|
هل الزواج بعد التعارف ناجح ام لا
السلام عليكم ورحمة الله وبركاته
بصراحه قبل شهر التقيت بصديق قديم فحدثني عن قصه له .... وكان يسالني عن حل لها بصراحه انا علق مخي ماقدرت اتصور الموقف قلت له حلي لك تستخير لاتستعجل الله يكتب لك الخير ... طبعا انا فكرت وفكرت وقلت ليه مااطرح مشكلته عليكم علشان تفيدونني مستقبلا او يمكن اخذ ردودكم اخليه يقراها ... مابي اطول عليكم ابدا بالسالفه :: الرجل شاب عمره تقريبا في بداية بداية الثلاثينات .. لايعرف للشر طريق... انسان مضحي بحياته لاجل المستقبل ... جل وقته مع الاخرين ...اجتماعي جداجدا ...لم يتزوج لمشاغله بالدنيا ... يقول صديقي ... انه قبل 3 شهور تعرفت عليه بنت في احد المنتديات وذلك لحل مشكله لديها ... البنت هذي وصلت مرحلة العشق له لدرجه انه يقول اذا طلعت من المحادثه تجلس تبكي ... اعطته رقم جوالها حذف الرقم لانه لايريد ان يتعلق بها ...زاد العشق بعد هذي الحركه ... اضطر ان يكلمها عن طريق الماسنجر لرغبتها هي ...فيقول كل المكالمه بكاء في بكاء .... يقول صاحبنا انها بدات تعشقني لدرجه انها كل يوم ترسل صورها له ... ويقول انا احذفها مخافه من الله ... رسائل الغرام حدث ولا حرج عن طريق البريد يقول بعد التعارف بشهر عرضت عليها فكرة الزواج لانتهي من هذي المشكله ..بعد تفكير ...يقول وضعت شروط تعجيزيه لدرجه اني حرمتها من اهلها بالسنه مره واحده تروح لهم ( طبعا يبغاها تلغي الموضوع ) وشروط اخرى قالها لي مسكت راسي من هذي الشروط . من الشروط ايضا عدم الذهاب لاي عزيمه مهما كانت .... من ضمنها شرط عدم السفر لاي بلده لابصيف ولا بغيره ... تفاجأ انها وافقت وافقت وبشده .... ولا عندها اي مانع لجميع شروطه ... حتى حفلة الزواج متنازله عنها ... علما بانها في منظقه البنات الي فيها غالية المهور ... والحفلات واجبه فيها ... (لن اذكر اسم المنطقه )... حتى انه قال لها ان راتبي مايكفي اني اتزوج يقول راتبي 2700 ( مبلغ من عنده والا الرجال وضعه المادي متاز وفوق الممتاز ) حتى المهر طلبت 30 الف ... بالنسبه للبيت قالت له مو لازم تأثثه جب اي شي ... وبعدين بقيمة المهر نأثث ماراح اصرف الا اشياء اساسيه لك انت.. تقول له .... ا لرجل متوقف ومنذهل وانشل تفكيره هل هذا يعقل ... الادهى من ذلك يقول صاحبنا البنت جميله جداجداجداجدا وعمرها 26 سنه ومن اكبر العوائل ووضع اهلها المادي ممتاز جداجدا يعني مافيهم عيب ابدا لكن هل العشق اعمى قلبها وبصرها ... ترا يقول مافيه تعامل بيننا قوي بس مشكله وحليتيها فقط لاغير ............... مع العلم لو عرفته انه حذف ايميلها راح تنتحر لانه تهاوش معها اكثر من مره وترجع وتصالحه وتتاسف ويقول احيانا انا الي اكون غلطان ابي اكرهها فيني لكن هيهات .. يقول صاحبي جميع الصفات السيئه حطيتها فيني علشان تكرهني مع ذلك يزداد الحب والعشق ... علما بأنه يقول بصراحه في هذا الزمن مستحيل استحاله تلقى وحده جميله توافق على شروطك وين مافيه .... هل يتقدم لها ام يستمر معها حتى تتوفق هي وتتزوج ( لانه قالي انها يوم ماشافت عنده نية زواج قالت خليك معي للابد انت اذا تزوجت الله يستر عليك ) ام ماذا عطوه الحلول لاني بعطيه الرابط اخليه يقرا كلامكم وشكرا لكم |
هناك شيئ ناقص في القصة .. الشاب ليش ما احب الفتاة ، ما الذي لا يعجبه في الفتاة ، ما الذي يريده هو في زوجة المستقبل وغير موجود في هذه الفتاة ، ليش الفتاة ما قدرت تحرك مشاعره
تحياتي |
نفس سؤال فجر .!!
|
هذا غبييي جدا
لأنه ماراح يلقى اللي بتحبه كذا بحياته ابد ويمكن راح تكتشف حقيقته بعدين أو خله يقولها انه فيه عيوب وانه مثله مثل اي واحد واني اخاف عليك انك تكتشفي حقيقتي بعدين يطيح حبك هذا كله |
صراحة قصة غريبة .. بس يمكن الرجل اخلاقه جدا عالية واسلوبه في الكلام هو اللي خلاها تتعلق فيه ... بس ماتصل انها تعطيه صورها .. وين عايشين ....
