|
كثرة الخروج وتأخر الخطيبة خارج المنزل...
السلام عليكم ورحمة الله وبركاته
عاوز اخد رايكم فى مشكلة بتواجهنى اليومين دول مع خطيبتى وهى انها بتحب تخرج كتير وممكن تسهر برة مع صاحباتها او مع والدتها لوقت متاخر بدون والدها او اخوها حاولت افهمها ان ده ميصحش وانه خارج تقاليد مجتمعنا تقولى انا مش بعمل حاجة غلط اقولها طب انا بخاف عليكى من الظروف الامنية السيئة تقولى انا بصلى قبل ما بخرج وان شاء الله مش هيحصلى حاجة المشكلة ان والدتها زيها وان ابوها مش بيتكلم وعادى بالنسباله لكن بالنسبالى مستحيل ارضى بكده لما نتجوز وانا قولتلها كده وحصل صدام بينا وبعده وعدتنى انها مش هتتاخر بس انا مش حاسس انها مقتنعة اوى وحاسس انها ممكن تكرر تاخيرها وعاوز اعمل حاجة قوية تمنعها او اقولها كلام مقنع اكتر ياريت تساعدونى مع العلم انى كاتب كتابى ولكم كل الشكر |
اخي الزوجة تتبع زوجها بكلشي انته فهمها بالموضوع كوللها ترة اني ما اسمح بهذا الشي وااذا تكرر ترة اني ماعندي مانع انفصل
تحياتي |
الف مبروك كتب الكتاب و ربنا يتمم لكم بخير:14: اذا كانت خطيبتك مش مقتنعة بكلامك لكن بتنفذه بس عشان خاطرك :25: فلو هي بتحبك بجد مع الوقت حتلاقيها بتنفذه بطيب خاطر:17: و انت ممكن تستعمل الكلام الحلو اللي يفيد انك من كثر محبتك لها خايف عليها من نسمة الهواء و ان كلامك اصله حبك و ليس خوفا من كلام الناس لانها قد يرد في بالها و اقول( قد :25:) انك تشك فيها و بالتالي تثور لكرامتها بصورة رفض وصايتك عليها و قد يكون سببه قلة التواصل بينكم او عدم ادراكها لمدى ثقتك بها و احتمال اخر ان هناك من يلعب في دماغها من وراء الكواليس:( و يقول لها انها مازالت في بيت ابيها و لم تدخل بيتك بعد و تريد اني ان تتحكم فبها بهذا الشكل فما بالك لما تكون عندك في بيتك و باتالي تبعا لهذه النظرية المدمرة فإنها يجب ان تعودك على ماتريد:29: ما قلته مجرد افتراضات لا تبني عليها شيئا الا بعد ان تتاكد و لكن في كل الاحوال سيفيدك ان تؤكد لها :):)ان كلامك اصله حبك الشديد لها قبل اي شيئ ااخر:):) و ربنا يهدي سركم و يصلح احوالكم:d |
توها خطيبتك يعني مو كتب كتاب صح ؟؟؟؟؟ ولا ؟ بما إنه أهلها عارفين وسامحين لها إعذرني مالك دخل ولما تصير فبيتك يصير خير مارح تخليها تتأخر ورح تسمع كلام زوجها صح ولاأنا غلطانة كل حاجة بالهداوة ينفع أما تعصيب وزن وغيره مارح يجيب لك إلا وجع راس |
اقتباس:
اخى العزيز الامير :هى رسميا زوجتى لأنى كاتب كتابى بس لسة فى بيت والدها وهذا عذرها عندى انها لسة مش فى بيتى هو ده مجرد تعويد منى على طباع وشخصية واننا منتعارضش مع الاصول والدين والعرف عشان بعد كده لما تبئا فى بيتى متحصلش مشاكل كمان انا بعذرها لأن والدتها كده وهى خدت على الوضع ده واللى انا طالبه وسيلة اقناع قوية يعنى مثلا لو فى احاديث او اسباب لكن فكرة الانفصال دى مع احترامى لك هبئا كبرت الامور اوى لأنى بحبها وحتى لو فيها عيب مفروض اصبر عليها واساعدها لحد ما تتخلص منه لأن اللى بينى وبينها اكبر من كده لكن انا ممكن استفيد من كلامك فكرة العقااااااب يعنى مثلا مكلمهاش موبايل او مروحش بيتها ازورها ومش عارف هل الطريقة دى تجيب نتيجة ولا لاء عموما انا بشكرك اخى ودمت بود |
اقتباس:
