|
طلاق اختي
السلام عليكم ورحمة الله وبركاته
انا ترددت كثير قبل لا اكتب موضوعي انا عند اخت وش اقول عنها...احسها مو اختي تكرهني بشكل مو طبيعي..مع انها اختي من امي وابوي بس ما ادري وش سر هالعداوه ,,هي اكبر مني بكثير هي عمرها 30 وانا عمري 22 لما كنا صغار اول ما طلق ابوي الوالده كانت مصيطره علينا بشكل مو طبيعي وكانت تضربني انا بالذات واذا مانفذت اوامرها كانت تبلغ كل اخواني الي اكبر مني على شان يهاوشوني ودارت الدنيا وكبرنا وصرنا كبار ونفهم وصرت ما اخليها تتحكم فيني مثل اول وبعدها تزوجت وقدر الله وما كتب لي اني اتوفق معاه وتطلقت منه .. وبعدها صارت بيني وبينها مشاكل وانا في عز ازمتي وفي عز انهياري وكانت دائما تعايرني بطلاقي مع ان العيب مو مني والجميع يعرفون هذا الشي فكانت تعايرني برفض زوجي لي دائما امام الجميع وانا كنت على يقين بأن العيب منه هو ولله الحمد واني ما قصرت معه ..كنت في حاله لايعلم بها الا الله سبحانه تعبت نفسيتي كثير كان كلامها لي مثل السم كانت كلامتها ترن بأذني ليه تكرهني كل هالكره انا وش اذنبت لها في حياتي..هل لانها عنست وانا تزوجت قبلها الارزاق بأيد الله واللله الشاهد كنت اتمنى لها الخير كنت دائما ادعي ان الله ياخذ لي حقي من الي ظلمني واولهم زوجي واهله.. سبحان الله دارت الدنيا وملكت اختي هذي قبل شهر وحتى خطوبه ما خبرتني فيها خايفه اني احسدها..ما خبرتني الا قبل الملكه بثلاث ايام بس ..وبعد ملكتها بأسبوع نفس اليوم تطلقت!!!!! تدرون ليش لانه كان لعاب وما كان جاد ابدا من البدايه وبعد كم مكالمه وبعد ما جلست معاه بالملكه ما ارتاحت له. ولانه اصلن ملك بغير علم اهله,,.وتم الطلاق بينهم سؤالي هو هل هذي دعوة مظلوم انا الى الان مصدومه مش مصدقه الي حصل انا الحمدلله ايماني بالله كبير ,,بص خفت ما ادري ليه هل لان الله استجاب دعوتي؟؟ ما ادري شعور متلخبط انا ما ودي ان يصير لها الي صار مهما كان هذي اختي بس ما ادري وش اقوول .. احس ان معاملتها معي تغيرت كثير ما ادري وش السبب..!! |
ان الله يمهل ولا يهمل.. صح هذي اختج بس الله يبي يعطيها درس بالي سوته لج.. عشان تحس .. وتعدل معاملتها معاج
ولا تحاتين كل شي ابهلدنيا ارزاق ويمكن هذه مو نصيبها والله يوفقكم جميعا |
الدنيا دواره
وكره اختك له يمكن له اسباب من الطفوله يمكن كانت تحس انك مفضله عليها عند أهلك وعشااان كذا كرهتك الله يهديها المفروض ماتتشمت لان الله يمهل ولايهمل والظالم يجي له يووم اسال الله ان يفرج همك وهمها ويرزقكم بالازواج الصالحييين ويجمع قلوبكم ماتدرين يمكن الي حصلها خيره عشان تحس فييك وفي الي كانت تسببه لك |
يقولون (من عاب استعاب) .. واختك ما راعت انك اختها وقامت تعايرك بشي الله كاتبه لك ومالك يد فيه .. وفعلاً دعاء المظلوم مستجاب .. فما في داعي انك تحسين بالذنب .. لأنه دليل انك (مظلومه) ..
الله يوفقك اختي ويهدي اختج ويوفقها .. |
أختي لا تلومي نفسك ، بس الله ( عادل ) و ما يرضى بالظلم
أنا مرة من زمااااااااااااااااااااااان ، وحدة تكلمت قدامي و بداخلي ضحكت من صوتها لإنه فيها بحة و هي تقول صوتي حلو و مميز و كذا و أنا بداخلي استغربت لإنه مو حلو و الله نفس اليوم جاتني بحة في صوتي و جلست أسبوعين قلت بنفسي لإني اتريقت بداخلي و من يومها تبت :D |
الاخت الفاضله كيف خطب بدون علم اهله اسف ع سوالي
وبالنسبه لطلاق اختك ماله دخل بظلمها لك لانو معرفتهم ببعض كانت ع خطء وهذا ماتضح من كلامك مابني ع باطل فهو باطل وبالنسبه للكره من قبل اختك لك هذا شي طبيعي كثير بالوقت الحالي اخوان من ام واب ومنقطعين عن بعض اسئل الله ان يجمع بينكم بخير وينزل عليكن المحبه والالفه |
الله يمهل ولا يهمل
ودعوة المظلوم مستجابه وله في ذلك حكم يمكن الله سبحانه وتعالى يريدها ان تحس وتتذوق ولو قليل من شعورك وربما تغير معاملتها معك وانت قلتي ان معاملتها تغيرت معك هل تغيرت للافضل ام للاحسن والله يسعدكم ويجمع بين قلوبكم يارب |
اقتباس:
هلابك اخوي.. هو كان يقول ان والده متوفي وامه في العده ماتقدر تطلع وقال بيجيب عمامه معاه يوم الملكه .. بس حزة الحزه جا معه عيال عمه واصدقائه وبس.. وبعد الملكه ننتظر امه تتصل وما اتصلت فقامو اهلي بالمبادره واتصلو عليها وننتفاجأ بان ماعندها خبر ان ولدها ملك وقالت ان والده متوفي من سنتين وانه طايش مو مال زواج.. الله يهدي الجميع وجزاك الله خير اخوي.. |
اقتباس:
اختي تغيرت معاملتها لي للاحسن بس على خفيف مش كثير.. جزاك الله خير حبيبتي.. |
يالله الله يعوضـك و يعوضهـا خير يــارب |
| الساعة الآن 11:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©