خله يسأل عن دينها واخلاقها ... اذا تمام ... خلاص مافي مشكلة يتزوجها |
نفس الشي اظن ان السالفة مبتورة وجهة نظر الشاب في البنت شو ؟ وليش كان يكلمها على الماسنجر اذا كان مايباها؟ وليش عرض عليها الزواج وفي نفس الوقت يكرها في نفسه؟ وليش يريد يستمر معاها؟ ارجو توضيح الصورة بالكامل وعموما البنت هذي غير ناضجة عاطفيا .. اذا يباها يتزوجها ويستر الله عليهم بس اذا مايباها ماله داعي يمثل عليها هالافلام واللف والدوران وأظن والله اعلم انه مامقتنع فيها |
اقتباس:
رجعت قبل شوي اساله ( طبعا تراي امون عليه ) هو ماتوقع تفاجأ ان فيه احد يحبه ..... كل شي فيها يعجبه البنت مايعيبها شي ..\ .السوال هذا ما الذي يريده هو في زوجة المستقبل وغير موجود في هذه الفتاة /// بصراحه قال لي كل الي تمنيته لقيته عندها الفتاة حركت مشاعره بس هو يسكن بالشرق وهي بالغرب داخل السعوديه سعودية الاصل فصل واصل ( من غير تحديد مناطق عذروني) يعني العادات والتقاليد تختلف ... |
اقتباس:
يانار وهيل ودي ادري وشلون تجي كلمة شو وبعدها كم سطر اذا يباها كان دبرت لك كلمه حلوة منا ومنا ههه شكرا لك لاتزعل علي |
وعليكم السلام ورحمة الله وبركاته الرجل شاب عمره تقريبا في بداية بداية الثلاثينات .. لايعرف للشر طريق......لكن ابليس يعرف طريق الشر اذا كان ماوده يتعلق فيها من الاساس لايكلمها .... بدات تعشقه لدرجه انها كل يوم ترسل صوره له ... ويقول انا احذفها مخافه من الله....طيب ليه ماخاف الله من المحادثات في المسن حتى هذي المحادثات حرام ... يعني من الاساس العلاقة حرام في حرام طيب وش اللي يثبت انه تحبه عشانها تبكي وترسل صور هذا مو دليل لاتنسى انها في مكان وهو في مكان يعني ممكن تتصنع هذي الاشياء ...يحذفها من الايميل وانتهينا ولا يرد على مسجاتها بس هو خايف انها تنصدم ...خلها تنصدم كلها فترة وتعدي ...وتصير بخير ...على مايبدو ان صاحبك عاطفي ...الا اذا كان هو متعلق بها هذا شي ثاني وممكن تكون عايشة في فراغ ..اوعندها فراغ عاطفي هذا اللي خلاها تتعلق به نجي للموضوع من ناحية ثانية ...الجمال مو كل شي ....لو كانت له نيه انه يتقدم لها خل تفكيره ابعد من كذا هذا زواج ...حياة ...عيال... هل بيأمن على بيته معاها يعني عشانها تحبه ولانها جميله بيتقدم لها ...مافكر كيف تعرفوا على بعض...وكيف بتكون العلاقة بعد الزواج...اكيد بتكون شك في شك وان كانت تحبه بتشك فيه وهل هذي الحياة اللي كان يطمح لها حياة مافيها ثقة هل يتقدم لها ام يستمر معها حتى تتوفق هي وتتزوج ....ولو ماتقدم لها ممكن يستمر معها !!! كيف يرضاها على نفسه وعليها يعني يستمروا مع بعض ولما اي واحد منهم يشوف البديل (يتزوج ) يترك الثاني ...ولاجالسين يتسلو مثلا خليه يفكر في كل نقطة انا قلتها ويتمعن فيها ممكن يكون كلامي قاسي بس هذي الحقيقة |
لو انها حبته ولمحت له بس هل شي كان ممكن نقول تهون
بس وصلت ترسل صور ومكالمة وعشق واشياء كثير تدخل في دائرة الحرام في هل لحظة اقول ****** مابني على باطل فهو باطل ****** تقديري |
| الساعة الآن 08:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©