هل الزواج بعد التعارف ناجح ام لا
السلام عليكم ورحمة الله وبركاته
بصراحه قبل شهر التقيت بصديق قديم فحدثني عن قصه له .... وكان يسالني عن حل لها بصراحه انا علق مخي ماقدرت اتصور الموقف قلت له حلي لك تستخير لاتستعجل الله يكتب لك الخير ... طبعا انا فكرت وفكرت وقلت ليه مااطرح مشكلته عليكم علشان تفيدونني مستقبلا او يمكن اخذ ردودكم اخليه يقراها ...
مابي اطول عليكم ابدا بالسالفه ::
الرجل شاب عمره تقريبا في بداية بداية الثلاثينات .. لايعرف للشر طريق... انسان مضحي بحياته لاجل المستقبل ... جل وقته مع الاخرين ...اجتماعي جداجدا ...لم يتزوج لمشاغله بالدنيا ... يقول صديقي ... انه قبل 3 شهور تعرفت عليه بنت في احد المنتديات وذلك لحل مشكله لديها ... البنت هذي وصلت مرحلة العشق له لدرجه انه يقول اذا طلعت من المحادثه تجلس تبكي ... اعطته رقم جوالها حذف الرقم لانه لايريد ان يتعلق بها ...زاد العشق بعد هذي الحركه ... اضطر ان يكلمها عن طريق الماسنجر لرغبتها هي ...فيقول كل المكالمه بكاء في بكاء .... يقول صاحبنا انها بدات تعشقني لدرجه انها كل يوم ترسل صورها له ... ويقول انا احذفها مخافه من الله ... رسائل الغرام حدث ولا حرج عن طريق البريد يقول بعد التعارف بشهر عرضت عليها فكرة الزواج لانتهي من هذي المشكله ..بعد تفكير ...يقول وضعت شروط تعجيزيه لدرجه اني حرمتها من اهلها بالسنه مره واحده تروح لهم ( طبعا يبغاها تلغي الموضوع ) وشروط اخرى قالها لي مسكت راسي من هذي الشروط . من الشروط ايضا عدم الذهاب لاي عزيمه مهما كانت .... من ضمنها شرط عدم السفر لاي بلده لابصيف ولا بغيره ... تفاجأ انها وافقت وافقت وبشده .... ولا عندها اي مانع لجميع شروطه ... حتى حفلة الزواج متنازله عنها ... علما بانها في منظقه البنات الي فيها غالية المهور ... والحفلات واجبه فيها ... (لن اذكر اسم المنطقه )... حتى انه قال لها ان راتبي مايكفي اني اتزوج يقول راتبي 2700 ( مبلغ من عنده والا الرجال وضعه المادي متاز وفوق الممتاز ) حتى المهر طلبت 30 الف ... بالنسبه للبيت قالت له مو لازم تأثثه جب اي شي ... وبعدين بقيمة المهر نأثث ماراح اصرف الا اشياء اساسيه لك انت.. تقول له ....
ا لرجل متوقف ومنذهل وانشل تفكيره هل هذا يعقل ... الادهى من ذلك يقول صاحبنا البنت جميله جداجداجداجدا وعمرها 26 سنه ومن اكبر العوائل ووضع اهلها المادي ممتاز جداجدا يعني مافيهم عيب ابدا لكن هل العشق اعمى قلبها وبصرها ... ترا يقول مافيه تعامل بيننا قوي بس مشكله وحليتيها فقط لاغير ............... مع العلم لو عرفته انه حذف ايميلها راح تنتحر لانه تهاوش معها اكثر من مره وترجع وتصالحه وتتاسف ويقول احيانا انا الي اكون غلطان ابي اكرهها فيني لكن هيهات .. يقول صاحبي جميع الصفات السيئه حطيتها فيني علشان تكرهني مع ذلك يزداد الحب والعشق ...
علما بأنه يقول بصراحه في هذا الزمن مستحيل استحاله تلقى وحده جميله توافق على شروطك وين مافيه ....
هل يتقدم لها ام يستمر معها حتى تتوفق هي وتتزوج ( لانه قالي انها يوم ماشافت عنده نية زواج قالت خليك معي للابد انت اذا تزوجت الله يستر عليك ) ام ماذا عطوه الحلول لاني بعطيه الرابط اخليه يقرا كلامكم وشكرا لكم
التعديل الأخير تم بواسطة دكتور المنتدى ; 02-08-2010 الساعة 10:41 AM
02-08-2010, 10:34 AM
ضوابط المشاركة
العرض الشجري