السلام عليكم ورحمة الله وبركاته
عاوز اخد رايكم فى مشكلة بتواجهنى اليومين دول مع خطيبتى وهى انها بتحب تخرج كتير وممكن تسهر برة مع صاحباتها او مع والدتها لوقت متاخر بدون والدها او اخوها
حاولت افهمها ان ده ميصحش وانه خارج تقاليد مجتمعنا تقولى انا مش بعمل حاجة غلط
اقولها طب انا بخاف عليكى من الظروف الامنية السيئة تقولى انا بصلى قبل ما بخرج وان شاء الله مش هيحصلى حاجة
المشكلة ان والدتها زيها وان ابوها مش بيتكلم وعادى بالنسباله لكن بالنسبالى مستحيل ارضى بكده لما نتجوز وانا قولتلها كده وحصل صدام بينا وبعده وعدتنى انها مش هتتاخر بس انا مش حاسس انها مقتنعة اوى وحاسس انها ممكن تكرر تاخيرها وعاوز اعمل حاجة قوية تمنعها او اقولها كلام مقنع اكتر
ياريت تساعدونى مع العلم انى كاتب كتابى ولكم كل الشكر

اخي الزوجة تتبع زوجها بكلشي انته فهمها بالموضوع كوللها ترة اني ما اسمح بهذا الشي وااذا تكرر ترة اني ماعندي مانع انفصل
تحياتي

اختى العزيزة اسيرة كم اعجبنى ردك وفرحنى وميرسى جدا على التهنئة
بالنسبة للموضوع هو فى فعلا حاجات بطلبها وهى بتنفذها وتقولى انا مش مقتنعة ومش مبسوطة من جوايا بس عشان خاطرك انا بعملها ..بس طبعا انا مش عاوزها تعمل حاجة عشان خاطرى بس انا عاوزها تعملها وهى مقتنعة طالما فى حدود الدين والاعراف بس كلامك طمنى انها ممكن تتعود وتعمل اى حاجة بعدين بطيب نفس
فعلا نظرية المؤامرة دى واردة خصوصا ان احد اقاربها قالها طالما بتيجى على نفسك عشانه لازم تحسسيه وتقوليله انك مش مبسوطة بس بتعملى كده عشان خاطره وطبعا هى نفذت ومن وقتها وبدأت المشاحنات تتواجد لان اللى حوليها حسسوها انها مضحية وعشان كده انا عاوز امشى بمبدأ الدين والاصول والاعراف والصح والغلط مش عشانى انا
عموما انا مبسوط اوى من ردك واتمنى تقوليلى رايك بعد ما الموضوع وضح اكتر

اخى العزيز الامير :هى رسميا زوجتى لأنى كاتب كتابى بس لسة فى بيت والدها وهذا عذرها عندى انها لسة مش فى بيتى هو ده مجرد تعويد منى على طباع وشخصية واننا منتعارضش مع الاصول والدين والعرف عشان بعد كده لما تبئا فى بيتى متحصلش مشاكل
كمان انا بعذرها لأن والدتها كده وهى خدت على الوضع ده واللى انا طالبه وسيلة اقناع قوية يعنى مثلا لو فى احاديث او اسباب
لكن فكرة الانفصال دى مع احترامى لك هبئا كبرت الامور اوى لأنى بحبها وحتى لو فيها عيب مفروض اصبر عليها واساعدها لحد ما تتخلص منه لأن اللى بينى وبينها اكبر من كده
لكن انا ممكن استفيد من كلامك فكرة العقااااااب يعنى مثلا مكلمهاش موبايل او مروحش بيتها ازورها ومش عارف هل الطريقة دى تجيب نتيجة ولا لاء
عموما انا بشكرك اخى ودمت بود

توها خطيبتك يعني مو كتب كتاب صح ؟؟؟؟؟ ولا ؟
بما إنه أهلها عارفين وسامحين لها إعذرني مالك دخل ولما تصير فبيتك يصير خير
مارح تخليها تتأخر ورح تسمع كلام زوجها صح ولاأنا غلطانة
كل حاجة بالهداوة ينفع أما تعصيب وزن وغيره مارح يجيب لك إلا وجع راس

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

اختى روح المساء انا كاتب كتابى بس لسة محصلش الزفاف وهو قريب ان شاء الله
يعنى لو اهلها سامحين لها بالسهر والتأخر خارج المنزل مفروض انى معلقش ؟؟؟طب بعد كده هى هتتعود على السهر وتقولى منا كنت بعمل كده وانت عارف كمان هى كانت خارجة مع والدتها واختها لحد الفجر طب بعد كده حقوقى كزوج هتروح فين؟؟؟طب فى الاوضاع الامنية السيئة اللى احنا فيها ازاى هتبئا بعيد عنى لوقت متأخر كده وانا مطمن عليها وازاى هقدر اقوم بعملى بتركيز؟؟؟كمان الفترة دى بنات كتيرة بتتخطف فى الشوارع او وسائل مواصلات والغريب ان ابوها عارف كده وعادى بيكون نايم ولا فى دماغه رجعوا ولا لسة فلازم يبئالى وقفة لأنى مش هبئا زى والدها

عليكم السلام والرحمه،،

مااشوف فيها شي اذا واثق فيها وعارف وين رايحه وجايه ثاني شي والدها راضي وهي متعوده على هالشي من يوم هي في بيتهم صعبه انك تتزوج وحده لتفرض عليها مبادئك طيب فرضا البنت بتروح عند اختها وتسهر عندها لحد الصباحيه تغيير جو انا مااشوف فيها شي انت مكبر الموضوع حبتين ،،

موفق اخي .

__________________
1-5-1433هـ
الحمد لله رزقت بأجمل بنوته ربي يخليه ويصلحه ..

اختى متفائلة: المشكلة ليست ثقتى بها انما هى عدم ثقتى بمن حولها اى فى الناس ومحدش فى الزمن ده يقدر يثق انه يسيب بنت لوحدها بالشارع لوقت متأخر اكيد اكيد انا هخاف عليها وخايف ان بعد ما نتجوز تعمل كده وانا اقلق عليها ومقدرش اركز فى عملى
عادى لو راحت عند اختها فى مكان انا عارفه مش هقلق لكن انا بتكلم على الخروج لفرح مثلا زى اخر مرة انا زعلت منها فيها
انا مش مكبر الامور بدليل ان فى بنات وستات اتخطفوا قريب