|
خطيبتي وطريقة التعامل معاها ؟
السلام عليكم ورحمة الله وبركاته
بنات ابغا رايكم في التعامل مع خطيبتي عمرها 16 سنة طبعا اتفقنا مع اهلها ان الزواج يكون بعد سنتين هل العمر مناسب في رايكم ؟ البنت عقلها اكبر من عمرها وبحكم ان ابوها وامها مطلقين اتعلمت الطبخ وشغل البيت وماشاءالله من هيا صغيرة اتحملت مسؤولية بس الى الان مافي مكالمات بيننا ... ايش رايكم اعطيها رقم جوالي ونبدا نتكلم ونتعارف اكتر ؟ هيا تقربلي من بعييييد واهلها يعرفوا اهلي مدري في دا السن كيف يكون تفكير البنت بايش تفكر وايش اكتر شي يهمها اعطوووني ارائكم ؟ وهل مدة سنتين كاافية ولا اقصرها انا قلت عشان البنت تكمل الثانوية وماتنشغل وكمان انا اكون جمعت شويتين بحكم اني توي متخرج سؤال اخير للمجربين خطيبتي مو سعودية وانا سعودي هل تاخد الجنسية لو اتزوجنا ؟ امها سعودية بس ابوها لا انتظر ردودكم وجزاكم الله خير |
يا أخي حالتي مثل حالتك بالضبط بالضبط.
أنت أخطر لأن أهلها مطلقين فقد تكون البنت بشدة أمها. أمانة أن تقرأ هذا قبل كل شئ و أنا متأكد ستستفيد. ولكن أقلب الصفحات فهناك كلام أكثر أخي. http://www.66n.com/forums/showthread.php?t=203118 |
اخوي شاكر لك ردك وانا ماعرضت مشكلة وابغا حل !!
انا ماكلمتها الى الان ياريت تقرا الموضوع جيدا قبل الرد وشكرا |
اقتباس:
أخي خطيبتي بعمر خطيبتك. اقرأ و شوف تفكير هذا الجيل كيف. لا انوي إلا نصحك |
ياخي تختلف الاطباع من بنت لاخرى يعني كل الي بعمر 16 ساروا زي خطيبتك مع احترامي لك ولها ؟؟
وايش قصدك ببنات دا الجيل ؟؟ في الطيبين منهم وفي الطالحين فرجاء ماتعمم ولو تلاحظ اني طلبت راي البنات لانهم الادرى بدي المواضيع : ) وشكرا لك |
اقتباس:
وعليكم السلام ورحمة الله بالنسبة لأخذ الجنسية لخطيبتك لازم تتأكد أنها بيعطونها الجنسية وتعرف الإجراءات والشروط جيداً حتى ما تقع بمشاكل وتواجه عوائق ومبارك مقدماً عزوبي:22: بس:d رجل:30: |
اخوي الافضل انو تخلي الزواج بعد سنتن لانو تكون هي نضجت في هالحاله
يعني يصير عمرها 18 مررررررررره كويس وقبل الزواج بكم شهر اربع شهور او سته شهور ابداء كلمها اريح لك واريح لها في كل الحالات اما التفكير مادري وش تبي تعرف باالضبط ......... |
عزوبي فعلا انا باشوف ايشالاجراءات بس اظن فيها تهيلات لانه مولوده في السعودية وامها سعودية
بابحث واشوف ايش الاجراءات بالضبط اختي انفاس العطور تسلمي على ردك انا قصدت انو فرضا لو كلمتها ايش المواضيع الي تكون تفكر فيها في دا السن ؟ |
اول شي بهالعمر الله اعلم وش تفيكرها .. يمكن تكون بنت ناضجه وعاقله وفهمت تجارب الي حولها ! ويمكن لاتزال طفله وتتفاجأ بتصرفاتها .. بس انك تأخر الزواج سنتين حلك سليم جدا .. وافضل شي تسـويه يعني بعمر 18 يكون الوضع احسن واذا تبي رقمها ليش لا بس بشرط تكونوا مملكين .. مو بس خطبه لأنها بكذا تكون غريبه عنك اذا عقدت قرانك بها من حقك شرعا انك تكلمها وتزورها .. من ناحية الزواج بأجنبيه هي تاخذ الجنسيه اكيد .. بس اذا خلفت .. يعني اذا ربي رزقكم بأطفال تاخذ اعرف واحد من جماعتنا متزوج تونسيه والآن هي سعوديه مليون بالميه .. يعني انسى انها تونسيه طبعا اكبر اولادها عمره 20 .. اخذت الجنسيه من زمااااااااااااااااااااان وايضا شخص اتزوج مصريه واخذت الجنسيه .. بس لازم تتأكد ان زواجك موافقين عليه ومطلع تصريح للزواج من اجنبيه .. عشان تتسهل اجرئات الجنسيه وسويت بحث بقوقل عن شروط الزواج من اجنبيه ووجدت شروط مالها اول ولا تالي .. سوي بحث واقرا وياليت تتوجه لوزارة الداخليه او الأحوال المدنيه ...{ مادري بس شوف وش االشروط ! وهل انت استخرجت تصريح .! لزواجك او لا ! وهل اصلا تحتاج ؟ بما ان امها سعوديـه .. والله يووووفقك .. |
دام امها سعوديه ومولوده في السعودية ما تحتاج تصريح على طول عقد في المحكمه بعد الفحص الطبي
لا تشيل هم كلامي عن تجربة .. ت ح ي ا ت ي .. |
| الساعة الآن 05:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©