بالنسبة للموضوع هو فى فعلا حاجات بطلبها وهى بتنفذها وتقولى انا مش مقتنعة ومش مبسوطة من جوايا بس عشان خاطرك انا بعملها ..بس طبعا انا مش عاوزها تعمل حاجة عشان خاطرى بس انا عاوزها تعملها وهى مقتنعة طالما فى حدود الدين والاعراف بس كلامك طمنى انها ممكن تتعود وتعمل اى حاجة بعدين بطيب نفس فعلا نظرية المؤامرة دى واردة خصوصا ان احد اقاربها قالها طالما بتيجى على نفسك عشانه لازم تحسسيه وتقوليله انك مش مبسوطة بس بتعملى كده عشان خاطره وطبعا هى نفذت ومن وقتها وبدأت المشاحنات تتواجد لان اللى حوليها حسسوها انها مضحية وعشان كده انا عاوز امشى بمبدأ الدين والاصول والاعراف والصح والغلط مش عشانى انا عموما انا مبسوط اوى من ردك واتمنى تقوليلى رايك بعد ما الموضوع وضح اكتر |
عليكم السلام والرحمه،،
مااشوف فيها شي اذا واثق فيها وعارف وين رايحه وجايه ثاني شي والدها راضي وهي متعوده على هالشي من يوم هي في بيتهم صعبه انك تتزوج وحده لتفرض عليها مبادئك طيب فرضا البنت بتروح عند اختها وتسهر عندها لحد الصباحيه تغيير جو انا مااشوف فيها شي انت مكبر الموضوع حبتين ،، موفق اخي . |
اقتباس:
يعنى لو اهلها سامحين لها بالسهر والتأخر خارج المنزل مفروض انى معلقش ؟؟؟طب بعد كده هى هتتعود على السهر وتقولى منا كنت بعمل كده وانت عارف كمان هى كانت خارجة مع والدتها واختها لحد الفجر طب بعد كده حقوقى كزوج هتروح فين؟؟؟طب فى الاوضاع الامنية السيئة اللى احنا فيها ازاى هتبئا بعيد عنى لوقت متأخر كده وانا مطمن عليها وازاى هقدر اقوم بعملى بتركيز؟؟؟كمان الفترة دى بنات كتيرة بتتخطف فى الشوارع او وسائل مواصلات والغريب ان ابوها عارف كده وعادى بيكون نايم ولا فى دماغه رجعوا ولا لسة فلازم يبئالى وقفة لأنى مش هبئا زى والدها |
اقتباس:
عادى لو راحت عند اختها فى مكان انا عارفه مش هقلق لكن انا بتكلم على الخروج لفرح مثلا زى اخر مرة انا زعلت منها فيها انا مش مكبر الامور بدليل ان فى بنات وستات اتخطفوا قريب |
ربنا يهدي سركم يا أخ احمد و يهديها عليك بس انت ممكن تحاول توصل معها لنقطة وسط يعني مثلا إذا كانت هاتتأخر فيكون عندك خبر مثلا قبلها بحيث انك تجيبها من المكان اللي هي فيه بس ده برضه مش هايحل مشكلة الانفلات الامني و مخاطره بس يمكن يحسسها بمقدار حرصك عليها:) او تحدد معاها ساعة لا تتخطاها في السهر خارج البيت بطريقة ودية وكلمات جميلة دي الناس بتقول الزن على الودان امر من السحر:25: فما بالك لو كان الزن من زوج المستقبل و انت بتقول انك بتحبها فأتوقع انها كمان بتحبك بإذن الله قول مثلا إنك نفسك يكون اخر صوت تسمعه قبل ماتنام هو صوتها و طبعا اكيد لازم تكون مركزة معاك و هي بتكلمك فبالضرورة انها تكون في البيت و في اوضتها:22: و اكيد لو الكلام ودود و حلو حتستناه كل يوم و تتعود هي كمان على انها ترجع بدري عشان تسمع هيا كمان صوتك:26:. برضه مهم جدا جدا جدا انك لا تمل انك تؤكد عليها حتى و إن كانت تفعل ذلك في بيت ابيها فإنك لن تقبل ابدا بمثل هذا الشيء في بيتك بإذن الله:30: و تذكر دائما ان تستعمل الحزم المعقول اذا لزم الامر مع تغليفه بالحب ولا تكن لينا فتعصر ولا صلبا فتكسر:22: مع اخلص تمنياتي لكما بالسعادة و التوفيق و راحة البال و اتمنى ان يكون في ردي افادة لك |
| الساعة الآن 06:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©