كل شئ .. لإنه برضو بيتي و زوجي و ولدي أهم شئ .. و الشئ هذا بيزيد من توتري و قلقي .. أحس أروح الجامعة و قلبي على بيتي .. و الشغالة تسرح و تمرح فيه .. أطلع الصبح من البيت ،، و أنا قلبي على ولدي .. ماني مرتاحة نفسيا ،، كل شئ أتحمله غصب و أقول هانت .. فترة و كل شئ ينتهي إن شاء الله ..!!!؟ بس المشكلة إني بأخسر اللي حولي ..؟؟؟؟ فأقوم أعزل حالي علشان لا أزعل أحد مني .. و الشئ هذا يصيبني بالإكتئاب .. و ماقدر أرسل ولدي ،، هو الوحيد اللي يهون علي ألم الغربة .. ضحكة منه تنسيني كل شئ .. مع إني صايرة الفترة هذه ما أتحمل أشوفه و ظالمته معايا .. علشان كذا تعبانة نفسيا .. أبغى أجلس معاه ، أعطيه حقوقه .. ألعبه ، أطلعه .. بس ماقدر ؟ ماني ملحقة .. خاصة هذه الشهرين عندي تسليم بعد بكرة و بعده و الأسبوع الجاي .. و عندي موعد مع مدرسة ولدي علشان تسجيله و عندنا موعد مع الهوم أوفيس في مدينة تانية بالقطار نروح لها علشان تجديد الفيزا .. و غير مشاكل الشغالة في كفة تانية .. ( ما سفرتها لسى .. لازم تجديد لجواز سفرها و حكاية طويلة ) .. و لو إني عندك .. بأرسل لك الشغالة :d ما أبغاها خلاص .. و توبة أجيب شغالة .. إيه زميلتي عندكم .. بأزورك إذا نزلت لندن :28: |
اقتباس:
ما أمسك حالي يوم أكلم أمي .. أحس البكاء خانقني .. مو دايما أبين لها .. مرة أو مرتين في الشهر .. كل مرة أقول توبة ،، بس لا شعوريا أمسك التلفون و أدق .. أحس أرتاح يوم أكلم أمي ، بس المشكلة هي بتتعب و هي مو ناقصها ؟؟؟؟؟ أبغى طريقة تمنعني إني أدق عليها إذا تضايقت .. صرت أدق على أختي الكبيرة و أتكلم معها علشان ما أتعب أمي ،، المشكلة أختي بتقول لأمي بعد كم يوم ..؟؟؟؟ مخنوقة ..؟؟؟ - جيراني كلهم انجليز و متقاعدين و ما أشوفهم و لا يشوفوني .. - أخرج شوي للسوق .. أحس بالغربة و بكتمة ؟؟؟؟ - اللي يدرسوا معاي كلهم انجليز و ما أشوف أي مخلوق عربي ؟ - شغالتي ما تصدق أعطيها مجال تتكلم ، و تجلس تعبي راسي و يكفي اللي صار منها .. - زوجي ما يتكلم أبدا و يرجع من جامعته و ينام لحد الليل و في الليل يصحى و أنا أنام .. و يوم أتكلم معه ، أتحدى لو بيسمعني .. بس ( طيب ، طيب ) يهز راسه .. مثل أغلب الرجال.. - أمي تسمع لي و تهون علي و تخاصمني مرات .. بس المشكلة إنها ( تتعب ) .. و أنا ما أبغى أتعبها أكثر ،، علشان كذا جيت هنا علشان أصلح النقاط اللي أفسدتها على نفسي ؟؟ ما أبغى أشتكي و أبغى أرجع مثل قبل ،، و يوم أنزل السعودية فترة الإجازة أحس كل شئ يرجع طبيعي ؟؟؟ طيب كيف الواحد يسيطر على نفسه مع ضغط الغربة و الإختبارات ؟؟؟؟ لو ما عندي دراسة كنت قدرت أفكر .. بس أحس الميموري تبع مخي اتعبى مرررررة .. و مافيش مساحة إني أخزن فيها أي شئ ؟؟؟؟؟ |
اقتباس:
بس نحن اللي نسيطر عليها و ما نسمح لها أبدا تتحكم فينا .. و هذا مبدأي دايما ،، حتى كانوا زميلاتي قبل لا أجي هنا ، يقولولي ليه مبتسمة دايما ؟؟؟؟ شكله ما عندك هموم أبدا في حياتك ؟؟؟؟ ما عمرنا شفناك حزينة و لا زعلانة ؟؟؟؟؟ ألحين صرت - استغفر الله - عبوس قمطريرا ؟؟؟؟؟ ما أتحمل شئ ؟ أعصابي على أقل شئ ممكن تنفلت ،، ما أبغى أشوف مخلوق ؟؟؟ استغفر الله ،، أمس تجيني فكرة في راسي .. و الحمد لله إننا مسلمين .. ( ليه ما تموتي حالك و تريحي الناس منك و من الإكتئاب اللي صايبك ؟؟؟؟ ) و كلامك حلو و يريح الواحد .. و الدراسة معروف ضغطها بس كلها كم شهر و تنتهي إن شاء الله .. و كل المصايب تهون بعدها بإذن الله .. |
| الساعة الآن 04:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©