|
حطي نفسك بهالموقف ...
حطي نفسك بهالموقف ......... خلص دوامك .. وطلعتي بره بالشارع تنتظرين السواق يجيك ..ولكن اتصلتي عليه .. جوال مغلق .. اتصلتي على كل ارقام اهلك محارمك مافي ... كلها مغلقة وبعدها طفا جوالك شحن ... وبقيتي تنتظرين وتنتظرين لين ماراحوا كل البنات وماظل غيرك واقفة عند باب الكلية ..بعدها قررتي تروحين للبيت مشي على رجولك ... وشوي الا سيارة فيها شباب دشارة ... أشكالهم ماتبشر بالخير أبداً... تمشي وراك ويقطون عليك من الكلام ... ترقيم ..غزل ... دعوة انك تركبين معهم ... والشارع شبه فاضي .. والبيت لسا بعيد ... والسيارة وراك وراك .. تراقبك وين مارحتي ... كيف سيكون موقفك ؟؟ |
ساتوجه وبكل ثقة بمن لا تغلق ابوابه ولا ينام
سادعو الله ان ييسر اموري وانا على ثقة انه لن يخيبني |
آية الكرسي فورا احصن نفسي بها واقرأها كل الوقت
وادعو الله ان :وجعلنا من بيني ايديهم سدا ومن خلفهم سدا فاغشيناهم فهم لا يبصرون ارددها كل الوقت الهذه الدرجه الشباب ما في اخلاق ولا يوجد تكسي الله يستر علينا جميعا |
زمان حصل لي نفس الموقف وصرت أسرع في الشارع بس بصراحه هو كان واحد بس أنا مت من الخوف لكن الأن لو تقطعيني ما أمشي على رجلي في ظروف زي كذا ومعي أرقام سواقين كنت أتعامل معهم للدوام إذا ما لقيت واحد\ أدق على الثاني |
شكرا اعمق المشاعر قد صارلي موقف بس مدري شقول :( وهو اني مررررة طلعت من التحفيظ متأخرة بعدصلاة العشاء وماكان عندي احد ابدا" وكان الجو عندنا بالشرقيه برد ومطر انا طلعت مافيه مطر وانتظر احد يجي مافيه المهم طلعت نزل المطر وقعدت اتخبط بالعباة والطين وماعاد اشوف النقاب يالله وحاله يرثى لها وعباتي ثقلت كأنها بطانيه:d ماشوف الا انوار السيارات وخفت من الهنود الي بالشارع والله حسيت بيغمى علي وامشي على الجدار لاصقه فيه مررررررررة الله يهديك ذكرتيني بذاك اليوم طبعا لما وصلت البيت :30: خلا ص ماراح اكمل بس صحيح مثل ماذكروا الأخوات اتوكل على الله وربي ييسرلي |
الحمدلله ماصارلي هالموقف قبل
بس اتوقع لو صارلي بجلس ابكي وبيغمى علي :S |
الشتاء الدافىء + جرين + عطر المحبة + طيووووف الأمل .+ عاشقة الغالي ............ شكراً لكم جميعاً
أنا حصل معي هذا الموقف أكثر من مرة في الجامعة وبصراحة مهما قلت ماراح اوصف لكم حالة الذعر والرعب والخوف ....... مع اني اردد آية الكرسي طووووووووووول الطريق ..... ولما أوصل البيت تصيبني نوبة بكاء .... وأفش غلي كله بأمي لانها نستني وماتذكرتني ........... المهم اللي خلاني اتذكر ذيك الايام واكتب لكم هنا هو انه اليوم حصلي موقف مشابه .... طلعنا لاستراحة اليوم العصر ,,,, وراحو ابوي واخواني مع صلاة المغرب للمسجد .... وبعدها طلبتني اختي الصغيرة 7 سنوات ..اني اروح معها للسوبرماركت وكانت بعيدة شوي ... وانا رفضت ... بعدين قالت لي والله عادي مرة رحت لها مع ابوي وكلها بنات كبار لابسات عبايات ..... <<هي تكذب علي ... بس تبغى عشان اروح معها ... المهم رحت ... وتفاجأت السوبرماركت كلها شباب مليااانة ... ومافيها ولابنت ....... والمشكلة مافيهم ولا واحد محترم ...... من الارتباك اعطيته 5 واشتريت عصيرة وحده بريال ....... وطلعت بسرعة وعكست الطريق نسيت ....... وبعدها لاحظت اثنين شباب راكبين السيارة يمشون ورانا ....... والطريق جديد علي وش السالفة ,,, مختلف تماماً مو نفس اللي جيت منه ........... امشي والف واوقف واناظر يمين يسار ,,, وانا في منتهى الرعب والخوف ..... والشباب كانهم حسو اني مضيعة وبدوا يتمادون بالكلام ............. وربي ستر لما شفت اخوي جاي يمنا .............. <<<< خلاااااااااااااااااااااص ماأعودها اروح بلحالي لاي مكان |
يا رب ما انحط في هاذا الموقف في يوم من الايام ،،،الله يحفظك اعمق المشاعر لازم ادوين حل ثاني،،،،انا مره صارلي بس شوي غير عنك،،،كنت اتدرب تطوعي وواحد من الموظفين همس لي انه يبي اميلي،،،، مع انه متزوج قريب،،،،،عملت نفسي ولا كائن سمعت شي،،،،والحمد الله طلعت من المكان ،الله يحفظ جميع بنات المسلمين
|
اخلي معايا بالشنطة مطوى احتياط :) تحسبا لهكذا ظروف
و اذا حصل هذا الموقف اتوكل على الله .. و اذا جد الجد و ووقفوني علي و على اعدائي اطلع المطوى :) و ياقاتل يا مقتول الله يحمي بنات المسلمين و يهدي شبابنا |
ههههههههههههههههه نورة ياخطيرة انتي الله يحفظك يارب ويحفظ جميع بنات المسلمين
اختي عمق صراحة غلط الي سويته شكلك لسا ما تبتي من التجارب الي ذكرتيها لاعاد ترجعي تسوي كذا مو كل مرة تسلم الجرة الله يحفظك يارب انتبهي على نفسك |
| الساعة الآن 01:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©